TITUS
Old Georgian Hagiographical Texts, vol. V
Part No. 8
Previous part

Text: Propir. 
Line of ed.: 3  მოკლე მოთხრობა თვით პროფირისათჳს


Line of ed.: 4       ჵ მე, საყუარელნო, ოდესღა მოიწია ღმრთივ სულიერი ესე
Line of ed.: 5    წიგნი აქამომდე, მაშინ აღფრინდა ვითარცა ტრედი უმანკო სასურ\
Line of ed.: 6    ველი შვილი ჩემი პორფირი.

Line of ed.: 7       დასდუმნა ორღანო ეკკლესიისა, მოაკლდა სიტყვიერი სამკაუ\ლი
Line of ed.: 8    მონასტრისა, დაჭნა ყუავილი სათნოებისა, დაშრიტა სანთელი
Line of ed.: 9    გულისჴმის ყოფისაა, მიგვეფარა ანგელოსი მშვიდობისა, გარნა
Line of ed.: 10    ღმრთივ შვენიერად გამობრწყინდა ღირსი იგი შვილი სასუფევე\ლისა.

Line of ed.: 11       რამეთუ იყო სანატრელი პორფირი შვილი ბრწყინვალეთა ტო\მთაგან
Line of ed.: 12    და შესწირეს ღმერთსა მოანატერსა ამას შინა, ვითარცა
Line of ed.: 13    აბელის ძღვენი და აბრაჰამის მსხვერპლი, ჰასაკითა ათისა წლისა,
Line of ed.: 14    ხოლო გონებითა იყო ვითარ ასისა წლისა. და აღიზარდა ყოველ\თა
Line of ed.: 15    კეთილ შვენიერითა სწავლითა სულიერითა და საეკლესიოჲთა.

Line of ed.: 16       და იქმნა რა ათექვსმეტისა წლის, შემოსა ხატი ანგელოსებრივისა
Line of ed.: 17    სახისა და მიიღო კურთხევა ქრისტეს მიერისა და დიაკონობისა და
Line of ed.: 18    წარემატა ყოვლითა კეთილ-შვენიერითა სათნოებითა, რამეთუ
Line of ed.: 19    მდაბალ იყო გონებითა და წრფელ სულითა, მოწყალე სიტყვით და
Line of ed.: 20    სქამით და მოღვაწე აზნაურებისა ხედვითა, მმარხველ უვნებულო\ბით
Line of ed.: 21    და მლოცველ სამღთოს ტრფიალებით, ხოლო სიყვარული
Line of ed.: 22    ღმრთისა აქუნდა ზესთა ბუნეებისა და მოყვრისა უმეტეს თავისა
Line of ed.: 23    თჳსისა და ამით სახით იყო ყოველთა მიერ საყვარელ.

Line of ed.: 24       ხოლო იქმნა რა ოცისა წლისა, სრულ იყო ყოვლითა სწავლუ\ლებითა,
Line of ed.: 25    მწიგნობარ-მგალობლობითა და უმეტეს ყოვლად შვენი\ერ
Line of ed.: 26    მწერლობითა და სიტყვა მადლიან ენა-მჭევრობითა. და მონა\ზონებისა
Line of ed.: 27    სრულება მიიღო მაზრის კურთხევითა და ჩემდა იყო
Line of ed.: 28    რწმუნებულ მამობა სულისა მისისა, რომელიცა უმეტეს და უპა\ტიოსნეს
Line of ed.: 29    წარემატა ყოვლითა სათნოებითა.

Page of ed.: 123 
Line of ed.: 1       და იქმნა რა ოცდაშვიდის წლის სურვიელ ვიყავ მღუდელ-შვე\ნიერებით
Line of ed.: 2    კურთხევასა მისსა, გარნა, ჵ მე, ეწია საყვარელსა მას
Line of ed.: 3    სალმობა უკურნებელი და წარიყვანეს სოფლად და ოთხის თვისა
Line of ed.: 4    ჟამი დაჰყო ფიცხელსა სნეულებასა შინა და ყოველსავე მადლო\ბითა
Line of ed.: 5    ღმრთისათა ითმენდა დუმილით და გონებასა თჳსსა ღმრთისა
Line of ed.: 6    ხედვასა და ღმრთისმშობლის ტრფიალებასა არ მოაცილებდა. და
Line of ed.: 7    ოდეს განიწირა მკურნალთაგან, მღუდელმთავრისა მიერ ზეთის
Line of ed.: 8    კურთხევისა საიდუმლო მიიღო და არხიმანდრიტისაგან ქრისტეს
Line of ed.: 9    საუდუმლოთა ზიარებაჲ და შემდგომსა დღესა იხილა ღმრთის\მშობელი
Line of ed.: 10    ცხადად მეტყველმან. აჰა, ღმრთისმშობელი მარიამ
Line of ed.: 11    ღმრთივ ბრწყინვალე დედოფალი და მისთანა ანგელოსთ შვენიე\რებანიო.
Line of ed.: 12    ეს რა წარმოსთქუა ყოველთა დაწყნარებითა, განოისახა
Line of ed.: 13    ნიში პატიოსნისა ჯუარისა, მიწვა და მიიძინა ნეტარმან ძილი იგი
Line of ed.: 14    მართალთა, ვითარცა ჰშვენის წმიდათა და სათნოთა ღმრთისათა.

Line of ed.: 15       და რაჟამს მოიწია ჩუენდა ჴმაჲ მიცვალებისა მისისა, ჵ მე,
Line of ed.: 16    რაბამი სალმობა გულისა მოგვეცა და ვითარი ლმობა სულისა,
Line of ed.: 17    მხურვალე ცრემლი თუალითა და სიღრმით გულისად სულთქმაჲ,
Line of ed.: 18    რამეთუ დავაკლდით მრავალსა კეთილობასა მისგან და სათნოება\სა
Line of ed.: 19    სულისა ჩუენისა მოურნეობისა და შემდგომად ჩუენისა მემსხვერ\პლეობასა
Line of ed.: 20    და ყოვლად სიყვარულსა მისსა.

Line of ed.: 21       გარნა ჩუენ მისთჳს ვიწყეთ მიერ დღითგან ძალისაებრ და
Line of ed.: 22    გულსმოდგინებისა ყოველთა სამღრთოსა წირვისა და ვედრებისა
Line of ed.: 23    შეწირვად ღმრთისა და ერთმან უმოხუცებულესმან მამამან სწირა
Line of ed.: 24    რა მისთჳს ცხრაჲ და მეათისა განემზადებოდა, იხილა ჩვენებით
Line of ed.: 25    თავი თჳსი ეკკლესიასა შინა და მუნ საყვარელი პორფირი სამღუ\დელოთშვენიერებითა
Line of ed.: 26    რაჲთმე მოსილი და ჴელითა ეპყრა კეთილ\შვენიერი
Line of ed.: 27    წიგნები და მრქუაო: "აჰა, მამაო პატიოსანო, ესე წიგნები
Line of ed.: 28    არიან დიდებად ჩემდა, სიხარულ, სასოება და გვრიგვინ სულისა
Line of ed.: 29    ყმისა. ესე, რა ჰრქუა, განეღივძა მამასა და მოგვითხრა ჩუენ ყოველ\თა
Line of ed.: 30    და მადლი მოვეცი მსმენელთა ყოვლისა შესაწირავისა სათნო\მყოფელსა
Line of ed.: 31    ღმერთსა.

Line of ed.: 32       რამეთუ მე უწყი, რომელ იგი სასურველი მრავლად გულს\მოდგინედ
Line of ed.: 33    სურვიელ იყო წმიდათ წერილებისა წერასა კეთილ-შვე\ნიერებითა,
Line of ed.: 34    რომელთაგან თვით განათლებულ იყო გონებითა და რო\მელთამე
Line of ed.: 35    თჳსთა მისთა წარსცემად სულისა ნაყოფიერებად და უმ\რავლესთა
Line of ed.: 36    ქველის-საქმედ გლახაკთადმი მოწყალებად, რომელნიცა
Line of ed.: 37    აქ დაუნჯებულნი ჰპოვნა სავანესა მას მისთჳს განმზადებულსა, და
Page of ed.: 124  Line of ed.: 1    იშვების მათ მიერ გამოღებულ ნაყოფთა ზედა გვირგვინოსანი და
Line of ed.: 2    იხარებს საუკუნოდ მადიდებელი ღმრთისა.

Line of ed.: 3       ხოლო ოდეს მოიღოს სანატრელისა პორფირისა გუამი მონას\ტერსა
Line of ed.: 4    და მამამან მისმან სულიერმან მოიყვანა მეგობარი თჳსი
Line of ed.: 5    მღუდელმთავარი სტეფანე და აწირვინა მისთჳს და კურთხევასა
Line of ed.: 6    საფლავსა მისისასა წარწერა ესე: "ეპიტაფია სტავროფორესი
Line of ed.: 7    საფლავსა ზედა პორფირისსა: ეჰა, ღმრთივ სულიერო შვილო და
Line of ed.: 8    სულებრ საყვარელო ძმაო და სარწმუნო მეგობარო პორფირი, აჰა,
Line of ed.: 9    მოსრულ არს მეგობარი მეგობრისა შენისა და სასურველი სიყვა\რულისა
Line of ed.: 10    შენისა ღირსებისა. გვირგვინი მღუდელმთავრობისა და
Line of ed.: 11    მეუფე საწადელი სიწმიდისა შენისა.

Line of ed.: 12       აღსდეგ, საყუარელო, და მიეგებე ყოვლდა საწადელითა მგა\ლობლობითა
Line of ed.: 13    შენითა, აღსდეგ და თაყვანის-ეც შენთჳს მოსრულსა
Line of ed.: 14    მეუფესა, აღსდეგ და თანამწირველობით ჰმსახურე მღუდელ შვენი\ერებით
Line of ed.: 15    მსხუერპლის შემწირველსა შენთჳს და მიიღე მადლი და
Line of ed.: 16    კურთხევა, ღმრთივ-კურთხეულო ძმაო.

Line of ed.: 17       შენი არს ჭეშმარიტად მადლი ესევითარსა სამღთოდ მსახურე\ბისა,
Line of ed.: 18    შენდა მონიჭებულ არს კეთილგონიერებით პატივისცემა პა\ტივისმცემელისა
Line of ed.: 19    ღმრთისა და შენდა ჰშვენის, სასურველო, პატიოს\ნება
Line of ed.: 20    ვინაჲთგან ღირსებით მსახური ძისა პატივცემულ იქმნების
Line of ed.: 21    მამისა მიერ, რამეთუ სადაცა მე ვიყო, მუნცა მსახური ჩემიო.

Line of ed.: 22       სადა არიან, სანატრელო ძმაო, პირისა შენისა შვენიე\ერებანი,
Line of ed.: 23    სადა არიან ბრწყინვალენი ნათელნი თუალთა შენთანი,
Line of ed.: 24    სადა არიან საწადელნი ტკბილნი სიტყვანი ბაგეთა შენთანი, სადა
Line of ed.: 25    არიან ჴმა კილოვნებით შემკულებანი გალობათა შენთანი, სადა
Line of ed.: 26    არიან კეთილნი შვენიერებით მწერლობანი თითთა შენთანი. ჵ მე,
Line of ed.: 27    რამეთუ დეცადა უჟამოდ.

Line of ed.: 28       ჵ, საყვარელო, რად დაგიწუხავნ თუალნი, თუალო ყოვლსა
Line of ed.: 29    კეთილობისაო, რად დაგიდუმებია ენა, სულისა ცხოველისა ორღა\ნო,
Line of ed.: 30    რად დაგიცადებია ჴმაჲ ანგელოსებრ წმიდა არსობით გალო\ბაჲ
Line of ed.: 31    და რად დაგიყოფიან ოქროს წყაროჲ სიტყვათა შენთა სათნო
Line of ed.: 32    მყოფელი სულთა მრავალთა.

Line of ed.: 33       გარნა შენ, ყოვლად ღირსო, წინაშე წმიდისა სამებისა იშვებ
Line of ed.: 34    სულითა, სულო მართალო და საწადელო, და განიცდი დიდებასა
Line of ed.: 35    ღმრთისასა, რომლისად სიყრმითგან სურვილ იყავ და ჩუენცა გა\მოგვიცხადე,
Line of ed.: 36    ბრძენო. სერაფიმნი უზესთაეს არიან, ანუ საყდარნი,
Line of ed.: 37    რომელთათჳს ვმეოგობდით ჩუენ წერილთა გამოძიებითა.

Page of ed.: 125 
Line of ed.: 1       ესე შეიწირე, ღირსო, გვირგვინისაგან მემსხვერპლეობა და მა\მისაგან
Line of ed.: 2    გულსმოდგინება და მეცა მსწრაფლ წარმიყვანე შენ თანა
Line of ed.: 3    სავანესა მას შინა სამკვიდრებლსა და შეიწირე შვიდ მუხლედნი
Line of ed.: 4    სიტყვანი გულისტკივილით აღმოთქმელნი, ვითარცა ჯვარზე დამს\ჭვალულისა
Line of ed.: 5    შვიდნი სიტყვანი ძისა და ღმრთისანი, რომელი არს
Line of ed.: 6    კურთხეულ უკუნისამდე.




Next part


This text is part of the TITUS edition of Old Georgian Hagiographical Texts, vol. V.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.