TITUS
Girk tltoc
Part No. 19
Previous part

Letter: 44 
Page: 206 
Line: 1  Թուղթ զոր Տէր Յովհաննէս Հայոց կաթողիկոս
Line: 2  եւ այլ եպիսկոպոսք, առ սիւնեաց
Line: 3  եպիսկոպոսն եւ առ տէրն արարին


Line: 4       Քրիստոսիւ պայծարացելոյ սիրելի եղբաւր
Line: 5    եւ աթորակից մերոյ տեառն Վրթանէսի Սիւնեաց
Line: 6    եպիսկոպոսի՝ եւ մեծավայլչի եւ փառաւորելոյ
Line: 7    Միհր արտաշրի սիւնեաց տեառն, ի Յոհաննիսէ
Line: 8    Հայոց կաթողիկոսէ, յԱբրահամայ Տարաւնոյ
Line: 9    եւ Մամիկոնենից եպիսկոպոսէ, ի Ներսայ
Line: 10    Բասենոյ եւ Մարդաղոյ եպիսկոպոսէ, ի Մաշդոցէ
Line: 11    Խոռխոռունեաց եպիսկոպոսէ, ի Գտայ Վանանդեայ
Line: 12    եպիսկոպոսէ, յԱպբիսոյ Ասորեաց ուղղափառաց
Line: 13    եպիսկոպոսէ, ի Բաբայ Ամատունեաց եպիսկոպոսէ,
Line: 14    աւրհնութեամբ եւ հոգեւոր սիրով ողջոյն.

Line: 15       Դուք ինքնին գիտէք զանհնարին վտանգս,
Line: 16    որ այժմ յաշխարհս մեր եհաս՝ զի յառաջագոյն
Line: 17    երանելի հարքն մեր եւ զկնի նոցա մեք ընկալաք
Line: 18    զհաւատ ճշնարտութեան՝ զայն զոր քարոզեցին
Line: 19    մարգարէքն եւ առաքեալքն, եւ ուսուցին
Line: 20    հարքն ճմարիտք, սուրբն Գրիգորիոս սրբոյն
Line: 21    Թադէոսի յաջորդն, եւ ՅԺ՜Ը եպիսկոպոսքն
Line: 22    որ ժողովեցան ի նիկիայ քաղաք, * Ճ՜Ծ-քն
Line: 23    որ ժողովեացան ի Կոստանտնուպաւլիս, եւ
Line: 24    Մ՜-քն որ ժողովեցան յԵփեսոս՝ որ սրբոյ
Line: 25    Հոգւոյն ազդմամբ ուսուցին մեզ, զոր եւ ի սկզբանէ
Page: 207  Line: 1    իսկ տէրունեան բարբառն վարդապետեաց
Line: 2    աշակերտացն սելով՝ Գնացէք աշակերտեցէք
Line: 3    զամենայն հեթանոսս՝ մկրտեցեք զնոսա յանուն
Line: 4    Հաւր եւ Որդւոյ եւ Հոգւոյ սրբոյ, եւ բարձր
Line: 5    եւ հռչակաւոր կնիք եդաւ ի վերայ ամենայինի.
Line: 6    Զայս հաւատ ճշմարտութեան ստուգեալ ունէր
Line: 7    միաբանութեամբ աշխարհս Հայոց, եւ ոչինչ
Line: 8    ամենեւին յումէք արատութիւն յայտնի երեւէր,
Line: 9    եւ բնակեալ էաք ի սուրբ կաթողիկէ եկեղեցւոջ՝
Line: 10    ընդ հովանեաւ սուրբ խաչին Քրիստոսի Աստուծոյ
Line: 11    մերոյ ի խոր խաղաղութեան.

Line: 12       Իսկ ի ժամանակիս յայսմիկ, Նեստորի
Line: 13    անիծելոյ, որ կուրացոյց չարահնար հերձուածովն
Line: 14    իւրով զկողմանս Խուժաստանի, երեւեցաւ
Line: 15    խմոր չարութեան եւ յաշխարհիս մերում՝
Line: 16    որ էր ծածկեալ յանձինս անսուրբ, որք սկսան
Line: 17    պղտորել զյստակ հաւատս ճշմարիտ սուրբ
Line: 18    Երրորդութեանն՝ պատրել զանձինս անհաստատաց
Line: 19    մարմնասէր ցանկութեամբ, եւ տարացեցաւ
Line: 20    երկբայութիւնն, եւ հիւանդացան բազումք
Line: 21    զախտ անհնարին. Եւ ոչ կարացեալ մեր տանել
Line: 22    այսպիսի չարչար եւ դառն հայհոյութեան,
Line: 23    փութացաք մեք՝ եւ այլ աշխարհիս Հայոց
Line: 24    եպիսկոպոսունք, ընդ որս էր եւ երանելին
Line: 25    պետրոս եպիսկոպոսն ձեր, եւ քահանայք եւ
Line: 26    ուխտ սրբոյ եկեղեցւոյ, եւ վանաց երիցունք,
Line: 27    ազատք եւ համաւրէն ժողովրդականք ուղղափառք
Line: 28    ժողովեալք ի սուրբ եկեղեցիս՝ եւ միաբանութեամբ
Line: 29    զպեղծ Նեստորիանոսս՝ եւ զՔաղկեդոնիտս,
Line: 30    եւ զայլ հերձուածողս ի մեր սուրբ եկեղեցւոյս,
Line: 31    նզովիւք հալածական արարաք, եւ սուրբ եւ
Line: 32    փառաւորընկալ սեղանոյս եւ կենատուր սուրբ
Line: 33    աւետարանիս եւ փրկչական սուրբ խաչիս առաջի՝
Line: 34    պայման արարաք ամենեւիմք հեռանալ ի հաղորդութենէ նոցա,
Page: 208  Line: 1    եւ չլսել բանից նոցա մահաբերաց.

Line: 2       Եւ վասն զի ի հաւատարիմ մարդկանէ
Line: 3    լուաք եթէ պեղծ Նեստորականք բազումք եւ
Line: 4    ի ձեր աշխարհդ բնակեալ են, եւ դուք զդոսա
Line: 5    ի սուրբ եկեղեցիս ընդունիք, եւ ընդ դոսա
Line: 6    հաղորդիք՝ յիշելով զսրբոյն Գրիգորի զմեծ
Line: 7    վաստակ եւ զջան որ ի մեր՝ ի ձեր աշխարհիդ
Line: 8    վերայ հասարակաց, եւ զսուրբ ծնունդն զոր
Line: 9    սրբով աւազանաւն վերստին ծնաք, եւ զլուսաւոր
Line: 10    եւ զճշմարիտ հաւատ զոր մեք ձեզ եւ դուք
Line: 11    ընկալաք եւ այժմ ունիմք, զհիգեւոր սէր
Line: 12    զոր ընդ ձեզ ունէաք, առաւել քան զամենայն
Line: 13    զայդ հոգ յանձին կալաք հեռացուցանել եւ
Line: 14    ի ձէնջ զչարի որոմանն սերմանն. Վասն նորին
Line: 15    յուխտէ մերմէ զհաւատարիմ այր Մաթէոս քահանայ,
Line: 16    առաքեցաք առ ձեզ եւ աղաչեցաք Քրիստոսիւ
Line: 17    Աստուծով մերով, որպէս ցայժմ լեալ էք
Line: 18    ազդ սուրբ, ժողովուրդ սենհական տեառն
Line: 19    Աստուծոյ, նոյնպէս եւ այժմ էք եւ մինչեւ
Line: 20    յաւիտեան, դուք եւ զաւակք ձեր, զաւրացարուք
Line: 21    Տերամբ, եւ կարողութեամբ զաւրութեան նորա,
Line: 22    եւ առէք զսպառազինութիւնն Աստուծոյ, եւ
Line: 23    զսուրբ եւ զճշմարիտ հաւատ զոր ի սուրբն
Line: 24    Գրիգոէ եւ յայլ հուեկիր երանելի հարանց
Line: 25    ընկալաք, հաստատուն եւ անչարժ պահեսցէք
Line: 26    յանձինս ձեր՝ եւ զպեղծ Նեստորիանոսդ եւ
Line: 27    զայլ հերձուածողս որ յաշխարհիդ ձերում
Line: 28    են, նոյնպէս ի սրբոյ եկեղեցւոյ եւ ի վեր
Line: 29    հաղորդութենէ նզովիւք ի բաց մերժեցէք,
Line: 30    եւ ամենայն ուղղափառաց պատուիրեցէք, մի
Line: 31    լինել հաղորդ անտղութեան գործոց նոցա,
Line: 32    եւ լի լսել հրապուրող եւ չարաթոյն բանից
Line: 33    նոցա մահաբերաց.

Line: 34       Քանզի զնոսա որոշեաց սուրբ առաքեալն
Line: 35    մանկունս անիծից, եւ զնոցին կորստական
Line: 36    վարդապետութիւնն անուանեաց ամպս անչրդիս՝ վարեալս
Page: 209  Line: 1    ի մրրկէ ի կորուստ ծառս գաւսս
Line: 2    պտղակորոյսս, նիւթս կիզման հրոյն յաւիտենից,
Line: 3    որք յիրաւի իսկ նզովին, զի նոքա են պղտորիչք
Line: 4    եկեղեցւոյ Քրիստոսի Աստուծոյ, այժմու
Line: 5    ժամանակիս, յամենայն տեղիս՝ որք եւ անուանեցան
Line: 6    իսկ ի սրբոյ առաքելոյ՝ եղբարք սուտք,
Line: 7    մշակք անաւրենութեան եւ նեռինք եկեալք
Line: 8    յաշխարհ, եւ հրամայեցաւ մեզ ճշմարիտ հաւատացելոցս
Line: 9    ի սրբոյ աւետարանչէն ի Յովհաննէ՝ ոչ ընդունել
Line: 10    զնոսա ի տունս, ՝ ոչ ողջունել բանիւ՝
Line: 11    այլ հեռանալ ամենեւին ի նոցանէ որպէս
Line: 12    ի թշնամեաց խաչին Քրիստոսի.

Line: 13       Եւ մեք աղաւթեմք զի նոյն ինքն սուրբ
Line: 14    Երրորդութիւնն խափանեսցէ եւ նկուն արասցէ
Line: 15    զթշնամիս իւր զհակառակորդսն ճշմարիտ հաւատոյ՝
Line: 16    եւ զաւրացուսցէ զպաշտաւնեայս եւ զերկրպագուս
Line: 17    անուան իւրոյ սրբոյ. Եւ եթէ յումէք ի
Line: 18    հերձուածողսդ գտցի զղջումն եւ ամենայն
Line: 19    կամաւք իւրովք դարնայցէ ի սուրբ հաւատս
Line: 20    մեր, եւ ոչ խաբեութեամբ նզովեալ գրով
Line: 21    զպեղծ Նեստոր եւ զամենայն հերձուածողս
Line: 22    եւ զժողովն Քաղկեդոնի, եւ ապա ընդունել
Line: 23    զայնպիսին ապաշխարութեամբ, վասն զի դուռն
Line: 24    ողորմութեանն Աստուծոյ խոստովանողաց եւ
Line: 25    ապաշխարողաց հանապազ բաց է.




Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.