ARMAZI
Kartlis Cxovreba II
Part No. 166

Page of edition: 166  Line of edition: 1    ამისმან მცნობელმან ჩინგის-ყაენმან, რომელ ყოველგან სძლიეს თათართა, წარმოავლინნა
Line of edition: 2    შვილნი მისნი ხორასნის სულტანსა ჯალალდინს ძიებად. ცნა ესე სულტანმან
Line of edition: 3    ჯალალდინ, შეიყარა ლაშქრითა და მრავალჯერ ბრძოლა ქმნა, ვითარცა ვთქჳ.

Line of edition: 4    და იგრძნა რა სრულიადი ძლეულება თჳსი, აიყარა დედაწულითურთ თჳსით, და ლაშქარი
Line of edition: 5    თანა ჰყვა დედაწული კაცი ას ორმოცი ათასი, და ივლტოდეს პირისაგან თათართასა,
Line of edition: 6    და წარმოემართნეს ჩუენ კერძ, ვითარცა ქუემორე სიტყუამან ცხად ყოს


Line of edition: 7  ჩანართი


Line of edition: 8    დაჲ მათი რუსუდანი ითხოვეს ხლათის დასასმელად დიდმან სულტანმან მელიქმან, რომელსა
Line of edition: 9    ეგჳპტით ვიდრე ხლათამდე სპა\რსეთი ჰქონდა. და დააყენა მოწყალებამან ღმრთისამან, და არა
Line of edition: 10    ჰყო ესე. შემდგომად ამისა დიდითა შემოხუეწითა სთხოვა შარვაშე. უქადეს და უბრძანეს მიცემისა
Line of edition: 11    პირი. გაგზავნეს შარვანს ქართლისა ერისთავი, და თჳთ გიორგი მეფე ბაგავანს მივიდა
Line of edition: 12    გაკაზმად და მიცემად დისა მისისა. და ათ დღე დრო იყო წარსლვისა მისისა. ხოლო ღმერთმან
Line of edition: 13    აქაცა დააყენა.

Line of edition: 14    რამეთუ არა დასცხრა გულისწყრომა უფლისა, რომლითა განვარისხეთ მრავალმოწყალე
Line of edition: 15    იგი და სახიერი, და აღესრულა მეფე ლაშა.

Line of edition: 16    მაშინ ვითარცა ცნა აღსასრული თჳსი მეფემან ლაშა, მოუწოდა ყოველთა წარჩინებულთა
Line of edition: 17    სამეფოსა თჳსისათა, შევედრა დაჲ თჳსი რუსუდან ცრემლითა მომდინარემან
Line of edition: 18    და თქუა: "უწყი უმანკოება და ერთგულობა \ მეფეთა ნათესავისაგან თქუენ მკჳდრთა
Line of edition: 19    საქართველოსათა, შეხედვებითა ღმრთისათა მიგათუალავ დასა ჩემსა რუსუდანს, რათა
Line of edition: 20    შემდგომად ჩემსა მეფე ჰყოთ, ვითარ არს ჩუეულება ნათესავისა თქუენისა. ერთგულობით
Line of edition: 21    მონებდით და სიმჴნითა თქუენითა დაიცევით ტახტი მეფობისა მტერთაგან უვნებელად.

Line of edition: 22    დაღათუ არა მამაკაცი არს, \ არამედ დედაკაცი, არა აკლია სიბრძნესა და სამეფოთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.