Ա(ստուա)ծ եկաց ՛ի ժողովս աստուածոց, եւ ՛ի միջի ն(ո)ց(ա) դատէր զն(ո)ս(ա)։
Մինչեւ յե՞րբ դատիք անիրաւութ(եամ)բ, եւ ակն առնուք մեղաւորաց։
Դա́տ արարէք սրբոյն եւ այրւոյ. իրաւո́ւնս արարէք տնանկին եւ խոնարհի։
Ապրեցուցէ́ք զաղքատն եւ զտնանկ, ՛ի ձեռաց մեղաւորի փրկեցէ́ք զն(ո)ս(ա)։
Ո́չ իմացան եւ ո́չ ՛ի միտ առին, ՛ի խաւարի գնացին, եւ շարժեցան ա(մենայ)ն հիմունք երկրի։
Ես ասացի թէ աստուածք իցէք, կամ որդիք բարձրելոյ ամենեքեան։
Դուք աւադիկ ո(ր)պ(էս) մարդիկ մեռանիք, եւ ո(ր)պ(էս) զմի յիշխանաց անկանիք։
Արի́ ա(ստուա)ծ եւ դատեա́ զերկիր, զի դո́ւ ժառանգեսցես զա(մենայ)ն հեթանոսս։ Տունք. ը՜։ Գոբղայս. ծ՜զ։
