TITUS
Movses Xorenaci, Patmowtiwn Hayoc
Part No. 192
Previous part

Chapter: 66  
Կ՜Զ
Line: 12 
Sentence: 1   Գործք Շամուելի անարժան հոմիշխանին մեծին Սահակայ։


Line: 13    Sentence: 2   Եկեալ Շամուելի՝ կալաւ զաթոռ եպիսկոպոսապետութեանն,
Line: 14    հետեւեալ վարուցն Բրքիշոյի, եւ առաւել եւս ագահութեանն մասամբ. Sentence: 3   զի
Line: 15    նա զվախճանեալ եպիսկոպոսացն միայն յափշտակեաց զվիճակ, այլ սա
Line: 16    եւ զկենդանեացն. Sentence: 4   քանզի եւ փոխանորդ մեռելոցն ոչ տայր թոյլ ձեռնադրել
Line: 17    մեծին Սահակայ, եւ զկենդանեացն դոյզն ինչ գտեալ պատճառս
Line: 18    խափանման հարկացն արքունի՝ հալածականս առնէր, յինքն կորզելով
Line: 19    զամենեցուն տունս։ Sentence: 5      Վասն որոյ ատեցեալ ի բնաւ եպիսկոպոսացն
Line: 20    արհամարհեալ լինէր. Sentence: 6      զի թէ եւ բիւրապատիկ չարիս ի նմանէ կրէին՝ ոչ
Page: 354   Line: 1    երբէք տեսանէին զնա, բայց ի Սուրմակայ յայնմանէ, զորոյ եւ մեծացոյց
Line: 2    իսկ զվիճակն, արքունի հրամանաւ հանեալ զբազմաց՝ նմա
Line: 3    հաւատայր։ Sentence: 7      Ընդ որ նախաձնեալ եւ այլ եպիսկոպոսաց՝ ժպրհեցան զնոյն
Line: 4    առնել, խնդրելով ի Պարսից արքայէն օգնականութեամբ իւրաքանչիւր
Line: 5    իշխանաց։

Line: 6    Sentence: 8   Այլ մեծն Սահակ ոչ ինչ կասեաց զհոգեւոր կաթնն դիեցուցանել
Line: 7    մանկանց եկեղեցւոյ հանդերձ Մեսրոպաւ, զոր թողեալ խարսխեաց
Line: 8    յեկեղեցւոջն կաթուղիկէ, որ ի Վաղարշապատ քաղաքի, ինքն կալով
Line: 9    ի Բագրեւանդ գաւառի, ի տեղւոջն՝ ուր ծագեաց լոյս յերկնից ի մկրտել
Line: 10    սրբոյն Գրիգորի զՏրդատ արքայ եւ զբոլոր Հայս։

Line: 11    Sentence: 9   Բայց Շամուէլ կեցեալ ամս հինգ՝ մեռանի ի մերում աշխարհիս։

Line: 12    Sentence: 10   Յայնժամ ժողովեալ ի միասին ամենայն նախարարացն չոգան առ
Line: 13    մեծն Սահակ, եւ զմեղանս յանձն առեալ՝ աղաչէին զնա դարձեալ ունել
Line: 14    զաթոռն. Sentence: 11   խոստանային ի Պարսից արքայէն հաստատել զնա, մուրհակ
Line: 15    ամենեցուն կնքեալ ազգաւ տալ թոռանց նորա զնոյն իշխանութիւն։

Line: 16    Sentence: 12   Այլ նա ոչ առնոյր յանձն. Sentence: 13   եւ ի բազում թախանձելոյ նոցա հարկաւորեալ՝
Line: 17    պատմեաց զտեսիլն, որ յառաջ քան զբազում ժամանակս երեւութացաւ
Line: 18    նմա ի քուն ապագայիցն յայտնութիւնք։ Sentence: 14   Զոր լուեալ նախարարացն եւ
Line: 19    գիտացեալ, թէ յաստուածային հրամանէ դադարեաց յազգէ նորա
Line: 20    քահանայապետութիւնն յարտասուս հարեալ, աւաղելով զինքեանս
Line: 21    ըստ Աւետարանին բանի, թէ հարկ է գալ գայթակղութեանն, բայց
Line: 22    վայ այնոցիկ, ընդ ոյր ձեռն գայցէ գայթակղութիւնն՝ թոյլ ետուն նմա։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.