ARMAZI
Kartlis Cxovreba II
Part No. 164

Page of edition: 164  Line of edition: 1    წყობათა შინა უცხო. მივიდა მცირედითა კაცითა შუელად მამისა, და მყის წარიყვანა
Line of edition: 2    მამა თჳსი, და ივლტოდეს ხუარასნად.

Line of edition: 3    ამისა შემდგომად ებრძოლა კუალადცა სულტანი ჯალალდინ მრავალჯერ, რამეთუ
Line of edition: 4    სამჯერ ჯეონს იქით შეება და ოთხჯერ ხუარასანს, ჯეონს აქეთ. ხოლო ვინათგან
Line of edition: 5    ღმერთსა ცოდვათა \ ჩუენთათჳს მიეცა ყოველი ქუეყანა, და იძლია სრულიად და ივლტოდა.

Line of edition: 6    ცნა რა სივლტოლა ამისი და სიმაგრეთა შინა შევლტოლა ჩინგიზ-ყაენმან,
Line of edition: 7    წარმოავლინნა ორნი თავადნი ზემოჴსენებულნი, იამა და სალპიანი, რომელთა ქართველნი
Line of edition: 8    სება-ჯებობით უწოდიან, რათა მოვლონ ქუეყანა ხუარასნისა და ერაყისა,
Line of edition: 9    სადამდის ეძლო სლვად, და განიხილონ ქუეყანა. ხოლო ესენი წარმოვიდეს ათორმეტითა
Line of edition: 10    ათასითა მჴედრითა, თჳნიერ საჭურველისა და საზრდელისა ქონებისა, არამედ
Line of edition: 11    მშჳლდი ოდენ, უჴრმლოდ.

Line of edition: 12    განვლეს თურანი, ჯეონი, ხუარასანი, ერაყი, ადარბადაგანი და მოიწივნეს განძას.

Line of edition: 13    და ვერავინ წინააღუდგა; თუ ვინ სადა გამოჩნდის, ყოველთა სძლიან. და მოიწივნეს
Line of edition: 14    საზღვართა საქართველოსათა, იწყეს დარბევად ქუეყანა გაგისა. ცნა ესე ვარამ
Line of edition: 15    გაგელმან და ივანე ათაბაგ\მან, და აცნობეს მეფესა ლაშას უცხოსა ნათესავისა მოსლვა,
Line of edition: 16    უცხოთა ენითა, ოჴრებად სომხითისა. ხოლო მეფემან მოუწოდა სპათა თჳსთა, იმერთა
Line of edition: 17    და ამერთა, და შეკრიბა ოთხმოცდა\ათი ათასი მჴედარი. და წარემართნეს თათართა
Line of edition: 18    კერძ, გაგისა ბოლოს მდგომთა. იქით ივანე ათაბაგი და ძმისწული მიცი, ზაქარიას ძე
Line of edition: 19    ამირსპასალარისა, შანშე, და ვარამ გაგელი მსახურთ-უხუცესი მოერთნეს დიდითა ლაშქრითა,
Line of edition: 20    და წარემართნეს.

Line of edition: 21    ხოლო იგინი, დაბანაკებულნი წყალსა ზედა ბერდუჯსა და აწ საგ\იმად წოდებულსა,
Line of edition: 22    მყის ამჴედრდეს და ეწყვნეს ურთიერთას. და იქმნა ძლიერი ბრძოლა. ნახევარნი
Line of edition: 23    ივლტოდეს თათარნი, და ნახევართა მზირი ეყო, და უკანით მოუჴდეს. მაშინ


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.