TITUS
John Damascene, Encomium Ioannis Chrysostomi
Part No. 9
Previous part

Page of edition: 142   Line of edition: 1     მიწონაჲ ჩუენი. და რათჲა არა მიიტაცებდენ პატივსა მეუფისასა, რამეთუ ერთ
Line of edition: 2     არს მსაჯული, რომელი არა დაისაჯების, ვითარცა მხოლოჲ თავსუფალი ცოდვისაგან,
Line of edition: 3     მეუფე უმეუფოჲ. მიუტევეთ, სახარებისაებრ ჴმობნ, და
Line of edition: 4     მოგეტევნენ.

Line of edition: 5        ვინ ესრეთ დევნა მწუხარებაჲ სიკუდიდ მომყვანებელი და ასწავა მწუხარებაჲ
Line of edition: 6     მხიარულების მომატყუჱბელი. რომელი უკუეთუ, ვითარცა გლოვაჲ იყოს
Line of edition: 7     ღრთისა მიერი, საცხორებელ არს, რაჟამს ცოდვისაგან განაყენებდეს; ხოლო
Line of edition: 8     უკუეთუ მოკლებასა ზედა გემოვნებათასა იყოს, რისხვით განმხრწნელ არს
Line of edition: 9     მსწრაფლ და გამოუცდელ ნამდჳლვე. რამეთუ არა არს შემთხუჱვაჲ მწუხარებისაჲ,
Line of edition: 10     არა არს თჳნიერ დაკლებასა ზედა გულის-სათქუმელისასა. რამეთუ
Line of edition: 11     ვითარიცა რაჲმე იყოს სასურველი, ეგევითარივე არს მწუხარებაჲ ვერმიმთხუჱვისაჲ.
Line of edition: 12     კეთილისაჲ უკუჱ კეთილ, ხოლო სხუჱბრ ქონებულისაჲ მქონებელ სხუჱბრობისა
Line of edition: 13     და სასურველთაგანი კეთილ ერთი ოდენ არს მხოლოდ კეთილისა მიმართ
Line of edition: 14     ოდენ მხედველ. ხოლო წინა-აღმდგომისანი სურვილნიცა წინა-აღმდგომ არიან
Line of edition: 15     და მოწყინებისანი იგი უძალოსა მას ვერ ძალიან ჰყოფენ.

Line of edition: 16        ჴსენებამან სიკუდილისამან ასწავის სულსა ძარღუთმჭრელთა მათ ძალთა
Line of edition: 17     დაჴსნილებისათა წარდევნად და ნაცვალად მისსა შეყვანებად წადიერებასა,
Line of edition: 18     ვითარ წმიდაჲ ესე შიშითა და სურვილითა ღმრთისაჲთა განამჴნობდა ერსა
Line of edition: 19     განვრცობად ლოცვათა და ფსალმუნებათა და ყოველსავე ძილსა და უდებებასა
Line of edition: 20     მსწრაფლ განყრად სულთაგან და ყოვლითა ძალითა დაცვად სულთა
Line of edition: 21     თჳსთა, რაჲთა არა ვითარცა სარკუმელთა რათმე საგრძნობელთაგან აღვიდეს
Line of edition: 22     მათ ზედა სიკუდილი. ამას თანა ასწავა მთარგმანებელ და მოძღუარ მათდა
Line of edition: 23     ყოფითა გამოძიებაჲ წმიდათა წერილითაჲ, და საწინაწარმეტყუელოჲთა სულითა
Line of edition: 24     გამოიძინა დაფარულნი სიღრმენი სულისანი და განაპო საბურველი წერილთაჲ
Line of edition: 25     და განცხადა შუჱნიერებაჲ მათ შორის მყოფი.

Line of edition: 26        და ესე იყო აღუზუავებელითა და განულაღებელითა ცნობითა. რამეთუ
Line of edition: 27     უწყოდა, ჰჱ ნამდჳლე უწყოდა, დათრგუნვაჲ ცუდისა დიდებისაჲ, ცუდად
Line of edition: 28     წარმგებელისა შრომათაჲსაცა და სათნოებათა ნაყოფთ-შემაშთობელისაჲ,
Line of edition: 29     რომელმან ჭურებრ განჴურეტაჲ უწყის სულიერისა სათნოებათა საუნჯისაჲ
Line of edition: 30     და შთადინებისასა წინასწრობაჲ განდინებისაჲ, და არა\რაჲთ Page of ms. A: 44v  უდარეს
Line of edition: 31     ცალიერისა ჭურჭლისასა გამომაჩინებელ მისსა უჴმარმყოფელობითაი ოფლთა
Line of edition: 32     მისთაჲთა და მომატყულჱბელობითა შრომათა, ვერმიმღებელთა ნაყოფიერებისათა.
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.