TITUS
Armenian NT (Zohrab Bible)
Part No. 15
Previous part

Chapter: 15  
(Ժ՜Ե)


Section: 28  
Verse: 1   Link to gnt   Յայնժամ մատեան առ Յիսուս՝ որ յերուսաղէմէ փարիսեցիքն եւ դպիրք՝ եւ ասեն։

Verse: 2   Link to gnt   Ընդէր աշակերտքն քո անցանեն զաւանդութեամբ ծերոցն. զի ոչ լուանան զձեռս յորժամ հաց ուտեն։

Verse: 3   Link to gnt   Նա պատասխանի ետ՝ եւ ասէ ցնոսա. իսկ դուք՝ ընդէր անցանէք զպատուիրանաւն Աստուծոյ՝ վասն ձերոյ աւանդութեանն։

Verse: 4   Link to gnt   Զի Աստուած ասաց. պատուեա զհայր քո եւ զմայր։

Verse: 5   Link to gnt   Եւ որ բամբասէ զհայր կամ զմայր՝ մահու վախճանեսցի։

Verse: 6   Link to gnt   Եւ դուք ասէք. որ ասիցէ ցհայր իւր կամ ցմայր իւր. թէ պատարագ է՝ զոր յինէն օգտիցիս, եւ ոչ պատուիցէ զհայր իւր եւ զմայր իւր. եւ խոտէք զբանն Աստուծոյ վասն ձերոյ աւանդութեանն։

Verse: 7   Link to gnt   Կեղծաւորք՝ բարւոք մարգարէացաւ ի վերայ ձեր եսայի՝ եւ ասէ։

Verse: 8   Link to gnt   ժողովուրդս այս շրթամբք պատուէ զիս, եւ սիրտք իւրեանց հեռացեալ մեկուսի է յինէն։

Verse: 9   Link to gnt   զուր պաշտեն զիս. ուսուցանեն վարդապետութիւնս՝ զմարդկան պատուիրեալս։

Verse: 10   Link to gnt   Եւ կոչեցեալ առ ինքն զժողովուրդսն՝ ասէ ցնոսա. լուարուք եւ ի միտ առէք։

Verse: 11   Link to gnt   Ոչ որ ինչ մտանէ ընդ բերանոյ՝ այն պղծէ զմարդ, այլ որ ինչ ելանէ ի բերանոյ՝ այն պղծէ զմարդ։

Verse: 12   Link to gnt   Յայնժամ մատուցեալ աշակերտացն նորա՝ ասեն ցնա. գիտես զի փարիսեցիքն իբրեւ լուան զբանն՝ գայթագղեցին։

Verse: 13   Link to gnt   Նա պատասխանի ետ նոցա՝ եւ ասէ. ամենայն տունկ՝ զոր ոչ տնկեաց հայր իմ երկնաւոր, խլեսցի։

Verse: 14   Link to gnt   Թոյլ տուք զնոսա. կոյրք են՝ կուրաց առաջնորդք։ կոյր կուրի յորժամ առաջնորդէ՝ սխալԷ, եւ երկոքին ի խորխորատ անկանին։

Verse: 15   Link to gnt   Պատասխանի ետ նմա պետրոս եւ ասէ. մեկնեա մեզ զառակս զայս։

Verse: 16   Link to gnt   Ասէ Յիսուս. տակաւին՝ եւ դուք անմիտք էք,

Verse: 17   Link to gnt   եւ ոչ իմանաք. եթէ ամենայն որ մտանէ ի բերան, յորովայն երթայ՝ եւ արտաքս ելանէ։

Verse: 18   Link to gnt   իսկ որ ելանէ ի բերանոյ՝ ի սրտէ անտի գայ այն պղծէ զմարդ։

Verse: 19   Link to gnt   ի սրտէ ելանեն խորհուրդք չարք, սպանութիւնք, շնութիւնք, պոռնկութիւնք, գողութիւնք, սուտ վկայութիւնք, հայհոյութիւնք։

Verse: 20   Link to gnt   այս ամենայն է՝ որ պղծէ զմարդ, այլ անլուայ ձեռօք ուտել ոչ պղծէ զմարդ։

Passage: 5-6 
Verse: 21   Link to gnt   Եւ ելեալ անտի Յիսուսի գնաց ի կողմանս տիւրոսի եւ սիդովնի։

Section: 29  
Verse: 22   Link to gnt   Եւ ահա կին մի քանանացի ի սահմանաց անտի նոցա ելեալ, աղաղակէր եւ ասէր. ողորմեաց ինձ տէր որդի դաւթի, դուստր իմ՝ չարաչար այսահարի։

Verse: 23   Link to gnt   Եւ նա ոչ ետ նմա պատասխանի։ Եւ մատուցեալ աշակերտքն նորա՝ աղաչէին զնա եւ ասէին. արձակեա զնա զի աղաղակէ զհետ մեր։

Verse: 24   Link to gnt   Նա պատասխանի ետ եւ ասէ. ոչ ուրեք առաքեցայ՝ եթէ ոչ առ ոչխարս կորուսեալս տանն իսրայելի։

Verse: 25   Link to gnt   Եւ նա մատուցեալ, երկիր պագանէր նմա եւ ասէր, տէր օգնեա ինձ։

Verse: 26   Link to gnt   Պատսխանի ետ նմա եւ ասէ. ոչ է բարւոք առնուլ զհաց մանկանց՝ եւ արկանել շանց։

Verse: 27   Link to gnt   Եւ նա ասէ. այո տէր, քանզի շունք կերակրին ի փշրանաց անկելոց ի սեղանոյ տեառն իւրանց։

Verse: 28   Link to gnt   Յայնժամ պատասխանի ետ նմա Յիսուս, եւ ասէ. ով կին դու՝ մեծ են հաւատք քո, եղիցի քեզ՝ որպէս եւ կամիս։ Եւ բժշկեցաւ դուստր նորա ի նմին չամու։

Section: 30  
Passage: 5-7 
Verse: 29   Link to gnt   Եւ գնացեալ անտի Յիսուսի, եկն ի ծովեզրն գալիլեացւոց։ եւ ելեալ ի լեառն նստէր անդ։

Verse: 30   Link to gnt   Մատեան առ նա ժողովուրդք բազումք, որ ունէին ընդ իւրեանս՝ կաղս, կոյրս, համերս, միակողմանիս, եւ այլ բազումս. եւ ընկեցին զնոսա առ ոտն նորա՝ եւ բժշկեաց զնոսա։

Verse: 31   Link to gnt   Մինչեւ զարմանալ ժողովրդոցն՝ որ տեսանէին, զի համերքն խօսէին, կաղք գնային, միակողմանիք բժշկէին, կոյրք տեսանէին, եւ փառաւոր առնէին զԱստուած իսրայէլի։

Section: 31  
Verse: 32   Link to gnt   Եւ կոչեցեալ առ ինքն Յիսուսի զաշակերտսն՝ ասէ. գթամ ի ժողովուրդդ,, զի արդ՝ երեք աւուրք են՝ զի կան առ իս, եւ ոչ ունին զինչ ուտիցեն. եւ արձակել զդոսա նօթիս՝ չկամիմ, գուցէ նքթիցեն զճանապարհայն։

Verse: 33   Link to gnt   Ասեն ցնա աշակերտքն. իսկ արդ՝ մեզ յանապատի աստ՝ ուստի ինչէ այնչափ հաց՝ մինչ յագեցուցանել զայսչափ ժողովուրդ։

Verse: 34   Link to gnt   եւ ասէ ցնոսա Յիսուս. քանի նկանա ունիք։ եւ նոքա ասեն. եւթն, եւ սակաւ ձկունս։

Verse: 35   Link to gnt   Եւ հրամայեաց ժողովրդեանն բազմել ի վերայ գետնոյ։

Verse: 36   Link to gnt   Եւ առեալ զեւթն նկանակն եւ զձկունսն՝ գոհացաւ եւ եբեկ, եւ ետ ցաշակերտսն եւ նոքա ժողովրդեանն։

Verse: 37   Link to gnt   Կերան ամենեքեան եւ յագեցան. եւ բարձին զնշխարս կոտորոց՝ եւթն զամբիղ լի։

Verse: 38   Link to gnt   Եւ որք կերանն էին իբրեւ արք չորք հազարք. թող զկանայս եւ զմանկտի։

Verse: 39   Link to gnt   Իբրեւ արձակեաց զժողովուրդսն՝ ել ի նաւ՝ եւ եկն ի սահմանս մագդաղեայ։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.