TITUS
Movses Kalankatowaci, Patmowtiwn Alowanic Asxarhi
Part No. 77
Previous part

Chapter: 47  
Page: 306  
Line: 1 
ԳԼՈՒԽ Խ՜Է.

Line: 2  Խորհրդազգածութիւն թէ որո՞վ ժամանակաւ անիծաւ
Line: 3  ժողովն Քաղկեդոնի եւ Աղուանից անխառն մնալ ՛ի նմանէ.
Line: 4  կամ բաժանումն Վրաց եւ Հայոց. եւ զի́նչ Աբրահամու
Line: 5  կաթուղիկոսի վասն Աղուանից։


Line: 6       Քառասներորդ երրորդ ամ էր թուականին
Line: 7    Հոռոմոց, յորժամ լուսաւորեցան Հայք ՛ի հաւատս.
Line: 8    եւ Աղուանից լուսաւորութիւնն երկու հարիւր
Line: 9    եւ եօթանասուն ամ յառաջ էր. իսկ յետ
Line: 10    հարիւր եւ ութսուն ամ լցելոյ հաւատալոյն Հայոց՝
Line: 11    յաղագս ժողովոյն Քաղկեդոնի եղեւ հանդէս
Line: 12    ժողովոց ՛ի ժամանակս Բաբկենի Հայոց կաթուղիկոսի։
Line: 13    Յոյնք եւ ամենայն Իտալիա, Հայք եւ Աղուանք
Line: 14    եւ Վիրք միաբանեալ նզովեցին զժողովն
Line: 15    Քաղկեդոնի եւ զտումարն Լեւոնի հրամանաւ բարեպաշտ
Line: 16    թագաւորացն Հոռոմոց՝ Զենոնի եւ Անաստասայ։
Line: 17    Եւ յետ ութսուն եւ եօթն ամաց անցելոց
Line: 18    ՛ի ժամանակս Աբրահամու Հայոց կաթուղիկոսի
Line: 19    բաժանեցան Վիրք ՛ի Հայոց միաբանութենէ
Line: 20    ՛ի ձեռն Կիւրիոնի, այլ եւ Յոյնք եւ Իտալիա
Line: 21    ընդ նոսա։ Իսկ Աղուանք ոչ քակտեցան յուղղափառութենէ
Line: 22    եւ ՛ի միաբանութենէ Հայոց. որոց
Line: 23    շրջաբերական թղթով վասն Կիւրիոնի դիմադարձութեանն
Line: 24    Աբրահամ՝ եւ յաղագս ամենեւին ՛ի բաց
Line: 25    կտրելոյն զնա սրով Հոգւոյն, ազդէ նախ յԱղուանս,
Page: 307   Line: 1    տայ գիտութիւն եւ գրէ այսպէս ՛ի թղթին, "Եթէ
Line: 2    յառաջագոյն քան զՀայոց աթոռակալութիւնն կացեալ
Line: 3    աթոռակալութեանն Աղուանից, եւ ընդ մեզ
Line: 4    համաձայն գոլով, նոցա կամակցութեամբ նզովեցաք
Line: 5    եւ ընկեցաք զԿիւրիոն ըստ հրամանի հարցն՝
Line: 6    մեք եւ Աղուանք. եւ զնոյնն ՛ի վերայ Վրաց հրամայեցաք՝
Line: 7    ամենեւին մի́ հաղորդիլ ընդ նոսա՝ մի́
Line: 8    յաղօթս, մի́ ՛ի կերակուրս, մի́ յըմպելիս, մի́ ՛ի
Line: 9    բարեկամութիւնս, մի́ դայեկութիւնս, մի́ յաղօթս
Line: 10    երթալ ՛ի խաչն, որ Մցխիթայի տեղեօքն
Line: 11    համբաւի, մի́ ՛ի Մանգլեաց խաչն, մի́ ՛ի մեր
Line: 12    եկեղեցիս զնոսա ընդունել. այլ եւ ամուսնութեամբ
Line: 13    ամենեւին հեռանալ, միայն գնել ինչ, կամ գնոց
Line: 14    տալ՝ որպէս Հրէից· Արդ որ ոք անխտրաբար
Line: 15    հաղորդեսցի՝ կամակից լինելով անհաւատութեան
Line: 16    նոցա, նզովեսցի հոգւով եւ մարմնով, եւ ամենայն
Line: 17    կենցաղով իւրով որոշեսցի յեկեղեցւոյն Աստուծոյ.
Line: 18    եւ եղիցին խաւարաբնակ եւ յաւիտենից հրոյն
Line: 19    կերակոր, որ զհրամանս զայս արհամարհեսցեն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.