TITUS
Armenian NT (Zohrab Bible)
Part No. 41
Previous part

Chapter: 13  
(Ժ՜Գ)


Passage: 7-6 
Verse: 1   Link to gnt   Եւ յելանելն նորա ի տաճարէ անտի, ասէ ցնա մի յաշակերտաց նորա. վարդապետ, տես՝ որպիսի են քարինքս, եւ որպիսի շինուածք։

Verse: 2   Link to gnt   Պատասխանի ետ նմա Յիսուս եւ ասէ. տեսանես զայդ ամենայն շինուածս, ամէն ասեմ ձեզ՝ եթէ ոչ թողցի այդր՝ քար ի քարի վերայ որ ոչ քակդեսցի։

Section: 42  
Verse: 3   Link to gnt   Եւ մինչ նստէր նա ի լերինն ձիթենեաց յանդիման տաճարին, հարցանէին ցնա առանձինն՝ պետրոս եւ յակովբոս եւ յովհաննէս եւ անդրէաս։

Verse: 4   Link to gnt   Ասա մեզ՝ երբ լինիցի այդ. եւ զինչ նշան է՝ յորժամ կատարելոց իցէ այդ ամենայն։

Verse: 5   Link to gnt   Պատասխանի ետ Յիսուս, եւ ասէ ցնոսա. զգոյշ կացէք, մի ոք զձեզ խաբեսցէ։

Verse: 6   Link to gnt   Զի բազումք եկեսցեն յանուն իմ, եւ ասիցեն՝ թէ ես եմ Քրիստոսն. եւ զբազումս մոլորեցուսցեն։

Verse: 7   Link to gnt   Այլ յորժամ լսիցէք պատերազմունս, եւ համբաւս պատերազմաց՝ մի խռովիցիք, զի պարտ է լինել. բայց չեւ է կատարած։

Verse: 8   Link to gnt   Զի յարիցէ ազգ՝ յազգի վերայ, եւ թագաւորութիւն ի թագաւորութեան վերայ, եւ եղիցին շարժմունք ի տեղիս տեղիս, սովք եւ սրածութիւնք, եւ խռովութիւնք. այլ՝ այն ամենայն սկիզբն է երկանց։

Verse: 9   Link to gnt   Եւ զձեզ իսկ՝ մատնեսցեն յատեանս, եւ ի ժողովուրդս տանջիցիք, եւ առաջի դատաւորաց եւ թագաւորաց կայցէք վասն իմ, ի վկայութիւն նոցա։

Verse: 10   Link to gnt   Եւ ամենայն հեթանոսաց, բայց բախ՝ պարտ է աւետարանիս քարոզել։

Verse: 11   Link to gnt   Այլ յորժամ տանիցեն զձեզ մատնել, մի յառաջագոյն հոգայցէք, եւ մի զմտաւ ածիցէք՝ թէ զինչ խօսիցիք. այլ որ ինչ տացի ձեզ ի ժամուն յայնմիկ զայն խօսիցիք, զի ոչ դուք էք որ խօսիցիքն՝ այլ հոգին սուրբ։

Verse: 12   Link to gnt   Մատնեսցէ եղբայր զեղբայր ի մահ, եւ հայր՝ զորդի. եւ յարիցեն որդիք ի վերայ հարց՝ եւ սպանանիցեն զնոսա։

Verse: 13   Link to gnt   Եւ եղիջիք ատելեալք յամենեցունք վասն անուան իմոյ։ այլոր համբերեսցէն ի սպառ՝ նա կեցցէ։

Verse: 14   Link to gnt   Եւ յորժամ տեսանիցէք զպղծութիւն աւերածին՝ զի կայցէ ի տեղւոջ՝ ուր չիցէ արժան. որ ընթեռնուն ի միտ առցէ։ Յայնժամ որ ի հրէաստանի իցեն՝ փախիցեն ի լերինս.

Verse: 15   Link to gnt   Եւ որ ի վերայ տանեացն իցէ՝ մի իջցէ ի տուն, եւ մի մտցէ բառնալ ինչ ի տանէ իւրմէ.

Verse: 16   Link to gnt   Եւ որ յագարակին իցէ՝ մի դարձցի յետս առնուլ զձորձս իւր։

Verse: 17   Link to gnt   Բայց վայ իցէ յղեաց եւ ստնտուաց յաւուրսն յայնոսիկ։

Verse: 18   Link to gnt   Յաղօթս կացէք՝ զի մի ձմերանի լիցի այն։

Verse: 19   Link to gnt   Եղիցին աւուրքն այնորիկ նեղութեանց, որպիսի ոչ եղեն երբէք այնպիսիք ի սկզբանէ մինչեւ ցայժմ, եւ մի այլ լիցի։

Verse: 20   Link to gnt   Եւ եթէ ոչ էր կարճեալ Աստուծոյ զաւուրսն զայնոսիկ՝ վասն ընտրելոց իւրոց, ոչ ապրէր ամենայն մարմին. այլ վասն ընդրելոցն զորս ընտրեաց, կարճեաց զաւուրսն զայնոսիկ։

Verse: 21   Link to gnt   Յայնժամ եթէ ոք ասիցէ ձեզ՝ եթէ ահաւասիկ է քրիստոսն՝ կամ աւանիկ, մի հաւատայցէք։

Verse: 22   Link to gnt   Զի յարիցեն սուտ քրիստոսք եւ սուտ մարգարէք, տացեն նշանս եւ արուեստս՝ առ ի մոլորեցուցանելոյ եթէ հնար ինչ իցէ զընտրեալսն.

Verse: 23   Link to gnt   Բայց դուք՝ զգոյշ եղերուք, ահաւասիկ յառաջագոյն ասացի ձեզ զամենայն։

Verse: 24   Link to gnt   Այլ յաւուրսն յայնորիկ յետ նեղութեան այնորիկ՝ արեգակն խաւարեսցի, եւ լուսին՝ ոչ տացէ զլոյս իւր.

Verse: 25   Link to gnt   Եւ աստեղք յերկնից թօթափեսցին, եւ զօրութիւնք յերկինս՝ շարժեսցին։

Verse: 26   Link to gnt   Եւ յայնժամ տեսցեն զորդի մարդոյ եկեալ ամպովք, եւ զօրութեամբ՝ եւ փառօք բազմօք։

Verse: 27   Link to gnt   Եւ յայնժամ առաքեսցէ զհրեշտակս իւր, եւ ժողովեսցէ զընտրեալս իւր ի չորից հողմոց ի ծագաց երկրի մինչեւ ի ծագս երկնից։

Verse: 28   Link to gnt   Բայց դուք ի թզենւոյ անտի ուսջիք զառակն. յորժամ տակաւ ոստքն նորա կակղանայցեն, եւ տերեւ արձակիցի ի նմա, գիտէք թէ մերձ է ամառն.

Verse: 29   Link to gnt   նոյնպէս եւ դուք յորժամ տեսանիցէք զայս ամենայն եղեալ, գիտասջիք՝ թէ մերձ է առ դուրս։

Verse: 30   Link to gnt   Ամէն ասեմ ձեզ, թէ ոչ անցցէ ազգս այս, մինչեւ այս ամենայն եղիցի։

Verse: 31   Link to gnt   Երկինք եւ երկիր անցցեն եւ բանք իմ ոչ անցանիցեն։

Section: 43  
Verse: 32   Link to gnt   Այլ Վասն աւուրն այնորիկ եւ ժամու՝ ոչ ոք գիտէ, ոչ հրեշտակք յերկինս՝ եւ ոչ որդի, բայց միայն հայր։

Verse: 33   Link to gnt   Զգոյշ եղերուք. սկեցէք եւ կացէք յաղօթս. զիոչ գիտէք երբ ժամանակն իցէ։

Verse: 34   Link to gnt   Որպէս այր մի գնացեալ ի տար աշխարհ, թողուցու զտուն իւր, եւ տացէ ծառայից իւրոց իշխանութիւն, եւ իւրաքանչիւր զգործ իւր. եւ դռնապանին պատուէր տայցէ՝ զի արթուն լինիցի։

Verse: 35   Link to gnt   Արդ՝ արթուն կացէք, զի ոչ գիտէք երբ տէր տանն, գայցէ, յերեկորեայ, եթէ ի մէջ գիշերի, եթէ ի հաւախօսի, եթէ ընդ առաւոտս։

Verse: 36   Link to gnt   գուցէ եկեալ յանկարծակի՝ գտանիցէ զձեզ ի քուն։

Verse: 37   Link to gnt   Բայց զոր ձեզդ ասեմ, ամենեցուն ասեմ արթուն կացէք։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.