TITUS
Biblia Mcxetica
Part No. 501
Previous part

Chapter: 17 
Verse: 1  Link to oskijerLink to sept   მოვისპები მე სულითა მიმოტაცებულითა, ვევედრები დაფლვად და ვერ მივემთხუევი.

Verse: 2  Link to oskijerLink to sept   ვიურვი და დავშრები და რაჲ ვყო, რამეთუ მიმპარეს მონაგები ჩემი უცხოთა.

Verse: 3  Link to oskijerLink to sept   ვინ არს ესე? ჴელი მომეცინ მე!

Verse: 4  Link to oskijerLink to sept   რამეთუ გული მათი დამალეს გონიერებისაგან, ამისთჳს არა აღამაღლნე იგინი?

Verse: 5  Link to oskijerLink to sept   ნაწილი მიუთხრას უკეთურებისა. თუალნი მისნი ძეთა მისთა ზედა დადნეს.

Verse: 6  Link to oskijerLink to sept   დამდევ მე სასიტყუელად თესლებსა შორის და საცინელ მათდა ვიქმენ.

Verse: 7  Link to oskijerLink to sept   დაბრმობილ არიან რისხვისაგან თუალნი ჩემნი, მოცვულ ვარ მე დიდძალად ყოველთა მიერ.

Verse: 8  Link to oskijerLink to sept   უკჳრდინ ჭეშმარიტთა ამათ ზედა და მართალი უსჯულოსა ზედა აღდეგინ!

Verse: 9  Link to oskijerLink to sept   აქუნდინ მორწმუნესა გზაჲ თჳსი და წმიდამან ჴელითა მოიღენ ნუგეშინის-ცემაჲ.

Verse: 10  Link to oskijerLink to sept   არა ეგრე, არამედ ყოველნი ჰჴდებოდეთ და მოვედით, რამეთუ არა ვპოებ თქუენ თანა ჭეშმარიტებასა.

Verse: 11  Link to oskijerLink to sept   დღენი ჩემნი წარჴდეს მყრალობასა შინა და განსთქდა აპკაჲ გულისა ჩემისაჲ.

Verse: 12  Link to oskijerLink to sept   ღამე იგი დღედ დავდევ; ნათელი ახლოს არს პირსა წინაშე ბნელისასა.

Verse: 13  Link to oskijerLink to sept   და-ღა-თუ-ვითმინო, ჯოჯოხეთივე არს სახლ ჩემდა და წყუდიადსა შინა დარეცილ არს სარეცელი ჩემი.

Verse: 14  Link to oskijerLink to sept   სიკუდილსა ვხადე მამად ჩემდა და დედად და დად ჩემდა საძაგელებასა.

Verse: 15  Link to oskijerLink to sept   სადა უკუე არს სასოებაჲ ჩემი? ანუ კეთილი ჩემი ოდესმე ვიხილო?

Verse: 16  Link to oskijerLink to sept   ანუ ჩემ თანა ჯოჯოხეთად შთავიდენ, გინა თუ ერთბამად მიწად დაჰჴდეთ

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.