TITUS
Movses Kalankatowaci, Patmowtiwn Alowanic Asxarhi
Part No. 51
Previous part

Chapter: 21  
Page: 208  
Line: 8 
ԳԼՈՒԽ Ի՜Ա.

Line: 9  Պատճէն հրովարտակին։


Line: 10       "Քեզ տեառն Ջիւանշիրի՝ Գարդմանայ տեառըն
Line: 11    եւ Աղուանից իշխանի, ապուրիպատ եւ պռոտոն
Line: 12    պատրկի, եւ արեւելից կուսակալի ՛ի փրկական
Line: 13    խաչիս աստուածային զօրութենէ շնորհք եւ
Line: 14    ողորմութիւն, եւ ՛ի մերմէ օգոստոսական թագաւորութենէս
Line: 15    խաղաղական եւ մեծ սիրով ողջոյն"։

Line: 16       "Ընկալաք զգիր ողջունիդ, որ եցոյց մեզ
Line: 17    զառ Աստուած բարեպաշտութեան քո զսէր, եւ
Line: 18    ուրախ եղաք, փոխանակ զի առեր յանձն հանդերձ
Line: 19    արեւելից աշխարհաւդ հուաճիլ մեզ ՛ի հնազանդութիւն։
Line: 20    Վասն որոյ մեք եւ որդիք մեր ընդ
Line: 21    քեզ եւ ընդ ծնունդս քո մտերմաբար անքակ սիրով
Line: 22    յազգէ յազգ մինչեւ ցյաւիտեան քաղցրութեամբ
Line: 23    եղիցուք"։

Line: 24       Իբրեւ լսէր նա զբանս թղթոյն՝ հրաշալի խընդութեամբ
Page: 209   Line: 1    զուարճանայր, մանաւանդ զնշանին
Line: 2    ամենազօր գալստենէն առաւել լինէր գոհացող։
Line: 3    Ուստի անկեալ ՛ի վերայ երեսաց առաջի փրկական
Line: 4    խաչին՝ փառաւոր առնէր զԱստուած, որ
Line: 5    ամենայն բարութեանց տուողն է։ Յայնժամ կաթուղիկոսն
Line: 6    Աղուանից եպիսկոպոսօքն հանդերձ եւ
Line: 7    երեւելի արամբք բազմութեան առաջի եկեալ՝
Line: 8    ծաղկաբեր եւ օրհնաբանիչ լինէին մեծազարդ պատուոյն։
Line: 9    Եւ անդ այնուհետեւ ոչ լինէին գործ
Line: 10    անկարգ խօսից, կամ արբեցութիւնք, կամ կատակերգութիւնք,
Line: 11    այլ չափաւոր վայելմունք։ Եւ
Line: 12    զգիշերն զայն փակեալ զինքն զուրկ ՛ի քնոյ անցուցանէր՝
Line: 13    խորհելով զաշխարհին իւրոյ զօգուտն։
Line: 14    Եւ ՛ի ծագել արուսեկին մեծի՝ առնոյր զարքունական
Line: 15    զարդս իւր եւ նստէր ՛ի գահոյսն. դրունք
Line: 16    բանային, եւ զինուորքն մտեալ ունէին զզէնս
Line: 17    իւրեանց աստի եւ անտի շուրջ զնովաւ պարախըմբեալք,
Line: 18    եւ ըստ կարգի պատուաւորքն մտանէին
Line: 19    ահաբեկեալք. դատաստան արդար եւ իրաւունք
Line: 20    անկաշառ ՛ի դրանն նորա հասարակաց լինէին
Line: 21    շնորհեալ. ոչ զբաղմունք պագշոտելիք, այլ
Line: 22    զօրն ողջոյն աշխարհական հոգոց պարապէր. եւ
Line: 23    զորս առ լերամբն Կովկասու վայրագասունք իմաստաբար
Line: 24    ածէր ՛ի զգայութիւն։ Այսպէս ՛ի սահմանացն
Line: 25    Վրաց մինչեւ ՛ի Դրունս Հոնաց միահեծան
Line: 26    ճոխութեամբ եղեւ տէր մինչեւ ցգետն Երասխ։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.