TITUS
Svan Texts ed. Gabliani
Part No. 76
Previous part

Text: S18  
Page: 211 
ბეთქილ.


Line: 1     ბაილ ბეთქი̄ლი̄ კუცი̄რას მე̄შყედლი ბაილ ილბა ილბა ბაილ
Line: 2     ბაილ ჩუ ლუზვერ ლი მჷლახ მჷჟა̄ლ ბაილ ილბა ილბა ბაილ
Line: 3     ბაილ ჟივ ხაგენიდ სამხთიშ ჭჷშხა̈შს ბაილ ილბა ილბა ბაილ
Line: 4     ბაილ სგა̄ვ ხოსკინა თვეთვნა კვიცრო̄ლს ბაილ ილბა ილბა ბაილ
Line: 5     ბაილ ბეთქილს ნაბრა̈̄ჴიქა ხოსკინე ბაილ ილბა ილბა ბაილ
Line: 6     ბაილ ამი̄შ მეჭემ იარ გვე̄როლე ბაილ ილბა ილბა ბაილ
Line: 7     ბაილ ამი̄შ მეჭემ ბეთქილ გვე̄რი ბაილ ილბა ილბა ბაილ
Line: 8     ბაილ სგვებინ ნალჴანვ ხოჟეღვიხ ბაილ ილბა ილბა ბაილ
Line: 9     ბაილ ვეშგინ შუკვა დვემენილა ბაილ ილბა ილბა ბაილ
Line: 10     ბაილ სგა̄ვ ხოჟეღვი უხვა̄ნთე̄სგა ბაილ ილბა ილბა ბაილ
Line: 11     ბაილ საბრალ ბეთქი̄ლ ლეჟრი ბეთქი̄ლ ბაილ ილბა ილბა ბაილ
Line: 12     ბაილ ლერსგვან ტვეტმიშ ლაგვდირ გარჯა̈რ ბაილ ილბა ილბა ბაილ
Line: 13     ბაილ ლერთან ჭიშხმიშ ლაგნი̄ლ გარჯა̄რ ბაილ ილბა ილბა ბაილ
Line: 14     ბაილ ჟიქა̄ნ ლერსგვან შჷნშვ ხაცო̄ნცა ბაილ ილბა ილბა ბაილ
Line: 15     ბაილ ჩუქვა̄ნ ლერთან ჭჷშხვშ ხაცო̄ნცა ბაილ ილბა ილბა ბაილ
Page: 212  Line: 16     ბაილ ცოდა მიშგუ ნო̄ვ ხაშდეხა ბაილ ილბა ილბა ბაილ
Line: 17     ბაილ თამარს მიშგვა თელეღჷრას ბაილ ილბა ილბა ბაილ
Line: 18     ბაილ ურწყულ ამფუ̈შდ ლა̄თხვია̄რთე ბაილ ილბა ილბა ბაილ
Line: 19     ბაილ ინზო̄რა̄ლე მჷლახ მჷჟა̄ლ ბაილ ილბა ილბა ბაილ
Line: 20     ბაილ ერს ესღვა̈̄ნდახ ნაბდიშ ქაფა̄რ ბაილ ილბა ილბა ბაილ
Line: 21     ბაილ ერს ესღვა̈̄ნდახ კიჩხიშ ქაფა̄რ ბაილ ილბა ილბა ბაილ
Line: 22     ბაილ ერს ესღვა̈̄ნდახ თაკვა̄შ ქაფა̄რ ბაილ ილბა ილბა ბაილ
Line: 23     ბაილ ბეთქილს მა̄მა̄ გვეშ ხაშედა ბაილ ილბა ილბა ბაილ
Line: 24     ბაილ თხუმას მიჩა ღალ ილეჭე ბაილ ილბა ილბა ბაილ
Line: 25     ბაილ ბაბას მიშგვა ხონებავედ ბაილ ილბა ილბა ბაილ
Line: 26     ბაილ რანგი̄ ღვინა̄ლ გუნ მიფა̄ნას ბაილ ილბა ილბა ბაილ
Line: 27     ბაილ დედს მიშგვა ხვაშგურა̄ნე ბაილ ილბა ილბა ბაილ
Line: 28     ბაილ ქუთი̄ ჭიშდვა̄რს მასა̄რდ მიფა̄ნე̄დს ბაილ ილბა ილბა ბაილ
Line: 29     ბაილ ხეხვის მიშგვა ხვაშგურა̄ნე ბაილ ილბა ილბა ბაილ
Line: 30     ბაილ გეზლი̄რ ხოჩა̄მდ ამვოჴრალა̄ს ბაილ ილბა ილბა ბაილ
Line: 31     ბაილ ლახვბას მიშგვა ხონე̄ბავედ ბაილ ილბა ილბა ბაილ
Line: 32     ბაილ ჰა̄ვჯა̄რ ფარსაგდ ადშდაბნა̄ლახ ბაილ ილბა ილბა ბაილ
Line: 33     ბაილ ლადჩურას მიშგვა ხონე̄ბავედ ბაილ ილბა ილბა ბაილ
Line: 34     ბაილ ფათვა̄რ ფარსაგდ ა̈დფხჷჟჷრახ ბაილ ილბა ილბა ბაილ
Line: 35     ბაილ ლელა̄ტს მიშგვა ხონე̄ბავედ ბაილ ილბა ილბა ბაილ
Line: 36     ბაილ ქამრა̄ლ ა̄თუდ ანგურნა̄ლას ბაილ ილბა ილბა ბაილ
Line: 37     ბაილ ლაცლას მიშგვა ხვაშგურა̄ნე ბაილ ილბა ილბა ბაილ
Line: 38     ბაილ თანღი ჭჷშხა̄შ ქალამსი̄მნახ ბაილ ილბა ილბა ბაილ
Line: 39     ბაილ ზარილდ ფარსაგდ მიჩჷლჩხჷნახ ბაილ ილბა ილბა ბაილ
Line: 40     ბაილ სოფლა̄რს მიშგვა ხვაშგურა̄ნე ბაილ ილბა ილბა ბაილ
Line: 41     ბაილ კუბულდ ფარსაგდ მიტა̄ბახ ბაილ ილბა ილბა ბაილ
Line: 42     ბაილ თამარდ მიშგვა ლელა̄ტიდ ბაილ ილბა ილბა ბაილ
Line: 43     ბაილ ლაჩქილ ლერსგვანთე ლამსიპვნას ბაილ ილბა ილბა ბაილ
Line: 44     ბაილ საბრალ ბეთქილ ლეჟრი ბეთქილ ბაილ ილბა ილბა ბაილ
Line: 45     ბაილ რჷჰი ბური ყველენილა ბაილ ილბა ილბა ბაილ
Line: 46     ბაილ ბეთქილ უხვანს შყედენილა ბაილ ილბა ილბა ბაილ
Line: 47     ბაილ ჩუქვა̈ნ დაშდულდ ხედრაჯა̈̄ლე ბაილ ილბა ილბა ბაილ
Page: 213  Line: 48     ბაილ ბეთქიშ ძვერილ მჷრეს გუხა̄დდა ბაილ ილბა ილბა ბაილ
Line: 49     ბაილ ჟიქა̄ნ ღვამალ ხოყჷლპჷნე ბაილ ილბა ილბა ბაილ
Line: 50     ბაილ ბეთქიშ თერა̄ლდ მჷრეს გუხა̄დდა ბაილ ილბა ილბა ბაილ
Line: 51     ბაილ ბეთქილ კოჯას ქა მეშყდე̄ლი ბაილ ილბა ილბა ბაილ
Line: 52     ბაილ ჩუქვა̄ნ ჯიჯვარს იხურიე̄ლეხ ბაილ ილბა ილბა ბაილ


This text is part of the TITUS edition of Svan Texts ed. Gabliani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.