TITUS
Armenian NT (Zohrab Bible)
Part No. 21
Previous part

Chapter: 21  
(Ի՜Ա)


Section: 45  
Verse: 1   Link to gnt   Իբրեւ մօտ եղեն յերուսաղէմ, եւ եկին ի բեթփադէ մերձ ի լեառն ձիթենեաց. յայնժամ Յիսուս արձակեաց երկուս յաշակերտացն իւրոց։

Verse: 2   Link to gnt   Եւ ասէ ցնոսա. երթայք ի գեղդ՝ որ առաջի ձեր է, եւ անդէն գտանիցէք էշ կապեալ, եւ յաւանակ ընդ նմին, լուծէք՝ ածէք ինձ։

Verse: 3   Link to gnt   Եւ եթէ ոք ասիցէ ինչ ձեզ, ասասջիք, եթէ տեառն իւրեանց պիտոյ են. եւ վաղվաղակի առաքէ զնոսա։

Verse: 4   Link to gnt   Բայց այս ամենայն եղեւ, զի լցցի բան մարգարէին՝ որ ասէ։

Verse: 5   Link to gnt   ասացէռկ դստեր սիովնի. ահա՝ թագաւոր քո գայ քեզ հեզ՝ եւ հեծեալ յէշ եւ ի յաւանակի իշոյ։

Verse: 6   Link to gnt   Գնացին աշակերտքն, եւ արարին որպէս հրամայեացն նոցա Յիսուս,

Verse: 7   Link to gnt   եւ ածին զէշն եւ զյաւանակն, եւ արկին զնոքօք ձորձս, եւ նստաւ ի վերայ նոցա։

Verse: 8   Link to gnt   Եւ բազում ժողովուրդք տարածեցին զհանդերձս իւրեանց ի ճանապարհին, եւ այլք հատանէին ոստս ի ծառոց՝ եւ տարածանէին ի ճանապարհին։

Verse: 9   Link to gnt   Եւ ժողովուրդ՝ որ առաջին եւ զկնի երթային՝ աղաղակէին եւ ասէին. օրհնութիւն որդւոյ դաւթի, օրհնեալ որ գայ յանուն տեառն. օրհնութիւն ի բարձունս։

Verse: 10   Link to gnt   Եւ ի մտանելն նորա յերուսաղէմ՝ դղրդեցաւ քաղաքն ամենայն, եւ ասէ՝ ով իցէ սա։

Verse: 11   Link to gnt   Եւ ժողովուրդքն ասեն. սա է մարգարէն Յիսուս՝ որ ի նազարեթէ գալիլեացւոց։

Verse: 12   Link to gnt   Եւ եմուտ Յիսուս ի տաճարն, եւ եհան արտաքս զամենեսին, որ վաճառէինն եւ գնէին ի տաճարի անդ. եւ զսեղանս հատավաճառացն կործանեաց՝ եւ զաթոռս աղաւնեվաճառացն։

Verse: 13   Link to gnt   Եւ ասէ ցնոսա. գրեալ է՝ տուն իմ տուն աղօթից կոչեսցի. եւ դուք արարէք զդա՝ այրս աւազակաց։

Section: 46  
Verse: 14   Link to gnt   Եւ մատեան առ նա կոյրք եւ կաղք ի տաճարին, եւ բժշկեաց զնոսա։

Verse: 15   Link to gnt   Իբրեւ տեսին քահանայպետքն եւ դպիրք՝ զքանչելիսն զոր արար, եւ զմանկտին որ աղաղակէին ի տաճարին եւ ասէին, օրհնութիւն որդւոյ դաւթի, բարկացան.

Verse: 16   Link to gnt   եւ ասեն ցնա. լսես զինչ ասեն դոքա։ ասէ ցնոսա Յիսուս, այո. չիցէ ընթերցեալ ձեր՝ եթէ ի բերանոյ տղայոց եւ ստընդիեցաց կատարեցեր զօրհնութիւն։

Verse: 17   Link to gnt   Եւ թողեալ զնոսա, ել արտաքոյ քաղաքին ի բեթանիա, եւ անդ ագաւ։

Section: 47  
Passage: 7-2 
Verse: 18   Link to gnt   Եւ այգուցն իբրեւ դարձաւ անդրէն ի քաղաքն՝ քաղցեաւ։

Verse: 19   Link to gnt   եւ տեսեալ թզենի մի ի վերայ ճանապարհին, եկն ի նա, եւ ոչինչ եգիտ ի նմա՝ բայց միայն տերեւ։ Եւ ասէ ցնա. մի այսուհետեւ ի քէն պտուղ եղիցի յաւիտեան։ եւ առ ժամայն չորացաւ թզենին։

Verse: 20   Link to gnt   Իբրեւ տեւսին աշակերտքն՝ զարմացան եւ ասեն, թէ զիարդ վաղվաղակի ցամաքեցաւ թզենին։

Verse: 21   Link to gnt   Պատասխանի ետ Յիսուս եւ ասէ ցնոսա, ամէն ասեմ ձեզ, եթէ ունիցիք հաւատս՝ եւ ոչ երկմտիցէք՝ ոչ միայն զթզենւոյդ առնիցէք, այլ թէպէտ եւ լերինդ ասիցէք՝ բարիր եւ անկիր ի ծով, եղիցի։

Verse: 22   Link to gnt   Եւ ամենայն ինչ զոր եւ խնդրիցէք յաղօթս հաւատովք՝ առնուցուք։

Section: 48  
Verse: 23   Link to gnt   Եւ իբրեւ եկն ի տաճարն, մատեան առ նա՝ մինչդեռ ուսուցանէր, քահանայապետքն եւ ծերք ժողովրդեանն՝ եւ ասեն. որով իշխանութեամբ առնես զայդ. եւ ով ետ քեզ զիշխանութիւնդ զայդ։

Verse: 24   Link to gnt   Պատասխանի ետ Յիսուս եւ ասէ ցնոսա. հարցից եւ ես զձեզ բան մի. զոր թէ ասիցէք ինձ, եւ ես ձեզ ասացից՝ որով իշխանութեամբ առնեմ զայս.

Verse: 25   Link to gnt   Մկրտութիւն յովհաննու ուստի էր՝ յերկնից թէ ի մարդկանէ։ եւ նոքա խորհէին ընդ միմեանս եւ ասէին։

Verse: 26   Link to gnt   Եթէ ասեմք յերկնից, ասէ ցմեզ. իսկ ընդէր ոչ հաւատացէք նմա։ եւ եթէ ասեմք ի մարդկանէ, երկնչիմք ի ժողովրդենէն. զի ամենեքին զյովհաննէս իբրեւ զմարգարէ ունին։

Verse: 27   Link to gnt   Պատասխանի ետուն Յիսուսի եւ ասեն. ոչ գիտեմք։ ասէ ցնոսա եւ նա. եւ ոչ ես ասեմ ձեզ՝ որով իշխանութեամբ առնեմ զայս։

Section: 49  
Verse: 28   Link to gnt   Բայց զիարդ թուի ձեզ. առն միոջ էին երկու որդիք, եւ մատուցեալ առ առաջինն՝ ասէ որդեակ՝ երթ այսօր գործեա յայգւոջ։

Verse: 29   Link to gnt   Նա պատասխանի ետ՝ եւ ասէ. երթամ տէր եւ ոչ չոգաւ։

Verse: 30   Link to gnt   Մատեաւ եւ առն մեւսն, եւ ասէ նոյնպէս։ նա պատասխանի ետ՝ եւ ասէ. ոչ կամիմ, բայց յետոյ զղջացաւ՝ եւ չոգաւ յայգին։

Verse: 31   Link to gnt   Արդ ո յերկոցունց արար զկամս հօրն, ասեն՝ յետինն։ Ասէ ցնոսա Յիսուս. ամէն ասեմ ձեզ, զի մաքսաւորք եւ պոռնիկք՝ յառաջեսցեն քան զձեզ յարքայութիւն երկնից։

Verse: 32   Link to gnt   Զի եկն յովհաննէս ճանապարհաւ արդարութեան՝ եւ ոչ հաւատացէք նմա. եւ մաքսաւորք եւ պոռնիկք հաւատացին նմա։ եւ դուք տեսէք՝ եւ ոչ զղջացարուք յետոյ հաւատալ նմա։

Section: 50  
Passage: 7-3 
Verse: 33   Link to gnt   Այլ առակ լուարուք. այր մի էր տանուտէր՝ որ տնկեաց այգի, եւ ցանգով պատեաց զնա, եւ փորեաց ի նմա հնձան, եւ շինեաց աշտարակ. եւ ետ զնա ցմշակս, եւ գնաց ի տար աշխարհ։

Verse: 34   Link to gnt   Իբրեւ մերձեցան ժամանակ պտղոյ, առաքեաց զծառայս իւր առ մշակսն առնուլ զպտուղս նորա,

Verse: 35   Link to gnt   Եւ եկեալ մշակացն զծառայս նորա, զոմն տանջեցին, զոմն սպանին, զոմն քարկոծեցին։

Verse: 36   Link to gnt   Դարձեալ առաքեաց այլ ծառայս բազումս քան զառաջինսն, եւ արարին նոցա՝ նոյնպէս։

Verse: 37   Link to gnt   Յետոյ առաքեաց առ նոսա զորդի իւր, եւ ասէ, թերեւս ամաչեսցեն յորդւոյ աստի իմմէ։

Verse: 38   Link to gnt   Իսկ մշակքն իբրեւ տեսին զորդին, ասեն ընդ միտս. սա է ժառանգն եկայք սպանեցուք զսա, եւ կալցուք զժառանքութիւն սորա·

Verse: 39   Link to gnt   Եւ առեալ հանին զնա արտաքոյ քան զայգին, եւ սպանին։

Verse: 40   Link to gnt   Արդ՝ յորժամ եկեսցէ տէր այգւոյն, զինչ արասցէ մշակացն այնոցիկ։

Verse: 41   Link to gnt   Ասեն ցնա. զչարսն չարաւ կորուսցէ. եւ զայգին տացէ այլոց մշակաց, որք տայցեն նմա զպտողս ի ժամու իւրեանց։

Verse: 42   Link to gnt   Ասէ ցնոսա Յիսուս չիցէ երբէք ընթերցեալ ձեր՝ ի գիրս. զվէմն՝ զոր անարգեցին շինօղքն, նա եղեւ գլուխ անկեան. ի տեառնէ եղեւ այս, եւ է սքանչելի յաչս մեր։

Verse: 43   Link to gnt   Վասն այսորիկ ասեմ ձեզ, զի բարձցի ի ձէնջ արքայութիւն Աստուծոյ, եւ տացի ազգի որ առնիցէ զպտուղս նորա։

Verse: 44   Link to gnt   Եւ որ անկցի ի վերայ վիմիս այսորիկ՝ փշրեսցի, եւ յայր վերայ անկցի՝ հոսեսցէ զնա։

Verse: 45   Link to gnt   Իբրեւ լուան քահանայպետքն եւ դպիրք եւ փարիսեցիք զառակս նորա, գիտացին թէ վասն նոցա ասաց։

Verse: 46   Link to gnt   Եւ խնդրէին զնա ունել, բայց երկեան ի ժողովրդոցն. քանզի իբրեւ զմարգարէ ունէին զնա։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.