TITUS
Megrelian Texts ed. Qipshidze
Part No. 63
Previous part

Text: XXXIII  
XXXIII.



Part: 1  
Page: 141  
1.


Line: 11    ვო ბურღა დო ბურღა-ვოდა, ჩე ფრიმული რჩანსჷ!
Line: 12    დღასჷ მისუ გაგონებუ შქა გჷმასჷ თჷრა? (რჩანსჷ)
Line: 13    ღუმუ იკორთელე-ვოდა, ღეჯი გამურსანსჷ,
Line: 14    ჸურზენიშა ქომკურინჷნა ჯოღორი დო ტურას. *
Line: 15    -- "ტურა-აცაბაცა-ოდა, სოშა მიოცაცა?
Line: 16    "სი მიქ მერჩჷ ოზჷრალო მუშჸ ოდა დო ფაცხა?
Line: 17    "მარგალეფიშ ოსურეფი ქოთომს ივარანა".
Line: 18    -- "დაბა მინჷმაშქვითია, ქობძირა დო ვარო? *
Line: 19    "მინით იბრულია-ოდა, გინოთი ვორულეი *
Line: 20    "შხუ-შხუ, შხუ-შხუ დადულეფი, შეფაშ კახილეი.
Line: 21    "სქანი ურმაშია*-ოდა გემიწკაფინეი,
Line: 22    "გა დო გასჷ გივოსხაპი დო გინიფჩილითეი.
Line: 23    "სქანი ლატყვაჟია-ოდა გემიტყვაჟინეი,
Line: 24    "ქიდიფებრცხელია-ოდა, გინიფჩილითეი".
Line: 25    --
Line: 26    ასეჲანი პატონენქჷ მუნოთ გესურასი,
Line: 27    ოკო რსულებუდასჷ ნი მოზისხარე ნტერი:
Page: 142   Line: 1    ხოჯი დოუჸვილი-ოდა, ფუჯი გეუძინი,
Line: 2    კურთხუს კჷნოღვარა̄ნსჷ უდიდოლჷ გინი.
Line: 3    პატიფცი ნი მიჩქჷდჷ დო დუდი მომწონდჷ ნი,
Line: 4    გეღანჸ ვა მიკითხესია ღურელი დო თელი.



Part: 2  
Page: 142  
2.


Line: 5    ვო ბურღა-და, ბურღა-ვოდა, ჩე ფრიმული რჩანცჷ!
Line: 6    დღასჷ მისჷ გაგონებუ შქა გჷმასჷ თჷრა?
Line: 7    ღუმუ ეკორთედუ-ვოდა, ღეჯი ქოჭკუმუნცჷ,
Line: 8    ჸურძენს ქიმიოშხჷდესჷ ჯოღორი დო ტურა.
Line: 9    -- "ტურა-აცაბაცაო-და, სოქიშა მიოცაცა?
Line: 10    "სი მიქ მერჩჷ თენი საზჷრეეთ?
Line: 11    "მარგალეფიშ ოსურეფი ქოთომც ივარანა".
Line: 12    -- "დაბა მინჷმაშქვითია, ქობძირა და, ვარო?
Line: 13    "მინჷთი იბრულია-ოდა გინოთი ვორულეე
Line: 14    "შხუ-შხუ, შხუ-შხუ დადულეფი, შეფაშ კახილეე;
Line: 15    "სქანი ვურმაშია-ვოდა გემიწკაფინეე,
Line: 16    "გა დო გას გივოსხაპი დო გიიფჩილითეე;
Line: 17    "სქანი ლატყვაჟია-ვოდა გემიტყვაჟინეე,
Line: 18    "დიიფევრცხელია-ვოდა გინიფჩილითეე".
Line: 19    --
Line: 20    ასეჲანი პატინემქ ოკონდა გესურას,
Line: 21    ოკონდა რსურებუდასია მოზჷსხარე ნტერი:
Line: 22    ხოჯი დოუჸვილი-ვოდა, ფუჯი გეუძჷნი,
Line: 23    ბოგას ქიგეღვარანცია უდიდოლი გინი.


Page: Fn.  
Line: 1    ვარიანტი: ჸურძენს ქჷმიოშჷხჷნა ჯოღორი დო ტურა. ^
Line: 2    ვარიანტი: დაბა ქოჸუნსჷ დო ვარი თიშა მევობაცა. ^
Line: 3    ვარიანტი: მინოთ ვირულეი-ოდა, გინოთ ვორულეი. ^
Line: 4    ვარიანტი: ურუმია. ^



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.