TITUS
Movses Kalankatowaci, Patmowtiwn Alowanic Asxarhi
Part No. 101
Previous part

Chapter: 19  
Page: 370  
Line: 3 
ԳԼՈՒԽ Ժ՜Թ.

Line: 4  ՛Ի գրենոյն Ստեփաննոսի Սիւնեաց եպիսկոպոսի գտաւ
Line: 5  այս պատմութիւն սակս աւերման Ղիոն** քաղաքի,
Line: 6  եւ շինելն Հռովմայ։


Line: 7       ՛Ի ժամանակս Ապդանի դատաւորի առ Ողիոն
Line: 8    այսպէս. Քաղաքն Աքայեցւոց երկրին էր
Line: 9    հուպ յաշխարհն Պողոպանիս յարեւմուտս Մակեդոնացւոց
Line: 10    յերկրին Եւրոպիոյ։ Ընդ այն ժամանակս
Line: 11    ոչ գոյր թագաւոր Յունաց, այլ միայն իշխանք
Line: 12    տիրէին բոլոր աշխարհին։ Եւ Ղիոն էր քաղաք
Line: 13    մեծ, որ ոչ գոյր համեմատ նմա ՛ի վերայ երկրի։
Line: 14    Յաւուրսն յայնոսիկ ոմն երիտասարդ յիշխանաց
Line: 15    քաղաքին գայ ՛ի Թեսաղոնիկէ, որ է յարեւելս
Line: 16    Մակեդոնի՝ ՛ի պատճառս ինչ զբօսանաց եւ
Line: 17    ընկալեալ եղեւ ՛ի մեծամեծաց քաղաքին. եւ տըռփեալ
Line: 18    ՛ի դուստր առն միոյ մեծի՝ պատրեալ ածէ
Line: 19    զնա ՛ի Ղիոն քաղաք. զոր ծնողացն խնդրեալ
Line: 20    իմացան, եթէ յերիտասարդէն եղեւ յափշտակեալ՝
Line: 21    գրեն թուղթ առ Ղիոնացիսն եւ առնուն պատասխանի
Line: 22    խիստ։ Եւ նորա ընթերցեալ յականջս ժողովրդեան
Line: 23    իւրոյ՝ ՛ի նախանձ բրդին ամենեքեան.
Page: 371   Line: 1    կոչեն յօգնականութիւն զշրջակայսն ամենայն.
Line: 2    եւ ժողովեալ անթիւ զօրս՝ պատերազմին ընդ
Line: 3    Ղիոնի ամս տասն եւ հինգ՝ ապականելով զամենայն
Line: 4    երկիրն։ Եւ ապա այլ խորհուրդ մտաբերեալ՝
Line: 5    յղեն առ քաղաքացիսն բանս հաւանականս
Line: 6    ասելով, եթէ մեծ են աստուածքն Ղիոնի
Line: 7    եւ վասն այնորիկ տկարացաւ զօրութիւնս մեր.
Line: 8    խաղաղութիւն արասցուք յայսմհետէ եւ սէր դիցուք
Line: 9    ընդ միմեանս, եւ զաստուածսդ Ղիոնի ընծայիւք
Line: 10    պատուեսցուք։ Եւ նոցա այսմ բանի
Line: 11    հաւանեալ՝ կազմեն սոքա երիվարս փայտեայս
Line: 12    թուով երկու հազար փոր գործած. եւ մուծանեն
Line: 13    ՛ի ներքս արս պատերազմողս թուով իբրեւ քառասուն
Line: 14    հազար. եւ զերիվարսն պատեալ ոսկւով
Line: 15    եւ արծաթով՝ դնէին ՛ի վերայ սայլից եւ տանէին
Line: 16    ՛ի դուռն քաղաքին զկորստական պարգեւսն. եւ
Line: 17    քարոզն աղաղակէր, "Այս են ընծայք աստուածոցդ
Line: 18    Ղիոնի"։ Եւ զի բազում կանգուն էր չափ
Line: 19    բարձրութեան երիվարացն, զորս ոչ կարէին մուծանել
Line: 20    ընդ դուռն քաղաքին՝ քակէին մասն ինչ
Line: 21    ՛ի պարսպէն. եւ ՛ի ժամադրութեանն ելանելոյ արտաքս,
Line: 22    զոր արարեալ ունէին, ընդ խրամն զոր հատին,
Line: 23    մտանէ բազմութիւն զօրացն. եւ մատնի քաղաքն
Line: 24    ՛ի բերան սրոյ՝ ծերք եւ տղայք։ Եւ զկանայս
Line: 25    նոցա գերեալ՝ մտանեն ՛ի նաւս դառնալ յերկիր
Line: 26    ասիական. բայց հողմ ուժգին յարեւմտից եկեալ՝
Line: 27    վարէ զնաւսն՝ մղոնս երկու հազար եւ հինգ հարիւր
Page: 372   Line: 1    եւ ընկենու արտաքս յերկիր օտարական,
Line: 2    որ կոչի Իտալիա։ Անտի կամէին միւսանգամ
Line: 3    նաւել յերկիր իւրեանց. իսկ գերեալ կանայքն
Line: 4    ՛ի մէջ գիշերին հրով տոչորէին զնաւսն՝ մինչեւ
Line: 5    ոչ մնալ եւ ոչ մի́, զի մի́ երթիցեն ՛ի ստըրկութիւն։
Line: 6    Եւ տեսեալ արանց զեղեալսն, յոչ
Line: 7    կամաց դադարեալ յաշխարհին՝ ամուսնացան
Line: 8    ընդ գերեալ կանայսն։ Եւ յետ բազում ժամանակաց
Line: 9    զմի ոմն ՛ի միջոյ ժողովրդեան առաջնորդ
Line: 10    ինքեանց կացուցանեն՝ Հռոմելոս անուն,
Line: 11    որ հեռագոյն ՛ի ծովէն մղոնս քսան եւ հինգ շինէ
Line: 12    քաղաք յիւր անուն Հռովմ. սոքա են ազգ Հռովմայեցւոց։
Line: 13    Բայց այս յետ չորեք հարիւր քառասուն
Line: 14    եւ մի ամաց եղեւ, յետ առնլոյն զՂիոն։ Եւ
Line: 15    յորժամ եղեւ քառասուն եւ չորս ամ, նստաւ թագաւոր
Line: 16    ՛ի Հռովմ Փիլիպպոս։ Եւ երբ հազար ամ
Line: 17    էր Հռովմայ շինելոյն՝ անտի փոխեաց զթագաւորութիւնն
Line: 18    ՛ի Բիւզանդիա Կոստանդիանոս, որ
Line: 19    այժմ կոչի Կոստանդնուպօլիս։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.