TITUS
Rg-Veda: Rg-Veda-Samhita
Part No. 972
Previous part

Hymn: 135_(961) 
Verse: 1 
Halfverse: a    यस्मि॑न्वृ॒क्षे सु॑पला॒शे दे॒वैः स॒म्पिब॑ते य॒मः ।
   यस्मि॑न्वृ॒क्षे सु॑पला॒शे
   यस्मि॑न् वृ॒क्षे सु॑पला॒शे
   यस्मि॑न् वृ॒क्षे सु॑पला॒शे

Halfverse: b    दे॒वैः स॒म्पिब॑ते य॒मः ।
   दे॒वैः स॒म्पिब॑ते य॒मः ।
   दे॒वैः स॒म्पिब॑ते य॒मः ।

Halfverse: c    अत्रा॑ नो वि॒श्पतिः॑ पि॒ता पु॑रा॒णाँ अनु॑ वेनति ।।
   अत्रा॑ नो वि॒श्पतिः॑ पि॒ता
   अत्र+ नः वि॒श्पतिः पि॒ता
   अत्रा नो वि॒श्पतिः पि॒ता

Halfverse: d    पु॑रा॒णाँ अनु॑ वेनति ।।
   पु॑रा॒णान् अनु वेनति ।।
   पु॑रा॒णाँ अनु वेनति ।।


Verse: 2 
Halfverse: a    पु॑रा॒णाँ अ॑नु॒वेन॑न्तं॒ चर॑न्तम्पा॒पया॑मु॒या ।
   पु॑रा॒णाँ अ॑नु॒वेन॑न्तं
   पुरा॒णान् अनु॒वेन॑न्तम्
   पुरा॒णाँ अ॑नु॒वेन॑न्तं

Halfverse: b    चर॑न्तम्पा॒पया॑मु॒या ।
   चर॑न्तम् पा॒पया अमु॒या ।
   चर॑न्तम् पा॒पया॑मु॒या ।

Halfverse: c    अ॑सू॒यन्न॒भ्य॑चाकशं॒ तस्मा॑ अस्पृहय॒म्पुनः॑ ।।
   अ॑सू॒यन्न॒भ्य॑चाकशं
   असू॒यन् अ॒भि अ॑चाकशम्
   असू॒यन्न् अभ्य् अ॑चाकशं

Halfverse: d    तस्मा॑ अस्पृहय॒म्पुनः॑ ।।
   तस्मै अस्पृहयम् पुन॑र् ।।
   तस्मा अस्पृहयम् पुनः ।।


Verse: 3 
Halfverse: a    यं कु॑मार॒ नवं॒ रथ॑मच॒क्रम्मन॒साकृ॑णोः ।
   यं कु॑मार॒ नवं॒ रथ॑म्
   यम् कुमार नव॑म् रथ॑म्
   यं कु॑मार नवं रथ॑म्

Halfverse: b    अच॒क्रम्मन॒साकृ॑णोः ।
   अ॑च॒क्रम् मन॑सा अकृ॑णोः ।
   अ॑च॒क्रम् मन॒साकृ॑णोः ।

Halfverse: c    एके॑षं वि॒श्वतः॒ प्राञ्च॒मप॑श्य॒न्नधि॑ तिष्ठसि ।।
   एके॑षं वि॒श्वतः॒ प्राञ्च॑म्
   एके॑षम् वि॒श्वतः प्राञ्च॑म्
   एके॑षं वि॒श्वतः प्राञ्च॑म्

Halfverse: d    अप॑श्य॒न्नधि॑ तिष्ठसि ।।
   अप॑श्यन् अधि तिष्ठसि ।।
   अप॑श्यन्न् अधि तिष्ठसि ।।


Verse: 4 
Halfverse: a    यं कु॑मार॒ प्राव॑र्तयो॒ रथं॒ विप्रे॑भ्य॒स्परि॑ ।
   यं कु॑मार॒ प्राव॑र्तयो
   यम् कुमार प्र अव॑र्तयः
   यं कु॑मार प्राव॑र्तयो

Halfverse: b    रथं॒ विप्रे॑भ्य॒स्परि॑ ।
   रथ॑म् विप्रे॑भ्यः परि ।
   रथं विप्रे॑भियस् परि ।

Halfverse: c    तं सामानु॒ प्राव॑र्तत॒ समि॒तो ना॒व्याहि॑तम् ।।
   तं सामानु॒ प्राव॑र्तत
   तम् साम अनु प्र अ॑वर्तत
   तं सामानु प्राव॑र्तत

Halfverse: d    समि॒तो ना॒व्याहि॑तम् ।।
   सम् इ॒तः ना॒वि आहि॑तम् ।।
   सम् इ॒तो ना॒वि आहि॑तम् ।।


Verse: 5 
Halfverse: a    कः कु॑मा॒रम॑जनय॒द्रथं॒ को निर॑वर्तयत् ।
   कः कु॑मा॒रम॑जनयद्
   कः कु॑मा॒रम् अजनयत्
   कः कु॑मा॒रम् अजनयद्

Halfverse: b    रथं॒ को निर॑वर्तयत् ।
   रथ॑म् कः निः अ॑वर्तयत् ।
   रथं को निर् अवर्तयत् ।

Halfverse: c    कः स्वि॒त्तद॒द्य नो॑ ब्रूयादनु॒देयी॒ यथाभ॑वत् ।।
   कः स्वि॒त्तद॒द्य नो॑ ब्रूयाद्
   कः स्वि॑त् तत् अ॒द्य नः ब्रूयात्
   कः स्वि॑त् तद् अ॒द्य नो ब्रूयाद्

Halfverse: d    अनु॒देयी॒ यथाभ॑वत् ।।
   अ॑नु॒देयी यथा अभ॑वत् ।।
   अ॑नु॒देयी यथाभ॑वत् ।।


Verse: 6 
Halfverse: a    यथाभ॑वदनु॒देयी॒ ततो॒ अग्र॑मजायत ।
   यथाभ॑वदनु॒देयी
   यथा अभ॑वत् अनु॒देयी
   यथाभ॑वद् अनु॒देयी

Halfverse: b    ततो॒ अग्र॑मजायत ।
   ततः अग्र॑म् अजायत ।
   ततो अग्र॑म् अजायत ।

Halfverse: c    पु॒रस्ता॑द्बु॒ध्न आत॑तः प॒श्चान्नि॒रय॑णं कृ॒तम् ।।
   पु॒रस्ता॑द्बु॒ध्न आत॑तः
   पु॒रस्ता॑त् बु॒ध्नः आत॑तः
   पु॒रस्ता॑द् बु॒ध्न आत॑तः

Halfverse: d    प॒श्चान्नि॒रय॑णं कृ॒तम् ।।
   प॒श्चात् नि॒रय॑णम् कृ॒तम् ।।
   प॒श्चान् नि॒रय॑णं कृ॒तम् ।।


Verse: 7 
Halfverse: a    इ॒दं य॒मस्य॒ साद॑नं देवमा॒नं यदु॒च्यते॑ ।
   इ॒दं य॒मस्य॒ साद॑नं
   इ॒दम् य॒मस्य साद॑नम्
   इ॒दं य॒मस्य साद॑नं

Halfverse: b    देवमा॒नं यदु॒च्यते॑ ।
   दे॑वमा॒नम् यत् उ॒च्यते ।
   दे॑वमा॒नं यद् उ॒च्यते ।

Halfverse: c    इ॒यम॑स्य धम्यते ना॒ळीर॒यं गी॒र्भिः परि॑ष्कृतः ।।
   इ॒यम॑स्य धम्यते ना॒ळीर्
   इ॒यम् अस्य धम्यते ना॒ळीः
   इ॒यम् अस्य धम्यते ना॒ळीर्

Halfverse: d    अ॒यं गी॒र्भिः परि॑ष्कृतः ।।
   अ॒यम् गी॒र्भिः परि॑ष्कृतः ।।
   अ॒यं गी॒र्भिः परि॑ष्कृतः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.