TITUS
Girk tltoc
Part No. 24
Previous part

Letter: 52 
Page: 242 
Line: 1  Սրբասէր եպիսկոպոսաց Մանասէի, Յովհանէսի
Line: 2  եւ Տեառն Գիգայ Դաշտկարանի եւ
Line: 3  Տեառն Սարգսի եւ Տեառն վարդապետի
Line: 4  ի Սահակայ կորուսեալ ծառայէ խոնարհ
Line: 5  երկպագութիւն


Line: 6       Զսահման հաւատոյ՝ զոր ուղղափառ վարդապետաց
Line: 7    Հայաստան աշխարհիս հաւատեալ էր անշարժելի
Line: 8    պահել, եւ հեռանալ յամենայն հերձուածոց.
Line: 9    մանաւանդ յաղանդոյն տարագիր եղելոյ ուրացողին
Line: 10    Նեստորի, եւ յորմէ առաւելագոյն պարտ էր
Line: 11    փախչել եւ պիղծ եւ աղտեղի համարել. բարիատեաց
Line: 12    չար բանսարկուն մտամոլար եւ պակշոտեալ
Line: 13    պատրանաւք զիս գայթագղեցոյց, խնամութիւն
Line: 14    առնելով ընդ աշակերտս անյիշելոյն Նեստորի.
Line: 15    Վասն որոյ արժանի էր տանջանաց եւ իսպառ
Line: 16    կորստեան ըստ անաւրէն գործոց իմոց, եւ
Line: 17    դուք, տեարք, զողորմութիւնն աստուծոյ
Line: 18    արարէք ի վերայ իմ տալով տեղի ապաշխարութեան՝
Line: 19    եւ ես պայման արարի առաջի վարդապետաց
Line: 20    իմոց եւ տերանց աստուածային ուխտիւ, ամենեւին
Line: 21    չհաղորդել ընդ պատուիրանազանցս եւ թերահաւատ
Line: 22    ազգին եւ որ ծնաւղքն անուանեալ են կնոջ իմոյ,
Line: 23    մի́ յաղաւթս, եւ մի́ ի կերակուրս, եւ մի́ յայլ ինչ
Page: 243  Line: 1    երթեւեկութեան սէր եւ ընդանութիւն,
Line: 2    այլ որպէս զմի ոք յաւատարականաց համարել.
Line: 3    Եւ թէ թերի գտայց միով իւրք նզովեալ եղիցէ
Line: 4    յամենասուրբ երրորդութենէն՝ եւ ի ձէնջ
Line: 5    տերանց պատուհաս կրեցից, եւ հազար սատեր
Line: 6    դրամ տուգան տացից ի սուրբ եկեղեցի.

Line: 7       Եւ կնքեցից զայս պայման նամակ. Ե՟ս Սահակ
Line: 8    Համազասպայ որդի յԱրածի գեղջէ իմ
Line: 9    մատամբ.

Line: 10       Եւ վաւերական մատանի՝ Մանասէ Բասենոյ
Line: 11    եպիսկոպոս՝ եւ Յովհաննէս Ամատունեաց եպիսկոպոս,
Line: 12    եւ գիգ Դաշտկարին եւ Սարգիս Զուարականեան,
Line: 13    եւ վարդապետ Քչկան ի վերայ եդին.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.