TITUS
Svan Texts ed. Gabliani
Part No. 75
Previous part

Text: S17  
Page: 209 
ბიმურზოლა.


Line: 1     რერა ვოი საბრალე ბიმურზო̄ლა რერა.
Line: 2     რერა ლირდე ჯადდა ჩინმაჩე̄ნე რერა
Line: 3     რერა თხუმეში ჭჷშხე ნე̄სგა ლჷშკა̈̄დ ლჷმა̈̄რხი რერა
Line: 4     რერა ყჷრმილ თოფა ბარჯას ჯასდა̄ნდა რერა.
Line: 5     რერა თვეთნა ყვა̄რილს ჟი ხასგურდა̄ს რერა
Line: 6     რერა ხიზელა̄ლე ჴევას ჩია̄გ რერა,
Line: 7     რერა მანო̄ლს ხი̄ყი ფიდე̄ანრეშ რერა.
Line: 8     რერა ბექაჲ ლა̈თხვიარსუ ლჷმა̄რდხი რერა
Line: 9     რერა ღვაში̄ კვიცრა ჩუ̄ვ ხათხე̄ნა რერა
Line: 10     რერა ბა̄ზი̄შ სადგვემ იმეგ მე̄რი რერა
Line: 11     რერა ბერჟა̈ ბაჩა̈რ ჩუქვა̄ნ ხვისდგომა̄ლე რერა
Line: 12     რერა სა̈დილ ვოხშა̈მ მა̈ვ მერო̄ლე რერა
Line: 13     რერა ღვაშა̈ ყვიჟ-პე̄რშვდა მე̄რო̄ლე რერა
Line: 14     რერა ეშხუ უჟულდ ჟი ლა̈ხუ̄ვჟვინ რერა
Line: 15     რერა ხოლა ი̄სნავ მი ლა̈მი̄სნა̈ვ რერა
Line: 16     რერა კუთხვა მიშგუ თოფარე რერა
Line: 17     რერა ჩუ ა̈მრაშვეხ მესტია̈ლარედ რერა
Line: 18     რერა ბაზი მია ქორთე ღური რერა
Line: 19     რერა ყორს ხვაგენი ლახვბას მიშგვა რერა
Line: 20     რერა ლახვბა მიშგუ ტჷტს ხასგურიხ რერა
Line: 21     რერა ლახვბა მიშგუ, მა̈ჲ ღალ გვეყა̈რ რერა
Line: 22     რერა ლახვბად მიშგვა მიპასუხეს რერა
Line: 23     რერა მანო̄ლ აგვღე ბიმურზო̄ლას რერა
Line: 24     რერა ეჯღა სგა̈ჲ ნომა ანფეშედ რერა
Page: 210  Line: 25     რერა ბა̄ზი მია მესტიად ღური რერა
Line: 26     რერა ყო̄რს ხვაგენი ბიმურზო̄ლას რერა
Line: 27     რერა ლიღრა̈ლ მასჷმდა მიშგვა ხეხვიშ რერა
Line: 28     რერა ქჷმრა̈ლ ონშუდ ა̈თუ ა̈თუდ რერა
Line: 29     რერა მჷხირ ანჴიდ ბიმურზო̄ლად რერა
Line: 30     რერა მჷხირ ანჴიდ ლაყვრა̈შ ლარშეჲდ რერა
Line: 31     რერა ატწარმა̈თი კუთხვა მიშგუ რერა
Line: 32     რერა და̈დი̄ლ ლაყვრა ნა̈ჲ ლოლურშედ რერა
Line: 33     რერა ტყვიფ ათღანდა კუთხვას მიშგვა რერა
Line: 34     რერა ჭიშხ ლა̈იკაჩე ბიმურზო̄ლად რერა
Line: 35     რერა ჭიშხ ანკაჩე ტახდიშ ქა̈̄მჩუ რერა,
Line: 36     რერა საუდ ლა̄მა̄დ ლა̈მთილა̈შა რერა
Line: 37     რერა ლა̈მთილა̈შა ლა̈სმუნა̈შა რერა
Line: 38     რერა ყო̄რსუვ ხვაგენი ლა̈მთილს მიშგვა რერა
Line: 39     რერა ქრისდეშ ნა̈მზურ ყურშა̈ილა რერა
Line: 40     რერა ეშხუ წა̈წკულდ მა̄დხოკიდა რერა
Line: 41     რერა მი ხოჰვნა̈რი ლაჴვრაისგა რერა
Line: 42     რერა მინს ლარშვენ ხა̄დახ ნაჭვლა̄შიშა რერა
Line: 43     რერა მა̈ჲ ხეჩვე̄ნი მა̈ნე̄შ ნაჭვლაშდ რერა
Line: 44     რერა ბიმურზო̄ლა̈შ თეთვნე ყვა̈რილ რერა
Line: 45     რერა ატწარმა̈თი კუთხვა მიშგუ რერა
Line: 46     რერა სა̈რგებ ნაჭვლაშ ნა̈ჲ ლალკიდვნად რერა
Line: 47     რერა ტყვიფ ათღანდა კუთხვას მიშგვა რერა
Line: 48     რერა ჭიშხ ანკაჩე სამუნდ მიშგვა რერა
Line: 49     რერა ჭიშხ ანკაჩე სკამიშ ქა̄მჩუ რერა
Line: 50     რერა ბა̄ზი მია̈ ქორთე ღური რერა
Line: 51     რერა შხა̈რი ჴა̈ნის ჩუ ხვა̈ჲსენი რერა
Line: 52     რერა უბნა კეცილდს ჟი ხვიბინე რერა
Line: 53     რერა თვით სოფელს ქა ხვაწჰინე რერა.
Line: 54     რერა მე̄რვა ჰამას ჟი ხვიგნა̄ლე რერა
Line: 55     რერა სანდრევს მიზზი მანო̄ლ მიშგუ რერა
Line: 56     რერა მა̈ი როქ მაგდე̄ნა ჭა̈შმიშ დაგრა რერა
Page: 211  Line: 57     რერა მი̄ა ეჯას პა̄სიხვს ხვატხე რერა
Line: 58     რერა ეჯი გარჷჯ ნომა ჯიხა რერა
Line: 59     რერა ეშხუ მეშხე ლაჩა̈ქ ჯჷმლა̈შ ჯეგნი რერა.



Next part


This text is part of the TITUS edition of Svan Texts ed. Gabliani.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.