TITUS
John Damascene, Encomium Ioannis Chrysostomi
Part No. 6
Previous part

Page of edition: 139   Line of edition: 1     წინამხედველითა თუალითა განიცადა ყოფადი იგი ჭაბუკისა მის ზედა და ღმრთისმსახურებისა
Line of edition: 2     სჯულთა შინა განამტკ\იცა Page of ms. A: 42v  წესთა მიერ და ჩუჱულებათა მდიდრად
Line of edition: 3     პატიოსან ყო, და წინა დასახა შუენიერებაჲ ჭეშმარიტებისაჲ. და ესრეთ
Line of edition: 4     საბანელითა კუალად შობისაჲთა გამოხატა მის შორის ქრისტე უშუჱნიერესი
Line of edition: 5     იგი უფროს ძეთა კაცთაჲსა, რომელი ბრწყინავს სიკეთითა ღმრთეებისაჲთა.

Line of edition: 6        იყო უკუჱ წელიწადისა ოცდა ათისაჲ, და ესრეთ მიიწია რაჲ სრულებასა
Line of edition: 7     თანად სულისა და ჴორცთა ჰასაკისასა, საღმრთოთა სიტყუათა თანად წიგნისმკითხველ
Line of edition: 8     და მთარგმნელად დადგინებულ იქმნა; ვინაჲ საღმრთოჲსა სურვილისა
Line of edition: 9     აღტყინებითა უდაბნოდ წარვიდა დაჭნობად მნებებელობითა ჴორცთა
Line of edition: 10     შუჱბულებისა და მდუღარებისაჲთა, რაჲთა არა დამონებულ იქმნა უმჯობესი
Line of edition: 11     უდარესისაგან. რამეთუ ზოგად ორთავე ერთი-ერთისა ზედა გული უთქუამს
Line of edition: 12     და ხრწნილებაჲ საყოფელისაჲ უეჭუელად სულსა მისცემს მძლეობასა.
Line of edition: 13     ხოლო აღვიდა რაჲ მახლობელსა მთასა, ძღუანებულ იქმნა მოხუცებულისა
Line of edition: 14     ვისმე მიმართ მეტყუჱლებითა უკუჱ ასურისა, ხოლო მეცნიერებითა არა უსწავლელისა
Line of edition: 15     და თავსა მარხვისასა მიწევნულისა, რომლისა ფიცხელ-ცხორებაჲ
Line of edition: 16     ოთხ წელ განისაკუთრა და ადვილად ზესთა ექმნა ყოველსა ტკბილგემოვნებასა
Line of edition: 17     ვნებათასა, რამეთუ სიტყუაჲ აქუნდა შრომათა თანამზრახვალი ბერისა
Line of edition: 18     თანა-შესწორებად. ხოლო უცნაურებასა შრომათასა წადიერებითა უდაბნოსა
Line of edition: 19     რასმე მსხემ იქმნა მღჳმის მოქადულობითა საყოფელად, ვითარცა სათნოებისა
Line of edition: 20     საწყობლად და აღსალესველად, სადა-იგი რაოდენნი ღუაწლნი თავს-ისხნა,
Line of edition: 21     დაღათუ სიმრავლისაებრ სალმობათაჲსა მიიხუმიდა ნუგეშინის-ცემათაცა სულისათა.

Line of edition: 22        რაოდენნი აღსავალნი გულსა დაისხნა, ვინაჲ სულითა განათლდებოდა და
Line of edition: 23     ძალითი-ძალად აღმაღლდებოდა და ორკერძო საქმით და ხედვით ყოველი
Line of edition: 24     მეგჳპტური ცნობაჲ სულისაგან და ჴორცთა, თჳსთა ექსორია-ყო, და სხუად მოსედ
Line of edition: 25     საწუთოჲსა ამისდა მონიჭებულმან, დამტევებელმან ეგჳპტისა სოფლისა ვიტყჳ
Line of edition: 26     და სოფლისათამან, და სახითა რაჲთმე გარეგან სოფლისა ქმნულმან, იხილა
Line of edition: 27     ღმერთი, ვითარცა მაყუალსა, სიფიცხესა შინა ცხორებისასა გამობრწყინვებულად,
Line of edition: 28     რამეთუ სათნოებასა უფალი წინა უძღჳს, და ვითარცა ეკალთაგან ვარდი,
Line of edition: 29     ეგრეთვე შრომათგან სათნოებაჲ ნერგ სულნელ. საყნოსებელ ღმრთისა გამოღებად
Line of edition: 30     ჩუჱულ არს.
Next part


This text is part of the TITUS edition of John Damascene, Encomium Ioannis Chrysostomi.

Copyright TITUS Project, Frankfurt a/M, 10.11.2017. No parts of this document may be republished in any form without prior permission by the copyright holder.