TITUS
Movses Kalankatowaci, Patmowtiwn Alowanic Asxarhi
Part No. 39
Previous part

Chapter: 9  
Page: 143  
Line: 11 
ԳԼՈՒԽ Թ՜.

Line: 12  Պատմութիւն յարուցման ազգաց բարբարոսաց եւ պէսպէս
Line: 13  անցից տիեզերահեծ տագնապիցն, որ եղեւ
Line: 14  աշխարհաց։


Line: 15       Ո́վ սքանչելի պատմութեանս, զոր հանդերձեալ
Line: 16    եմ հնչեցուցանել ՛ի լսելիս տիեզերաց՝ մօտաւորաց
Line: 17    եւ հեռաւորաց, որում ոչ համեմատեն ոչ
Line: 18    դարուցն առաջնոց նշանագիրք ազգի ազգի պատերազմաց
Line: 19    եւ խռովութեանց, որք ՛ի տեղիս տեղիս
Line: 20    եւ յազգս ազգս գործեցան, եւ ՛ի Հոգւոյն Սրբոյ
Line: 21    բազում մասամբք եւ օրինակօք կանխաւ դրոշմեցան,
Line: 22    եւ ոչ արտաքնոցն յարմարական ճարտարախօս
Line: 23    առասպելաց երկրաւոր եւ շնչաւոր իմաստասիրական
Line: 24    յօրինուածքն կարող են հանգոյն այսմ
Page: 144   Line: 1    գտանիլ։ Զի եկն եհաս ՛ի վերայ մեր միանգամայն
Line: 2    եւ կատարեցաւ, զոր Փրկիչն մեր ՛ի կենսաբեր
Line: 3    աւետարանի անդ ՛ի ժամանակի չարչարանացն
Line: 4    ըստ հանդուրժելոյ լսելեաց ընտրեալ
Line: 5    երկոտասանիցն մարդկօրէնս զիջանելով խօսէր,
Line: 6    ասէ. "Լսելոց էք պատերազմունս եւ համբաւս
Line: 7    պատերազմաց, եւ լինել սովուց յաճախութիւն, եւ
Line: 8    սուրք եւ սասանութիւնք, եւ նշանք յարեգակն եւ
Line: 9    ՛ի լուսինն եւ յաստեղս, եւ խռովութիւնք ժողովըրդոց՝
Line: 10    որպէս ալեաց ծովու խռովելոյ"։ Եւ
Line: 11    նոյն ինքն Տէրն զգուշացուցանէր. "Եթէ արթուն
Line: 12    լերուք, զի ոչ գիտէք զօրն եւ զժամն"։ Եւ արդ
Line: 13    քանզի ընկղմեցան միտք իմ եւ զբաղեցան խորհուրդք
Line: 14    իմ ՛ի տիեզերական հարուածոցս, եւ մոռացայ
Line: 15    զկարգ բանին, զոր հանդերձեալն էի արկանել
Line: 16    հիմն եւ սկիզբն առնել ժամանակաց եւ անցից,
Line: 17    որք անցին ընդ աշխարհս Աղուանից՝ ըստ
Line: 18    բանի մարգարէին՝ թէ "Մոռացայ ուտել եւ այժմ
Line: 19    առ անգամ մի թողեալ զահ եւ զերկիւղ որ դեռ
Line: 20    զմեզս ունի՝ ՛ի նոյն կարգն դարձցուք, զի տեսանեմք
Line: 21    զբազումս, զի կան եւ կամին լսել. եթէ
Line: 22    զինչ արդեօք կարիցէ բովանդակել զանթիւ հարուածս
Line: 23    բարբարոսական թշնամեաց շուրջանակի
Line: 24    զմեօք, ապա եւ ընդ նմին զնշանս մեծամեծս եւ
Line: 25    զարմանալիս, որով զթշնամիսն մեր պարտեաց
Line: 26    հզօր եւ մարդասէր աջն Աստուծոյ, եւ անկան
Page: 145   Line: 1    տապաստ առաջի աչաց մերոց։ Եւ զի անցեալ
Line: 2    ժամանակն յետս զիւրն պահանջէր ՛ի մէնջ՝
Line: 3    պատմել սկսայց յառաջին ութեւտասն նահանջէն
Line: 4    յարութեան Տեառն մերոյ Յիսուսի Քրիստոսի
Line: 5    մեհեկի ամսոյն՝ յերեսուն եւ հինգ ամէն Խոսրովու
Line: 6    Որմզդեան արքայից արքայի։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.