TITUS
Metaphrastical Hagiographical Texts ed. by K. Kekelidze
Part No. 7
Previous part

Text: Euseb.Samos.  
Commemoratio Eusebii Samosatensis


On the basis of the edition in
Ḳ. Ḳeḳeliʒe,
Eṭiudebi ʒveli kartuli liṭeraṭuris isṭoriidan VI,
Tbilisi 1960,
140-147
electronically prepared by Tinatin Jikurashvili,
Tbilisi, 7.4.2015;
TITUS version by Jost Gippert,
Frankfurt a/M, 16.5.2015


Ms. Kut. (Gel.) 3, 211-217


Page of ed.: 140  
Line of ed.: 1   თთუესა ივნისსა კ:

Line of ed.: 2   ჴსენებაჲ წმიდისა მამისა აღმსაარებელისა ევსევი
Line of ed.: 3   სამოსატელისა ეპისკოპოსისაჲ


Section: 1  
Line of ed.: 4        1. აწღა კეთილმსახურებამან მკჳდროანი ყოველი მოიცვა რაჲ,
Line of ed.: 5     კეთილთნებითა და წამისყოფითა ღმრთისაჲთა [და] დიდისა კონსტანტინეს
Line of ed.: 6     მეფობითა და თანამოქმედებითა, რომაულისა მპყრობელობისა ყოვლითკერძონი
Line of ed.: 7     ეკლესიანი კეთილად და ღმრთივ-შუენიერად განგებულ იყვნეს, ელინურისა
Line of ed.: 8     კერპ-მბორგელობისა განფერჴულობისა და სრულიად განქარვებასა; რამეთუ
Line of ed.: 9     ქრისტიანობა ყოველსა ქალაქსა და სოფელსა შინა ჴშირებით განმრავლდე\ბოდა
Line of ed.: 10     და კადნიერებითა იმოქალაქებოდა. არამედ კეთილის მოძულისა და ბო\როტისა
Line of ed.: 11     ეშმაკისა სივერაგე და ძუნად კაცთა-მიმდემი ძმაცუვაჲ არცა
Line of ed.: 12     ეგრეთ მშჳდობითსა ქცევასა შინა გებად ქრისტეანეთა დაუტევებდა. არამედ
Line of ed.: 13     იგინივე კუალად თავთა თჳსთა მიერ მისვე ქრისტეს-მსახურნი ჴდომისა და
Page of ed.: 141   Line of ed.: 1     სარწმუნოებისათჳს სხუებრ-კმაობასა ქონებად და ურთიერთას განყოფილე\ბისა
Line of ed.: 2     ბოროტმან მან შემზადნა, ორღანოდ მპოვნელმან დასაბამსა ალექსანდ\რიელსა
Line of ed.: 3     ხუცისა არიოსისამან. ამისა შემდგომად სხუათაცა შემდგომითი
Line of ed.: 4     შედგომად ერთცნობათა მისისა უღმრთოებისათა და ყოვლითურთისა და
Line of ed.: 5     ერთობითისა სამებისა ღმრთეებისა უსწოროთა ხარისხთა მიმართ დამჭრელთა
Line of ed.: 6     და ესრეთ დიდისა განხეთქილებისა შორის მღდელთმთავართა და მოძღუარ\თა
Line of ed.: 7     ერისათა შემქმნელთა ამიერ თჳთ იგი მორწმუნენი მეფენიცა არნ სადამე,
Line of ed.: 8     რომელ გულის-სიტყჳთა შეირყნეს. და, რომელნიმე ორგულობასა შინა
Line of ed.: 9     ქმნილნი და მათ გარემოთა თანამიყოლილნი სიმარტივითა , აწ ვიდრემე ამას
Line of ed.: 10     კერძსა, ხოლო აწ მას მიერთნეს. ხოლო რომელთამე ყოვლითურთობით ბოროტ\მსახურთა
Line of ed.: 11     წვალებისა თანამდგომთა შერყვნილნი ძჳრნი უკეთილმსახურესთა
Line of ed.: 12     და უმართლმადიდებელესთა მღდელთმთავართა მიმართ აჩუენნეს, ვითარნი
Line of ed.: 13     აწცა სიტყჳსა და წინამდებარისა სანატრელისა ევსევის სამოსატელთა ეპის\კოპოსისა-ძლითთა
Line of ed.: 14     ჟამთა მათ შემთხუევად დაემთხჳნეს.

Section: 2  
Line of ed.: 15        2. რამეთუ ესე ნამდვილ მწყემს კეთილ ქრისტეს ცხოვართად ქმნილი
Line of ed.: 16     და მის-ძლითთა კრძალულად და კეთილმსახურებით განმგებელი, მერმეცა
Line of ed.: 17     სოფლისა უშორებელსთამი მივიდოდა ყოველთა სიტყჳსა ღმრთისა მიმთხრო\ბელად
Line of ed.: 18     და ქადაგებათა სახარებისასა წარმართთა შორის განმავრცელებელად,
Line of ed.: 19     ქრისტეს მოციქულთა მსგავსებისაებრ, და მრავალგზის თჳთ სამოსისაცა სა\ხესა
Line of ed.: 20     სცვალებდა ბრძენი იგი ბარბაროზებრად და სოფელსა-შინათა ჩვეულებ\რად
Line of ed.: 21     ადვილ მისაახლებელობისათჳს. რამეთუ სჳრიად და ფჳნიკედ და პალეს\ტინედ
Line of ed.: 22     მიწევნილი და საეკლესიოთა წესთა მასწავლელი მუნათა მორწმუნეთაჲ,
Line of ed.: 23     ხუცესთა და დიაკონთა ჴელთა დაასხმიდა. და სხუათა ეკლესიისთა დასთა
Line of ed.: 24     მოსწრაფედ აღმოავსებდა. ხოლო არნ ოდესმე და წინამძღუართა დაქურივე\ბულთა
Line of ed.: 25     და მოქენეთა ეკლესიათა განუჩინებდა თანათნებითა, ცხად არს,
Line of ed.: 26     ვითარმედ სხუათაცა მისდა ერთ-ჯერჩინებითა ეპისკოპოსთაჲთა. და ამათ
Line of ed.: 27     უკუე ვიდრემდის შესაძლებელ მისდა სოფლებადმდე გებული არა დააცადებ\და
Line of ed.: 28     მარადის მოქმედი და სარწმუნოებისათა განმამტკიცებელი და ძლიერ
Line of ed.: 29     მყოფელი.

Section: 3  
Line of ed.: 30        3. ხოლო ვინაჲთგან მეფობაჲ რომთაჲ უალენტა უსახურსა გარემოერ\ტყა
Line of ed.: 31     და იგი, არიანებრისა წყალებისა ყოველ-ჴელობით შემტკბობელი, ყოველ\თა
Line of ed.: 32     მართლმადიდებელთა მღდელთმთავართა ჰჴუედნიდა, ვიდრეღა მათთაცა
Line of ed.: 33     ეკლესიათა რომელთამე შესვლად მგულებელთა დაუჴშვიდა. ხოლო სხუათა
Line of ed.: 34     სრულად საფუძველამდეცა დაამჴობდა. ხოლო ისწავნა ევსევიოჲს-ძლითნიცა
Line of ed.: 35     და მისი მართალთა რწმენათათჳს სწრაფაჲ და ხარკებაჲ იწუართნა მისიცა
Line of ed.: 36     გარდადგინაებჲ მიერ და დაცადებაჲ მასწავლელობით და კეთილით და კეთილ\თა
Line of ed.: 37     მწყემსთა შესაბამით მოქმედებით; და მყის ესე ბრძანებაჲ განავლინა, მქო\ნებელი
Line of ed.: 38     რათა იგი უკუე განავლინონ სამრემლოჲთ, სადა მჯდომარეობდა, ხოლო
Line of ed.: 39     წიაღიყვანონ თრაკიდ. და იქმნა ვიდრემე უკუე ბრძანებისა ამის მისდა
Page of ed.: 142   Line of ed.: 1     მომრთუმელობაჲ მიმწუხრისა ჟამსა. ხოლო მან აღმოიკითხა იგი და თჳსისა
Line of ed.: 2     მოყუსებისა, მერმე და ყოვლისაცა სამწყსოჲსა მისა-მიმართისა მჴურვალისა
Line of ed.: 3     სიყვარულისა მეცნიერმან, და ვითარმედ არამცა-ოდეს თავს-იდვეს ნებსით
Line of ed.: 4     თჳსისა მწყემსისაგან დაკლებულობაჲ ეგრეთ უმიზეზოდ და უსჯულოდ, რათა
Line of ed.: 5     არაშფოთისა და განდგომილებისა მიზეზი იქნეს საქმე იგი, ამცნო ნაწერისა
Line of ed.: 6     მიმრთუმელსა ჭეშმარიტებით მოწაფემან მამშჳდებელისამან. მაშინღა თუ სად\მე
Line of ed.: 7     არავისდა ცხად ყოფად მისისა წარსლვისა მიზეზსა, რამეთუ, ესე თუ
Line of ed.: 8     ცნედო, ჰრქუა, კეთილმსახურებისა მოშურნემან ერმან ჩემმან შენ ვიდრემე
Line of ed.: 9     თანადვე მოგაკუდინოს, ხოლო მე თანამდებ მყოს მეფისა მიერ შენისა აღსრუ\ლებისათჳს
Line of ed.: 10     შურისგებასა.

Section: 4  
Line of ed.: 11        4. ხოლო ესრეთ რაჲ ამცნო, მწუხრის მოწევნასა და აწვე ძალისა მი\მართ
Line of ed.: 12     მიდრეკილობასა ჩვეულებითნი ვიდრემე ლოცვანი უკუნსცნა ღმერთსა
Line of ed.: 13     და მხოლოდ ერთისა თჳსთა მრწემთაგანისა მარწმუნებელი ქმნადისა და სას\თუმლისაჲ,
Line of ed.: 14     ხოლო და წიგნისა აღმღებისა მისდა შედგომასა მბრძანებელი,
Line of ed.: 15     გამოვიდა ფარულად და ვიდოდა კბოდემდე მდინარისა. რამეთუ ფრიად მახ\ლობელად
Line of ed.: 16     ქალაქისა მათისა მტილებისა დის ევფრატი. ხოლო მუნ წიაღმყვა\ნისა
Line of ed.: 17     მზად მამთხუელმან და შესრულმან სხუად კერძო სწრაფაჲ უბრძანა
Line of ed.: 18     მყვანებელთა. ხოლო იქმნა რაჲ დღე იგი ვიდრემე წიაღ კერძო მიიწია, და
Line of ed.: 19     საქმე ესე ცხად იქნა რაჲ, დაუპყრობელმან გოდებამან მოიცვა ქალაქი ყოვე\ლი;
Line of ed.: 20     და ვინაჲთგან ისწავეს წუთღა წიაღკერძო მდინარისა ყოფაჲ მისი,
Line of ed.: 21     მსწრაფლ განწიაღნეს მოქალაქენიცა თანად ყოველნი ღირსისა მიმართ; და
Line of ed.: 22     ფერჴთა მისთა შევრდომილნი, ცრემლით ევედრებოდეს და მჴურვალე ეოხე\ბოდეს
Line of ed.: 23     ბაკად თჳსადვე გებად და არა მგელთა განცემად ცხოვართა. ხოლო
Line of ed.: 24     ვითარცა ვერ არწმუნებდეს მართალსა, არამედ ესმოდა მისი, მეტყუელისაჲ,
Line of ed.: 25     ვითარმედ ჯერ არს სამოციქულოჲსა სჯულისაებრ "მთავართა და ჴელმწიფეთა
Line of ed.: 26     დამორჩილებაჲ", სასოებისა წარმკუეთელნი იტყებდეს მწარედ და საწყალო\ბელად
Line of ed.: 27     იგლოვდეს, თავთა თჳსთა ობლობისა მტირალნი ამისა შემდგომად, ვი\თარცა
Line of ed.: 28     შეუგვანდა, ვითარ მეუფესა და უფალსა, საგზალთა უხუთა უძღუანებ\დეს
Line of ed.: 29     მას: რომელიმე ოქროსა, ხოლო სხუანი მრწემთა სამსახურებელად კმართა
Line of ed.: 30     მიანიჭებდეს. ხოლო იგი, მრავალთაგან ფრიად კნინთა მინღები და მცნებათ
Line of ed.: 31     და სწავლათა მიერ თჳსთა შვილთ განმამტკიცებელი და ლოცვათა მიერ შემ\ჭურველი,
Line of ed.: 32     რათა უმტკიცესად იპყრობდეს სამოციქულოთა და მართალთა
Line of ed.: 33     რწმენათა და არა გარდაიქცნენ ბოროტ-მადიდებელთაგან, და განმაწესებელი
Line of ed.: 34     მათი, ჯეროანთა წარვიდა ისტრომდი მისდა ბრძანებულისაებრ. ხოლო სამო\სატელნი,
Line of ed.: 35     ურვითა აღვსებულნი სახით უკუნ-იქცეს, ვითარ საკუთრისა და
Line of ed.: 36     ნაწლევ-მოყუარულისა მამისაგან განმარტოებულნი, ხოლო მომჴსენელნი მისთა
Line of ed.: 37     სწავლათა და მოძღურებათანი, დღითი-დღე ურთიერთასსა აღჰმახუვიდეს
Line of ed.: 38     თავთა შორის თჳსთა გარდაუქცეველად მცველობად სახიერისა მის მოძღუ\რისა
Line of ed.: 39     ევსევის მიერ მათდა მიცემულთა საეკლესიოთა სჯულთა.


Page of ed.: 143  
Section: 5  
Line of ed.: 1        5. ხოლო წინაგყო თქუენ თხრობაჲცა ჭეშმარიტი და ყოველთა მიერ
Line of ed.: 2     ქადაგებული ცხადად გამოსაჩინებელად ყოვლისა ერისა სარწმუნოებისა სანატ\რელისა
Line of ed.: 3     ამის ევსევის მიმართ. რამეთუ ვინაჲთგან არიოჲს თანამოყუსებისა
Line of ed.: 4     [თანანი] თავთა თჳსთა მისწრაფებისა მიერ თანამწეთა მათთა ჟამსა
Line of ed.: 5     ევსევის მიერ განჴდისასა [დაადგენდეს], ევნომიონ ვინმე ერთცნობა მათი,
Line of ed.: 6     მის წილ საეპისკოპოსოსა საყდარსა დაამკჳდრეს. ხოლო იყო მისდა მხოლოდ
Line of ed.: 7     ლიტონი სახელი ეპისკოპოსობისაჲ ზედდაწესებულ თჳნიერ საქმისა. გარნა
Line of ed.: 8     არიანოზად მცნობელთა მისთა ქალაქისა მკჳდრთა თანად ყოველთა უკუნ-თქუეს
Line of ed.: 9     ეკლესიად მიმავალობაჲ და არავინ არაოდეს, არცა ლიტონი მოქალაქე საეკ\ლესიოდ
Line of ed.: 10     შესაკრებელად მივიდა, არცა მამრი, არცა მდედრი, არცა ჭაბუკი,
Line of ed.: 11     არა მოხუცებული, არა მდიდარი, არა მკოდოვი, არა თავისუფალი, არა
Line of ed.: 12     მონაჲ, არა მდაბიორი, არა ქუეყნის მშრომი, არა ჴელოანი, არცა სიტყჳს\წარმვლელი,
Line of ed.: 13     რამეთუ ერთად ყოველთა სწორებით უკუნმაქცეველთა ევნომიო\სისაჲთა
Line of ed.: 14     მოუხილველად დაუტევეს, და ხოლო სახელი აქუნდა მწყემსისაჲ,
Line of ed.: 15     საცხოვრისა არცა ერთისა ღონიერსა. ესრეთ ყოველი სამოსატელთა ერი,
Line of ed.: 16     ვითარ ჭეშმარიტი, კეთილმსახურსა ესევიოსს შორის მყოფსაცა მოიჴსენებდეს
Line of ed.: 17     და შეიტკბობდეს და გარეშე მისთა სწავლათაგან მცნებულისა არარას მი\ითუალვიდეს.
Line of ed.: 18     ამის თანა, გარეშე ბოროტმადიდებლობისა, სხჳთ მშჳდი და
Line of ed.: 19     ცნობაზომიერი იყო ევნომიოს, გარნა ეგრეცა არავინ მათ ყოველთაგანი ანუ
Line of ed.: 20     უცნობასა რასმე მისცემდა, გინა მოღებად თავს იდებდა,ანუ რაჲთურთით
Line of ed.: 21     მიეხებოდა. ითქუმის უკუე, ვითარმედ ოდესმე ბანასა მისსა, იხილნა რაჲ
Line of ed.: 22     მდგომარედ მოქალაქეთაგანნი ვინმე მახლობელად მისა, და უბრძანა მათ
Line of ed.: 23     უშიშად ტფილთა მათ წყალთაგან მიმღებლობაჲ. ხოლო მათგან არა სმენაჲ,
Line of ed.: 24     არამედ ეგრეთ დუმილით მდგომარედ გებაჲ. ხოლო მან, იეჭუა რაჲ მისა\მიმართისა
Line of ed.: 25     პატივისა-ძლით ჯმნაჲ მათი ტბად მის თანა შთამამავლობისაგან,
Line of ed.: 26     ისწრაფა შთასლვაჲ. და იბანა რაჲ, კუალად მოკლედ აღმოსლვაჲ წყლით,
Line of ed.: 27     ვითარმცა იგინი მეორედ შთავიდეს მუნ. ხოლო მათ, თჳთ მის წყლისაცა მძულე\ბელთა
Line of ed.: 28     ევნომიოჲს სხეულისა გარდასხმულობასაჳა, ვითარ რეცა წვალებისა
Line of ed.: 29     მისისა ბილწსა მიმღებისა, იგი უკუე განსთხიეს სოლინარებად წარვლინებითა,
Line of ed.: 30     ხოლო სხჳსა წმიდისა შთასხმად განჰმზადნეს მწდეველნი. რომლისა მცნობელი
Line of ed.: 31     ევნომიოს, დამსწავლელი თუ რაბამ მოქალაქეთა სიძულილ მისა მიმართ, მყის
Line of ed.: 32     დამტევებელი საეპისკოპოსოჲსაცა საყდრისა და თჳთ მის ქალაქისაჲ, უჩინოდ
Line of ed.: 33     განიპარა.

Section: 6  
Line of ed.: 34        6. და სხუაცა კუალად, ეგრეთვე ყოველთა მიერ თხრობილი, ვიეთა
Line of ed.: 35     და ყოველთადა უწყებულიცა, არცა იგი დავიდუმო. რამეთუ ევნომიოს იგი
Line of ed.: 36     მოაკლდა რაჲ-ვითარ სახედ წინაჲსწარ ვთქო,-სამოსატით და მისით საე\პისკოპოსოჲთ,
Line of ed.: 37     სხუაჲ კუალად არიანოსთა, თანაცნობაჲ მათი და თანათებაჲ,
Line of ed.: 38     მისა საყდარსა ნაცვალ-აგეს, რომლისა სახელ ლუკიოს. და ამისცა მიმართ
Line of ed.: 39     კუალად ეგრეთვე უკუნქცეულად მდებარეობდა ყოველი ქალაქი, და ყოველნი
Line of ed.: 40     სძულობდეს კაცსა მას ცვალებისა საძაგებლობისათჳს. რომელსა დაემთხჳა
Page of ed.: 144   Line of ed.: 1     ოდესმე საშუალ უბნისა წიაღვლაჲ, რომელსა შინა მაშინ ყრმანი მომღერალნი
Line of ed.: 2     მბურთველობდეს. ვითარ უკუე ბურთუსა ურთიერთას მიუგებდეს, შეემთხჳა
Line of ed.: 3     მას კარაულსა ფერჴთა მიერ, რომელსა მჯდომარეობად ლუკიოს, დათრგუნ\ვილისა
Line of ed.: 4     დავრდომილობაჲ. ხოლო ლუკიოს, განმგონებელი მათ-მიერისა ზრახულისაჲ,
Line of ed.: 5     თჳთ უკუე წარვიდა, ხოლო უბრძანა შედგომილთაგანსა ვისმე გებაჲ
Line of ed.: 6     ადგილსა ზედა ცნობად ქმნადისა. ხოლო ჭაბუკთა მეყსეულად აღაგზნეს ცეცხ\ლი
Line of ed.: 7     და ბურთჳ ორ და სამ გზის განავლეს მას შინა და ვითარ რამე განწმი\დეს
Line of ed.: 8     და ეგრეთა კუალად იჴუმიეს იგი მღერისა მიმართ. ესე რაჲ ისწავა
Line of ed.: 9     ლუკიოს, უმეტესღა აღბორგნა ძჳნად კეთილმსახურთა, რამეთუ არა იყო მის\წინასაებრ
Line of ed.: 10     მშჳდ ქცევითა და წყნარისა ცხოვრებისა შემტკბობელ, არამედ
Line of ed.: 11     მებრძოლ და სასტიკ და ფიცხელ მტერთა მენაცვალეობისა მიმართ, ამან
Line of ed.: 12     უკუე სხუათაცა მართლმადიდებელთაგანთა მღდელთა ქალაქით განჴდა მთავრ\თა
Line of ed.: 13     მიერ უძლო. ხოლო სხუათა სიტყჳს ღირსთა კულა და საღმრთოთა და სახა\რებიანთა
Line of ed.: 14     ქადაგებათათჳს უძლიერესად მწედ მბრძოლთა კიდეთა რომაულისა
Line of ed.: 15     მპყრობელობისათა განდევნა. რამეთუ ევოლკიონ ვიდრემე, სამღდელოჲსა მსა\ხურებისა
Line of ed.: 16     ღირსქმნილი და სიტყჳსა ძალითა შემკული, ოასად სოფლად,
Line of ed.: 17     განდევნა. ხოლო ანტიოხონ, დიდისა ევსევისა უკუე ძმისწული, ხოლო მრა\ვალთა
Line of ed.: 18     წარმატებათა მიერ იგიცა მრწყინვალე მხედველობითთა თანად და
Line of ed.: 19     საქმითთა და მღდელობისათა ღირსებული, ეგრეთვე სხუად უკუანაჲსკნელო\ბად
Line of ed.: 20     სომხეთისად განავლინა.

Section: 7  
Line of ed.: 21        7. ხოლო თუ ვითარ სათნოებიტა ესე ანტიოხოს და კეთილმსახურე\ბისათჳს
Line of ed.: 22     შურითა [შეპყრობილ იყო], შემდგომთა ჟამთა მის მიერ ზმნილმან
Line of ed.: 23     საჩინოდ ცხად ყოს, დაღათუ პირველ ჟამისა ვიწყეთ ამისი მოთხრობაჲ. რამე\თუ
Line of ed.: 24     შემდგომად ღირსისა ევსევის თჳსად საყდრად კუალად-გებისა, ვითარ
Line of ed.: 25     შემდგომთა შინა ცხად ყოს სიტყუამან, მერმედა მერმეთამი მიცვალებასა
Line of ed.: 26     მისსა, იძიებოდა, თუ ვინ იპოოს დიდისა მის და მოციქულთა სწორისა ქადა\გისა
Line of ed.: 27     ღირსი მონაცვალე. და შეკრბა რაჲ უკუე ყოვლისა მის ტომისა კრებაჲ,
Line of ed.: 28     რომელთა შორის იყო იუვინოსცა, მაშინ პერგისა ეპისკოპოსი, რომელი მცი\რედსა
Line of ed.: 29     რამსმე ჟამსა მეარიანოზეთა ზიარებასა ესწრა, და შეკრებულთა ყოველ\თა
Line of ed.: 30     ერთჴმაობით ესე ანტიოხოს განაჩინეს და განსაჯეს, დედის ძმისა მისისა
Line of ed.: 31     მონაცვალედ, და დაღათუ იგი მდაბალ ცნობობისა ძლით შიშნეულობდა და
Line of ed.: 32     იჯმნიდა, არამედ მათ სამღდელოდ და საღმრთოდ ტრაპეზადმი მიიყვანეს
Line of ed.: 33     იგი იძულებით და მუჴლის მომდრეკელობაჲ დაჰპატიჟეს ჴელთდასხმისა შესაწ\ყნარებლად.
Line of ed.: 34     ვითარ იხილა მან უკუნქცევასა შინა იუვინოჲს მარჯუენე თავსა
Line of ed.: 35     მისსა ზედა დადებულსა, მყის განიშორა იგი და ჴელისდამსხმელთაგანი ვინმე
Line of ed.: 36     მომგებლად განჰმზადა: ვითარმედ "არა მივითუალავ მარჯუენასა მისსა, რო\მელმან
Line of ed.: 37     მიითუალნა გმობათათჳს აღსრულებულნი საჲდუმლონი". არამედ ესე\ნი
Line of ed.: 38     ვიდრემე მრავალთა ჟამთა უკუანაჲსკნელ იქმნნეს წინაჲსწარმოღებუ\ლისა
Line of ed.: 39     ამისა სიტყჳსა შემდგომობისასა, და ვითარ წინშესავალი რაჲმე თხრო\ბაჲ,
Line of ed.: 40     აქა მოღებულ იქნა გამოსაჩინებელად რეცა საკჳრველისა ანტიოხოჲს
Line of ed.: 41     სათნოებისა.


Page of ed.: 145  
Section: 8  
Line of ed.: 1        8. ხოლო კუალად ეგებოდედ სიტყუაჲ, ვინაჲ იგი გამოვიდა და საღ\მრთოჲ
Line of ed.: 2     უკუე ესევი, თღაკიდ, ვითარ ითქუა, ბოროტმსახურისა უალენტოჲს
Line of ed.: 3     მიერ შესაზღვრებული, ისტოროჲს კიდესა იყოფებოდა, ბევრთ ძჳრთა და ღუაწ\ლთა
Line of ed.: 4     მომთმენელი. და რამეთუ მდინარისა მის მეზობელნი ტომნი გუთთანი
Line of ed.: 5     არა დაეცადებოდეს მაშინ რბევისაგან და ტყუენვასა ყოვლისა თრაკეთისა
Line of ed.: 6     სოფლებისაჲსა, იყვის ოდესმე-და თჳთ მათ ქალაქთაცა შესცვიდეს. ხოლო
Line of ed.: 7     ვინაჲთგან უალენტოს უკუე ბილწად და ღირსად თჳსისა ხენე-სახელობისა
Line of ed.: 8     მოკუდა ცეცხლითა ბზეთა თანა, რომელთა შინა შთაეფლა დამწუარი, და
Line of ed.: 9     მეფობისა სიმტკიცე დიდსა და ყოვლად მართლმადიდებელს თეოდ\[ოსისა]
Line of ed.: 10     მოერტყა გარე, და კუალად ღმრთსა ეკლესიათა თჳსი და შესატყჳსი
Line of ed.: 11     უკმოიღეს დიდებაჲ და პატივი, უკუნსცა სანატრელსაცა ევსევიოსს თჳსად
Line of ed.: 12     საყდრად კუალად-გებაჲ. და მან, აღმომავალმან, აკაკი ვიდრემე, რომლისა
Line of ed.: 13     მრავალ-ქებაჲ [სმენილ იყო] ვერრჳას შინა ჴელთ-დასხმულ ყო. ხოლო
Line of ed.: 14     იერაპოლის შინა თეოდოტონ, და ევსევიონ ხალკიდონს, და კჳროსს ისადონ,
Line of ed.: 15     და სხუანიცა არამცირედნი მის-ქუეშეთა ქალაქთად ეპისკოპოსნი განაჩინ\ნა.
Line of ed.: 16     ხოლო სხუათა ყოველთა თანა მარინცა ვინმე ქალაქსა შინა დოლიქინდ
Line of ed.: 17     წოდებულსა ეპისკოპოსად დაადგინა. კაცი პატიოსანი და ქებისა ღირსი და
Line of ed.: 18     ყოველთა სათნოების სახეთა მიერ შემკული.

Section: 9  
Line of ed.: 19        9. ამის უკუე ღირსისა მარინის ეკლესიისა საყდართა ზედა დამყარე\ბად
Line of ed.: 20     მნებებლი ევსევიოს დოლიქინდ მიიწია. და შესლვასა მისსა ქალაქად
Line of ed.: 21     დედაკაცმან ვინმე ბილწმან და კადნიერმან, არიანებისა წვალებისა ფრიად
Line of ed.: 22     შემტკბობელმან და წმიდისა ამის მძულებელმან, ვითარმე ახალთა ეპისკო\პოსთა
Line of ed.: 23     მიერ ისწრაფვის ყოველთა ვერაგთა მწვალებელთა ყოვლით-კერძო
Line of ed.: 24     განჴდასა, სახლისა სართულთაჲთ, კეცისა ჴელებითა ამღებელმან, ზეით შთამო\უტევა
Line of ed.: 25     თავსა ზედა წმიდისასა და, ძლიერად შემმუსრველმან მისმან, ყოვლად
Line of ed.: 26     მცირედისა მოაკუდინა იგი. ხოლო ნეტარმან და ღმრთისა ჭეშმარიტებით
Line of ed.: 27     მოწაფემან მობაძავმან ევსევიოს, უკუანაჲსკნელთა აღმოფშჳნვათამი მიწევნულ\მან
Line of ed.: 28     და აწღა აღსრულებადმან ფიცით ამცნო ყოველთა , რათა არცა ერთი
Line of ed.: 29     პატიჟი მიჰჴადონ კლვისა მისისა მოქმედსა დედაკაცსა. ესევითარი სათნოებაჲ
Line of ed.: 30     აქუნდა კეთილმსახურებისა სესხნასა ამას და ესევითარი ცხორებისა დასასრულ\ლი
Line of ed.: 31     პოვა, მოწამებრი ბდა დიდებული, მღუწელმან უპირატეს ვიდრემე თრაკის
Line of ed.: 32     შინა და ბევრთა განსაცდელთა და ძჳრთა ბარბაროზთაგანცა დამთმენელმან,
Line of ed.: 33     და ბოროტმადიდებელთა მთავართაგან, ხოლო დასასრულსა, შემდგომად გუ\თურით
Line of ed.: 34     უგბილობით განლტოლვისა არიანოზობითისა წვალებისა, მიერ
Line of ed.: 35     განქიქებულისგან, განკაფულმან და მოწამებისა გჳრგჳნსა, ვითარცა რაჲ რჩე\ულმან
Line of ed.: 36     მჴედარმან ქრისტესმან შემდგომად ბრწყინვალისა ძლევისა აღმღებელ\მან.
Line of ed.: 37     ამისმან მგოდებელმან დიდმანცა გრიგოლ ღმრთისმეტყუელმან და სამარ\თლად
Line of ed.: 38     შეწყნარებულმან სიტყჳსა გარედ მოკლვისა მისისათჳს აყუადრა ბოროტ\თა
Line of ed.: 39     არაიანოსთა და, მამხილებელმან მათისა სასტიკებისამან, დაწერა ესრეთ:
Line of ed.: 40     "ვეძიებ ჩემდად გუშინ დაკლულსა თქუენსა ბერსა და აბრაამეანსა მამასა, რო\მელსა,
Page of ed.: 146   Line of ed.: 1     ექსორიობით მოყვანებულსა, ქვებითა უმასპინძლეთ საშუალსა სღისასა,
Line of ed.: 2     საშუალ ქალაქისა. ხოლო ჩუენ მკითხველნიცა არა თუ სატჳრთო სათქუმელად
Line of ed.: 3     გამოვითხოენით ძჳრხილვადნი". ესრეთ ვიდრემე უკუე ყოვლად-ქებული და
Line of ed.: 4     დიდი ევსევიოს ფრიადმან სიტყუებითა, დიდმან და მაღალმან სიბრძნითა,
Line of ed.: 5     ვიტარ წარმგზავსებით კარგმსაზრაობით ქებულ იყო. ხოლო მე სხუაჲცა ქრის\ტესმოყუარისა
Line of ed.: 6     და კეთილად-მძლისა ამის მოწამისა მჴნე და ქებისა ღირსი
Line of ed.: 7     საქმე, ვითარცა რაჲ დიდი ღუაწლი და წამებისა [თხრობაჲ], არა მეორედ
Line of ed.: 8     მისთჳსთა თხრობათა შევსძინო და ესრეთ განუსუენო სიტყუასა.

Section: 10  
Line of ed.: 9        10. რამეთუ მეფე კონსტანტიოს, სხუებითა ვიდრემე ღმრთისმოყუარედ და
Line of ed.: 10     ღირსად მყოფი, ხოლო ქცევითა ადვილ მქეცევი, და, ვითარ სათქუმელ, ადვილ
Line of ed.: 11     მიმომრდომი, არიანოსთა თნებასა ზედა უკუნათა ჟამთა შინსა გარდაიდვა,
Line of ed.: 12     შინაურთა მასწავლელობასა მიყოლილი. ხოლო შფოთი მრავალი ამის
Line of ed.: 13     მიერ შორის მღვდელთმთავართაჲსა აღმოემორჩა და ურთიერთას განყოფი\ლებაჲ;
Line of ed.: 14     და სხუანიცა არამცირედნი მამანი პატიოსანნი და ღმრთის-მოყუა\რენი,
Line of ed.: 15     მართალთა რწმენათა ეკლესიისათა მწედ მბრძოლნი, გამოჩნდეს ჟამისა
Line of ed.: 16     და სამეფოჲსა ძლიერებისა უზესთაესად აღმოჩინებულნი, ხოლო მათ ყოველ\თა
Line of ed.: 17     თანა გინა პირველ ყოველთაჲსა სარწმუნოებითა მტკიცე ესე და მჴურვა\ლე
Line of ed.: 18     მოშურნე კეთილმსახურებისა ევსევიოს. რამეთუ მეფე, ვითარცა ითქუა,
Line of ed.: 19     წინააღმდგომსა კერძსა მიერთუა რაჲ და დიდსა ამას მღდელთმთავარსა,
Line of ed.: 20     ხოლო ითქჳნ, და ქველსა, აიძულებდა წუევითა, წინააღმდგომ მდებარეთაჲთა,
Line of ed.: 21     რათა განსცეს ქმნილი გამორჩებაჲ დიდისა მელეტი ანტიოქიისა წინამჯდო\მისა
Line of ed.: 22     მიერ ცხადად სამხილებელად არიანოზებრისა უკეთურებისა, რამეთუ მის
Line of ed.: 23     თანა დაგულებულ იყო, და ყოვლითა ფერითა იქადოდა და აშინებდა მას.
Line of ed.: 24     და დასასრულსა არამსმენელობისათჳს მარჯუენისა მისისა მოკუათასა აქადებ\და
Line of ed.: 25     არა თუ, ძიებული წინაუყოს. მსწრაფლ სანატრელმან ამან ერთისა წილ
Line of ed.: 26     ორნივე ჴელნი განუმარტნა მოსაკუეთელად. ესრეთ წყურიელობდა პირველცა
Line of ed.: 27     ქრისტეს-ძლითისა წამებისათჳს. და რაოდენ წინააღრჩევითა და წამებითა
Line of ed.: 28     ყოველსა ცხორებასა მოწამე იყო და ვიდრემე უკუე ვითარისაცა აღსასრული\საცა
Line of ed.: 29     მოსურნეობდა, უეჭუელად ეგევითარსა მიემთხჳაცა. მაშინ უკუე მეფემან,
Line of ed.: 30     მცნობელმან სიმჴნესა წმიდისა და კეთილმსახურებისათჳსსა შურსა და განკჳ\რვებულმან,
Line of ed.: 31     არათუ ვითარმცა აბრალა ურჩებაჲ მღდელთმთავარსა, გინა რა\ნიმე
Line of ed.: 32     მისდა შურის სარგებელად აჩუენნა, არამედ უფროჲსად აქოცა ღმრთის\მოყვარებისათჳსი
Line of ed.: 33     მჴდომობაჲ კაცისა ამის და ყოვლითა პატივითა და ქებითა
Line of ed.: 34     მიმოდებასა მისსა არა დააკლებდა. რამეთუ ესევითარი დაუკვრდების მეტ\ყუელისაებრ,
Line of ed.: 35     მბრძოლსაცა უეჭუელად დაპატიჟებითა სჳნდისისაჲთა შეწყნარე\ბასა
Line of ed.: 36     და აღსარებასა ჭეშმარიტებისასა.

Section: 11  
Line of ed.: 37        11. და, ჵ ნეტარო, კეთილმსახურებისაცა სეხნაო და მწედ მბრძოლო,
Line of ed.: 38     ჵ სუეტო მართლმადიდებლობისაო, ჵ საფუძველო ეკლესიისაო, ჵ მღდელთ\მთავართა
Page of ed.: 147   Line of ed.: 1     შუენიერებაო, ჵ მოწამეტა სამკაულო და მძლეო გჳრგჳნოსანო და
Line of ed.: 2     არიანებრისა წვალებისა დამჴსნელო! ნუ მოაკლებ აწცა, მანდა გარდასრული,
Line of ed.: 3     ეგრეთვე მცველობასა მორწმუნისა და ქრისტეს სეხნაჲსა ერისა და მოყუარი\სა
Line of ed.: 4     შენსა ქრისტეს დაუცხრომელად მეოხებასა ჩუენთჳს და შენითა მოქმედე\ბითა
Line of ed.: 5     და მძღუანველობითა წრფელთა და ღმრთისა სათნოთა ალაგთა მიმართ
Line of ed.: 6     წარმართებასა და მიწევნასა ჩუენსა, დიდებად მამისა და ძისა და წმიდისა
Line of ed.: 7     სულისა, ერთისა ღმრთეებისა, აწ და მარადის და საუკუნეთა საუკუნეთასა.
Line of ed.: 8     ამინ.




Next part


This text is part of the TITUS edition of Metaphrastical Hagiographical Texts ed. by K. Kekelidze.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.