TITUS
Movses Kalankatowaci, Patmowtiwn Alowanic Asxarhi
Part No. 37
Previous part

Chapter: 7  
Page: 137  
Line: 13 
ԳԼՈՒԽ Է՜.

Line: 14  Թուղթ Յովաննիսի Հայոց կաթուղիկոսի առ տէր Աբաս
Line: 15  Աղուանից կաթուղիկոս սակս հաւատոյ հաստատութեան
Line: 16  երկնաւոր շնորհօք առլցեալ։


Line: 17       Լաւաց ճշմարտից աստուածասիրաց՝ սիրելի
Line: 18    եղբօր եւ աթոռակցի մերում տեառն Աբասայ Աղուանից
Line: 19    կաթուղիկոսի, Մովսիսի Բախաղատոյ
Line: 20    եպիսկոպոսի, Գրիգորի Կոպաղակայ եպիսկոպոսի,
Page: 138   Line: 1    Հռոմկայ Ամարասայ եպիսկոպոսի, Տիմոթէի Բաղասականոյ
Line: 2    եպիսկոպոսի, Ամբակումայ Շաքւոյ
Line: 3    եպիսկոպոսի, Յոհանկայ Գարդմանայ եպիսկոպոսի,
Line: 4    Ղեւոնդեայ Մեծկողմանց եպիսկոպոսի՝

Line: 5       ՛Ի Յովհաննիսէ Հայոց Մեծաց կաթուղիկոսէ,
Line: 6    յԱբրահամէ Տարօնոյ եպիսկոպոսէ, ՛ի Գրիգորոյ
Line: 7    Մարդպետական եպիսկոպոսէ, ՛ի Ստեփաննոսէ՝
Line: 8    Տայոց եպիսկոպոսէ, ՛ի Մաշտոցէ՝
Line: 9    Խորխոռունեաց եպիսկոպոսէ, ՛ի Գիւտայ՝ Վանանդայ
Line: 10    եպիսկոպոսէ, յԱբդիշոյէ՝ Ասորեաց եպիսկոպոսէ,
Line: 11    ՛ի Բաբայ՝ Ամատունեաց եպիսկոպոսէ,
Line: 12    ՛ի Քրիստափորէ՝ Ռշտունեաց եպիսկոպոսէ,
Line: 13    ՛ի Սեկունդոսէ՝ Մոկաց եպիսկոպոսէ, եւ յայլ
Line: 14    ամենայն եպիսկոպոսաց Հայաստանեայց՝ օրհնութեամբ
Line: 15    ողջոյն։

Line: 16       Քանզի եհաս մեզ լուր դժնդակ համբաւու,
Line: 17    եթէ են ոմանք գայլք յափշտակողք զգեստուք
Line: 18    ոչխարաց, որք եկին յաշխարհդ ձեր ՛ի վանաց
Line: 19    Պետրոսի, որ անուամբ աղքատասէր կոչի եւ գործովք
Line: 20    քրիստոսատեաց, եւ ուրացող զսուրբ Երրորդութիւնն՝
Line: 21    զչար որոմն Նեստորի անարգելաբար
Page: 139   Line: 1    սերմանել ՛ի հոգիս անմեղաց, թիւրելով
Line: 2    զնոսա յուղղափառ հաւատոց, մատնել ՛ի յաւիտենական
Line: 3    կորուստն. զորմէ լսելով՝ վնասակար
Line: 4    հոգւոյ եւ մարմնոյ եղեն անբժշկելի ցաւք։ Վասն
Line: 5    որոյ ամենայն հարկաւորութեամբ փութացաք
Line: 6    կարեկից լինել ձեզ եւ գրել յիշեցուցանել ձեզ
Line: 7    զբանս սրբոյ Առաքելոյն՝ զգուշանալ անձանց եւ
Line: 8    Հօտիդ, յորում եդ զձեզ Հոգին Սուրբ տեսուչս
Line: 9    եւ վարդապետս, հաստատուն ունելով զհաւատս
Line: 10    ուղղափառութեանն, զոր ընկալան հարքն մեր ՛ի
Line: 11    Սուրբ գրոց հին եւ նոր Կտակարանաց ՛ի ձեռն
Line: 12    Սրբոյն Գրիգորի եւ յերիցս երանեալ ժողովոցն
Line: 13    երեք հարիւր ութեւտասանիցն որք ՛ի Նիկիայ,
Line: 14    ՛ի հարիւր եւ յիսնից՝ որք ՛ի Կոստանդնուպօլիս,
Line: 15    եւ յերկերիւրոցն՝ որք յԵփեսոս, ջումլայ՝ վեց
Line: 16    հարիւր վաթսուն եւ ութ սուրբ հայրապետք, որոց
Line: 17    ձայնակից եւ ժառանգորդք եղէք ոեղղափառ նոցա
Line: 18    հաւատոցն, այսինքն՝ ամենայն եկեղեցեաց Քրիստոսի
Line: 19    Աստուծոյ։ Խոստովանիմք զմի Աստուած՝
Line: 20    Հայր ամենակալ՝ զարարողն ամենայնի, եւ ՛ի մի
Line: 21    Տէր Յիսուս Քրիստոս յՈրդի Աստուծոյ, ծնեալ ՛ի
Line: 22    Հօրէ՝ Աստուած ճշմարիտ, յԱստուծոյ ճշմարտէ,
Line: 23    որով ամենայն։ Եւ ՛ի Սուրբ Հոգին ելող ՛ի Հօրէ,
Line: 24    ընդ Հօր եւ Որդւոյ երկրպագեալ եւ փառաւորեալ.
Line: 25    արարչակից եւ հաւասար Երրորդութիւնն
Line: 26    կատարեալ միով բնութեամբ, փառօք եւ զօրութեամբ
Line: 27    նախախնամելով զընդհանուր եղեալքս։
Page: 140   Line: 1    Իսկ ՛ի վախճան յաւիտենիս Աստուած գոլով մըշտընջենաւոր
Line: 2    Բանն Աստուծոյ, եղեւ մարդ կատարեալ
Line: 3    անյեղապէս, մարմնացեալ անճառապէս ՛ի
Line: 4    Սուրբ Կուսէն, ոչ հեռացեալ ՛ի բնութենէ եւ ոչ
Line: 5    քայքայեալ ՛ի մարմնաւորութեանն. այլ եկաց
Line: 6    մնաց որ էնն՝ նոյն անփոփոխելի։ Աստուած մարմնացեալ
Line: 7    ոչ մասամբ, այլ բոլորովիմբ. ոչ երկուութիւն,
Line: 8    այլ միութիւն անբաժանելի. ոչ Հայր
Line: 9    մարմնազգեաց՝ այլ Որդին. ոչ Սուրբ Հոգին մարմնացեալ
Line: 10    թանձրաձեւ, այլ Միածինն ՛ի Հօրէ, բայց
Line: 11    կամաւ եւ զօրութեամբ Հօր եւ Սուրբ Հոգւոյն։
Line: 12    Նոյն ինքն անբովանդակելին խանձարրապատեցաւ,
Line: 13    զի մեք զգեցցուք զանապականութիւն. եդաւ
Line: 14    ՛ի մսուր, զի մեք զանասնական բարսն ՛ի
Line: 15    բաց դիցուք. ՛ի հրեշտակաց փառաւորեցաւ, զի
Line: 16    մեք լիցուք նոցա երգակից. ընծայեցաւ ՛ի մոգուց,
Line: 17    զի պտղաբերեսցուք զհաւատս. կաթամբ
Line: 18    բուժեցաւ, զի անմեղութեան ընկալցուք. զարգացաւ
Line: 19    ըստ մարմնոյ ամենակատարն, զի ժամանեսցուք
Line: 20    ՛ի չափ հասակի լրմանն Քրիստոսի. եկն
Line: 21    կամաւ ՛ի չարչարանս, զի ՛ի տանջանաց մեղացն
Line: 22    զերծցուք. խաչեցաւ, զի ՛ի կենդանութեան
Line: 23    պտղոյն վայելեսցուք. մեռաւ, զի մահուամբն մեռուսցէ
Line: 24    զմահ. եդաւ ՛ի գերեզմանի, զի խորտակեսցէ
Line: 25    զնիգս դժոխոց. յերրորդ աւուր յարեաւ, զի
Line: 26    զմեզ ՛ի կենդանութիւն փոխարկեսցէ. համբարձաւ
Line: 27    յերկինս եւ նստաւ ընդ աջմէ Հօր, զի դասեալ
Page: 141   Line: 1    լիցուք եւ մեք ընդ աջմէ նորա. գալոց է միւսանգամ
Line: 2    դատել զկենդանիս եւ զմեռեալս, եւ չիք նորա թագաւորութեանն
Line: 3    վախճան։ -- Այսպէս հաւատամք,
Line: 4    եւ փառաւորելով ասեմք Սուրբ Աստուած, Սուրբ
Line: 5    եւ հզօր, Սուրբ եւ անմահ, որ խաչեցար վասն մեր՝
Line: 6    ողորմեա մեզ։ Իսկ զոչ այսպէս խոստովանողսն
Line: 7    նզովեցին սուրբ հարքն։ Նմանապէս եւ մեք նզովեմք
Line: 8    զհին զամենայն եղեալ հերձուածողսն եւ
Line: 9    զնորս, զՊօղոս Սամոստացի, զՄանի եւ զՄարկիոն,
Line: 10    զՆեստոր եւ զԹէոդորիտոս եւ զայլս, որք
Line: 11    լրբաբար յանդգնեցան ասել երկու բնութիւնս եւ
Line: 12    երկու դէմս ՛ի վերայ միոյ Քրիստոսի Աստուծոյ
Line: 13    եւ թէ՝ Սուրբ Կոյսն ոչ ծնաւ զԱստուած՝ այլ
Line: 14    զմարդ սոսկ ըստ մեզ եւ զլոկ տաճար Բանին Աստուծոյ։
Line: 15    Են եւ այլք ոմանք, որք ասեն, թէ մինչ
Line: 16    ՛ի յերկրի էր Տէրն Քրիստոս՝ յերկինս ոչ էր, եւ
Line: 17    մինչ ՛ի խաչին էր, չէր յաթոռ փառաց, եւ մինչ
Line: 18    ՛ի գերեզմանի էր՝ ոչ էր ընդ աջմէ Հօր. զխորհողն
Line: 19    այսպէս նզովէ Աստուած, եւ մեք նզովեմք զամենեսեան,
Line: 20    որք այսմ հաւանեցան կամ հաւանին։

Line: 21       Եւ առաքեցաք առ ձեզ յուխտէս մերմէ
Line: 22    զայր հաւատարիմ զՄատթէոս քահանայ բերել
Line: 23    զգրեալսդ մեր առ ձեզ, յիշեցուցանել եւ զբանն
Line: 24    Յոհաննու աւետարանչի որ ասէ, եթէ ոք եկեսցէ
Line: 25    առ ձեզ զվարդապետութիւն Տեառն մերոյ Յիսուսի
Line: 26    Քրիստոսի ոչ ունիցի, մի́ ընդունիջիք զնա
Line: 27    ՛ի տունս եւ մի́ բանիւք ողջոյն ասել նմա. եթէ
Page: 142   Line: 1    ոք տացէ այնպիսւոյն ողջոյն, կցորդ լիցի չար
Line: 2    գործոց նորա։ Զի որ ոչ խոստովանի զՏէր Յիսուս
Line: 3    մարմնով եկեալ, նա իսկ է նեռն մոլորեցուցիչ.
Line: 4    զայնպիսին ՛ի սահմանաց ձերոց հալածեսջիք,
Line: 5    եւ զմահաբեր վարդապետութիւն նորա
Line: 6    ամենեւին ոչ լսել։ Արդ վասն զի հարքն ձեր հաւատակից
Line: 7    էին հարցն մերոց եւ դուք մեզ, հաճոյ
Line: 8    թուեցաւ գալ ՛ի ձէնջ այսր եպիսկոպոսաց երից
Line: 9    կամ աւելեաց՝ լսել ՛ի ձէնջ յանդիման զճշմարիտ
Line: 10    վարդապետութիւնն. զի մի́ ոք կորիցէ ՛ի
Line: 11    հովուաց կամ ՛ի հօտից. այլ ՛ի վերայ բարւոյ
Line: 12    գիւտի ձերոյ եղիցի ուրախութիւն հրեշտակաց
Line: 13    յերկինս եւ մեզ յերկրի ծառայիցս եւ երկպագուացս
Line: 14    Քրիստոսի Աստուծոյ մերոյ։ Ողջ լերուք
Line: 15    ՛ի Տէր։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.