TITUS
Svan (Lashx) Texts ed. A. Oniani
Part No. 25
Previous part

Section: 3 
Text: 1 
Page: 82 
Line: 1 
III. შაჲრალ ი ლიღრა̄ლ.
Line: 2 
I. თაჳბედი̄ლა̄ჲ ლექს შაირდ


Line: 3       ჳო საბრალე, თაჳბედილე!
Line: 4       ლეჩმე უჩმა მაგ ჩუ მიჩმინა,
Line: 5       ლეყრე უყრა მაგ ჩუ მაყრა.
Line: 6       ფისეჳ ხაბა ჯიმში ლადეღს!
Line: 7       მი ეჯ ლადეღ საჳჲარდ ამჷრმხ,
Line: 8       მაბინეხ ლიზი-ლიჩედი,
Line: 9       შტიმრალ მაიდშჳ მიშჷდენდახ,
Line: 10       მეჴრალ ჯან თაჳ მაჭკორა,
Line: 11       სგამჴიდხ სგიმართეჲსა.
Line: 12       სემი კჳანჩხულ სგიმილ ლამა̄შხ,
Line: 13       პილარ ეჯნემ დეშ ემჟირე.
Line: 14       მაბინეხ ლიზი-ლიჩედი,
Line: 15       სგამჴიდხ ჯეგამთეჲსა,
Line: 16       ჟეგმი ნახაშ ხამჷმი ლჷზორ.
Line: 17       მაბინეხ ლიზი-ლიჩედი:
Line: 18       ჩუ ღალ ამჴიდხ ბჷლჷმთეჲსა,
Line: 19       ბჷლჷმ ჩუქჳა̄ნ ქაშაგითე,
Line: 20       ქა ღალ ამჴიდხ ქაშგი ფუსდთე,
Line: 21       თერალისა ლამასინჯჳე,
Line: 22       ამშა თერალს დარ მოშ იყდი.
Line: 23       მაბინეხ ლიზი-ლიჩედი:
Line: 24       ქა ლამსკინჳნეხ თჳეთნა ძუღჳას.
Page: 83  Line: 1       ჲეშდი ჲერუ ზაჲქა ლამად,
Line: 2       ისგლეთისა ჳონა ჩიქე
Line: 3       მაცხჳარ მჷლხაშ ემჴედელი,
Line: 4       ლეტჳრე მუტჳარ შინჟი ხუღჳა,
Line: 5       ისგლეთისა ჳონა ჩიქე
Line: 6       ჟი ლამსკინჳნე ლაყჳრახენ ჟი.
Line: 7       ჳო საბრალე, თაჳბედილე!
Line: 8       ნომ ჯაყლუნი ლიზი-ლიჩედდ.
Line: 9       მაბინე ლიზი-ლიჩედი:
Line: 10       თჳეთნა ძუღჳას ქა ლამსკინჳნე,
Line: 11       ჟი ღალ ლამჴიდხ ქაშაგთე ჟი,
Line: 12       ქაშგარ მიხალხ მოღლატ მიშგჳი,
Line: 13       ღჳაშა თხუმილ ქა ლამბიშეხ:
Line: 14       "ლეზჷზ ჯე̄რი ალე შუკმიშ!"
Line: 15       გზაჳრობ ალჲარდ ჩუ ემჷმეზრეხ.
Line: 16       მიბინა ლიზი-ლიჩედი:
Line: 17       ჟი ღალ ლოჴჳედ ბჷლჷმთე ჟი,
Line: 18       ბჷლჷმ ჟიქან ჯეგამითე,
Line: 19       ჟეგამხენქა დიე ბაჩნუნ,
Line: 20       მჷჟალითე ლასგიდ მერი.
Line: 21       ჩიე ქორჳას ლჷყარ ხაფრა,
Line: 22       მიშგჳა ქორჳას მამა ხაფრა.
Line: 23       ჩიე დაბარს ნამშაჳ ხაგჷდხ,
Line: 24       მიშგჳა დაბარს ხამარ ხორი.
Line: 25       დედე მიშგჳი, ყორჳა ემკარ!
Line: 26       -- ეშუ ისგჳი ხოჩა ამჲა!
Line: 27       დედეშ მე̄ქჳის მი არ მაყა.
Line: 28       "ნომ ჯაყლუნი! მი ხჳი ისგუ _
Line: 29       ისგუ გეზალ თაჳბედილე.
Line: 30       "სიე თაჳბედილ ხიროლე,
Line: 31       ისგუ ჭიშხილ ქა ღალ ლამწჳენ,
Line: 32       სერ ჩოთკარე დედედ ყორჳალ".
Line: 33       "მუა მიშგჳი იმეგ არი?"
Line: 34       "მუა ისგჳი მურყჳამს არი,
Page: 84  Line: 1       ჩაჩილ მიჩა ქა ლოხფიშჳდა,
Line: 2       ჟაბშიშ ხამარს ლელყურდ ხუღჳახ".


Line: 3       ქე̄დგა̄თჳა̄ნ თაჳბედი̄ლა ლექს. თაჳბედი̄ლ მჷმლახ ლჷმა̄რ მუმჟა̄ლ.
Line: 4    ჭიშხჟი ფხულარ ტყუბ ხა̄რახ.

Line: 5       ალ ლექს ლე̄ქჳ ატოდ გალფხა̄ნშა, იზგე ლა̄შხისა.

Line: 6       თაჳბედი̄ლა̄ჲ ლექს აშ გჳასმა ლა̄შხარს შჳანხენ, ოდო ეჯი მჷლა̄შხ
Line: 7    მა̄მ ლჷმა̄რ, მუშჳან ლჷმა̄რ ი გარგლა̄ჲ ლუშნუ ლი ეჩა ლექსი ლა̄ქჳი̄სჟი.
Line: 8    ხოხალხ ჳო̄ბაშს ლა̄შხისა ალ ლექს.



Next part


This text is part of the TITUS edition of Svan (Lashx) Texts ed. A. Oniani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.