TITUS
Movses Kalankatowaci, Patmowtiwn Alowanic Asxarhi
Part No. 33
Previous part

Chapter: 3  
Page: 131  
Line: 16 
ԳԼՈՒԽ Գ՜.

Line: 17  Գալուստ Մեսրոպայ վարդապետի առ Արսվաղէն Աղուանից
Line: 18  արքայ եւ առնել զգիրս եւ կարգել վերստին
Line: 19  զդպրոցս եւ զհաւատս հաստատել ՛ի տանս Աղուանից
Line: 20  եւ բառնալ զմնացեալ աղանդսն։


Line: 21       Յորում ժամանակի Թէոդոս Փոքր Յունաց
Line: 22    էր կայսր, եւ Վռամշապուհ Հայոց թագաւոր, եւ
Line: 23    Յազկերտ Պարսից արքայ եւ Արսվաղէն Աղուանից
Line: 24    թագաւոր՝ եկեալ երանելին Մեսրոպ յԱղուանս՝
Line: 25    մեծավաստակ ընտիր անօթ Հոգւոյն
Page: 132   Line: 1    Սրբոյ, առ հայրապետն մեր Երեմիա եւ թագաւորն
Line: 2    Արսվաղէն, որոց կամաւ առեալ յանձն
Line: 3    զվարդապետութիւն նորա որ ըստ շնորհելոյ նմա
Line: 4    յաստուածուստ պարգեւին՝ Հայոց եւ Վրաց ետ
Line: 5    նշանագիր ՛ի ձեռն նորա Հոգին Սուրբ, հաճեցան
Line: 6    եւ ետուն զմանկունս ընտիրս յուսումն. եւ զԲենիամին
Line: 7    թարգման կոչեալ ՛ի Սիւնեաց, զոր Վասակ
Line: 8    մանուկ ՛ի ձեռն Անանէի եպիսկոպոսին արձակեաց։
Line: 9    Եւ նորա եկեալ առ Մեսրոպ, նոքօք
Line: 10    ստեղծ զնշանագիրս կոկորդախօս, աղխալուր,
Line: 11    խժական, խեցբեկագունի լեզուին Գարգարացւոց։
Line: 12    Թողու աստ վերակացու զաշակերտն իւր Յովնաթան.
Line: 13    եւ ՛ի տան թագաւորի կարգեալ զքահանայս՝
Line: 14    դառնայ ՛ի Հայս, անցանէ ՛ի Բիւզանդիոն
Line: 15    առ Թէոդոս թագաւոր. եւ դարձեալ անտի՝ շրջէր
Line: 16    զաշակերտօքն։ Եւ լուեալ եթէ ՛ի Գարդման մնացեալ
Line: 17    է հեթանոսական աղանդ՝ դառնայ ՛ի Սիւնեաց
Line: 18    եւ գայ առ Խուրս՝ Գարդմանայ իշխան, եւ
Line: 19    նովաւ ածէ յուղղութիւն, եւ ինքն գնայ ՛ի կոչ
Line: 20    բդեաշխին Վրաց առ Հաշտուշտ վասն նորին գործոյ։
Line: 21    ՛Ի նմին ժամանակի երեւեցաւ Նեստոր անիծեալ,
Line: 22    որ նզովեցաւ յերկերիւրոցն յԵփեսոս։ Եւ
Line: 23    յերկրորդն Յազկերտի արքայի յառաջին ամի
Line: 24    փոխի սուրբն Սահակ յելս նաւասարդի ամսոյ. եւ
Line: 25    յետ վեց ամսոց անցելոց փոխի եւ երանելի վարդապետն
Line: 26    Մեսրոպ՝ հանգուցեալ ընդ սուրբս ՛ի
Line: 27    Վաղարշապատ քաղաքի։ Խոսրով ոմն Գարդմանայ
Page: 133   Line: 1    նախարար գնացեալ ՛ի Հայս՝ եղեւ նմա լինել
Line: 2    առաջի Շապհոյ անարի թագաւորին. եւ գինեզենեալ
Line: 3    ՛ի խնճոյսն սեղեխաբար վավաշէր ՛ի կին
Line: 4    մի, ընդ որ ցասուցեալ Շապհոյ զընդանել հրամայեաց.
Line: 5    եւ նա ՛ի վաղակաւորն յեցեալ՝ անց
Line: 6    գնաց եւ ոչ ոք իշխեաց ձգել ՛ի նա ձեռն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.