TITUS
Movses Kalankatowaci, Patmowtiwn Alowanic Asxarhi
Part No. 99
Previous part

Chapter: 17  
Page: 366  
Line: 5 
ԳԼՈՒԽ Ժ՜Է.

Line: 6  Յաղագս գալստեան երկրորդ Մահմետայ ՛ի Հայս, զորս
Line: 7  եւ հնազանդեցուցանել. եւ անտի ընդ Աղուանս աճապարել,
Line: 8  մտանել ընդ դուռն Չողայ. եւ անդ լսել զապստամբիլն
Line: 9  Հայոց. առ որս դառնալ անտի. եւ գալ զՍեւան
Line: 10  ծովապատ կղզին առնուլ, եւ զզօրս Հայոց եւ Հոռոմոց
Line: 11  կոտորել. եւ զոմանս յիշխանաց տանիլ ընդ ինքեան
Line: 12  ՛ի Նախիջեւան այրել, եւ անտի գնալ յԱսորիս, յորում
Line: 13  չարաչար մահուամբ սատակիլ եւ այլ զրոյցք
Line: 14  պիտանիք։


Line: 15       ՛Ի հարիւր քառասուն եւ հինգ թուականութեանն
Line: 16    Հացոց (ամ Տեառն 696) եկն Մահմէտն
Line: 17    երկրորդ ՛ի Հայք. եւ աճապարեալ ընդ աշխարհն
Line: 18    Աղուանից՝ մտանէ ՛ի Չողայ։ Իսկ ապստամբեալ
Line: 19    Հայոց՝ արգելին զՏաճիկս ՛ի Դուին, եւ զվաթսուն
Line: 20    եւ երկու հազարս ՛ի Տաճկաց սպանին՝ ածեալ զօր
Line: 21    բազում ՛ի Հոռոմոց։ (Եւ ՛ի նմին ամին եղեւ զրաւ
Line: 22    զարմից Սրբոյն Գրիգորի)։ Եւ դարձաւ Մահմէտն ՛ի
Line: 23    Չորայու, գայ պաշարէ զՍեւան ծովապատն բերդ
Line: 24    կղզի ամս երեք. եւ ապա առեալ զայն ՛ի սուր սուսերի
Line: 25    արկանէ, զորս գտանէ ՛ի նմա. եւ անտի անցեալ
Line: 26    ՛ի Հայս՝ հար զհոռոմ սպայն. եւ զհայն. եւ
Page: 367   Line: 1    զորս ոչ կարաց ըմբռնել՝ դարան գործեալ մեծապէս
Line: 2    երդմամբ, դաւով եւ խաբէութեամբ առ
Line: 3    ինքն ժողովեաց զամենայն գլխաւորս Հայոց, եւ
Line: 4    տարեալ ՛ի Նախիջեվան քաղաք՝ ութ հարիւր այր
Line: 5    յեկեղեցիսն արկեալ կենդանւոյն այրեաց, եւ չորս
Line: 6    հարիւր այր ՛ի Խրամ նոյնպէս այրեաց եւ զսինլիքորս
Line: 7    նոցա սրահար սատակեաց։ Եւ այսորիկ
Line: 8    պատճառ կորստեան՝ եղեւ ՛ի նոսա. զի առ հասարակ
Line: 9    շնչեալ ՛ի նոսա հոգի մոլորութեան՝ արհամարհանօք
Line: 10    այպն առնէին զհայրապետս, զքահանայս
Line: 11    եւ զկրօնաւորս, ձանձրացուցանէին եւ նեղէին
Line: 12    զնոսա։ Եւ թէպէտ կրեցին Հայաստանեայք
Line: 13    զհարուածն զայն, այլ ՛ի հասանել Մահմետի յԱսորիս,
Line: 14    դժնդակ ախտ մահու զնա պաշարեալ եւ
Line: 15    զեօթն ամիս յոգեհանս կացեալ՝ հազիւ ուրեմն
Line: 16    թքէր զոգին եւ սատակէր. երիցս թաղեալ վերընկէց
Line: 17    լինէր եւ երկիր ոչ ընդունէր զնորա մարմին։
Line: 18    Ապա կալեալ շուն մի շամփրեցին ընդ Մահմէտն
Line: 19    եւ այնպէս ծածկեաց երկիր զչարն զայն։

Line: 20       Յետ այսորիկ զՇերոյ Աղուանից իշխանն
Line: 21    ազատօքն հանդերձ տարան ՛ի Տարօն եւ անտի
Line: 22    յԱսորիս. եւ հայ թիւն լինէր հարիւր յիսուն եւ երեք
Line: 23    (ամ տեառն 704)։ Եւ ՛ի միւսում ամի զՇիրակայ
Line: 24    տէրն տարան յԱսորիս։ Եւ յետ երկուց ամաց
Line: 25    էանց Մրուան Տաճկաց իշխանն ՛ի Գիլան եւ ոչ
Line: 26    կարաց մտանել։ Եւ ել Խազրաց տէրն ութսուն
Line: 27    հազար արամբք եւ էառ զԱղուանս. եւ էր թիւն
Page: 368   Line: 1    Հայոց հարիւր յիսուն եւ ութ։ Եւ զկնի հնգից ամաց
Line: 2    եկն Մսլիման, աւարեաց զԴաբրանդ եւ եմուտ
Line: 3    ՛ի Խազիրս. բայց ոչ ուստեք զօրացեալ՝ ելանէր.
Line: 4    ապա թողու զբանակն կազմ ամենայն ընչիւք,
Line: 5    եւ զհարճս անգամ վերջապահս իւր առնէ։ Եւ
Line: 6    զԵռանշահիկն զՎաչական պատրիկեան Աղուանից
Line: 7    իշխանն՝ զքաջ կորովին եւ զաջողակ աղեղնաւորն
Line: 8    հանդերձ զօրօք նորա՝ յետոյ իւր արարեալ, յորմէ
Line: 9    զկնի եկեալ Խազիրքն պարտեցան ՛ի փախուստ
Line: 10    դարձեալք։ Այսպէս զերծեալ Մսլիման՝ ելանէր
Line: 11    ընդ Վրաց կողմն։ Իսկ ՛ի հարիւր եօթանասուն եւ
Line: 12    չորս թուականութեանն Հայոց (ամ տեառն 725),
Line: 13    յամառն մահ անասնոց եղեւ, եւ ՛ի ձմերան՝ աշխարհագիրն
Line: 14    հերթի, որ էարկ զմարդ եւ զանասուն
Line: 15    եւ զսահմանս երկրի ընդ հարկաւ անթիւ ծառայութեան։
Line: 16    ՛Ի սմին ժամանկի զՋուանշիր
Line: 17    իշխան Աղուանից սպանին Մմեթեդուքն։ Եւ ՛ի
Line: 18    նոյն ամի մեռաւ Սմբատ Հայոց իշխանն, եւ եղեւ
Line: 19    տարին սով խիստ. որ էր թիւն Հայոց հարիւր
Line: 20    եօթանասուն եւ հինգ։ Եւ երից ամաց այլ անցելոց՝
Line: 21    Ջառահ երկրորդ անգամ մտանէ ընդ Ափխազս
Line: 22    ՛ի Խազիրս։ Եւ ՛ի միւսում ամի ել Խազրաց
Line: 23    տեառն որդին եւ սպան զՋառահ, եւ ձերբակալ
Line: 24    արար զՁագիկ։ Եւ ՛ի հարիւր ութսուն թուականին
Line: 25    Հայոց դարձեալ Մսլիման շինէ զԴարբանդ
Line: 26    յանուն Տաճկաց. այլ զկաթուղիկոսարանն
Line: 27    Աղուանից ոչ աւերէ, որ դեռեւս կայ ՛ի նմա։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.