TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 964

Hymn: 127_(953)
Verse: 1
Halfverse: a    रात्री॒ व्य॑ख्यदाय॒ती पु॑रु॒त्रा दे॒व्य॒क्षभिः॑ ।
   रात्री॒ व्य॑ख्यदाय॒ती
   रात्री वि अ॑ख्यत् आय॒ती
   रात्री वि अ॑ख्यद् आय॒ती

Halfverse: b    पु॑रु॒त्रा दे॒व्य॒क्षभिः॑ ।
   पु॑रु॒त्रा दे॒वी अ॒क्षभिः ।
   पु॑रु॒त्रा दे॒वी अ॒क्षभिः ।

Halfverse: c    विश्वा॒ अधि॒ श्रियो॑ ऽधित ।।
   विश्वा॒ अधि॒ श्रियो॑ ऽधित ।।
   विश्वाः अधि श्रियः अधित ।।
   विश्वा अधि श्रियो ऽधित ।।

Verse: 2
Halfverse: a    ओर्व॑प्रा॒ अम॑र्त्या नि॒वतो॑ दे॒व्यु॒द्वतः॑ ।
   ओर्व॑प्रा॒ अम॑र्त्या
   आ उ॒रु अ॑प्राः अम॑र्त्या
   ओरु अ॑प्रा अम॑र्तिया

Halfverse: b    नि॒वतो॑ दे॒व्यु॒द्वतः॑ ।
   नि॒वतः दे॒वी उ॒द्वतः ।
   नि॒वतो दे॒वी उ॒द्वतः ।

Halfverse: c    ज्योति॑षा बाधते॒ तमः॑ ।।
   ज्योति॑षा बाधते॒ तमः॑ ।।
   ज्योति॑षा बाधते तमः ।।
   ज्योति॑षा बाधते तमः ।।

Verse: 3
Halfverse: a    निरु॒ स्वसा॑रमस्कृतो॒षसं॑ दे॒व्या॑य॒ती ।
   निरु॒ स्वसा॑रमस्कृत
   निः उ स्वसा॑रम् अस्कृत
   निर् उ स्वसा॑रम् अस्कृत

Halfverse: b     उ॒षसं॑ दे॒व्या॑य॒ती ।
   उ॒षस॑म् दे॒वी आ॑य॒ती ।
   उ॒षसं दे॒वी आ॑य॒ती ।

Halfverse: c    अपेदु॑ हासते॒ तमः॑ ।।
   अपेदु॑ हासते॒ तमः॑ ।।
   अप इत् उ हासते तमः ।।
   अपेद् उ हासते तमः ।।

Verse: 4
Halfverse: a    सा नो॑ अ॒द्य यस्या॑ व॒यं नि ते॒ याम॒न्नवि॑क्ष्महि ।
   सा नो॑ अ॒द्य यस्या॑ व॒यं
   सा नः अ॒द्य यस्याः व॒यम्
   सा नो अ॒द्य यस्या व॒यं

Halfverse: b    नि ते॒ याम॒न्नवि॑क्ष्महि ।
   नि ते याम॑न् अवि॑क्ष्महि ।
   नि ते याम॑न्न् अवि॑क्ष्महि ।

Halfverse: c    वृ॒क्षे न व॑स॒तिं वयः॑ ।।
   वृ॒क्षे न व॑स॒तिं वयः॑ ।।
   वृ॒क्षे न व॑स॒तिम् वयः ।।
   वृ॒क्षे न व॑स॒तिं वयः ।।

Verse: 5
Halfverse: a    नि ग्रामा॑सो अविक्षत॒ नि प॒द्वन्तो॒ नि प॒क्षिणः॑ ।
   नि ग्रामा॑सो अविक्षत
   नि ग्रामा॑सः अविक्षत
   नि ग्रामा॑सो अविक्षत

Halfverse: b    नि प॒द्वन्तो॒ नि प॒क्षिणः॑ ।
   नि प॒द्वन्तः नि प॒क्षिणः ।
   नि प॒द्वन्तो नि प॒क्षिणः ।

Halfverse: c    नि श्ये॒नास॑श्चिद॒र्थिनः॑ ।।
   नि श्ये॒नास॑श्चिद॒र्थिनः॑ ।।
   नि श्ये॒नासः चित् अ॒र्थिनः ।।
   नि श्ये॒नास॑श् चिद् अ॒र्थिनः ।।

Verse: 6
Halfverse: a    या॒वया॑ वृ॒क्यं॒ वृकं॑ य॒वय॑ स्ते॒नमू॑र्म्ये ।
   या॒वया॑ वृ॒क्यं॒ वृकं
   या॒वय+ वृ॒क्य॑म् वृक॑म्
   या॒वया वृ॒कियं वृकं

Halfverse: b    य॒वय॑ स्ते॒नमू॑र्म्ये ।
   य॒वय स्ते॒नम् ऊर्म्ये ।
   य॒वय स्ते॒नम् ऊर्मिये ।

Halfverse: c    अथा॑ नः सु॒तरा॑ भव ।।
   अथा॑ नः सु॒तरा॑ भव ।।
   अथ+ नः सु॒तरा भव ।।
   अथा नः सु॒तरा भव ।।

Verse: 7
Halfverse: a    उप॑ मा॒ पेपि॑श॒त्तमः॑ कृ॒ष्णं व्य॑क्तमस्थित ।
   उप॑ मा॒ पेपि॑श॒त्तमः
   उप मा पेपि॑शत् तमः
   उप मा पेपि॑शत् तमः

Halfverse: b    कृ॒ष्णं व्य॑क्तमस्थित ।
   कृ॒ष्णम् व्य॑क्तम् अस्थित ।
   कृ॒ष्णं विअ॑क्तम् अस्थित ।

Halfverse: c    उष॑ ऋ॒णेव॑ यातय ।।
   उष॑ ऋ॒णेव॑ यातय ।।
   उषः ऋ॒णा इ॑व यातय ।।
   उष ऋ॒णेव यातय ।।

Verse: 8
Halfverse: a    उप॑ ते॒ गा इ॒वाक॑रं वृणी॒ष्व दु॑हितर्दिवः ।
   उप॑ ते॒ गा इ॒वाक॑रं
   उप ते गाः इ॑व आ अ॑करम्
   उप ते गा इ॒वाक॑रं

Halfverse: b    वृणी॒ष्व दु॑हितर्दिवः ।
   वृ॑णी॒ष्व दु॑हितर् दिवः ।
   वृ॑णी॒ष्व दु॑हितर् दिवः ।

Halfverse: c    रात्रि॒ स्तोमं॒ न जि॒ग्युषे॑ ।।
   रात्रि॒ स्तोमं॒ न जि॒ग्युषे॑ ।।
   रात्रि स्तोम॑म् न जि॒ग्युषे ।।
   रात्रि स्तोमं न जि॒ग्युषे ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.