TITUS
Rg-Veda: Rg-Veda-Samhita
Part No. 938
Previous part

Hymn: 101_(927) 
Verse: 1 
Halfverse: a    उद्बु॑ध्यध्वं॒ सम॑नसः सखायः॒ सम॒ग्निमि॑न्ध्वम्ब॒हवः॒ सनी॑ळाः ।
   उद्बु॑ध्यध्वं॒ सम॑नसः सखायः
   उत् बुध्यध्वम् सम॑नसः सखायः
   उद् बुध्यध्वं सम॑नसः सखायः

Halfverse: b    सम॒ग्निमि॑न्ध्वम्ब॒हवः॒ सनी॑ळाः ।
   सम् अ॒ग्निम् इन्ध्वम् ब॒हवः सनी॑ळाः ।
   सम् अ॒ग्निम् इन्ध्वम् ब॒हवः सनी॑ळाः ।

Halfverse: c    द॑धि॒क्राम॒ग्निमु॒षसं॑ च दे॒वीमिन्द्रा॑व॒तो ऽव॑से॒ नि ह्व॑ये वः ।।
   द॑धि॒क्राम॒ग्निमु॒षसं॑ च दे॒वीम्
   दधि॒क्राम् अ॒ग्निम् उ॒षस॑म् च दे॒वीम्
   दधि॒क्राम् अ॒ग्निम् उ॒षसं च दे॒वीम्

Halfverse: d    इन्द्रा॑व॒तो ऽव॑से॒ नि ह्व॑ये वः ।।
   इन्द्रा॑वतः अव॑से नि ह्व॑ये वः ।।
   इन्द्रा॑वतो अव॑से नि ह्व॑ये वः ।।


Verse: 2 
Halfverse: a    म॒न्द्रा कृ॑णुध्वं॒ धिय॒ आ त॑नुध्वं॒ नाव॑मरित्र॒पर॑णीं कृणुध्वम् ।
   म॒न्द्रा कृ॑णुध्वं॒ धिय॒ आ त॑नुध्वं
   म॒न्द्रा कृ॑णुध्वम् धियः आ त॑नुध्वम्
   म॒न्द्रा कृ॑णुध्वं धिय आ त॑नुध्वं

Halfverse: b    नाव॑मरित्र॒पर॑णीं कृणुध्वम् ।
   नाव॑म् अरित्र॒पर॑णीम् कृणुध्वम् ।
   नाव॑म् अरित्र॒पर॑णीं कृणुध्वम् ।

Halfverse: c    इष्कृ॑णुध्व॒मायु॒धारं॑ कृणुध्व॒म्प्राञ्चं॑ य॒ज्ञम्प्र ण॑यता सखायः ।।
   इष्कृ॑णुध्व॒मायु॒धारं॑ कृणुध्वम्
   इष्कृ॑णुध्वम् आयु॑धा अर॑म् कृणुध्वम्
   इष्कृ॑णुध्वम् आयु॒धारं कृणुध्वम्

Halfverse: d    प्राञ्चं॑ य॒ज्ञम्प्र ण॑यता सखायः ।।
   प्राञ्च॑म् य॒ज्ञम् प्र न॑यत+ सखायः ।।
   प्राञ्चं य॒ज्ञम् प्र ण॑यता सखायः ।।


Verse: 3 
Halfverse: a    यु॒नक्त॒ सीरा॒ वि यु॒गा त॑नुध्वं कृ॒ते योनौ॑ वपते॒ह बीज॑म् ।
   यु॒नक्त॒ सीरा॒ वि यु॒गा त॑नुध्वं
   यु॒नक्त सीरा वि यु॒गा त॑नुध्वम्
   यु॒नक्त सीरा वि यु॒गा त॑नुध्वं

Halfverse: b    कृ॒ते योनौ॑ वपते॒ह बीज॑म् ।
   कृ॒ते योनौ वपत इ॒ह बीज॑म् ।
   कृ॒ते योनौ ? वपते॒ह बीज॑म् ।

Halfverse: c    गि॒रा च॑ श्रु॒ष्टिः सभ॑रा॒ अस॑न्नो॒ नेदी॑य॒ इत्सृ॒ण्यः॑ प॒क्वमेया॑त् ।।
   गि॒रा च॑ श्रु॒ष्टिः सभ॑रा ।!। अस॑न्नो
   गि॒रा च श्रु॒ष्टिः सभ॑राः अस॑त् नः
   गि॒रा च श्रु॒ष्टिः सभ॑रा अस॑न् नो

Halfverse: d    नेदी॑य॒ इत्सृ॒ण्यः॑ प॒क्वमेया॑त् ।।
   नेदी॑यः इत् सृ॒ण्यः प॒क्वम् आ इ॑यात् ।।
   नेदी॑य इत् सृ॒णियः प॒क्वम् एया॑त् ।।


Verse: 4 
Halfverse: a    सीरा॑ युञ्जन्ति क॒वयो॑ यु॒गा वि त॑न्वते॒ पृथ॑क् ।
   सीरा॑ युञ्जन्ति क॒वयो
   सीरा युञ्जन्ति क॒वयः
   सीरा युञ्जन्ति क॒वयो

Halfverse: b    यु॒गा वि त॑न्वते॒ पृथ॑क् ।
   यु॒गा वि त॑न्वते पृथ॑क् ।
   यु॒गा वि त॑न्वते पृथ॑क् ।

Halfverse: c    धीरा॑ दे॒वेषु॑ सुम्न॒या ।।
   धीरा॑ दे॒वेषु॑ सुम्न॒या ।।
   धीराः दे॒वेषु सुम्न॒या ।।
   धीरा दे॒वेषु सुम्न॒या ।।


Verse: 5 
Halfverse: a    निरा॑हा॒वान्कृ॑णोतन॒ सं व॑र॒त्रा द॑धातन ।
   निरा॑हा॒वान्कृ॑णोतन
   निः आ॑हा॒वान् कृणोतन
   निर् आहा॒वान् कृणोतन

Halfverse: b    सं व॑र॒त्रा द॑धातन ।
   सम् वर॒त्राः द॑धातन ।
   सं व॑र॒त्रा द॑धातन ।

Halfverse: c    सि॒ञ्चाम॑हा अव॒तमु॒द्रिणं॑ व॒यं सु॒षेक॒मनु॑पक्षितम् ।।
   सि॒ञ्चाम॑हा अव॒तमु॒द्रिणं॑ व॒यं
   सि॒ञ्चाम॑है अव॒तम् उ॒द्रिण॑म् व॒यम्
   सि॒ञ्चाम॑हा अव॒तम् उ॒द्रिणं व॒यं

Halfverse: d    सु॒षेक॒मनु॑पक्षितम् ।।
   सु॒षेक॑म् अनु॑पक्षितम् ।।
   सु॒षेक॑म् अनु॑पक्षितम् ।।


Verse: 6 
Halfverse: a    इष्कृ॑ताहावमव॒तं सु॑वर॒त्रं सु॑षेच॒नम् ।
   इष्कृ॑ताहावमव॒तं
   इष्कृ॑ताहावम् अव॒तम्
   इष्कृ॑ताहावम् अव॒तं

Halfverse: b    सु॑वर॒त्रं सु॑षेच॒नम् ।
   सु॑वर॒त्रम् सुषेच॒नम् ।
   सु॑वर॒त्रं सु॑षेच॒नम् ।

Halfverse: c    उ॒द्रिणं॑ सिञ्चे॒ अक्षि॑तम् ।।
   उ॒द्रिणं॑ सिञ्चे॒ अक्षि॑तम् ।।
   उ॒द्रिण॑म् सिञ्चे अक्षि॑तम् ।।
   उ॒द्रिणं सिञ्चे अक्षि॑तम् ।।


Verse: 7 
Halfverse: a    प्री॑णी॒ताश्वा॑न्हि॒तं ज॑याथ स्वस्ति॒वाहं॒ रथ॒मित्कृ॑णुध्वम् ।
   प्री॑णी॒ताश्वा॑न्हि॒तं ज॑याथ
   प्रीणी॒त अश्वा॑न् हि॒तम् जयाथ
   प्रिणीत % अश्वा॑न् हि॒तं ज॑याथ

Halfverse: b    स्वस्ति॒वाहं॒ रथ॒मित्कृ॑णुध्वम् ।
   स्व॑स्ति॒वाह॑म् रथ॑म् इत् कृणुध्वम् ।
   सुअ॑स्ति॒वाहं रथ॑म् इत् कृणुध्वम् ।

Halfverse: c    द्रोणा॑हावमव॒तमश्म॑चक्र॒मंस॑त्रकोशं सिञ्चता नृ॒पाण॑म् ।।
   द्रोणा॑हावमव॒तमश्म॑चक्रम्
   द्रोणा॑हावम् अव॒तम् अश्म॑चक्रम्
   द्रोणा॑हावम् अव॒तम् अश्म॑चक्रम्

Halfverse: d    अंस॑त्रकोशं सिञ्चता नृ॒पाण॑म् ।।
   अंस॑त्रकोशम् सिञ्चत+ नृ॒पाण॑म् ।।
   अंस॑त्रकोशं सिञ्चता नृ॒पाण॑म् ।।


Verse: 8 
Halfverse: a    व्र॒जं कृ॑णुध्वं॒ स हि वो॑ नृ॒पाणो॒ वर्म॑ सीव्यध्वम्बहु॒ला पृ॒थूनि॑ ।
   व्र॒जं कृ॑णुध्वं॒ स हि वो॑ नृ॒पाणो
   व्र॒जम् कृणुध्वम् स हि वः नृ॒पाणः
   व्र॒जं कृ॑णुध्वं स हि वो नृ॒पाणो

Halfverse: b    वर्म॑ सीव्यध्वम्बहु॒ला पृ॒थूनि॑ ।
   वर्म सीव्यध्वम् बहु॒ला पृ॒थूनि ।
   वर्म सीव्यध्वम् बहु॒ला पृ॒थूनि ।

Halfverse: c    पुरः॑ कृणुध्व॒माय॑सी॒रधृ॑ष्टा॒ मा वः॑ सुस्रोच्चम॒सो दृंह॑ता॒ तम् ।।
   पुरः॑ कृणुध्व॒माय॑सी॒रधृ॑ष्टा
   पुरः कृणुध्वम् आय॑सीः अधृ॑ष्टाः
   पुरः कृणुध्वम् आय॑सीर् अधृ॑ष्टा

Halfverse: d    मा वः॑ सुस्रोच्चम॒सो दृंह॑ता॒ तम् ।।
   मा वः सुस्रोत् चम॒सः दृंह॑त+ तम् ।।
   मा वः सुस्रोच् चम॒सो दृंह॑ता तम् ।।


Verse: 9 
Halfverse: a    आ वो॒ धियं॑ य॒ज्ञियां॑ वर्त ऊ॒तये॒ देवा॑ दे॒वीं य॑ज॒तां य॒ज्ञिया॑मि॒ह ।
   आ वो॒ धियं॑ य॒ज्ञियां॑ वर्त ऊ॒तये
   आ वः धिय॑म् य॒ज्ञिया॑म् वर्ते ऊ॒तये
   आ वो धियं य॒ज्ञियां वर्त ऊ॒तये

Halfverse: b    देवा॑ दे॒वीं य॑ज॒तां य॒ज्ञिया॑मि॒ह ।
   देवाः दे॒वीम् यज॒ताम् य॒ज्ञिया॑म् इ॒ह ।
   देवा दे॒वीं य॑ज॒तां य॒ज्ञिया॑म् इ॒ह ।

Halfverse: c    सा नो॑ दुहीय॒द्यव॑सेव ग॒त्वी स॒हस्र॑धारा॒ पय॑सा म॒ही गौः ।।
   सा नो॑ दुहीय॒द्यव॑सेव ग॒त्वी
   सा नः दुहीयत् यव॑सा इव ग॒त्वी
   सा नो दुहीयद् यव॑सेव ग॒त्वी

Halfverse: d    स॒हस्र॑धारा॒ पय॑सा म॒ही गौः ।।
   स॒हस्र॑धारा पय॑सा म॒ही गौः ।।
   स॒हस्र॑धारा पय॑सा म॒ही गौः ।।


Verse: 10 
Halfverse: a    आ तू षि॑ञ्च॒ हरि॑मीं॒ द्रोरु॒पस्थे॒ वाशी॑भिस्तक्षताश्म॒न्मयी॑भिः ।
   आ तू षि॑ञ्च॒ हरि॑मीं॒ द्रोरु॒पस्थे
   आ तु+ सि॑ञ्च हरि॑म् ईम् द्रोः उ॒पस्थे
   आ तू षि॑ञ्च हरि॑म् ईं द्रोर् उ॒पस्थे

Halfverse: b    वाशी॑भिस्तक्षताश्म॒न्मयी॑भिः ।
   वाशी॑भिः तक्षत अश्म॒न्मयी॑भिः ।
   वाशी॑भिस् तक्षत अश्म॒न्मयी॑भिः ।

Halfverse: c    परि॑ ष्वजध्वं॒ दश॑ क॒क्ष्या॑भिरु॒भे धुरौ॒ प्रति॒ वह्निं॑ युनक्त ।।
   परि॑ ष्वजध्वं॒ दश॑ क॒क्ष्या॑भिर्
   परि स्वजध्वम् दश क॒क्ष्या॑भिः
   परि ष्वजध्वं दश क॒क्षिया॑भिर्

Halfverse: d    उ॒भे धुरौ॒ प्रति॒ वह्निं॑ युनक्त ।।
   उ॒भे धुरौ प्रति वह्नि॑म् युनक्त ।।
   उ॒भे धुरौ प्रति वह्निं युनक्त ।।


Verse: 11 
Halfverse: a    उ॒भे धुरौ॒ वह्नि॑रा॒पिब्द॑मानो॒ ऽन्तर्योने॑व चरति द्वि॒जानिः॑ ।
   उ॒भे धुरौ॒ वह्नि॑रा॒पिब्द॑मानो
   उ॒भे धुरौ वह्निः आ॒पिब्द॑मानः
   उ॒भे धुरौ वह्नि॑र् आ॒पिब्द॑मानो

Halfverse: b    ऽन्तर्योने॑व चरति द्वि॒जानिः॑ ।
   अ॒न्तर् योना इव चरति द्वि॒जानिः ।
   अ॒न्तर् योने॑व चरति द्वि॒जानिः ।

Halfverse: c    वन॒स्पतिं॒ वन॒ आस्था॑पयध्वं॒ नि षू द॑धिध्व॒मख॑नन्त॒ उत्स॑म् ।।
   वन॒स्पतिं॒ वन॒ आस्था॑पयध्वं
   वन॒स्पति॑म् वने आ अ॑स्थापयध्वम्
   वन॒स्पतिं वन आस्था॑पयध्वं

Halfverse: d    नि षू द॑धिध्व॒मख॑नन्त॒ उत्स॑म् ।।
   नि सु+ द॑धिध्वम् अख॑नन्तः उत्स॑म् ।।
   नि षू द॑धिध्वम् अख॑नन्त उत्स॑म् ।।


Verse: 12 
Halfverse: a    कपृ॑न्नरः कपृ॒थमुद्द॑धातन चो॒दय॑त खु॒दत॒ वाज॑सातये ।
   कपृ॑न्नरः कपृ॒थमुद्द॑धातन
   कपृ॑त् नरः कपृ॒थम् उत् दधातन
   कपृ॑न् नरः कपृ॒थम् उद् दधातन

Halfverse: b    चो॒दय॑त खु॒दत॒ वाज॑सातये ।
   चो॒दय॑त खु॒दत वाज॑सातये ।
   चो॒दय॑त खु॒दत वाज॑सातये ।

Halfverse: c    नि॑ष्टि॒ग्र्यः॑ पु॒त्रमा च्या॑वयो॒तय॒ इन्द्रं॑ स॒बाध॑ इ॒ह सोम॑पीतये ।।
   नि॑ष्टि॒ग्र्यः॑ पु॒त्रमा च्या॑वयो॒तय
   निष्टि॒ग्र्यः पु॒त्रम् आ च्या॑वय ऊ॒तये
   निष्टि॒ग्रियः पु॒त्रम् आ च्या॑वयो॒तय

Halfverse: d    इन्द्रं॑ स॒बाध॑ इ॒ह सोम॑पीतये ।।
   इन्द्र॑म् स॒बाधः इ॒ह सोम॑पीतये ।।
   इन्द्रं स॒बाध इ॒ह सोम॑पीतये ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.