TITUS
Girk tltoc
Part No. 11
Previous part

Letter: 35 
Page: 172 
Line: 1  Թուղթ Ասորեաց Ուղղափառաց ի Հայս


Line: 2       Լաւ՟աց ճշմարտի՟ց եւ աստուածասիրաց
Line: 3    հովուաց արդարոց, եւ հարանց հոգեւորաց,
Line: 4    որ էք լոյս աշխարհի եւ սիւնք հաւատո՟յ՝
Line: 5    քարոզիչք արդարութեան, եւ աշակերտք առաքելո՟ց,
Line: 6    ընկերք սրբոց, եւ բարեկամք արդարոց՝ սիրելիք
Line: 7    Քրիստոսի, եւ պահապանք խաչին նորա. Տէր
Line: 8    Ներսէս Կաթողիկոս Հայոց Մեծաց, եւ Մերշապուհ
Line: 9    եպիսկոպոս Տարաւնոյ եւ Մամեկոնենից, եւ
Line: 10    այլ աթոռակցակ, եւ իշխանաց աշխարհիդ՝
Line: 11    Սամուէլ քոխրեպիսկոպոս. եւ Դանիէլ վանից
Line: 12    երէց եւ Սիւնական Սարեբայի, Գաբրիէլ վանից
Line: 13    երէց Ովփեսի եւ Եղիա սիւնական եւ վանից
Line: 14    երէց Սուսինայի, եւ Շապուհ վանից երէց
Line: 15    Գնիսթայի, եւ Յազդեն վանից երէց Գումայի,
Line: 16    եւ Դանիէլ վանից երէց Բդնայի, եւ Բդեշխն
Line: 17    վանից երէց Սաղիմայի, եւ Մեղքի վանից
Line: 18    երէց Յովդամնայի, եւ Դաւիթ վանից երէց
Line: 19    Սոքփոնեի, եւ այլ երիցունք եւ սարկաւագունք
Line: 20    գաւառիս եկեղեցեաց, եւ վանից սպասաւորք,
Line: 21    եւ ամենայն ժողովրդական ուղղահաւատք ի
Line: 22    Քրիստոս Յիսուս ի Տէր մեր՝ Ողջոյն.

Line: 23       Գիտեմք մեք, ո՟վ ճշմարիտք, զի հարք արդարք
Line: 24    եւ հաւատացեալք էք, եւ բժիշկք իմատունք
Line: 25    հիւանդաց, եւ վասն այսորիկ որպէս որդիք որ
Page: 173  Line: 1    խնդրեն իհարանց, նոյնպէս եւ մեք խնդրեմք զկարաւորութիւն
Line: 2    մեր ի ձեր հայրութենէ. Եւ որպէս հիւանդք
Line: 3    որ ցուցանեն զցաւս իւրեանց բժշկաց, նոյնպէս
Line: 4    եւ մեք ցուցանեմք զմեր ցաւս առաջի սրբութեան
Line: 5    ձերոյ. Ծանուցանեմք ձեզ, զի եմք յաշխարհի
Line: 6    հերձուածողաց՝ եւ բնակեալ եմք ի մէջ սոցա
Line: 7    որպէս գառինք ի մէջ գայլոց, եւ համարեալ
Line: 8    եմք սոցա թշնամիք՝ զի քարոզեմք զճշմարիտ
Line: 9    հաւատս եւ կրեմք ի սոցանէ զբազում չարչարանս,
Line: 10    կապանս, զհարուածս, եւ զհալածականութիւն
Line: 11    եւ զաւարառութիւն կնեաց՝ եւ վասն այսորիկ
Line: 12    աղաչեմք զճշմարտութիւն ձեր՝ եղէ աւգեցէք
Line: 13    տկարութիւն մերում, եւ տուք ձեռն եկեղեցւոյ
Line: 14    Քրիստոսի ի ժամանակի նեղութեան՝ կացուցանել
Line: 15    մեզ հովիւ որ ժողովէ զմեզ՝ եւ հայր եւ
Line: 16    ուսուցիչ մեզ, զի մի հափշտակեսցուք ի
Line: 17    գայլոց յափշտակողաց, եւ մի երթիցուք զկնի
Line: 18    թշնամեաց արդարութեան. Հայր էք դուք մեր
Line: 19    արդարութեան՝ մեք որդիք եմք ձեր հաւատովք,
Line: 20    զի հաւատ մեր եւ ձեր մի է՝ զոր քարոզեցին
Line: 21    մարգարէք եւ առաքեալք, եւ ուսուցին հարք
Line: 22    ճշմարիտք Յ եւ Ժ՜Ը եպիսկոպոսքն որ ժողովեցան
Line: 23    ի Նիկիայ քաղաք եւ Ճ՜Ծքն այն որ ժողովեցան
Line: 24    ի կոստանտնուպաւլիս. եւ Մ՜քն որք ժողովեցան
Line: 25    յԵփեսոս.

Line: 26       Զայս հաւատս ունիմք, եւ զայս
Line: 27    երիս ժողովս՝ եւ Հաւատամք եթէ սուրբ Մարիամ
Line: 28    կոյս, աստուածածին է՝ զի ի նմանէ մարմնացաւ
Line: 29    Աստուած Բանն ստուգապէս ի մարմնոյ եւ
Line: 30    յոսկերաց, եւ մարդացաւ կատարելապէս, մինչեւ
Line: 31    եառ ի կուսէն մարմին ճշմարիտ եւ անձն
Line: 32    եւ միտս չարչարեցաւ, խաչեցաւ եւ մեռաւ
Line: 33    վասն մեր որպէս եւ կամեցաւ, ստուգապէս
Line: 34    եւ ոչ կարծեցաւք, եւ ապականութիւն բնաւ
Line: 35    ոչ գտաւ ի նմա, զի մարմինն՝ որ ի մեղէ
Page: 174  Line: 1    առաւ, անապականութիպն էր եւ փառաւոր ի
Line: 2    նմանէ միութենէ, եւ նովին մարմնով յարեաւ,
Line: 3    եւ նստաւ ընդ աջմէ Հաւր. Եւ այսպէս փառաբանեմք,
Line: 4    սուրբ Աստուած՝ սուրբ եւ հզաւր, սուրբ
Line: 5    եւ անմահ, որ խաչեցար վասն մեր, ողորմեա
Line: 6    մեր. Եւ նզովիմք զՆեստորիոս պեղծ՝ եւ
Line: 7    զԹէոդորոս, եւ զԴեւոդորոս՝ եւ զգիրս իւրեանց,
Line: 8    եւ զխորհրդակիցս նոցա, եւ զԲարծումա,
Line: 9    Հնծիհնա եւ զպեղծ կանոպնս նոցա, եւ զԹէոդորիտոս,
Line: 10    եւ զժողովն Քաղկեդոնի, եւ զտումարն Լեւոնի՝
Line: 11    եւ զԱպաւղինարիս, եւ զԵւտիքոս, եւ զՍեւերոս,
Line: 12    եւ զգիրս իւրեանց ապականութեան՝ եւ զՊաւղոս
Line: 13    սամուստացի, եւ զՄանի, եւ զՄարկիովն,
Line: 14    եւ զԱրիոս՝ եւ զամենայն խորհրդակիցս նոցա.
Line: 15    Եւ որ ընդունի մի յայդ դիմաց եւ յուսոմանէ,
Line: 16    ընդ նմա ոչ հաղորդիմք, զի գիտեմք եթէ
Line: 17    դուք զայս հաւատս ունիք՝ եւ զայն հերձուածողսն
Line: 18    նզովէք, եւ ընդ խորհրդակիցս նոցա ոչ հաղորդիք,
Line: 19    վասն այսորիկ ի ձեզ ապաւինեցաք յետ Ատուծոյ,
Line: 20    եւ ընդրեցաք արս ի մէնջ եւ առաքեցաք առ
Line: 21    ձեզ, եւ թուղթս աղաչացանաց, որ ծանուցանեն
Line: 22    զսիրտս մեր եւ զխորհուրդս, եւ արս զոր
Line: 23    առաքեցաք առ ձեզ, անուանքն են այսոքիկ՝
Line: 24    Ահարոն վանից երէց Մարհալայի, Դաւիթ վանից
Line: 25    երէց Խափայի, Յակոբ քահանայ ի ի վանաց
Line: 26    Սարեբայի, Նոյ վանից երէց Կենայի, Բրիխիսոյքահանայ
Line: 27    միայնակենաց, Սէթ պաշտաւնեայ Տամոքա,
Line: 28    Դաւիթ վանից երէց ու̈̄արթնայի, եւ Եղիա եւ
Line: 29    Յովսէփ ի նմին վանաց Սարեփայի, եւ Դաւիթ
Line: 30    սարկաւագ ի վանից Բդնայի, եւ Սերգիս երէց
Line: 31    գեղջ Մարտի.

Line: 32       Զայդ եղբարս եւ միապաշտանաւնս որ տան ձեզ
Page: 175  Line: 1    զթուղթս աղաչանաց, եւ մատուցանեն
Line: 2    առաջի ձեր կամաւք մեր եւ կամաւք սրբոյ
Line: 3    Հոգւոյն զհեզ այրդ Աբդիսոյ երէց, ի ի
Line: 4    վանաց Սարեբայի, մեք խնդրեմք ի ձեզէ,
Line: 5    ողորմութեամբն Աստուծոյ, զի իշխանութեամբ
Line: 6    զոր ընկալայք ի Քրիստոսէ տացէք ձեռնադրութիւն
Line: 7    դմա որ ընդրեցաւ, եւ առաքեցէք առ մեզ
Line: 8    զդա զարդարեալ սուսով Աստուծոյ՝ ի ձեռն
Line: 9    ճշմարտութեան ձերոյ, ի դարձցի առ մեզ
Line: 10    ձառեալ ի ձեռն գրոյ ձերոյ եւ պինդ հրամանաւ
Line: 11    ընդ եղբարս իւր, որ առաքեացն ընդ դմա,
Line: 12    եւ ծանուցէք ստուգապէս, թէ հաւասար է
Line: 13    հաւատս մեր ընդ հաւատոյդ ձերում, եւ ցուցանել
Line: 14    այնոցիկ որք կամին ճանաչել զհաղորդութիւն
Line: 15    մեր ընդ ձեզ. Եւ եղեցի ձեռնադրութիւն
Line: 16    ձեր զոր տայք, որպէս կանոնք եկեղեցական,
Line: 17    եւ յերկբայս ինչ մի լինիցիք վասն դորա,
Line: 18    զի վառեալ է ճշմարիտ հաւատով եւ սիրովն
Line: 19    Աստուծոյ ի կարգ հեզ եւ խոնարհ, եւ ունի
Line: 20    վարդապետական, եւ կարող է աւգնել ուժովն
Line: 21    Քրիստոսի խաշինս, զոր փրկեալ է արեամբն
Line: 22    Աստուծոյ, զի նմա փառք յաւիտեանսամէն.

Line: 23       Հարցանեմք զողջոյն սրբոյ եկեղեցւոյդ ամենայն
Line: 24    հաւատացեալք ի Քրիստոս Յիսուս, շնորհք
Line: 25    Տեառն ընդ մեզ աղաւթիւք ձերովք, եւ ընդ
Line: 26    Հոգւովն սրբով յաւիտեանս ամէն.



Next part


This text is part of the TITUS edition of Girk tltoc.

Copyright TITUS Project, Frankfurt a/M, 28.8.2010. No parts of this document may be republished in any form without prior permission by the copyright holder.