TITUS
Movses Xorenaci, Patmowtiwn Hayoc
Part No. 45
Previous part

Chapter: 9  
Թ՜
Line: 20 
Sentence: 1   Յաղագս մերոյ Արշակայ Առաջնոյ եւ նՈրին գործոց։


Line: 21    Sentence: 2   Արշակ որդի Վաղարշակայ թագաւորէ ի վերայ Հայոց ամս երեքտասան.

Line: 22    Sentence: 3   նախանձաւոր եւ հետեւող հայրենեացն լեալ առաքինութեանց՝
Line: 23    բազում կարգս ուղղութեան գործեաց. Sentence: 4   պատերազմելով ընդ Պոնտացիս, եւ
Page: 119   Line: 1    նշանակ եթող յեզեր ծովուն մեծի. Sentence: 5   զնիզակն իւր, ասեն, զբոլորատէգ,
Line: 2    որ էր արեամբ զեռնոց մխեալ, ձգեալ ի հետեւակուց՝ խորագոյնս նստոց
Line: 3    յերկանաքար արձանին, զոր կանգեաց ի ծովեզերն։ Sentence: 6   Զայս արձան
Line: 4    բազում ժամանակս պատուեցին Պոնտացիք որպէս զառ ի յաստուածոցն
Line: 5    գործ։ Sentence: 7   Իսկ ի գոռալն Արտաշիսի միւսանգամ ընդ Պոնտացիս՝ ընկեցեալ
Line: 6    ասեն զարձան ի ծով։

Line: 7    Sentence: 8   Ի սորա աւուրս աղմուկ մեծ լեալ ի գօտիս մեծի լերինն Կաւկասու
Line: 8    յաշխարհին Բուլղարաց, եւ բազումք ի նոցանէ հատուածեալք եկին
Line: 9    յաշխարհս մեր, եւ բնակեցան ի ներքոյ Կողայ, յարգաւանդահող եւ ի
Line: 10    հացաւէտ տեղիս մինչեւ ի ժամանակս բազումս։

Line: 11    Sentence: 9   Ի սմանէ նեղեալ որդիք Բագարատայ վասն զկուռս պաշտելոյ՝
Line: 12    երկուք ոմանք ի նոցանէ սրով կատարեցան արիաբար ի վերայ հայրենի
Line: 13    օրինացն. Sentence: 10   զոր ոչ պատկառեմ ասել հետեւող լինել Անանիանց եւ
Line: 14    Եղիազարեանց։ Sentence: 11   Բայց այլքն յանձն առնուն այսչափ միայն, ի շաբաթու
Line: 15    հեծանել յորս եւ ի պատերազմունս, եւ զմանկունս թողուլ անթլփատս,
Line: 16    յորժամ լինիցին. Sentence: 12   քանզի անկինք էին։ Sentence: 13   եւ հրամայեցաւ յԱրշակայ՝ մի
Line: 17    տալ նոցա կանայս յամենայն նախարարութեանց, եթէ ոչ ուխտ պայմանի
Line: 18    դիցեն՝ թողուլ զթլփատութիւնն։ Sentence: 14   Զոր յանձն առնուն զերկուս
Line: 19    զայս միայն, այլ ոչ եւ զերկրպագութիւն կռոց։

Line: 20    Sentence: 15   Աստանօր սպառին բանք ծերունւոյն Մար Աբայ Կատինայ։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.