TITUS
Megrelian Texts ed. Qipshidze
Part No. 78
Previous part

Text: XLVIII  
XLVIII.
1911 წანაში თჷრობა


Part: (1)  
Page: 160  
Line: 23    აი ნამჷდა დებლახი, ქივესური გვილეფსჷ ნი,
Line: 24    გორგილაფაქ ანთებათ გინჷმართჷ, დახე დოპილესჷ ნი;
Line: 25    ლეხი კოჩი ემჷკჷნესჷ დო ჩქიმი ჸუდეშა ქიმემიჸუნესჷ ნი,
Line: 26    თურქი დო ურიას გურს მეჭუნდუ, დორთელს ეშჷმონჯირესჷ ნი.
Line: 27    ლახალაშა ვა გჷმაჯერეს, თჷრქ თეში დამაბინესჷ ნი,
Page: 161   Line: 1    დოხთურს ჩქიმდა სო მართედჷ, თჷრქ თეში დოფხვილესჷ ნი,
Line: 2    პაპასჷთი ვა მართედჷ დო სო ვაძირედი ცირეფსჷ ნი;
Line: 3    უჩა ზოთონჯი დო თჷრქ ნინალას დამითხინესჷ ნი,
Line: 4    სო ურქუ დო მუს ქიმინჷ, თჷრქ თეში დობკჷრესჷ ნი.
Line: 5    ჯიმალეფი, მის გიძირჷ თეცალი ზოთონჯი დო თუალა?
Line: 6    ჯაშა ყვარილს ვა გილახუნე, ქოთომქ ქიმიოტუუ სქუალა,
Line: 7    მინდორიშა წიმილე ნი, ხე დო კუჩხიში ჭუალა,
Line: 8    წისქვილიშა ვე ელინე, ქიმიოტუუ ქუალა;
Line: 9    მის გიღუ ჯვეში ნაქუა -- თიში გილათხუალა,
Line: 10    ფინაში გჷმაღალა რენ დო დაჩხჷრიში წჷმოჭუალა.
Line: 11    ვა მიოტუუ დო ირო თჷნსჷ, ჯიმალეფი, ვე ველჷდათ ჯგირს,
Line: 12    მუ ცოდაქ რე მიფიის, მუჭო ქიმშჷვოლითჷ ჭირს?
Line: 13    ვარა ჭა დო ვარა დიშქას სოლე მიღა, ვარა მუს ღოლა ქვირს?
Line: 14    ვარა ორინჯის მუს ღოლა, ვარა მუს ღოლა რთვილს?
Line: 15    მუ ოკო უსხუნათჷ ათეცალი წანა ჭვილს?
Line: 16    მუჭო გური ჭვილი აფუ ენოსქჷლადირი თხიილს.
Line: 17    მუთი რე ნი, გურს იმარგენს, მითი ქანაჯინე სქვამი ჩილს.
Line: 18    ენა მოფერაფა რენ დო მუს გოხვარჷ სიმაგრე?
Line: 19    ხოლო ღორონც ვეხვეწათჷ, მის მიღუნა სიმართლე.
Line: 20    ნაპიჩა ქჷგაფუნანო, ჯიმალეფი, წინანდღე?
Line: 21    ხოლო ყაზაყალა ოკო, მის მიღუნა სიმარჯვე.
Line: 22    ნება ოკო ვო უღუდას, თჷრქ თუალას დეთხუას,
Line: 23    ყაზაყეფი წჷმორენ დო ნინას წჷმოუტეკუანს.
Line: 24    მუ კოჩი რექ, გოურზჷქ წჷრი ჸუდეში ხეკუას?
Line: 25    მუს ხეკჷ დო მუსჷ ღოლა, თჷრქ სოთინი ვე დინტჷრჷ,
Line: 26    გასაკვირი მუჭო ვა რე, ჰავაქ შურო ვე დირთჷ ნი!
Line: 27    ზოთონც მუ მოუღუდუ ნი, კალანდარქჷთი ვე დიჩინჷ.
Line: 28    ზოთონჯის თქუანდეს, თე წანას ნოღვე ძალი:
Line: 29    ინგჷრი ეთიილი აფუ, სო რე ვე ეჩინებე ღალი,
Line: 30    ტკუ დო ალაბით ვე ეზჷმე ჯაში წვანც ეში განი.
Line: 31    გიჩქჷდანი, ჯიმალეფი, ასე კოჩი წჷმორე ნი, ის ვო უძირჷ ათე
Line: 32    ცალი.
Line: 33    ნალახე კოჩი გებდჷრთი, სარიკო ქობძირი დო გებჭარი; ასე
Line: 34    იჩინეებე, მითი ოკათჷქჷ თარი,
Page: 162   Line: 1    ირო ხოპამო ქიგერდე ნი, კჷლერი გაფუ ჸუდეში კარი.
Line: 2    სასტაული ქობძირით, თის რე გილებჭაროუთ,
Line: 3    მუჟამი თჷრქ ქჷმჷნმანთხეს, სოთინი ვჸეპაბლოუთ,
Line: 4    ასე თხილამურამო მუთი რე ქიგილეფხაროუთ.
Line: 5    შიშის ქიმიოღურუთ, მუჟამი სო ინივანთხოუთ,
Line: 6    ირფელიში უფრაშიქ შემაწუხჷ კუჩხიშ გილოულაქჷ ნი,
Line: 7    ლაფშა კუნთხუს კჷნოკჷრჷ, ჭა დო ლატის თის ფჩანქჷ ნი.
Line: 8    ირი მინუტის თჷრს იჭყანსჷ, ხეს ჸვაშა მიინჭანქჷ ნი,
Line: 9    მინი წჷმოკიჟინჷ, მინი წჷმიძიცანქჷ ნი.
Line: 10    კუჩხიში შარაშა ვა გალინე, მითი თხილამურს ვე მიდვანქჷ ნი.
Line: 11    თე თხილამურიში მოგონება დიდი სასარგებლო რე;
Line: 12    მუჟამი თჷრს ქიმშაჭვემუ, დიდი მორკებულო რე;
Line: 13    ზენიშა წყარქ მიდართჷ, ორინჯი დო კოჩი თხებულო რე;
Line: 14    ცოდა ლეტუჩიში კამანდა დიო დღარო ქებულო რე;
Line: 15    უბედური აბრაგეფი კამანდაში ხებულო რე.
Line: 16    ირო ნაჩალიკი ბჯღუნა, ვა მომიშქვეს აფიცერი,
Line: 17    დღაშით რაზიაძის ვორეთ, ლური ვა მიღუნა ამჷსერი,
Line: 18    ჩქჷნი მოჯგჷრეფს ობარჷნა გვერდი ხანს ჩქჷნი ტერი,
Line: 19    ჩქჷ კუჩხით გილოურთჷ, ჸუდეს კჷრჷ ჩქჷნი ცხენი,
Line: 20    თხილამურიში გინორინას ელაფირი მაფუ ფერი.
Line: 21    ეთი კოჩი საქმეს დიინწყინს, მუ აღოლე, უჩქჷდას,
Line: 22    ზოთონჯიში მოულაშა ჭა დო დიშქა უღუდას,
Line: 23    ეჩიდოვითი ქილა ქვირი კუნთხუშა კინოუძჷდას,
Line: 24    ბუხარს ეკოხედასჷ დო დაჩხჷრი მითოურზჷდას.
Line: 25    მუჟამც თჷრც ქიმშაჭვემუ, წყარქ მიდართჷ ზენიშა,
Line: 26    თუდო ათოულუაფუ ღეჯი, ჩხოუ, ცხენიშა.
Line: 27    წოროთ მუნერო იჸუუ ნი, ვჸეფჩინით ათეშნერიშა.
Line: 28    სისუსტე მორუუ, ვარა ბრელი მიღუ ოჭარალი;
Line: 29    მისჷ სრულცუ, წეკითხით, ვარა მუთა მიღუ ძალი.
Line: 30    ბზოთონც თჷრი მოჩხუპუნა, ბზარხულს მოჩხუპჷნა გოლოფა ნი;
Line: 31    ათე ლერსი დიიჭარით, ქოიღუნან და ჸოროფა ნი;
Line: 32    კოც ირფელი გააჭყორდჷ, მუთი გინოულუანცჷ ნი;
Line: 33    მუშა კათა იხანდებუ, ორგული ირულუანცჷ ნი,
Line: 34    ნიჭიორი ეთინა რე, ირფელს იგურუანცჷ ნი,
Page: 163   Line: 1    სიმტყუნეს ვჸაკათუუ, სიმართლეს თქუანცუ ნი,
Line: 2    ბრელი აზრი დო გურაფა შეუწუხენს ჭკუასჷ ნი.
Line: 3    პატიოსანი ინა ვა რე, ქონებასჷ ჩჷვანსჷ ნი.
Line: 4    მა უბედური კოჩი ირო მიკობდგჷქჷ ძუასჷ ნი,
Line: 5    ათეჯგურა გარჩევეფი ემიტახჷნს ჭუასჷ ნი.
Line: 6    ინა ღორონთქ დოხვამასჷ, თენა გინიჭარასჷ ნი....
Line: 7    გაჭირება თაქ ირთუუ, ქიგიორინე ძალასჷ ნი.
Line: 8    თქვათი მუგაშინუაფუნა, სევდა კოც აწუხენსჷ,
Line: 9    კოც გიშუუღანს ჭყანასჷ ნი.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.