TITUS
John Chrysostom, On the Apostolicum (Ephrem)
Part No. 15
Previous part

Text: 1.Jo.  
Section: Intr.  
Line of ed.: 1   უწყებაჲ და სახე ძალისა და მიზეზისა წმიდისა იოვანე
Line of ed.: 2   მახარებელისა პირველისა კათოლიკისაჲ


Line of ed.: 3        ხოლო იოვანე მახარებელი, რომელმან-იგი სახარებაჲ აღწერა,
Line of ed.: 4     მანვე წარსცა ესე ებისტოლე მორწმუნეთა მიმართ უფლისათა
Line of ed.: 5     მოსაჴსენებელად, და ვითარცა-იგი დაწყებასა სახარებისასა, ეგრეთვე
Line of ed.: 6     აქა ღმრთისმეტყუელებს სიტყჳსათჳს ღმრთისა, და აუწყებს, ვითარმედ
Line of ed.: 7     მარადის არს იგი ღმრთისა თანა, და ასწავებს, ვითარმედ მამაჲ
Line of ed.: 8     ნათელ არს, რაჲთა ესრეთ ვცნათ სიტყჳსათჳს, ვითარმედ არს იგი
Line of ed.: 9     ბრწყინვალებაჲ მამისაჲ. და ვითარცა ღმრთისმეტყუელა, ასწავებს,
Line of ed.: 10     ვითარმედ არა ახალი არს სარწმუნოებაჲ ჩუენი და საიდუმლოჲ,
Line of ed.: 11     არამედ პირველითგან და მარადის არს იგი. ხოლო აწ გამოჩნდა
Line of ed.: 12     უფლისა მიერ, რომელი-იგი არს ცხორებაჲ საუკუნოჲ და ღმერთი
Line of ed.: 13     ჭეშმარიტი. და მოსლვისა და გამოჩინებისა მისისა მიზეზად იტყჳს,
Line of ed.: 14     ვითარმედ: ამისთჳს იქმნა, რაჲთა დაჰჴსნნეს საქმენი ეშმაკისანი, და
Line of ed.: 15     ჩუენ განგუათავისუფლნეს სიკუდილისაგან. და რაჲთა ვიცნათ ჩუენ
Line of ed.: 16     მამაჲ და თავადი ძე მისი, უფალი ჩუენი იესუ ქრისტე. და დასწერს
Line of ed.: 17     ყოვლისა მიმართ ჰასაკისა, ესე იგი არს ყრმათა და ჭაბუკთა და
Line of ed.: 18     მოხუცებულთა, ვითარმედ ღმერთი საცნაურ იქმნა, ხოლო ეშმაკისა
Line of ed.: 19     საცთური იძლია და სიკუდილი დაიჴსნა. და მიერითგან ყოვლისავე
Line of ed.: 20     ებისტოლისა მიერ სიყუარულისათჳს ასწავებს, რამეთუ ენებ[ა], რაჲთა
Line of ed.: 21     ვიყუარებოდით ჩუენ ურთიერთას. ვინაჲთგან ქრისტემანცა შემი\\\ყუარნა Manuscript page: A253v 
Line of ed.: 22     ჩუენ. და მერმე იტყჳს განყოფილებისათჳს შიშისა და
Line of ed.: 23     სიყუარულისა და შვილთა ღმრთისათა და შვილთა ეშმაკისათა, და
Line of ed.: 24     თუ რომელი არს ცოდვაჲ სასიკუდინე. და განყოფილებისათჳს
Line of ed.: 25     სულთაჲსა, და თუ რომელი სული არს ღმრთისაგან ანუ რომელი
Line of ed.: 26     მაცთურისაჲ. და თუ ვითარ ვიცნნეთ შვილნი ღმრთისანი ანუ თუ
Line of ed.: 27     შვილნი ეშმაკისანი. და თუ რომლისა ცოდვისათჳს თანა-გუაც ლოცვ[აჲ]
Line of ed.: 28     ცოდვილთაჲ და რომლისათჳს არა. და ვითარმედ რომელსა არა
Line of ed.: 29     უყუარდეს მოყუასი, არა არს იგი ღირს ჩინებისა, არცა ძალ-უც
Line of ed.: 30     თქუმად, ვითარმედ ქრისტესი არს, და ერთობასა ძისასა მამისა თანა
Line of ed.: 31     აჩუენებს. და ვითარმედ რომელმან უვარ-ყოს ძე, მას მამაჲცა უვარ-\უყოფიეს.
Line of ed.: 32     და განსწვალებს ებისტოლესა ამას შინა და იტ[ყჳს] თჳსსა
Page of ed.: 422   Line of ed.: 1     ანტიქრისტესსა. ესე იგი არს, ვითარმედ, რომელმან თქუას იესუჲსთჳს,
Line of ed.: 2     ვითარმედ არა ქრისტე არს, საცნაურ ჰყოფს, ვითარმედ, ვინაჲთგან
Line of ed.: 3     იგი არა ქრისტე არს, თავსა თჳსსა იტყჳს ქრისტედ მაცთური იგი.

Line of ed.: 4        ხოლო ამცნებს ყოვლისა ამის ებისტოლისა მიერ, რაჲთა არა
Line of ed.: 5     იურვოდინ მორწმუნენი უფლისანი, უკუეთუ სძულობდენ მათ სოფელსა
Line of ed.: 6     შინა, არამედ უფროჲსად რაჲთა უხაროდის, რამეთუ სიძულილი
Line of ed.: 7     სოფლისაჲ საცნაურ ჰყოფს მორწმუნეთა მათ, ვითარმედ ზეშთა
Line of ed.: 8     ქმნილ არიან სოფლისადა და არიან იგინი მოქალაქე ზეცათა. და
Line of ed.: 9     დასასრულსა წიგნისასა კუალად მოაჴსენებს და იტყჳს, ვითარმედ
Line of ed.: 10     ძე ღმრთისაჲ არს ცხორებაჲ საუკუნოჲ და ღმერთი ჭეშმარიტი,
Line of ed.: 11     რაჲთა მას ვჰმონებდეთ და დავიცვნეთ თავნი თჳსნი კერპთაგან.



Next part


This text is part of the TITUS edition of John Chrysostom, On the Apostolicum (Ephrem).

Copyright TITUS Project, Frankfurt a/M, 5.3.2021. No parts of this document may be republished in any form without prior permission by the copyright holder.