TITUS
Movses Kalankatowaci, Patmowtiwn Alowanic Asxarhi
Part No. 52
Previous part

Chapter: 22  
Page: 210  
Line: 1 
ԳԼՈՒԽ Ի՜Բ.

Line: 2  Կայսեր Յունաց գալ ՛ի Պարսս եւ կոչել զՋուանշիր։


Line: 3       Իսկ յինն եւ ՛ի տասներորդի ամի թագաւորութեանն
Line: 4    իւրոյ Կոստանդիանոս թոռն Հերակլայ
Line: 5    բազմամբոխ զօրօք եւ ընտիր հեծելովք եւ գըլխաւորօքն
Line: 6    Յունաց հանդերձեալ եկն յաշխարհն
Line: 7    Պարսից կորզեալ ՛ի նոցանէ զկողմանս աշխարհին,
Line: 8    զճառագայթաւէտ զլոյսն աշխարհաց ընդ
Line: 9    իւր ունելով։ Յայնժամ առաքեաց զմի ոմն ՛ի
Line: 10    գլխաւորացն առ Ջիւանշիր գալ նմա ՛ի տեսութիւն.
Line: 11    եւ վաղվաղակի աճապարեալ հասանէր յաշխարհն
Line: 12    Մարաց առ մեծ կայսրն. զորոյ զգալն
Line: 13    իբրեւ լսէր՝ ընդ առաջ նմա ինքն ելանէր ՛ի Քունգր
Line: 14    գեօղ եւ ողջամբ ընկալեալ զնա՝ նոյնժամայն
Line: 15    հրամայէր փոխել ՛ի նմանէն զտխրական զգեստն,
Line: 16    զոր սակս մահուան ամուսնոյն իւրոյ էր զգեցեալ.
Line: 17    եւ ագուցին նմա զարքունական զգեստն։
Line: 18    Ընդ որ առեալ համարձակութիւն՝ խնդրէր ՛ի
Line: 19    կայսերէ զմասն յաւիտենից թագաւորին նշանի։
Line: 20    Եւ նորա առեալ զփրկութեան արեգակն՝ յանդիման
Line: 21    իւր կտրեաց եւ ետ նմա զայրիչն մեղաց ասելով.
Line: 22    "Սա եղիցի քեզ եւ որդւոց քոց աշտարակ
Line: 23    հզօր ընդդէմ թշնամւոյն"։ Տեսեալ զայսպիսի
Line: 24    երկնաւոր պարգեւս առ նա եղեալ նախարարացն
Page: 211   Line: 1    Հայոց եւ զօրավարին Համազասպայ՝ ՛ի նախանձ
Line: 2    մեծ դրդեցան. եւ նմա ոչ էր փոյթ, այլ այնուհետեւ
Line: 3    խնդրէր հրաժեշտ ՛ի բարեսէր տեառնէն։
Line: 4    Եւ նա ոչ իբրեւ զծառայ ոք, այլ իբրեւ զեղբայր
Line: 5    համագահ՝ յանդիման Պարսից եւ Այրարատեան
Line: 6    ազատացն զնա յուղարկեաց. որոյ հիացեալ ընդ
Line: 7    Աստուծոյ ներողութիւնն առ ինքն լեալ՝ գայր
Line: 8    յիւրն աշխարհ։ Զայս լուեալ զնորայն գալուստ հոգեզուարճ
Line: 9    հայրապետին Աղուանից՝ Ուխտանիսի,
Line: 10    հանդերձ բազում ժողովով օրհնեաց զնա ՛ի ձայն
Line: 11    մեծ ասելով. "Ահա առաքեաց մեզ Տէր ՛ի Սիոնէ
Line: 12    գաւազան զօրութեան. եւ սովաւ տիրեսցուք մերոց
Line: 13    թշնամեաց"։ Խորհի մեծիմաստն Ջիւանշիր
Line: 14    տեղի հանգստեան տէրունական նշանին գտանել.
Line: 15    եւ ՛ի բնական գաւառին Գարդմանայ բերդի հիմն
Line: 16    արկեալ տանն Աստուծոյ մեծապէս գեղազարդէ
Line: 17    ՛ի հրճուանս եւ ՛ի փառս Քրիստոսի Աստուծոյ։ Եւ
Line: 18    ՛ի փոխանորդել գարնանային ժամուն՝ հանդերձեցաւ
Line: 19    կազմեցաւ մեծարգի իշխանն Աղուանից
Line: 20    միւսանգամ տեսանել զկայսրն, հանդիպեալ նմա
Line: 21    Վաղարշապատ քաղաքի։ Յայնժամ հրամայի ՛ի
Line: 22    թագաւորէն, զի մեծամեծք պալատանն եւ վեհանձինքն
Line: 23    ընդ առաջ նորա ելցեն, եւ այնպէս արքունաբար
Line: 24    մտանէ ՛ի կայսերական մարզարանն։
Line: 25    Եւ զնա տեսեալ կայսերն՝ խնդամիտ համբուրիւ
Line: 26    ՛ի յառաջագահ անդր զնստիլն առձեռնեալ դնէր
Line: 27    քան զամենայն մեծամեծացն. եւ լինէր օրն այն
Page: 212   Line: 1    յաւուրս նորա օրհնեալ պէսպէս գեղեցկազարդութեամբ
Line: 2    ոսկւոյ եւ արծաթոյ. եւ զինչ թագաւորական
Line: 3    սպաս էր, զամէնն նմա հրամայեաց տալ,
Line: 4    ընդ որ տրապէզիտքն անգամ սոսկացան. եւ ՛ի վերայ
Line: 5    այնոցիկ զքաջ հաւուն իւրոյ Հերակլի եւ
Line: 6    զՆիկիտահանոյն զարքունական գօտին էած ընդ
Line: 7    մէջ նորա եւ զիւրն պատմուճան եւ դրօշս երկուս,
Line: 8    եւ զորդիս նորա առնէր պատրկունս զտղայականս։
Line: 9    Եւ որ միանգամ առաջին թագաւորացն
Line: 10    Աղուանից գիւղաստանեայք եւ սահմանք լեալ
Line: 11    էին՝ զամենայն ՛ի նա ընձեռեաց յազգաց ազգս,
Line: 12    արեւելեայցս ամենեցուն արքայաբար առնել տեսչութիւն։
Line: 13    Եւ ոչ էր խորհուրդ կայսերն ծածկեալ
Line: 14    ՛ի նմանէ. յորմէ եւ լսելով հանճարեղ խորհրդականութիւնս
Line: 15    բազումս՝ հիանայր, եւ ողջունեալ
Line: 16    զնա ասէ. "Անձն քո ընդ անձին իմոյ, եւ սիրտ
Line: 17    իմ որպէս զսիրտ քո՝ երթ ՛ի խաղաղութիւն"։
Line: 18    Այսպէս գերահռչակ հրճուանօք գայր անցեալ ընդ
Line: 19    աշխարհ իւր։ Եւ վերստին առնէր հրաման ընդ
Line: 20    որ իւրն էր աշխարհ՝ շինել տնկել վայելել եւ
Line: 21    կեալ ՛ի խաղաղութեան։ Եւ իւր շինեալ բազում
Line: 22    ապարանս եւ որ ինչ մարդկան է վայելուչ. եւ
Line: 23    ամենապայծառ իրք անկարօտ էր նմա ՛ի փառացն
Line: 24    Աստուծոյ, մինչեւ թուրքաստանի թագաւորն
Line: 25    խնդրէր ՛ի նմանէ սէր եւ խաղաղութիւն եւ
Line: 26    ընծայաբեր նմա լինէր երիվարս ընտիրս, ծառայս
Line: 27    եւ աղախնեայս եւ զանազան զեռնոց մորթս։
Page: 213   Line: 1    Այլ եւ յԱսորեստանեայց եւ յԱտրպատական գաւառէ,
Line: 2    յԱյրարատեան գաւառէ եւ ՛ի Վրաց աշխարհէն
Line: 3    մինչեւ ՛ի Հնդկաց եւս գային առ նա լսել եւ
Line: 4    տեսանել զնորա բազմահանճար խորհրդականութիւն.
Line: 5    եւ խոնարհամիտ սէր նորա առ հասրակ
Line: 6    եկելոցն լինէր հիացուցանող պատմութիւն յիւրաքանչիւր
Line: 7    աշխարհի։ Եւ ոչ ուստեք եղեւ այս
Line: 8    նմա, այլ փայտն կենաց. նա յայտնի արար զանուն
Line: 9    նորա ամենայն տիեզերաց, եւ օրհնութիւնն
Line: 10    բարեխնամ ծնողին։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.