TITUS
Movses Kalankatowaci, Patmowtiwn Alowanic Asxarhi
Part No. 36
Previous part

Chapter: 6  
Page: 135  
Line: 1 
ԳԼՈՒԽ Զ՜.

Line: 2  Տեսիլ Վեհկի։


Line: 3       Յառաջնում ամի հայրապետութեանն Աբասայ
Line: 4    տեսի ես անարժանս Վեհիկ ՛ի տեսլեան
Line: 5    զայր մի անապատական, որում էր նշան աստուածային
Line: 6    խաչի եւ ասէր ցիս զանուն իմ։ Եւ
Line: 7    ասեմ. "Ո՞վ ես դու՝ տէր". եւ նա ասէ. "Ես եմ
Line: 8    Պօղոս, եկ երկրպագեա խաչիս. եւ մի́ մերձեսցիս
Line: 9    ՛ի սա"։ Եւ ես զարթուցեալ ՛ի քնոյ՝ ոչինչ փոյթ
Line: 10    առնէի զիրացն։ Եւ յետ երկուց ամաց տեսանէի
Line: 11    ՛ի տեսլեան որպէս թէ սուրբն Վարոս ՛ի կերպ
Line: 12    աբեղայի ասէր ցիս. "մեք եմք նշխարք ծածկեալ
Line: 13    ՛ի գաւառին Արցախոյ ՛ի Մխանց տոհմին ՛ի վայրսըն
Line: 14    Կաղսետոյ։ Նախավկայն է տէր Ստեփաննոս
Line: 15    եւ Թէոդորոս նահատակ, սուրբքն Վարոս,
Line: 16    Մամաս, Սարգիս, Գէորգ վկայ, Կոզմաս եւ Դամիանոս.
Line: 17    եւ մասն մի ՛ի սուրբ քառասնիցն։ Եւ
Line: 18    երեւէր այր մի նոյն ձեւով եւ ասէր ցիս. "Ես եմ
Line: 19    Բասիրա՝ ծառայ Քրիստոսի, որ չարչարեցայ ՛ի
Line: 20    խաչի, եւ խնդրեցի ՛ի Փրկչէն մի́ կորնչիլ նշխարաց
Line: 21    իմոց. եւ որք մասին ցանկան ՛ի սուրբ խաշէս՝
Line: 22    ընկալցին, եւ է մասն մի յայն խաչէն եւ մասն մի
Line: 23    յաստուածընկալ նշանէն"։ Եւ ես Վեհիկ հիացեալ
Line: 24    կայի ընդ միտս իմ՝ մինչեւ ցեօթն ամ խնդրելով
Page: 136   Line: 1    ամենողորմէն Աստուծոյ եւ ՛ի սոյն վկայիցս
Line: 2    ստուգութեամբ եւ ճշմարտութեամբ ցուցանել
Line: 3    զխորհուրդ տեսլեանն։ Եւ յաճախէր եւս առաւել
Line: 4    նոյն տեսիլն եւ ճեպէր զհանելն, զի դեռ ՛ի նեղի
Line: 5    եմք՝ ասէր։ Եւ ապա յարուցեալ ես Վեհիկ՝ չոգայ
Line: 6    առ սուրբ հայրապետն Աբաս՝ պատմելով
Line: 7    նմա զխմբումն մեծապայծար վկայիցն. եւ նորա
Line: 8    լուեալ զտեսիլն յինէն՝ ետ փառս Աստուծոյ
Line: 9    կենդանւոյ բազմապատիկ գոհութեամբ։ Եւ նոյնժամայն
Line: 10    արձակեաց զԴանիէլ մեծահաւատ քահանայն
Line: 11    Տրիոյ իրագէտ լինել մեծասքանչ խորհըրդոյն։
Line: 12    Եւ երագութեամբ ընթացաւ այրն հաւատարիմ
Line: 13    Բոհիւ քահանայիւ եւ Եզեկիէլու դըպրաւ,
Line: 14    որք փութանակի հասին ՛ի վայրս Կաղսետոյ
Line: 15    առ իս Վեհիկս. հասին եւ այլք ՛ի հանդէսն
Line: 16    գործակից մեզ՝ Աբաս Մոմհարէից երէց հօտիւն
Line: 17    իւրով եւ Մարկոս քահանայ իւրով եղբարբքն եւ
Line: 18    հայրն Տիրիթ՝ Յովհաննու վանաց յանապատէն
Line: 19    Քարմեղինայ եւ այլ բազմութիւն յոյժ հաւատացելոց։
Line: 20    Սոքօք հանդերձ կացեալ մեր յաղօթս մեծահայց
Line: 21    խնդրուածովք՝ սկսաք զբրածն առնել
Line: 22    որպէս ՛ի չափ մարդոյ. եւ յանկարծակի եղեւ բուրումն
Line: 23    անուշահոտութեան ՛ի տեղւոջն եւ յայտնեցաւ
Line: 24    գանձն ծածկեալ ըստ փրկչական բանին՝
Line: 25    եթէ չէ պարտ թագչել լուսոյ եւ դնիլ ընդ գրուանաւ.
Line: 26    այնպէս արտայայտեաց Աստուած սրբական
Line: 27    ծառայից իւրոց զճրագ եւ ետ լոյս փափագող
Page: 137   Line: 1    սրտի աննուազելի ճառագայթ, յորոց ՛ի
Line: 2    յայտնիլն արար Աստուած ողորմութիւն աշխարհիս
Line: 3    Աղուանից. եւ քաղցրութիւն առողջական վայրացն
Line: 4    Կաղսետոյ։ Եւ նոյնժամայն օրհնաբանութիւն
Line: 5    Աստուծոյ եւ գովեստ սրբոցն տուեալ ժողովոյն,
Line: 6    ամփոփեցին զնշխարս ՛ի պատուական
Line: 7    ինչ տեղարանս եւ իւրաքանչիւրոցն առնելով մասն՝
Line: 8    զմեծագոյնսն պարփակեալ Դանիէլ քահանայն
Line: 9    վաղվաղակի հասանէր մեծարգի ընծայիւն առ
Line: 10    հայրապետն Աբաս։ Ընդ որ յոյժ հրճուեալ նորա
Line: 11    ՛ի գալ սրբոցն՝ տօնախմբէ զնոցին յիշատակ. եւ
Line: 12    դնէ ՛ի մաքրագոյն արկեղս"։**



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.