TITUS
Movses Kalankatowaci, Patmowtiwn Alowanic Asxarhi
Part No. 49
Previous part

Chapter: 19  
Page: 202  
Line: 17 
ԳԼՈՒԽ Ժ՜Թ.

Line: 18  Սպարապետութիւն Ջուանշրի Աղուանից եւ գրթահարել
Line: 19  նորա զՊարսիկս, եւ մահն Յազկերտի եւ անձնատուր
Line: 20  լինելն կայսեր Յունաց։


Line: 21       Եկեալ մեծապանծ անուամբ ամենապայծառ
Line: 22    արին Ջիւանշիր ՛ի Պարսկաստանի մարտից՝ հանդիսացուցանէր
Line: 23    ընդ ինքեան զբովանդակ տունն
Line: 24    Աղուանից ըստ թագաւորական հրամանի. եւ
Line: 25    առեալ զգունդս իւր հանդերձ հարբն՝ ՛ի վերկոյս
Page: 203   Line: 1    Պերոզապատ քաղաքին ելանէր։ Իսկ քաջքն Պարսից
Line: 2    շարժեալ գային ՛ի վերայ աշխարհիս սակս
Line: 3    ապստամբութեան Ջիւանշիրի։ Եւ մինչ դեռ առաջք
Line: 4    թշնամեացն զառ ստորին կոյս նորին գաւառի
Line: 5    ճեպով ելանէին, անդէն վաղագոյն ճեպով
Line: 6    զինեալ ինքնաձեռն հարկանէր անդ Գիաղմն ազգի
Line: 7    ոմն հեղինակ զօրուն, որ սրահար ճարակմամբ
Line: 8    ինքն եւ զօրքն իւր անկումն բազմաց առնէին.
Line: 9    այլ եւ ձերբակալս ՛ի նոցանէ եւ ձիս եւ ջորիս
Line: 10    եւ կապուտ յոլով առեալ դառնայր, եւ ոչ
Line: 11    դադարէր հետամուտ լինել գնդին Պարսից։ Լինէր
Line: 12    միւսանգամ ՛ի լեռնավայրի անդ բախումն ընդ
Line: 13    միմեանս, եւ յաջողեցաւ այն օր եւս նմա ՛ի Քրիստոսէ
Line: 14    առնել յաղթութիւն։ Եւ իսկոյն եհաս դեգուր
Line: 15    գուժի, եթէ մտին զօրքն Պարսից ՛ի Պերոզ
Line: 16    քաղաք եւ զհայրն հանդերձ եղբարբքն գերի առեալ
Line: 17    վարեցին։ Արդարեւ ասեմ, եթէ որպէս արջ
Line: 18    որդեկոտոր զայրագնեալ գազանանայր, դառնայր
Line: 19    ճեպով ՛ի հայրենի վիճակին իւր սահմանս՝ յայնկոյս
Line: 20    գետոյն Կուրայ ՛ի Կապիճանն գաւառ, եւ
Line: 21    անդ դնէր ընդ նոսա ոչ վարկպարազի, այլ խոհականապէս
Line: 22    դէմ առ դէմ ռազմ պատերազմի։
Line: 23    Եւ անզանգիտող մրցմամբն իւր առնոյր վէր ՛ի
Line: 24    գլուխն. այլ բաւական աջոյն Քրիստոսի օգնականութեամբ
Line: 25    սաստիկ եւ զօրեղ զինքն եցոյց,
Line: 26    մինչեւ ոչ միոյ առն մնալ ՛ի թշնամեացն որ ոչ
Line: 27    սատակեցան. ուստի եւ մեծապանծ անուամբ դադարէր
Page: 204   Line: 1    դարձեալ առ սահմանօքն Վրաց։ Եւ անդ
Line: 2    մեծապատիւ այրն Ատրներսեհ իշխան աշխարհին՝
Line: 3    որ երրեակ գահերիցութիւն ՛ի Հռովմայեցւոց
Line: 4    թագաւորութենէն ունէր, գայր առ նա եւ
Line: 5    իւրովի պատէր զվէրս նորա՝ զմեծի քաջութեան
Line: 6    նորա զյաղթութիւն խնդութիւն համարեալ։ Յայնժամ
Line: 7    խաղաղական եւ անքակ միաբանութիւն հաստատեալ
Line: 8    ընդ միմեանս՝ առնոյր յօգնականութիւն
Line: 9    զզօրս Վրաց, աճապարէր նախարշաւ յՈւտիեանն
Line: 10    գաւառ, եւ ուր միանգամայն գտանէր ՛ի
Line: 11    զօրացն Պարսից՝ սրոյ ճարակ առնէր. զնոյն գունակ
Line: 12    շտապ տագնապի եւ ՛ի վերայ ձմեռնահանգիստ
Line: 13    քաղաքին իւր առնէր, մինչեւ զհասակածին
Line: 14    եւ զարգանդակից մանկունս նահանջմամբ թափէր։
Line: 15    Յետ այսորիկ սկսան յԱտրպատականացն առաւել
Line: 16    եւս անդր հեղուլ զգունդս բազումս։ Իսկ նա
Line: 17    ոչինչ կասկածէր ՛ի նոցանէ, զի բնութիւն էր ՛ի
Line: 18    նմա որ ՛ի բազումս խիզախող լինէր քան ՛ի սակաւս։
Line: 19    Որ եւ ՛ի Շակաշէն գաւառի զերկուս պատերազմունս
Line: 20    հազարաւորաց քաջավրիժակ խոցոտմամբ
Line: 21    կենազրաւէր։ Եւ զորս լեալ ՛ի տեղիս
Line: 22    տեղիս անթիւ սրահար ջարդմունս Պարսկաց ՛ի
Line: 23    Ջիւանշիրէ՝ անտեղի է ասել։ Յայսոսիկ նայելով
Line: 24    նախարարացն Հայոց ՛ի Վրաց աշխարհին՝ խորհէին
Line: 25    ՛ի ծննդոց իւրեանց առնուլ նմա կին. իսկ
Line: 26    նա յԱրուեծան տոհմէն առնոյր կին՝ զդուստր
Line: 27    իշխանին Սիսական աշխարհին, ընդ որ յաւէժ
Page: 205   Line: 1    ուրախ եղեն Սիւնիք։ Իսկ զօրավարն Պարսից
Line: 2    զմեծ պարտիլն ՛ի նմանէ գիտացեալ եւ զկործանումն
Line: 3    զօրաց՝ շրջեալ ՛ի սէր խաղաղութեան գրէր
Line: 4    թուղթ եւ արձակէր զեծագահ իշխանն Սիւնեաց
Line: 5    մեծաւ երդմամբ գալ նմա ՛ի միաբանութիւն,
Line: 6    զոր հազիւ ուրեմն հաւանեցուցանէր միջնորդն
Line: 7    առնել զմիակամ սէր եւ զխաղաղութիւն։ Եւ նա
Line: 8    զայս կնքեալ խորհրդաբար դառնայր. նոյնպէս եւ
Line: 9    սպարապետն Աղուանից մարբն եւ եղբարբք հանդերձ
Line: 10    դառնայր յաշխարհն իւր։ Եւ ապա յիշեցեալ
Line: 11    զնուաղիլն մեծ թագաւորութեան Պարսից, եւ
Line: 12    զառաջնոց թագաւորաց արեւելից զինքնակալութիւնս
Line: 13    եւ զիւր նմանեցուցեալ արքայականն շուք,
Line: 14    դնէր ՛ի մտի զիշխանութիւնն իւր եւ զսիրոյ վիճակ
Line: 15    ոչ ումեք դնել ընդ ձեռամբ. վասն որոյ
Line: 16    խիզախէր եւ առ պարսիցն զօրապետս՝ իւրաքանչիւր
Line: 17    կողմանց իշխողս առանձնակի. եւ ինքն եղբարբքն
Line: 18    հանդերձ ելանէր ՛ի հայրենի գաւառն։
Line: 19    Իսկ զօրագլուխն Պարսից՝ դաւաճանեալ կոչէր
Line: 20    պատճառաւոր բանիւք զհայր նորա, զի ՛ի հնազանդութեանն
Line: 21    կացցէ նմա. արձակէր գունդս եւ
Line: 22    կարգէր կողմնակալս Աղուանից նահանգիս։ Արդ
Line: 23    զինչ արասցէ արին այն Ջիւանշիր եւ անդրանիկ
Line: 24    եղբայրն իւր, որք չյանձնառու քինախնդիր ե·եալք
Line: 25    զէն զանձամբ արկեալ՝ հեծան յերագընթաց
Line: 26    երիվարս եւ զերկայն զայն ուղի կարճ բերելով՝
Line: 27    գային շրջագայութեամբ ՛ի Պերոզքաւատ
Page: 206   Line: 1    քաղաք. ուր ՛ի զուարափակ եւ յանտառախիտ
Line: 2    տեղւոջ զառաջինն քնով ղօղեալ՝ ընդ ծագել
Line: 3    արեգական ձիարձակ եղեալք՝ որպէս կորիւնք
Line: 4    առիւծոց զքաղաքն յափշտակէին, եւ զորս ՛ի քաղաքին
Line: 5    կամ յամենայն սահմանս ընդ հրամանաւ
Line: 6    ոք գտանիւր զօրավարին Պարսից՝ չարաչար պատժէին։
Line: 7    Եւ վառեալ զօրօքն իւրեանց հարուածս
Line: 8    մեծամեծս Պարսից հասուցանէին, մինչեւ ողջանդամ
Line: 9    զհայր իւրեանց անդրէն դարձուցանէին։
Line: 10    Եւ ՛ի քսաներորդ ամի Յազկերտի համօրէն ՛ի
Line: 11    բաց բառնայր ՛ի միջոյ տէրութիւնն Պարսից. եւ
Line: 12    այն երեսուն եւ մի ամ էր տիեզերամարտութեանն
Line: 13    Հագարացւոց եւ տեառն իմոյ Ջիւանշիրի
Line: 14    տասն եւ հինգ ամ։ Եւ այսպէս Տաճիկք յարձակեցան
Line: 15    ՛ի կողմանս հիւսիսոյ եւ արեւելից։ Վտանգէին
Line: 16    զտեարս տոհմից տալ ՛ի ձեռս զտեղիս ապաւինութեան,
Line: 17    եւ ՛ի պատանդ առնուին զզաւակս
Line: 18    եւ զկանայս առ չապստամբելոյ ՛ի նոցանէ։ Իբրեւ
Line: 19    տեսանէր զգաւազանն խստութեան հարաւայնոյ
Line: 20    Ջիւանշիր՝ փոքր ինչ ժամանակ դաւաճանեալ
Line: 21    զնոսա էանց յայնկոյս գետոյն, ուստի անվեհերն
Line: 22    իւր սիրտ վառէր բորբոքէր վերստին առ նոսա
Line: 23    ՛ի պատերազմ, զի զիւր հայրն ՛ի նոցանէ եւս
Line: 24    թափեսցէ։ Եւ հայր նորա արգելոյր զնա ՛ի խորհըրդոյն
Line: 25    եւ գնայր կամաւորաբար առ թշնամիսն։
Line: 26    Իսկ բազմիմաստն Ջիւանշիր ընդ զօրավարին
Line: 27    Հայոց դնէր ուխտ եւ քաջալերէր դառնալ ՛ի հնազանդութիւն
Page: 207   Line: 1    կայսերն Հոռոմոց։ Եւ եկեալ ՛ի
Line: 2    միակամ եղբայրութիւն՝ գրէ առ թագաւորն Յունաց
Line: 3    օրինակ զայս։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.