TITUS
Old Georgian Hagiographical Texts, vol. V
Part No. 6
Previous part

Text: Arch. 
Line of ed.: 4  შესხმა[ჲ]* წამებაჲ წმიდისა და დიდებულისა მოწამისა
Line of ed.: 5  არჩილისი, მეფისა მის ქართველთასა, რომელი იყო
Line of ed.: 6  ნათესავი და ტომი ხუასროვანთა სპარსთა მეფისა და
Line of ed.: 7  იწამა ქართლს შინა ჭიჭუმ მძლავრისა მიერ,
Line of ed.: 8  რომელსა ეწოდა ასიმ*.


Line of ed.: 9       ბრწყინვალე არს და დიდებულ ჴსენებაჲ ყოველთა მოწამეთა,
Line of ed.: 10    რამეთუ მათ ადიდეს ღმერთი ასოთა თჳსთა მიერ, რაჟამს-იგი განი\ცადებოდეს
Line of ed.: 11    ცეცხლითა და მახჳლითა და სხვთა ფერად-ფერადითა
Line of ed.: 12    სატანჯველითა და მოსწყდებოდეს სიყვარულისათჳს ღმრთისა.
Line of ed.: 13    ამისთჳს ღმერთმანცა ადიდნა იგინი თავისა თჳსისა თანა დიდებითა
Line of ed.: 14    მით ჩუენგან მიუგონებელითა და მიუთხრობელითა თქმულისაებრ
Line of ed.: 15    წინასწარმეტყუელისა, ვითარმედ: "მე მადიდებელნი* ჩემნი ვა\დიდნე
Line of ed.: 16    და შეურაცხის-მყოფელნი ჩემნი შეურაცხვყვნე"*. მოვედით
Line of ed.: 17    ჩუენცა, მარტჳლთმოყუარენო და უფროისად ღმრთისმოყუარენო,
Line of ed.: 18    ვეზიარებოდეთ ჴსენებასა მოწამეთასა, ნუუკუე და ჩუენ მიერცა
Line of ed.: 19    არა უღირს იჩინონ დიდებაჲ და ქებაჲ, რამეთუ დაღაცათუ იგინი
Line of ed.: 20    საუკუნოდ დიდებულ არიან, არამედ ჩუენცა თანამდებ ვართ დი\დებად
Line of ed.: 21    მათდა და ქებად ძალისაებრ, რამეთუ ძალისაებრნი გულს\მოდგინებანი
Line of ed.: 22    მათ მიერცა მისათუალველ არიან, რამეთუ ზეშთა სა\ხიერსა
Line of ed.: 23    მეფისა მსგავსად ესენიცა სახიერნი და ტკბილნი არიან, რა\მეთუ
Line of ed.: 24    ჰნებავს წმიდათა, რაჲთა, სადაცა მეფჱ მათი იდიდებოდეს,
Line of ed.: 25    ეგრეთვე მსგავსად ესენიცა მის თანა იდიდებოდენ და ჩუენ შემს\ხმელთა
Line of ed.: 26    და მადიდებელთა მათთა ნიჭთა უხრწნელთა უხუჱბით
Line of ed.: 27    განგჳყოფდენ და მადლთა უშურველთა მდიდრად მოგუფენდენ,
Line of ed.: 28    რაჲთა მობაძვად სიმჴნეთა მათთა გამოგუაჩინენ, ბრძოლად უხი\ლავთა
Line of ed.: 29    მათ მტერთა და სურვილად საუკუნოჲთა მათ კეთილთა მოს\წრაფედ
Line of ed.: 30    აღგუადგინნეს.

Page of ed.: 96 
Line of ed.: 1       რამეთუ ქუეყანისა მეფეთაცა თჳს ეყვის, რაჲთა საკუთარნი
Line of ed.: 2    მეგობარნი მათნი ყოველთა მიერ იპატივებოდინ, რამეთუ პატივნი
Line of ed.: 3    მათნი თავისად პატივად შეურაცხიეს. აწ ვინაჲთგან* ესრეთ თანამ\დებ
Line of ed.: 4    ვართ მოწამეთათჳს ქებისა შეწირვად, მოვედით, მორწმუნე\ნო,
Line of ed.: 5    განვაწყოთ ხორო შემასხმელთა და მედღესასწაულეთა და უძ\ნობდეთ
Line of ed.: 6    დიდსა ამას მოწამეთა შორის მნათობსა, რამეთუ ვინ არს
Line of ed.: 7    ესრეთ დიდებულ და სახელოვან ბრწყინვალებითა ღუაწლთაჲთა*
Line of ed.: 8    და წარჩინებულ / გჳრგჳნოსნობითა, ვითარ ჩუენ ესე მოწამე, ვიტყჳ
Line of ed.: 9    უკუე ჩუენსა ამას სახელოვანსა მეფეთა შორის და წარჩინებულ\სა
Line of ed.: 10    თვთმპყრობელთა შორის და უფროჲსად* ბრწყინვალესა გუნდ\სა
Line of ed.: 11    შორის მოწამეთასა სამგზის სანატრელსა არჩილს. ვიცი, რამე\თუ
Line of ed.: 12    ყოველნი მეწამნეთ სიმჴნესა და სიქველისა მისსა შუენიერება\სა
Line of ed.: 13    და ახოვანებასა მისსა, ტომ-კეთილობასა და შარავანდედითა მე\ფობისათა
Line of ed.: 14    ზეშთა ქმნილობასა მისსა და სხუათა მრავალთა რაჲთმე
Line of ed.: 15    უხუებასა სიკეთეთა მისთასა, არამედ ესე არარაჲ არს მის თანა,
Line of ed.: 16    არცა რად საჴმარ, რამეთუ ესე ყოველი დაუტევა და ნაგევად შე\რაცხა
Line of ed.: 17    საუკუნოსა მისთჳს დიდებისა და წარუვალისა მეფობისათჳს
Line of ed.: 18    სივრცე ქუეყანისა, სიმდიდრე ზღჳსა, საუნჯეთა სიმძიმენი, სამეუ\ფონი
Line of ed.: 19    ტაძარნი და გჳრგჳნი, თჳსნი და ტომნი, ცოლი და შვილნი და
Line of ed.: 20    სხუაჲ, რაჲცა ითქმის და მოიგონების სოფლისა ამის საშუებელთა\ბანნი,
Line of ed.: 21    ვითარცა მტუერი უნდოჲ, ეგრეთ განყარა და ვითარცა ნა\გევი
Line of ed.: 22    განაბნია სიყვარულისათჳს ქუეყანისა და იგი მხოლო შეიყუა\რა
Line of ed.: 23    და ყოვლისა განმსყიდელმან იგი მხოლოჲ*, ვითარცა ბრძენმან
Line of ed.: 24    ვაჭარმან, მოიყიდა და მისთჳს დადვა სული თჳსი, არამედ ჩუენ
Line of ed.: 25    ძალისაებრ ვიტყოდით ღუაწლთა მიმართ სიმჴნით განწყობასა
Line of ed.: 26    მისსა მძლავრისა მიმართ სიტყჳს-გებასა და სიკუდილისა მიმართ
Line of ed.: 27    უშიშოებასა და თუ ვითარ ახოვნად გჳრგჳნოსან იქმნა. დაღაცათუ
Line of ed.: 28    ყოველნი მაქებელნი თჳსნი ძლეულად გამოჩინებულ არიან, რამე\თუ
Line of ed.: 29    ღირსებითა ქებათა ვერავინ* მკადრე ქმნილ არს, თჳნიერ მის
Line of ed.: 30    ჟამისა წმიდისა ეპისკოპოსისა ლეონტი მრუელისა, რომელსაცა
Line of ed.: 31    მისი სანატრელი ცხორებაჲ და ღუაწლი ვრცელად აღუწერია, ვი\თარცა
Line of ed.: 32    მოგვთხრობს მატიანე ქართველთა ცხორებისა. არამედ იგი
Line of ed.: 33    ჟამთა მიმყოვრებითა ვიდრე ჩუენდამდე არა მოწევნილ არს, არცა
Line of ed.: 34    უხილავს, არამედ მისივე ქართველთა ცხორებისაგან, რომელი
Line of ed.: 35    მისთჳს სულ მცირედ წერილ არსა, ანუ თუ ზეპირით საჩინოობს
Page of ed.: 97  Line of ed.: 1    ჟამთა სივრცისაგან ვერ დაფარული ბრწყინვალებაჲ ღუაწლთა მის\თა
Line of ed.: 2    და საფლავიცა მისი ჩუენ შორის მყოფი დუმილით მღაღადე\ბელი
Line of ed.: 3    სიმჴნეთა მისთა. ამისთჳს მცირედისა* რაჲსამე და კნინოდე\ნისა
Line of ed.: 4    ვიკადრე / მეცა უნდომან და გლახაკმან ამან აღწერად მისთჳს
Line of ed.: 5    ძალისაებრ ჩემისა და არა თუ სიდიდისაებრ სიმჴნეთა მისთასა და
Line of ed.: 6    ბრწყინვალებისა. რაჲთა არა უმეტესმან დუმილმან უღრმესსა და\ვიწყებასა
Line of ed.: 7    მისცეს ბრწყინვალე იგი ღუაწლი მისი და ჩუენ დაგ\უჭირდეს
Line of ed.: 8    დიდი იგი შესაძინელი. ორკეძოთა ნიჭთა უხუებისანი

Line of ed.: 9       აწ მოვედით, ღმრთისმოყუარენო, მოყვენით ყურნი თქუენნი
Line of ed.: 10    და გულსმოდგინედ ისმინეთ: ესე სამგზის სანატრელი არჩილი იყო,
Line of ed.: 11    ვითარცა უწყით, ყოველთა მეფე ქართველთა, რომელსა სრულიად
Line of ed.: 12    ეპყრა საზღუარნი ყოვლისა საქართველოსანი ანაკოფსით ვიდრე
Line of ed.: 13    დარუბანდამდე. იყო ნათესავი დიდთა მეფეთა ხუასროვანთა დი\დისა
Line of ed.: 14    მეფისა ვახტანგის ძეთა ძე, მეხუთე შვილისშვილი, ძე სტე\ფანოზ
Line of ed.: 15    მეფისა. ამისათჳს ვაჴსენე ნათესაობაჲ მეფეთა და თჳთმპყ\რობელობაჲ,
Line of ed.: 16    რაჲთა ამით უმეტესად* გამოვაჩინო დიდებულე\ბაჲ
Line of ed.: 17    მისი, თუ ვითარ ესრეთ ნაგევად შერაცხა ესოდენნი ესე დი\დებანი
Line of ed.: 18    და საწუთოსა* ამის სიმდიდრენი და სუფევანი.

Line of ed.: 19       მომეცით კადნიერებაჲ, რაჲთა ვთქუა რაჲმე მცირედი არა
Line of ed.: 20    უცხოდ აღსაჩენელი თქუენისაცა გულისჴმის-ყოფისა, დაღაცათუ
Line of ed.: 21    უცხო არს ესე, რომელსა მეგულების თქუმად.

Line of ed.: 22       რამეთუ რავდენნი გასმიესთ ყოველსა ქუეყანასა შინა დიდნი
Line of ed.: 23    იგი წმიდანი მოწამეთა საჩინონი ბრწყინვალებანი, ვითარ იგი დი\დებულ
Line of ed.: 24    არიან და ქებულ ანგელოზთა და კაცთა მიერ, არამედ
Line of ed.: 25    მე ესრეთ ვჰგონებ, ვითარმედ ესე მათ ყოველთა შორის უმეტესი\თა
Line of ed.: 26    საჩინოებითა ბრწყინავს.

Line of ed.: 27       რამეთუ არა სადა სმენილ არს თჳთმპყრობელთა მეფეთა მოწა\მებაჲ,
Line of ed.: 28    ვითარ ჩუენი ესე მოწამე სამგზის სანატრელი არჩილ. და\ღაცათუ
Line of ed.: 29    დიდნი არიან და საჩინონი სხუანი მოწამენი სასწაულთა
Line of ed.: 30    და საკჳრველებათა მიერ ზეშთა გამოთქუმისა*, არამედ სხუაჲ არს
Line of ed.: 31    სისხლი მეფისა და სხუაჲ მჴდრისა, სხუაჲ მთავრისა და სხუაჲ
Line of ed.: 32    მონისა, არამედ რომელი იგი არს აღმწონელი და ყოვლისა გამომ\ძიებელი
Line of ed.: 33    თუალუხუავითა* მით განკითხვათა მსჯავრითა მან უწყის
Line of ed.: 34    ასე ყოველი, არამედ თქუენ მეორედ მელოდეთ რაჲთა უწინარეს\ნი
Line of ed.: 35    და დასაბამნი ღუაწლისა მისისანი წარმოგითხრნე* და მერმე
Line of ed.: 36    გამოგისახო დიდი იგი ღუაწლი მისი, თუ ვითარ აღირჩია ნებსით
Page of ed.: 98  Line of ed.: 1    თჳსით დადება თავისა თჳსისა და თჳთ უწოდებელად იქმნა მსხუ\ერპლ
Line of ed.: 2    წმიდაჲ და საკუერთხ უბიწოჲ და თუ ვითარ სისხლითა თჳსი\თა
Line of ed.: 3    განაშუენა / ეკლესიანი ჩუენნი და ვითარ მძლე ექმნა ხილულთა
Line of ed.: 4    და უხილველთა მტერთა და სისხლითა თჳსითა ყო მშჳდობაჲ ქართ\ველთა
Line of ed.: 5    შორის, ანუ პირველ, ანუ უკანაჲსკნელ.

Line of ed.: 6       რამეთუ ჟამსა მას ოდეს მიშუებითა* ღმრთისაჲთა გამოსაც\დელად*
Line of ed.: 7    ქრისტეანეთა გამოჩნდა ცრუ იგი მოციქული სარკინოზთა
Line of ed.: 8    შორის, ბილწი იგი სჯულისმდებელი მოჰამედ, ვითარცა იტყჳს
Line of ed.: 9    მისთჳს მოციქული პავლე, ვითარმედ: "ვინაჲთგან არა შეიწყნარე\სო
Line of ed.: 10    სიყუარული* ცხორებისა, ჭეშმარიტი იგი სიბრძნე მოუვლინოს
Line of ed.: 11    სული საცთურებისა, რაჲთა რწმენესო მისი და მით დაისაჯნენო".
Line of ed.: 12    ესევითარი რაჲ უკეთურებისა საცთური გამოჩნდა თანაშეწევნითა
Line of ed.: 13    ეშმაკისათა, მყის განეფინა* გესლი იგი საცთურებისა მისისა მრა\ვალთა
Line of ed.: 14    თესლთა შორის, რომელთაცა წმიდათა მოციქულთა ქადა\გებაჲ
Line of ed.: 15    არა შეეწყნარა, რომელთა იგი სიტყუაჲ ცხორებისა უქა\დაგეს
Line of ed.: 16    ყოველსა სოფელსა.

Line of ed.: 17       ხოლო შემდგომად სიკუდილისა ცრუჲსა მის მოციქულისა დის\წულმან
Line of ed.: 18    მისმან ყრუმან, რომელსა მურვანცა ეწოდებოდა, აღიზა\ხა
Line of ed.: 19    ყოველთა ქრისტეანეთა ზედა, ვითარცა ლომმან მძვნვარემან და
Line of ed.: 20    ვითარცა მჴეცმან ბოროტმან და პირველად მოიწია საქართველო\სა
Line of ed.: 21    ზედა ფრიადითა რისხვითა და გულისწყრომითა დიდითა, რო\მელსა
Line of ed.: 22    ყვა ლაშქართა სიმრავლე ურიცხჳ, რომელსა ვერ იტევდა
Line of ed.: 23    ქუეყანა ესე. მაშინ წმიდაჲ ესე ჯერეთ ჭაბუკ იყო ჰასაკითა* ძმისა
Line of ed.: 24    მისისა უხუცესისა თანა, რომელსა ეწოდა მირ, რამეთუ ორნი ესე
Line of ed.: 25    ძმანი მირ და არჩილ მეფობდეს სრულიად საქართველოსა ზედა.
Line of ed.: 26    ხოლო მოწევნასა მას მურვან ყრუსასა ივლტოდეს აფხაზეთად,
Line of ed.: 27    რამეთუ ვერვინ შემძლებელ იყო წინადადგომად სიმრავლისათჳს
Line of ed.: 28    ლაშქართასა. ამისთჳს შიში დიდი მოიწია ყოველთა ქრისტეანეთა
Line of ed.: 29    ზედა. ხოლო შემო-რა-ვიდა ქართლად, შემუსრა ყოველივე შენე\ბული
Line of ed.: 30    და სიმაგრენი საქართველოსანი და გარდავიდა იმერეთად და
Line of ed.: 31    აღივსნეს ყოველივე არენი იმერთანი და ვერღარა იტევდა სიმრავ\ლითა.
Line of ed.: 32    ხოლო ესე ორნი ძმანი მიივლტოდეს აფხაზეთად და მუნ\შეწყუდეულნა
Line of ed.: 33    იმალვოდეს, და უსჯულო იგი დაბანაკებულ იყო
Line of ed.: 34    ეგრის წყლით ვიდრე ცხენისწყლამდე. ხოლო წმიდაჲ იგი არჩილ
Page of ed.: 99  Line of ed.: 1    და მირ ევედრებოდეს ღმერთსა და უბიწოსა დედოფალსა ღმრთის\მშობელსა,
Line of ed.: 2    რაჲთა მოუვლინოს / მათ შეწევნა მის მიერი, და იჴსნეს
Line of ed.: 3    იგინი ჴელთაგან მათთა. მაშინ ისმინა ღმერთმან ლოცვაჲ მართალ\თაჲ,
Line of ed.: 4    რომელი-იგი განმზადებულ არს შეწევნად მოშიშთა სახელისა
Line of ed.: 5    მისისაჲთა.

Line of ed.: 6       ღამესა ერთსა გამოუჩნდა წმიდაჲ დედოფალი ღმრთისმშო\ბელი
Line of ed.: 7    წმიდა არჩილს და ჰრქუა: "აღდეგ და ებრძოლე უსჯულოთა
Line of ed.: 8    მათ, რამეთუ ანგელოზი უფლისაჲ წინა წარგიძღუეს თქუენ და
Line of ed.: 9    თქუენ წილ უფალი ბრძოდის". მაშინ აღდგეს ორნი ესე ძმანი მირ
Line of ed.: 10    და სანატრელი არჩილ, მცირედითა ტაძრეულითა კაცითა და რა\ოდენიმე
Line of ed.: 11    სხუანიცა კაცნი ეპოვა მათ და მიჰმართეს მათ ზედა მინ\დობითა
Line of ed.: 12    ღმრთისაჲთა და შეწევნითა ყოვლად წმიდისა ღმრთისმ\შობელისათა
Line of ed.: 13    და დაესხნეს* ღამე იგი და მონანი მისნი მათ ზედა.
Line of ed.: 14    მასვე ღამესა მოუვლინა ღმერთმან უსჯულოთა მათ ქარი სასტიკი
Line of ed.: 15    და წჳმა მძაფრი, ვითარცა იგი პირველ მეგჳპტელთა ზედა, და აღ\დგეს
Line of ed.: 16    მდინარენი იმიერ და ამიერ და ერთმან მან მდინარემან წა\რიღო
Line of ed.: 17    მჴედრობაჲ იგი, რომელი მიერ დაბანაკებულ იყო, და მიე\რითგან
Line of ed.: 18    ეწოდა მდინარესა მას ცხენისწყალი და მეორემან მან
Line of ed.: 19    მკჳრცხლი ერისა და ეწოდა მდინარესა მას აბაშა და მათცა, რა\ოდენი
Line of ed.: 20    ძალედვა, დაიწყეს ჴოცვად და სრვად. არამედ სიმრავლი\საგან
Line of ed.: 21    არა დააკლდა, რამეთუ მსგავს იყვნეს ფურცელთა ხისათა.
Line of ed.: 22    ესე რა იქმნა, ვერღარა დადგეს მუნ, არამედ აღიძრნეს მუნით,
Line of ed.: 23    ჩავლეს გურია და წარვიდეს მისლვად სამეუფოდ ქალაქად კოს\ტანტინეპოლედ,
Line of ed.: 24    არამედ მუნცა რისხვითა ზეგარდამოჲთა ზღუასა
Line of ed.: 25    შინა დაინთქნეს.

Line of ed.: 26       ხოლო ესე ორნივე ძმანი მეფენი ქართლისნი მოიქცეს მშჳდო\ბით
Line of ed.: 27    და იწყეს შენებად საქართველოსა თემთა, რამეთუ ძლიერად
Line of ed.: 28    განერყვნა უსჯულოსა მას.

Line of ed.: 29       შემდგომად ამისა წარჴდეს რაჲ ორმოცდაათნი წელნი. კუალად
Line of ed.: 30    მოვიდა უსჯულოჲ ჭიჭუმ, რომელსა ეწოდა ასიმ, იგიცა ნათესავი
Line of ed.: 31    მოჰმედისი. მანცა მოაოჴრა და შემუსრა ყოველი სიმაგრენი ქარ\ლისანი*
Line of ed.: 32    და ეკლესიათა იწყო ქცევად და ოჴრებად. და მიჰმართა\შესლვად
Line of ed.: 33    კახეთად, რაჲთამცა მოაოჴრა იგიცა და უმკჳდრო ყო. და
Line of ed.: 34    იყო შიში დიდი მეფეთა და მთავართა ზედა და ყოვლისა ერისა,
Line of ed.: 35    რამეთუ ვერვინ შემძლებელ იყო წინა-აღდგო/მად, რამეთუ ვინა\ჲთგან
Page of ed.: 100  Line of ed.: 1    განერყუნა* ყრუსა მას. დაღათუ გარდაევლნეს ჟამნი მრა\ვალნი
Line of ed.: 2    მშჳდობით, არამედ არღარა მოგებულ იყო კუალსა თჳსსა.

Line of ed.: 3       ხოლო წმიდამან არჩილ შემსგავსებულად* სიმჴნისა და ახოვ\ნებისა
Line of ed.: 4    თჳსისა, და უფროისად ვთქუა, ჭეშმარიტი ფრიადისა მის
Line of ed.: 5    ღმრთისმსახურებისა მისისა და ცეცხლებრ მოტყინარისა მის სიყუ\არულისა*,
Line of ed.: 6    რომელი აქუნდა ღმრთისა მიმართ, განიზრახა* განზრახ\ვაჲ*
Line of ed.: 7    კეთილი, არა უმსგავსოჲ* სიქველისა მისისა, რაჲთა მივიდეს
Line of ed.: 8    წინაშე ჭიჭუმისა და დადვას სული თჳსი ესეოდენთა ქრისტეანე\თათჳს
Line of ed.: 9    მსგავსად* მეუფისა, ვითარ-იგი მან დადვა სული თჳსი
Line of ed.: 10    ჩუენთჳს. ეგრეთვე ამან ნეტარმან ესრეთ განიზრახა და ესრეთცა
Line of ed.: 11    ქმნა, რამეთუ მოსლვასა მას ჭიჭუმისასა, უხუცესი ძმაჲ* ამის ნე\ტარისაჲ*,
Line of ed.: 12    რომელსა ეწოდა მირ, ადრევე გარდაცვალებულ იყო და
Line of ed.: 13    არა დაეტევა ძე წული და ესე იყო მონაცვალე მეფობისა მისისა.
Line of ed.: 14    მას ჟამსა იქცეოდა აფხაზეთად ესე ნეტარი. ხოლო განზრახვაჲ იგი
Line of ed.: 15    ესე იყო, რაჲთა მივიდეს და ეზრახოს მძლავრსა მას უღმრთოსა
Line of ed.: 16    მშჳდობისათჳს ქუეყანისა და დაცუვისათჳს* ეკლესიათასა უვნებე\ლად
Line of ed.: 17    და არცაღა იძულებად დატევებისათჳს სჯულისა. და უკუეთუ
Line of ed.: 18    ესრეთ არა იქმნეს, რაჲთა წამებისა მიერ გჳრგჳნითა უხრწნელები\სათა
Line of ed.: 19    შეამკოს თავი თჳსი და სისხლითა თჳსითა განაშუენოს ეკლე\სია
Line of ed.: 20    ქრისტესი. რამეთუ იტყოდა წმიდაჲ იგი, ვითარმედ: "უმჯო\ბეს
Line of ed.: 21    არს სიკუდილი ჩემი, ვიდრეღა კუალად განრყვნად ეკლესიათა
Line of ed.: 22    ქრისტესთა და ოჴრებად ქუეყანისა ამის". რამეთუ აღირჩია მსგავ\სად*
Line of ed.: 23    ქრისტესა, ვითარცა ვთქუ, სულისა თჳსისა დიდებად საჴსრად
Line of ed.: 24    ქრისტეანეთათჳს, მსგავსად ქრისტესსა და ეგრეთცა იქმნა. რამეთუ
Line of ed.: 25    ვითარცა სისხლმან ქრისტემან, რომელი ჩუენთჳს დაითხია,
Line of ed.: 26    გვჴსნნა ყოველნი ჴელთაგან* ეშმაკისათა. ეგრეთვე სისხლმან
Line of ed.: 27    ამისმან, მობაძვად მჴსნელისა ჩუენისა დათხეულმან, იჴსნნა მას
Line of ed.: 28    ჟამსა ჴელთაგან უსჯულოსა მის მძლავრისათა და ვიდრე აქამომდე
Line of ed.: 29    იჴსნის ეკლესიათა ჩუენთა, რამეთუ ვითარცა მდინარემან დიდმან
Line of ed.: 30    მრავალ ჟამ დაგუბებულმა* და მერმე გამოშუებით ზედა მიტე\ვებულმან
Line of ed.: 31    წარიღის ყოველივე წინა-დათხუ/ეული, ეგრეთვე სის\ხლმან
Line of ed.: 32    მისმან წმიდამან ქრისტესთჳს დათხეულმან ეკუეთა რაჲ
Line of ed.: 33    მძლავრსა მას უკეთურსა, წარიღო და უკუნ-აქცია უსჯულო იგი
Line of ed.: 34    მტერი ქრისტესი და ესოდენი იგი სიმრავლე მხედრობისაჲ მისი\საჲ.
Page of ed.: 101  Line of ed.: 1    და უკუეთუმცა ესე ესრეთ არა ქმნილ იყო, სრულიადმცა* აღ\ჴოცილ
Line of ed.: 2    იყო საქართველოსა შინა ქრისტეანობაჲ, რამეთუ უმეტე\სითა
Line of ed.: 3    გულისწყრომითა და უმძჳნვარესითა რისხვითა, უფროჲს
Line of ed.: 4    ყრუჲსა მის, ესე ბორგდა ჩუენ ქრისტეანეთა ზედა და ენება მოს\პოლვაჲ
Line of ed.: 5    ჩუენი.

Line of ed.: 6       წარმოვიდა მიერ და მოვიდა ჭიჭუმის თანა, რომელსა ეწოდა
Line of ed.: 7    ასიმი და ვითარცა ცნა მოსლვაჲ სანატრელისა ამის, განიხარა
Line of ed.: 8    ფრიად, აღდგა და მიეგება წინა და დიდითა დიდებითა და სიხა\რულითა
Line of ed.: 9    უზომოჲთა შეიწყნარა და, ვითარცა შუენოდა* დიდებუ\ლებასა
Line of ed.: 10    მისსა, ეგრეთ პატივით მოიკითხა. და დღე იგი დაყვეს
Line of ed.: 11    ერთობით და აქო სიკეთე და სისრულე ჰასაკისა მისისა და უფ\როჲსად
Line of ed.: 12    შუენიერებაჲ პირისა მისისა. და შეუყუარდა ქცევა და
Line of ed.: 13    წესიერებაჲ მისი. და დიდითა პატივითა პატივსცემდა და გა\ნუსუენებდა
Line of ed.: 14    და ნიჭთა დიდ-დიდთა ანიჭებდა, რამეთუ ღირსცა იყო
Line of ed.: 15    სანატრელი ესე ზეშთა დიდებულებისა და პატივისა არა ხოლო
Line of ed.: 16    თუ ოდენ მეფობითა და გუართა სიმაღლითა, არამედ უფროჲსად
Line of ed.: 17    შესახულებითა და ანაგებთა ბრწყინვალებითა, და უმეტესად ჭეშ\მარიტი
Line of ed.: 18    ითქუმოდენ, შინაგანისა სულისა ბრწყინვალებითა და სათ\ნოებათა
Line of ed.: 19    სიკეთითა. რამეთუ იცის სათნოებათა სიკეთემან შეკდი\მება
Line of ed.: 20    უღმრთოთაცა, ვითარცა იგი გასმიესთ დანიელისათჳს წინა\წარმეტყუელისა,
Line of ed.: 21    ვითარ-იგი განბრწყინდა ქალდეველთა შორის,
Line of ed.: 22    ეგრეთვე ესე მძლავრი დაღაცათუ უღმრთო იყო, არამედ სიკეთისა
Line of ed.: 23    მისისაგან და დიდებულებისა ეკდიმებოდა და პატივსცემდა და
Line of ed.: 24    გონებდაცა უგუნური იგი პატივთა მათ მიერ და ნიჭთა მრავალ\თა
Line of ed.: 25    აღთქუმითა* აცთუნოს ახოვანი ესე მჴედარი ქრისტესი, რომე\ლი-იგი
Line of ed.: 26    თჳთ ნეფსით თჳსით უწოდებელად მოსრულ იყო, რაჲთა
Line of ed.: 27    იქმნეს მსხუერპლ წმიდაჲ უფლისაჲ და საკუერთხ*, უბიწოჲ შე\წირულ.
Line of ed.: 28    ამისა შემდგომად იწყო ლიქნით სიტყუად მისა და ცთუ\ნებად
Line of ed.: 29    და აწუევდა დატევებასა / ქრისტეანობისასა და აღუთქმიდა
Line of ed.: 30    ნიჭთა დიდ-დიდთა, რაჲთა აცთუნოს იგი, და წინაუყოფდა პატივ\თა
Line of ed.: 31    და საშუებელთა საწუთოჲსათა* და მეფობათა და ჴელმწიფე\ბათა*
Line of ed.: 32    მამა-პაპურთა, უკუეთუ იქმნეს სარკინოზ და ერჩდეს სჯულ\სა
Line of ed.: 33    ცრუ მოციქულისა მათისასა, რომელი ესე სმენადცა ძნელ უჩნდა
Line of ed.: 34    ნეტარსა მას. და არცაღა თუ გონებით მოსაგონებლად, რამეთუ
Line of ed.: 35    გონებითა განიცდიდა კეთილთა მათ საუკუნეთა, და მიხედვიდა დი\დებათა
Page of ed.: 102  Line of ed.: 1    ღა პატივთა მოუგონებელთა და მიუწდომელთა, რომელი
Line of ed.: 2    მიელის მოყუარეთა ღმრთისათა და მოთმინეთა სახელისა მისისათა
Line of ed.: 3    და მტკიცითა გონებითა და უშიშითა სიტყჳთა მიუგო და ეტყოდა:
Line of ed.: 4    "ნუ იყოფინ ჩემდა სმენადცა სიტყუაჲ ეგე შენი, ჵ მძლავრო, ვი\თარმცა
Line of ed.: 5    დაუტევე* ქრისტე ღმერთი ცხოველი, რომელი იგი არს
Line of ed.: 6    ღმერთი ჭეშმარიტი ღმრთისაგან ჭეშმარიტისა, ძე დაუსაბამოჲსა
Line of ed.: 7    მამისა და თანასწორი ყოვლად წმიდის სულისა, რომელი იგი უკუ\ანაჲსკნელთა
Line of ed.: 8    დღეთა ჴსნისათჳს კაცთა ნათესავსა გარდამოჴდა ზე\ცით
Line of ed.: 9    და ჴორცნი შეისხნა ყოვლად უბიწოსა ქალწულისა მარიამი\საგან
Line of ed.: 10    და ჩუენგან მიღებულითა მით ჴორცთა სიკუდილი დაით\მინა
Line of ed.: 11    და დაეფლა და აღდგა ღმრთეებისა ძალითა და ამაღლდა ზე\ცად
Line of ed.: 12    და მის თანა აღამაღლა ბუნებაჲ ჩუენი და კუალად მომავალ
Line of ed.: 13    არს დიდებითა ღმრთივ-შუენიერითა განსჯად ცხოველთა და მკუ\დართა
Line of ed.: 14    და მოგებად კაცად-კაცადისა საქმეთა მათთაებრ. და უკუ\ეთუ
Line of ed.: 15    ვისმინო შენი, უწყოდე, ვითარმედ "შემდგომად მცირედისა
Line of ed.: 16    მოვკუდე მეცა თქუენებრ* სიკუდილითა ბოროტითა და საკუნოდ*
Line of ed.: 17    ვიტანჯებოდე. და უკუეთუ შენ მომკლა სახელისათჳს მისისა, მის
Line of ed.: 18    თანაცა აღვდგე და მის თანა ვიდიდო და მის თანაცა ვსუფევდე სა\უკუნოდ
Line of ed.: 19    და დაუსრულებელად". და ესრეთ მოკლითა ამით სიტყჳთა
Line of ed.: 20    ღმრთივშუენიერად გამოუსახა საიდუმლოჲ ჩუენისა ცხორებისა
Line of ed.: 21    და განგებულებაჲ განკაცებისა მისისა და მყის განუკუეთა ნებაჲ
Line of ed.: 22    იგი მისი საეშმაკოჲ და უსიტყუელ-ყო ბილწი იგი მთავარი / და მის
Line of ed.: 23    თანა სირცხჳლეულ-ყო მთავარი ბნელისა* ეშმაკი, მომპოვნებელი
Line of ed.: 24    იგი ყოვლისა ბოროტისაჲ. ხოლო ანგელოზთა ესმა რაჲ ესე აღ\სარებად,
Line of ed.: 25    განიხარეს და აღტყუელვითა ჴელითათა აქეს განმაძლი\ერებელი
Line of ed.: 26    მოწამისაჲ და შეასხმიდეს ახოვნებასა და უშიშად კად\ნიერებასა*
Line of ed.: 27    მოღუაწისასა, ხოლო ქრისტე თანა-მდებ ექმნა კადნი\ერად
Line of ed.: 28    აღმსარებელსა მისსა წინაშე მეფეთა და მთავართა, რაჲთა
Line of ed.: 29    მანცა აღიაროს წინაშე დაუსაბამოჲსა მამისა თჳსისა და წინაშე ან\გელოზთა
Line of ed.: 30    მისთა წმიდათა.

Line of ed.: 31       ხოლო ესმა რაჲ. მძლავრსა მას უკეთურსა ყოველი ესე სიტ\ყუანი
Line of ed.: 32    მოწამისანი და იხილა სიმტკიცე მისი შეურყეველი, დაუკ\ჳრდა
Line of ed.: 33    ფრიად. და შესცვალა სიმშჳდე მისი რისხვად და ზაკუვით*
Line of ed.: 34    მოპოვნებულნი ლიქნანი გულისწყრომად არა შეიკდიმა დიდებულე\ბისაგან
Page of ed.: 103  Line of ed.: 1    მისისა, არცა პატივსცა შუენიერებასა მისსა, არამედ მყის
Line of ed.: 2    უბრძანა შეპყრობაჲ მისი და წარგზავნა იგი* საპყრობილედ მრავ\ლითა
Line of ed.: 3    ჭირითა და იწროებითა, რამეთუ ჰგონებდა იგი, ნუ უკუე
Line of ed.: 4    შიშითა სატანჯველთაჲთა მოდრიკოს შეურყეველი გონებაჲ მისი,
Line of ed.: 5    რამეთუ ღონისძიებით ისწრაფდა გარდაქცევასა მისსა. ხოლო წმი\დაჲ
Line of ed.: 6    იგი სიხარულით და არა მწუხარებით მივიდოდა* საპყრობი\ლედ
Line of ed.: 7    პირითა მხიარულითა, ვითარ თუმცა სასძლოდ მიიწოდებოდა
Line of ed.: 8    და არა საპყრობილედ, და მადლობასა აღუარებდა ღმერთსა, რო\მელ
Line of ed.: 9    ღირს იქმნა სახელისათჳს მისისა ესევითარსა აღსარებასა წი\ნაშე
Line of ed.: 10    მეფეთა და მთავართა და მერმე მისთჳს პყრობილებასა. და ვი\თარცა
Line of ed.: 11    მივიდოდა საპყრობილედ, მგზავრ გალობდა ფსალმუნთა
Line of ed.: 12    დავითისთა და იტყოდა: "აღგამაღლო შენ, უფალო, რამეთუ შე\მივედრე
Line of ed.: 13    მე და არა ახარე მტერთა ჩემთა ჩემ ზედა". და ვიდრე
Line of ed.: 14    დასრულებადმდე სრულყო ფსალმუნი ესე და შე-რა-ვიდა დილეგ\სა
Line of ed.: 15    მას ბნელსა, იწყო უმეტესითა გულსმოდგინებითა ლოცვად და
Line of ed.: 16    ვედრებად ღმრთისა მიმართ, რაჲთა არა მოუძლურდეს აღსარებისა
Line of ed.: 17    მისგან და სრულ იქმნესცა წამებაჲ მისი და ითხოვდა შეწევნასა
Line of ed.: 18    მის მიერსა, რაჲთა მრავლითა მით მოწყალებითა მისთა ღირს/\-ყოს
Line of ed.: 19    ნაწილსა მკჳდრობისა წმიდათა თანა სუფევასა შინა დაუსრუ\ლებელსა,
Line of ed.: 20    რომელთა იგი სიკუდილითა სანატრელითა უკუდავებაჲ*
Line of ed.: 21    მოიგეს. კუალად იხარებდა იგი სულითა და მადლობდა ღმერთსა
Line of ed.: 22    და უფროჲს პალატთა სამეფოთა განისუენებდა მას შინა მხიარუ\ლებით
Line of ed.: 23    შეკრული ჴელით და ფერჴით ჯაჭვთა მრჩობლითა და ეცი\ნოდა
Line of ed.: 24    უსჯულოჲსა მის სიცბილსა და ჰნატრიდა აღსასრულსა მარ\თალთასა
Line of ed.: 25    და ლოცვიდა მიმდემად და ზედაჲსზედა, რაჲთა არა და\იხრწიოს
Line of ed.: 26    მტერისა მიერ ბოროტისა წინამდებარე იგი ღუაწლი მისი,
Line of ed.: 27    არამედ მოწამესა ძალი მაღლისა ზეგარდამო ფარვიდა და მკლავი
Line of ed.: 28    უფლისაჲ შეეწეოდა და განაძლიერებდა, ხოლო საპყრობილესა მას
Line of ed.: 29    შინა ზეგარდამოჩუენებანი და ანგელოზთა ხილვანი და ნუგეში\ნისცემანი
Line of ed.: 30    და განძლიერებანი ჟამთა მიმყოვრებითა ჩუენგან ზედა\მიწევნით
Line of ed.: 31    უსმენელ იქმნა.

Line of ed.: 32       ხოლო მძლავრიიგი ბოროტი განიზრახვიდა* ფრიად, თუ ვი\თარ
Line of ed.: 33    რომლითაცა ღონითა მიაქციოს სჯულსა მისსა, რამეთუ არა
Line of ed.: 34    ენება სიკუდილი მისი შუენიერებისათჳს ხატისა მისისა და სი\შაღლისათჳს
Line of ed.: 35    და სისრულისა ჰასაკისა მისისა, რამეთუ ჴორცთმო\ყუარე
Page of ed.: 104  Line of ed.: 1    იგი და მსგავსი* პირუტყუთა უგუნურთა ჴორციელად გა\ნიზრახვიდა*
Line of ed.: 2    და პირუტყულად ხედვიდა და გარეშე ჴორცთა ფე\როვნებასა
Line of ed.: 3    აქებდა და დაუკჳრდებოდა ყუავილოვნებაჲ იგი სახისა
Line of ed.: 4    მისისაჲ. და ყოვლადვე უმეცარ იყო უგუნური იგი შინაგანსა მას
Line of ed.: 5    შუენიერებისა სულისა მისისასა, რომლისა სიკეთესა წინაწარმეტ\ყუელი
Line of ed.: 6    განკჳრვებით იტყოდა: "უფალო, ეც სიკეთესა ჩემსა ძალი".
Line of ed.: 7    ამის სიკეთისათჳს იღუწოდა ახოვანი იგი, რაჲთა უბიწოდ დაუმარ\ხოს
Line of ed.: 8    უკუდავსა მას სიძესა, რაჲთა მის თანა სუფევდეს სასძლოსა
Line of ed.: 9    მას ზეცისასა და მის თანა გამობრწყინდეს, ვითარცა მზე აღთქუ\მისა*
Line of ed.: 10    მისებრ უტყუველისა სასუფეველსა მამისა, მათისასა, და
Line of ed.: 11    ცხორებაჲ ესე წარმავალი და დიდებაჲ და სუფევაჲ ქუეყანისა, ვი\თარცა
Line of ed.: 12    მტუერი, განეყარა და არარად შეერაცხა.

Line of ed.: 13       მაშინ უკუე წარმოდგა მთავარი ერთი გარდაბანელი, მოქცეუ\ლი
Line of ed.: 14    სარკინოზად, წინაშე ასიმისა, რომლისა მამის ძმაჲ მისი მო/ეკ\ლა
Line of ed.: 15    წანართა და მკლველნი იგი მისნი განერინნეს მშჳდობით პაპასა
Line of ed.: 16    არჩილისასა, ადარნასე მეფესა ამისთჳს უკუე შური იგო გარდაბა\ნელმან
Line of ed.: 17    მან მთავარმან უკეთურმან და ჰრქუა ასიმს: "არა უწყია,
Line of ed.: 18    დიდებულო მთავარო, თუ ვინ არს ესე არჩილ? ესე არს ძე სტე\ფანოზ
Line of ed.: 19    მეფისა, ნათესავი დიდისა მეფისა ვახტანგისი, რომელი იყო
Line of ed.: 20    შვილისშვილი მირიან მეფისა, ძისა ქასრესი*, მეფისა მის სპართა\სა.
Line of ed.: 21    და ესე იყო მამისა თჳსისა თანა, რაჟამს-იგი დაჰფლვიდეს სა\განძურთა
Line of ed.: 22    სამეფოსა ქართლისასა. და იგიცა ყოველივე იცის, რო\მელ
Line of ed.: 23    ჰერაკლე* მეფემან ბერძენთამან დაფლა საგანძური თჳსი, რა\მეთუ
Line of ed.: 24    ჰერაკლეცა* უჩვენებდა სადა-იგი დაჰფლვიდეს".

Line of ed.: 25       ჵ უსჯულოსა მას შემასმენელისა, ჵ ბოროტსა მას განმზრახსა*.
Line of ed.: 26    ვითარ ემსგავსა იუდას განმცემელსა და არა ჰრცხუენოდა პირვე\ლისა
Line of ed.: 27    მის თჳსისა განდგომილებისაგან და მერმე სჯულისა უარის\ყოფისათჳს.
Line of ed.: 28    და იქმნა იგი შინა-განცემელ, არა შეიკდიმა პატიოსნე\ბისაგან
Line of ed.: 29    მისისა და ესევითარისა მის კეთილისა პატრონისა თჳსისა
Line of ed.: 30    და არარაჲს მავნებელისა და ესრეთ აღსძრა მის ზედა მძლავრი იგი
Line of ed.: 31    უსჯულო და აღსჭურა სიკუდილად მისა. დაღაცათუ მას ნეტარსა
Line of ed.: 32    ფრიადითა წადიერებითა ადრევე სუროდა სიკუდილი ქრისტესთჳს,
Line of ed.: 33    რაჲთამცა ადრე მიემთხვოს სასურველსა თჳსსა, არამედ, ვაჲ
Line of ed.: 34    მისთჳს, რომლისა მიერ მოვიდეს საცთური სიტყჳსაებრ უფლისაჲ.
Line of ed.: 35    ესმა რაჲ ესე ყოველი ასიმს გარდაბნელისა მიერ, კუალად
Page of ed.: 105  Line of ed.: 1    მოუწოდა წმიდა არჩილს საპყრობილით და წარმოადგინა წინაშე
Line of ed.: 2    თჳსსა და ესრეთ ეტყოდა: "პირველ თუალ-გახუენ* სიკეთისათჳს
Line of ed.: 3    შენისა, რამეთუ ფრიად-ქმნულ-კეთილ ხარ, ხოლო აწ მითხრეს
Line of ed.: 4    შენთჳს, ვითარმედ შვილი ხარ დიდთა მეფეთა ხუასროვანთა და,
Line of ed.: 5    ვინაჲთგან ესე მეუწყა შენთჳს, აწ უმეტესად განსდიდნე ჩემ წინა\შე,
Line of ed.: 6    უკუეთუ ისმინო ჩემი, და იყოს ყოველი სამეფოჲ შენი შენდა\ვე
Line of ed.: 7    და საგანძურნიცა მამათა შენთანი მიგანიჭნე შენვე, არამედ მი\ჩუნენ /
Line of ed.: 8    პირველად საგანძურნი მეფეთა ბერძენთანი, რამეთუ შენ უწ\ყნი
Line of ed.: 9    ყოველი, ოდეს ჰერაკლე* მეფემან შემუსრა* სპარსეთი და სა\განძურნი
Line of ed.: 10    იგი მიერ მოხუმულნი დაფლნა საქართველოსა შინა. აწ
Line of ed.: 11    მოიქეც სჯულსა ჩემსა და იქმენ სარკინოზ და სპასალარ გყო შენ
Line of ed.: 12    ერთა ზედა ურიცხუთა და მეფე და უფალ ყოველსა საქართველოსა
Line of ed.: 13    ზედა".

Line of ed.: 14       და სხჳთა მრავლითა ლიქნითა ეტყოდა და კუალად ნიჭთა და
Line of ed.: 15    პატივთა დიდ-დიდთა აღუთქუმიდა*. და ფრიად აიძულებდა წმიდასა
Line of ed.: 16    მას უარის-ყოფად ქრისტესა და დატევებად სარწმუნოებისა.

Line of ed.: 17       მაშინ მიუგო წმიდამან არჩილ და ეტყოდა: "უწყოდე მტკი\ცედ,
Line of ed.: 18    ჵ მძლავრო, ვითარმედ არა დუტეო უფალი ღმერთი ჩემი,
Line of ed.: 19    არცა უარ-ვყოთ* სახელი ქრისტესი, არცა განვყიდო წარუვალი იგი
Line of ed.: 20    დიდებაჲ წარმავალისა ამის და ცუდისა დიდებისათჳს, არცა განვ\სცვალო
Line of ed.: 21    საწუთოჲსა* ამის ცხორებისათჳს საუკუნოჲ იგი ცხორე\ბაჲ
Line of ed.: 22    და მეფობისათჳს ჟამიერისა უჟამოჲსა მისთჳს ქრისტეს თანა
Line of ed.: 23    მეფობისა და სუფევისა. ხოლო საგანძურთა მათთჳს, რომელსა ეძი\ებ
Line of ed.: 24    ჩემგან, უწყოდე ესეცა მტკიცედ, რამეთუ მცირე ვიყავ ჰასაკი\თა,
Line of ed.: 25    ოდეს-იგი განვლო ქუეყანა ესე ჰერაკლე* მეფემან ხოლო
Line of ed.: 26    მამამან ჩემმან და ძმამან ჩემმან დასხნეს ყოველნი საგანძურნი მათ\ნი
Line of ed.: 27    ციხესა მას, სადაჲთ-იგი შეიქცა ყრუჲ ამირა, და აწ აქუსთ ცი\ხე
Line of ed.: 28    იგი ბერძენთა". მერმე მიუგო ასიმ და ჰრქუა წმიდასა მას: "შენ
Line of ed.: 29    უკუე იყავა დაცემასა მას სარკინოზთასა აფხაზეთს შინა?" მიუგო
Line of ed.: 30    წმიდამან არჩილ ბრწყინვალითა და მაღლითა ჴმითა: "ღმერთმან
Line of ed.: 31    ცხოველმა, რომელი არს შემოქმედი ცათა და ქუეყანისა, რომე\ლი-იგი
Line of ed.: 32    მოვიდა ზეცით ქუეყანად ჴსნისათჳს კაცთაჲსა და სი\კუდილითა
Line of ed.: 33    თჳსითა მოკლა მკულელი ჩუენი და ჩუენ მოგუანიჭა უკუ\დავებაჲ,
Line of ed.: 34    მან უკუე ძლიერმან და ყოვლისა შემძლებელმან დასცნა
Line of ed.: 35    და შემუსრნა იგინი".
Page of ed.: 106  Line of ed.: 1    ესმა რაჲ ესე უსჯულოსა მას, აღივსო გულისწყრომითა* და\უპყრობელითა,
Line of ed.: 2    არღარა სიმშჳდით პირველისაებრ და ლიქნით ეზ\რახა*,
Line of ed.: 3    არცაღა აღთქუმითა* და ქადებითა ნიჭთა და პატივთაჲთა,
Line of ed.: 4    არამედ მკსინვარედ და სა/ზე ბოროტებით მიუგო წმიდასა მას:
Line of ed.: 5    "ვინაჲთგან არა გნებავს ცხორებაჲ თავისა შენისა და უმჯობესი შე\ნი
Line of ed.: 6    და მოკუდავისა მიმართ დაგიც სასოებაჲ, ჯერარს, რაჲთა შენცა
Line of ed.: 7    მოკუდე* ბოროტად". მაშინ აღივსო სამგზის სანატრელი სიხარუ\ლითა
Line of ed.: 8    და მიუგო ჴმითა მაღლითა და ჰრქუა: "მეყავნ მე და ყოველ\თა
Line of ed.: 9    მეგობართა ჩემთა სიკუდილი ჩუენთჳს მომკუდარისა მისთჳს
Line of ed.: 10    მეუფისა, რაჲთა მისთანაცა ვსუფევდეთ". მაშინ ბრძანა უსჯულო\მან
Line of ed.: 11    წარკუეთა თავისა მისისა".

Line of ed.: 12       და ესრეთ უმსჯავროდ* განსცა მისთჳს სიკუდილისა განჩინებაჲ.
Line of ed.: 13    არა ჰრიდა სიკეთესა მისსა, არა შეიკდიმა დიდებულებისაგან წარ\ჩინებულებისა
Line of ed.: 14    მისისა. განიყვნეს გარე ტარიგი იგი ქრისტესი, ნებ\სით*
Line of ed.: 15    მოსრული იგი საკუერთხი შესაწირავად უფლისა*, რაჲთა შე\იწიროს
Line of ed.: 16    სულად სულნელად* საკურთხეველსა მას ზეცისასა. და გა\მოვიდა
Line of ed.: 17    პირითა მხიარულითა, ვითარცა სასძლოდ მიმავალი და არა
Line of ed.: 18    თუ სიკუდილად და ეგრეთცა ჯერ-არს თქუმად, რამეთუ ზეცისა
Line of ed.: 19    სასძლოდ მიიწოდებოდა ქრისტეს თანა სუფევად და დაუსრულებე\ლად
Line of ed.: 20    მეფობად და ბრწყინვიდა პირი მისი, ვითარცა პირი
Line of ed.: 21    ანგელო/ზისაჲ.

Line of ed.: 22       მაშინ მცირედ დრო ითხოვა, რაჲთა ილოცოს, და ვითარცა დრო
Line of ed.: 23    სცეს, მოიდრიკნა მუჴლნი და ცრემლით იატაკსა დაალტობდა და
Line of ed.: 24    მერმე ჴელნი აღიპყრნა ზე და დიდად მადლობასა აღუარებდა მე\უფესა,
Line of ed.: 25    რომელ ღირს იქმნა ესევითარსა აღსარებასა სახელისა მი\სისათჳს
Line of ed.: 26    და სიკუდილსა* და ილოცა დაცვისათჳს ეკლესიათასა და
Line of ed.: 27    საქართველოსა შინა გაძლიერებისათჳს ქრისტეანობისა. და მერმე
Line of ed.: 28    ილოცა მეუღლისა და შვილთა თჳსთათჳს, რაჲთა სარწმუნოებასა
Line of ed.: 29    შინა ქრისტესსა დაემტკიცნენ, რამეთუ ორნი ძენი ესხნეს ამას ნე\ტარსა
Line of ed.: 30    და ორნი ასულნი და იგინი პირველივე შეჰვედრნა სარწმუ\ნოთა
Line of ed.: 31    კაცთა. და კუალად ილოცვიდა და იტყოდა: "უფალო ღმერ\თო,
Line of ed.: 32    რომელნი აჴსენებდენ ღუაწლთა ჩემთა და სახელითა ჩემ ცოდ\ვილისა
Line of ed.: 33    მონისა შენისათა გევედრებოდიან, აღუსრულე ყოველი
Page of ed.: 107  Line of ed.: 1    კეთილი თხოვაჲ მათი და აღავსენ იგინი უხუებითა კეთილთა ნიჭ\თა
Line of ed.: 2    შენთაჲთა". და მერმე ილოცვიდა და მჴურვალედ ევედრ/ებოდა,
Line of ed.: 3    რაჲთა ღუაწლი მისი სრულყოს და აღრაცხოს სრულთა წმიდათა
Line of ed.: 4    თანა, რომელთა მისთჳს სიკუდილი თავს იდვეს, და რაჲთა ღირს
Line of ed.: 5    იქმნეს გჳრგჳნსა ზეცისა ჩინებისასა. და ვითარცა სრულყო ლოც\ვაჲ
Line of ed.: 6    იგი, აღდგა ზე და მერმე წარუპყრა ქედი თჳსი და უბრძანა,
Line of ed.: 7    რაჲთა სრულყონ ბრძანებული მათდა.

Line of ed.: 8       ხოლო მტარვალთა აღმაღლნეს მარჯუენე მათი და უხეთქნეს
Line of ed.: 9    ქედსა მახჳლითა და ესრეთ წარკუეთეს თავი იგი ღმრთივ-შუენიე\რი
Line of ed.: 10    თუესა მარტსა ოცსა. და აღვიდა უკუდავსა მას ცხორებასა, სა\და
Line of ed.: 11    იგი ბრწყინავს ნათელი თუალთშეუდგამი და მჴედრობანი
Line of ed.: 12    უჴორცოთანი დაუცხრომელითა ჴმითა ღაღადებენ სამგზის წმი\და
Line of ed.: 13    გალობასა, სადა იგი არს სიხარული გამოუთქუმელი*, შუება
Line of ed.: 14    დაუსრულებელი, დიდებაჲ მოუგონებელი და სიმდიდრე დაულევ\ნელი
Line of ed.: 15    და ოხრაჲ დღესასწაულთა მოუკლებელი, სადა იგი სუფევენ
Line of ed.: 16    გუნდი წმიდათა მოციქულთა და წინაწარმეტყუელთანი, სადა იგი
Line of ed.: 17    ზადიკობენ მღდელთ-მოძღუართა და მამათა სიმრავლენი და წმი\დათა
Line of ed.: 18    მოწამეთა აღურიცხუელი* მჴედრობათა ბრწყინვალებანი და
Line of ed.: 19    ღმრთივშუენიერად განსცხრებიან, მუნ შეერთო და მუნ იხა\რებს
Line of ed.: 20    და მუნ იშუებს ძელითა მით ცხორებისათა და აღივსების
Line of ed.: 21    სიტკბოებითა მით მიუწდომელითა და ხედავს პირსა ქრისტესსა
Line of ed.: 22    უსაზღუროსა* მას შუენიერებასა და ზეშთა ყოველთა სიკეთეთასა
Line of ed.: 23    და განიცდის დიდებასა მას მოუგონებელსა წმიდისა და განუყო\ფელისა
Line of ed.: 24    სამებისა ერთღმრთეებისასა თჳნიერ სარკისა და სახისა და
Line of ed.: 25    სხუათა მათ მოუგონებელთა კეთილთა შინა იშუებს და განსცხრე
Line of ed.: 26    ბის, რომელი განუმზადა ღმერთმან მოყუარეთა თჳსთა, რომელი
Line of ed.: 27    თუალმან არა იხილა, ყურსა არა ესმა და გულსა კაცისასა არა მო\უჴდა
Line of ed.: 28    და ჩუენთჳს ჰყოფს მეოხებასა წინაშე მეუფისა, რომელნი
Line of ed.: 29    აღვასრულებთ სურვილით დღესასწაულსა მისსა.

Line of ed.: 30       ხოლო, ვითარცა აღესრულა ღუაწლად შემოსილი იგი მოწამე,
Line of ed.: 31    მას ღამესა მოვიდეს* გოდერძიანნი იგი ტბელნი და მათ თანა სხუ\ანიცა
Line of ed.: 32    აზ/ნაურნი მამანი*. და იდუმალ აღიღეს გუამი წმიდისა არ\ჩილისნი,
Line of ed.: 33    წარმოიღეს და შემურნეს [და] დიდთა პატივითა დაკრ\ძალეს
Line of ed.: 34    საფლავსა შინა სოფელსა ნოტოკრას, მის მიერვე აღმენე\ბულსა
Line of ed.: 35    ეკლესიასა. ხოლო ცოლმან ამის ნეტარისამან უბოძა სოფ\ლები
Page of ed.: 108  Line of ed.: 1    კახეთს შინა სამკჳდრებელად, რომელთა მოეღო გუამი წმი\დისა
Line of ed.: 2    მოწამისა არჩილისნი.

Line of ed.: 3       ხოლო აწ ჩუენცა, მორწმუნენო, ვადიდებდეთ ღუაწლითშე\მოსილსა
Line of ed.: 4    ამას მოწამესა და სიმჴნეთა და ახოვნებათა მისთა შევამს\ხმიდეთ
Line of ed.: 5    და უფროჲსად განმაძლიერებელსა მისსა და გჳრგჳნოსან
Line of ed.: 6    მყოფელსა მოწამეთასა, ქრისტესა თაყუანის-ვსცემდეთ, რომელმან
Line of ed.: 7    ესრეთ ადიდა მოწამე თჳსი. და ესრეთ ბრწყინვალედ გჳრგჳნოსან
Line of ed.: 8    ყო. ჩუენცა შევზაოთ სურვილი სურვილსა მისსა და გულსმოდგი\ნებაჲ
Line of ed.: 9    გულსმოდგინებასა მისსა და სიყუარული სიყუარულსა მის\სა
Line of ed.: 10    თანა, რომელი აჩუენა ღმრთისა* მიმართ, რაჲთა ჩუენცა ვი\დიდნეთ
Line of ed.: 11    მის თანა. და უკუეთუ ესე არა იქმნეს, ესეცა დიდ არს,
Line of ed.: 12    უკუეთუ ვიხილოთ შუენიერებაჲ იგი წმიდათა და ჩუენცა გუაქუნ\დეს
Line of ed.: 13    რაჲმე ნაწილი მათ თანა. დაღაცათუ არავინ გვაიძულებდეს წა\მებად,
Line of ed.: 14    არამედ წინა-აღუდგეთ ეშმაკსა, რამეთუ მარადის გუაიძუ\ლებს
Line of ed.: 15    უარისყოფად ქრისტესა საქმეთა მიერ ბოროტთა, მოვაკუდი\ნნეთ
Line of ed.: 16    ასონი ქუეყანისანი, დავთრგუნნეთ გულისთქუმანი ბო\როტნი
Line of ed.: 17    და გემონი საწუთოსანი*, შეურაცხ-ვყვნეთ ანგჰარებისა
Line of ed.: 18    მძლავრებაჲ და ვეცხლისმოყუარებისა სურვილი, მოვიმაღლოთ
Line of ed.: 19    ღმერთი მიცემითა გლახაკთაჲთა და შემოსითა შიშუელთაჲთა*. მო\ვიგოთ
Line of ed.: 20    სიყუარული უზაკველი, რაჲთა ჩუენცა შემიყვარნეს უფალ\მან
Line of ed.: 21    ტკბილმან და სახიერმან და გუადიდნეს წმიდათა თჳსთა თანა,
Line of ed.: 22    რამეთუ უშურველ არს მადლი მისი, რომელნი ხადიან მას და რო\მელნი
Line of ed.: 23    ხადიან მას ჭეშმარიტებით, რამეთუ მისი არს დიდებაჲ და
Line of ed.: 24    პატივი დიდ შუენიერებაჲ და დიდ გონიერებაჲ უფალსა ჩუენსა და
Line of ed.: 25    ღმერთსა იესუ ქრისტესა ძესა ღმრთისსა თანა დაუსაბამოჲთ მამით
Line of ed.: 26    მისით და ყოვლად წმიდით სახიერით და ცხოველსმყოფელით სუ\ლითურთ.
Line of ed.: 27    აწ და მარადის და დაუსრულებელთა მათ საუკუნეთა
Line of ed.: 28    უკუნისამდე, ამინ.




Next part


This text is part of the TITUS edition of Old Georgian Hagiographical Texts, vol. V.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.