TITUS
Movses Kalankatowaci, Patmowtiwn Alowanic Asxarhi
Part No. 98
Previous part

Chapter: 16  
Page: 364  
Line: 6 
ԳԼՈՒԽ Ժ՜Զ.

Line: 7  Յաղագս Ստեփաննոսի Սիւնեաց եպիսկոպոսի երթալն
Line: 8  ՛ի Հռոմս եւ բերել զգրեանս, որ յարեւելս ոչ գոյին, եւ
Line: 9  վախճան նորին եւ պատիժք, որ հասին յԱստուծոյ։


Line: 10       Յայսոսիկ ժամանակս Ստեփաննոս Սիւնեցի
Line: 11    տիովք դեռ եւս մանուկ գոլով՝ կիրթ եւ յարավարժ
Line: 12    ՛ի կոխումն գրոց եղեալ, հանդիպի նմա
Line: 13    հակաճառել ընդ Սմբատայ ասպետի Հայոց երկաբնակի.
Line: 14    եւ թողեալ զնա յանհաւանութեան՝
Line: 15    գնայ ՛ի Հռոմս. գտանէ անդ միայնակեաց զոմն
Line: 16    ուղղափառ, եւ առ նմա դադարեալ կայ յուսման։
Line: 17    Իսկ երկաբնակն այն Սմբատ գրէ առ թագաւորն
Line: 18    Հոռոմոց, եթէ Ստեփաննոս հերձուածող եկեալ
Line: 19    աստի՝ բնակի առ այս անուն միայնակեցի. եւ
Line: 20    յոյժ ցասուցեալ թագաւորն՝ խնդրէ զնա ՛ի դուռն,
Line: 21    եւ տայ նմա խրատ միայնակեացն ասել զինքենէ
Line: 22    անբնակ ազգաւ մուրացիկ՝ առաջի կայսերն. եւ
Line: 23    լուեալ զայն՝ զիջաւ ցասումն բարկութեան բըռնաւորին։
Line: 24    Յայնժամ գտեալ համարձակութիւն
Page: 365   Line: 1    Ստեփաննոսի՝ ասէ ցկայսրն. "խնդիր է իմ ՛ի
Line: 2    քէն, զի բացցին արկեղք գրոցն", եւ գտեալ անդ
Line: 3    ոսկետիպ մատեան մի սակս հաւատոյ՝ մատոյց
Line: 4    առաջի նորա։ Եւ ընթերցեալ զայն կայսեր, առաքէ
Line: 5    զՍտեփաննոս ՛ի Հռովմ քաղաք բերել անտի
Line: 6    երիս գիրս համաբարբառս այնմ գրոց սակս ճշմարիտ
Line: 7    հաւատոց, զի զաշխարհս յայնմ ՛ի գրենւոյն
Line: 8    ՛ի կրօնս դարձուցից։ Իսկ նորա զգրեանսն
Line: 9    ՛ի Հռովմոյ առեալ եւ անփոյթ զհրաման ինքնակալին
Line: 10    արարեալ՝ դիմէ ՛ի Դուին քաղաք, վասն
Line: 11    զի կամ էր նորա զաշխարհն յայնմանէ ուսուցանել։
Line: 12    Եւ ՛ի Բաբգենէ եւ ՛ի Քուրդոյէ խնդրոյ
Line: 13    լինի ձեռնադրեալ յեպիսկոպոսութիւն Սիւնեաց։
Line: 14    Եւ մի ամ կալեալ զեպիսկոպոսութիւնն՝ սպանեալ
Line: 15    լինի ՛ի Մոզն գաւառի։ Ասեն, թէ ՛ի պիղծ
Line: 16    կանանց եղեւ մահ նորա. զորոյ զմարմինն առեալ
Line: 17    բերին ՛ի յարկազեան սենեակն եւ անտի փոխեցին
Line: 18    ՛ի Թանատաց վասն ՛ի հանգիստ։

Line: 19       Եւ ՛ի բերել զգրեանն երանելւոյն Ստեփաննոսի
Line: 20    ՛ի Հռովմայ՝ յերրեակ դասու եպիսկոպոսութեանն
Line: 21    Հայոց կարգեցաւ եպիսկոպոսութիւնն
Line: 22    Սիւնեաց։ Իսկ միայնակեաց ոմն՝ Նոյ անուն,
Line: 23    տեսանէր ՛ի տեսլեան, թէ Ստեփաննոս զգոգն
Line: 24    արեամբ լի ունէր առաջի Փրկչին եւ ասէր. "տես
Line: 25    Տէր զայս, զի քո են դատաստանք արդար"։ Եւ
Line: 26    ազդեալ ՛ի գաւառն զգալ բարկութեանն՝ բողոքէ
Line: 27    կալ յաղօթս. եւ ՛ի վերուստ խաւար անտեսանելի
Page: 366   Line: 1    կալաւ զՄոզանն սահման, եւ զաւուրս քառասուն
Line: 2    շարժեցաւ վայրն եւ խորասոյզ եղեալ ընկղմեցան
Line: 3    կենդանւոյն հոգիք իբրեւ տասն հազար։ Վասն
Line: 4    այնորիկ Վայոյ ձոր անուանեցաւ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.