TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 955

Hymn: 118_(944)
Verse: 1
Halfverse: a    अग्ने॒ हंसि॒ न्य॒त्रिणं॒ दीद्य॒न्मर्त्ये॒ष्वा ।
   अग्ने॒ हंसि॒ न्य॒त्रिणं
   अग्ने हंसि नि अ॒त्रिण॑म्
   अग्ने हंसि नि अ॒त्रिणं

Halfverse: b    दीद्य॒न्मर्त्ये॒ष्वा ।
   दीद्य॑त् मर्त्ये॑षु आ ।
   दीदि॑यन् मर्ति॑येषु आ ।

Halfverse: c    स्वे क्षये॑ शुचिव्रत ।।
   स्वे क्षये॑ शुचिव्रत ।।
   स्वे क्षये शुचिव्रत ।।
   सु॒वे क्षये शुचिव्रत ।।

Verse: 2
Halfverse: a    उत्ति॑ष्ठसि॒ स्वा॑हुतो घृ॒तानि॒ प्रति॑ मोदसे ।
   उत्ति॑ष्ठसि॒ स्वा॑हुतो
   उत् तिष्ठसि स्वा॑हुतः
   उत् तिष्ठसि सुआहुतो

Halfverse: b    घृ॒तानि॒ प्रति॑ मोदसे ।
   घृ॒तानि प्रति मोदसे ।
   घृ॒तानि प्रति मोदसे ।

Halfverse: c    यत्त्वा॒ स्रुचः॑ स॒मस्थि॑रन् ।।
   यत्त्वा॒ स्रुचः॑ स॒मस्थि॑रन् ।।
   यत् त्वा स्रुचः स॒मस्थि॑रन् ।।
   यत् त्वा स्रुचः स॒मस्थि॑रन् ।।

Verse: 3
Halfverse: a     सआहु॑तो॒ वि रो॑चते॒ ऽग्निरी॒ळेन्यो॑ गि॒रा ।
   स आहु॑तो॒ वि रो॑चते
   सः ।!। आहु॑तः वि रो॑चते
   स आहु॑तो वि रो॑चते

Halfverse: b    ऽग्निरी॒ळेन्यो॑ गि॒रा ।
   अ॒ग्निः ई॒ळेन्यः गि॒रा ।
   अ॒ग्निर् ई॒ळेनि॑यो गि॒रा ।

Halfverse: c    स्रु॒चा प्रती॑कमज्यते ।।
   स्रु॒चा प्रती॑कमज्यते ।।
   स्रु॒चा प्रती॑कम् अज्यते ।।
   स्रु॒चा प्रती॑कम् अज्यते ।।

Verse: 4
Halfverse: a    घृ॒तेना॒ग्निः सम॑ज्यते॒ मधु॑प्रतीक॒ आहु॑तः ।
   घृ॒तेना॒ग्निः सम॑ज्यते
   घृ॒तेन अ॒ग्निः सम् अज्यते
   घृ॒तेना॒ग्निः सम् अज्यते

Halfverse: b    मधु॑प्रतीक॒ आहु॑तः ।
   मधु॑प्रतीकः आहु॑तः ।
   मधु॑प्रतीक आहु॑तः ।

Halfverse: c    रोच॑मानो वि॒भाव॑सुः ।।
   रोच॑मानो वि॒भाव॑सुः ।।
   रोच॑मानः वि॒भाव॑सुः ।।
   रोच॑मानो वि॒भाव॑सुः ।।

Verse: 5
Halfverse: a    जर॑माणः॒ समि॑ध्यसे दे॒वेभ्यो॑ हव्यवाहन ।
   जर॑माणः॒ समि॑ध्यसे
   जर॑माणः सम् इध्यसे
   जर॑माणः सम् इध्यसे

Halfverse: b    दे॒वेभ्यो॑ हव्यवाहन ।
   दे॒वेभ्यः हव्यवाहन ।
   दे॒वेभ्यो हव्यवाहन ।

Halfverse: c    तं त्वा॑ हवन्त॒ मर्त्याः॑ ।।
   तं त्वा॑ हवन्त॒ मर्त्याः॑ ।।
   तम् त्वा हवन्त मर्त्याः ।।
   तं त्वा हवन्त मर्ति॑याः ।।

Verse: 6
Halfverse: a    तम्म॑र्ता॒ अम॑र्त्यं घृ॒तेना॒ग्निं स॑पर्यत ।
   तम्म॑र्ता॒ अम॑र्त्यं
   तम् मर्ताः अम॑र्त्यम्
   तम् मर्तिआ % अम॑र्तियं

Halfverse: b    घृ॒तेना॒ग्निं स॑पर्यत ।
   घृ॒तेन अ॒ग्निम् सपर्यत ।
   घृ॒तेना॒ग्निं स॑पर्यत ।

Halfverse: c    अदा॑भ्यं गृ॒हप॑तिम् ।।
   अदा॑भ्यं गृ॒हप॑तिम् ।।
   अदा॑भ्यम् गृ॒हप॑तिम् ।।
   अदा॑भियं गृ॒हप॑तिम् ।।

Verse: 7
Halfverse: a    अदा॑भ्येन शो॒चिषाग्ने॒ रक्ष॒स्त्वं द॑ह ।
   अदा॑भ्येन शो॒चिषा
   अदा॑भ्येन शो॒चिषा
   अदा॑भियेन शो॒चिषा

Halfverse: b     अग्ने॒ रक्ष॒स्त्वं द॑ह ।
   अग्ने रक्षः त्वम् दह ।
   अग्ने रक्ष॑स् तु॒वं द॑ह ।

Halfverse: c    गो॒पा ऋ॒तस्य॑ दीदिहि ।।
   गो॒पा ऋ॒तस्य॑ दीदिहि ।।
   गो॒पाः ऋ॒तस्य दीदिहि ।।
   गो॒पा ऋ॒तस्य दीदिहि ।।

Verse: 8
Halfverse: a    स त्वम॑ग्ने॒ प्रती॑केन॒ प्रत्यो॑ष यातुधा॒न्यः॑ ।
   स त्वम॑ग्ने॒ प्रती॑केन
   स त्वम् अग्ने प्रती॑केन
   स त्वम् अग्ने प्रती॑केन

Halfverse: b    प्रत्यो॑ष यातुधा॒न्यः॑ ।
   प्रति ओष यातुधा॒न्यः ।
   प्रत्य् ओष यातुधा॒नियः ।

Halfverse: c    उ॑रु॒क्षये॑षु॒ दीद्य॑त् ।।
   उ॑रु॒क्षये॑षु॒ दीद्य॑त् ।।
   उ॑रु॒क्षये॑षु दीद्य॑त् ।।
   उ॑रु॒क्षये॑षु दीदि॑यत् ।।

Verse: 9
Halfverse: a    तं त्वा॑ गी॒र्भिरु॑रु॒क्षया॑ हव्य॒वाहं॒ समी॑धिरे ।
   तं त्वा॑ गी॒र्भिरु॑रु॒क्षया
   तम् त्वा गी॒र्भिः उ॑रु॒क्षया
   तं त्वा गी॒र्भिर् उरु॒क्षया

Halfverse: b    हव्य॒वाहं॒ समी॑धिरे ।
   ह॑व्य॒वाह॑म् सम् ईधिरे ।
   ह॑व्य॒वाहं सम् ईधिरे ।

Halfverse: c    यजि॑ष्ठ॒म्मानु॑षे॒ जने॑ ।।
   यजि॑ष्ठ॒म्मानु॑षे॒ जने॑ ।।
   यजि॑ष्ठम् मानु॑षे जने ।।
   यजि॑ष्ठम् मानु॑षे जने ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.