TITUS
Megrelian Texts ed. Qipshidze
Part No. 25
Previous part

Text: XXIII  
Line: 9 
XXIII.
არიკი ხენწჷფეში სქუა დო ნდემიში მორდილიში


Part: 1  
Line: 10    მითაჟამცჷ ართი ქეჸანაშა ეკულებუ თურქისჷ დო ჸოფე დიდი
Line: 11    ხირზუა. თე დროს ართი ყაზახიში ჸუდეშე სუმი ნოსალეფცჷ გაგმუურულუნა
Line: 12    დო აშაჩილათჷრო სოჸურეშე თურქი მიიშჷ ნი, თეჸურეშე
Line: 13    ურულუნა ნი, აშო ქაწოხვალამუნა შხვა კათა მარტინჯეფი, დუურთინუნა
Line: 14    დო თი კათასჷ ქოჸუნაფუნა. ართისჷ ჩქჷჩქჷ მინოჸვე ხეთჷ,
Line: 15    დოშულადე ნდო ქეკჷნოსქჷლადე კჷნოხჷ. სხვა ნოსალეფცჷ ვე კნუჯინუნა,
Line: 16    ისჷ ქჷდუტალებუ ჩქჷჩქჷ ტყასჷ დო მუსუ ურტინჷ.

Part: 2  
Line: 17    თე ქეჸანას ჸოფე ხენწჷფე, ნოჸვე ართი ბოში, ნამუსჷთი
Line: 18    მაჯინობა ნოჸოროფუე ძალამი. ართიშა ოჯინჷსჷ ჸოფე თე ბოში ნი,
Line: 19    ქუუძირჷ ტყასჷ ევერჩესჷ ნდემი ქაშახუ ნდო ჟი კჷდჷრცჷ კოჩი
Line: 20    ქჷმნალაჸაფუ ნი. გაკვირებუ ძალამი ბოშისჷ. ბრელი ხანიში უკული ხოლო
Line: 21    ქუუძირჷ თაში. დუურთინჷ ჸუდეშა დო მუში მუმაშა ქუუთხუუ ნჯარი,
Line: 22    თითო კოჩიშა ქიმუჩამუ თითო კჷლი ჭა, თითო ღერი სანთელი,
Line: 23    ქოჯღუნაფუ ნდო მუკი-მუკი გოუსქუ თი აშამინდორია ტყასჷ, სოდეთჷ
Line: 24    ხედჷ ნდემი. უნელო ქჷმუნტებაფუაფუ სანთელიშე ჭაშა დაჩხჷრი.
Line: 25    ნდემქჷ გამწაარაგუ დო გოსოფუ ართი ჸურენი თია ნჯარიში; მუ
Line: 26    ბორჯის ბოძორცჷ ქჷმანტუუ დაჩხჷრქჷ დო ინტჷ უკჷნუჯინუო, კოჩი,
Line: 27    ნამუთი ნდემცჷ მუნალაჸაფუდუ ნი, ოჭოფესჷ ბრელი ცადაში თუდო
Line: 28    დო მიდეჸუნესჷ დოხორეშა, ქჷმლაახუნესჷ ზოხ სადგჷმცჷ. ხენწჷფეში
Line: 29    სქუა-ბოში ირო ალუურდჷ გატყარებული ბოშისჷ დო ოძირანდჷ
Line: 30    მუკოქუნასჷ, ჭკუმუასჷ, ვართო გიოჭყაფუუკო ნი ჩქჷნობურა სქჷლადა
Line: 31    დო რაგადი, მარა ტყარი კოჩქჷ მალას ვე მიარჩქვანჷ: დიო
Page: 63   Line: 1    ქჷდიგურუუ თოფურიში სირქუა კითითჷ, უკული მუკოქუნა. თაში დიდი
Line: 2    ხანიში უკული ირიფელი ქჷდიგურუუ დო მეხვამილაფათჷ ვართი უფურაშიქჷ
Line: 3    იჸუუ ხენწჷფეში ბოშიში. ხენწჷფესჷ გეუდგჷდჷ ართი სადგჷმი,
Line: 4    ნამუში კჷლა მუსჷ უღუდუ დო კოცჷ ვე მინააშქვანდჷ თი სადგჷმიშა.
Line: 5    ხენწჷფეში ბოშიქჷ დეეჩემუ თი სადგჷმიში მინუულა დო თხუუ მუმასჷ
Line: 6    კჷლა, მარა მუმაქ უწუუ: "მედინჷქია", -- დო ვე მეჩჷ.

Part: 3  
Line: 7    ბოშიქჷ თე ანბე ნდემიში მორდილცჷ ქუუწუუ თაში. ნდემიში
Line: 8    მორდილქჷ უწუუ:

Part: 4  
Line: 9    -- ნჷმჷ გაშქურინე, მა თი სადგჷმცჷ გოპტახჷნქია.

Part: 5  
Line: 10    მიდართესჷ დო გოტახესჷ სადგჷმი ნი, ქოძირესჷ: ქუმუკობუ
Line: 11    კჷდალასჷ მოსარიკაფალი ცირაში ამნახანტჷ. წეეკითხეს: "უჩა ნდემიში
Line: 12    სქუა თე დო თე ქეჸანასჷ". ხენწჷფეში ბოშიქი თქუუ:

Part: 6  
Line: 13    -- ათე ცირასჷ ქიგებდინაფედა მავა დო ოკო გეგჷნჷვოლე დო
Line: 14    ქიბხვამილუევე.

Part: 7  
Line: 15    ნდემიში მორდილქჷ თქუუ:

Part: 8  
Line: 16    -- სი სო დინჷქჷ ნი, თექჷ ბდინჷქჷ მათია.

Part: 9  
Line: 17    გამეთხიისჷ ხენწჷფესჷ დიდი ჩილამურიში თუდო დო მიდართესჷ.
Line: 18    იდესჷ, იდესჷ, იდესჷ დო შარასჷ ორზოლქჷ ქაშეელიისჷ.
Line: 19    ქჷმაშქირენესჷ. მიოჯინესჷ ნი, ართი ნდემიში ჸუდეში ხოლოს ართი
Line: 20    გოჭარკანეელი უშქური ქიგედგჷ ნი, ქოძირესჷ. ნდემიში მორდილქჷ ქიიხვამილუუ
Line: 21    ტუკი, მიოგჷ უშქურცუ დო ჯინცჷ ქიგიოპირტოლჷ.
Line: 22    გაგმაჯგვაჯგვუ ნდემქჷ დო მიომპოლუუ: "მიქჷ რე ენა ქიმინი ნი?" დო მოლართჷ
Line: 23    გოსუმალირო ნდემიში მორდილიშა. იქჷ ქჷდუუხვამილუუ ჟირი კითი
Line: 24    თოლეფცჷ დო გემწუუწკურინუუ. ნდემქჷ ბრელი ეხვეწჷ, გვალო ვა
Line: 25    დოჸვილჷკო ნი, მარა ნდემიში მორდილქჷ შური გაჸოთინაფუუ ნდემცჷ.

Part: 10  
Line: 26    უკული იდესჷ, იდესჷ, იდესჷ ნი, ართი მინდორცჷ აკა ხვალე ფაცხა
Line: 27    ქოძირესჷ. მინიილესჷ ნი, ქჷმლახვილეეს ართი დედჷბი. კითხესჷ დედჷბისჷ
Line: 28    გარამება ქეჸანაში ნი, იჩუუ ნამდა

Part: 11  
Line: 29    -- უჩა ნდემცჷ ჸუნცია ურაგადუუ სქვამი ოსურისქუა, ნამუში
Line: 30    ხვამილაფას ოცადჷნია თუდონი ქეჸანაში ხენწჷფე, ჩე ნდემი, მარავა თი
Line: 31    ცირასჷ ჸუნცია დიდა, ნამუშა ვითოჟირი ვერსიში უხოლაშისჷ მითინი
Line: 32    ვე მიოთინანცია: მუჭო ქოძირჷნციე, დუცუ მესოფუნცია.

Part: 12  
Line: 33    მიირჩქილუუ ხენწჷფეში სქუაქჷ გარმოება ნი, იმენდიქჷ მეუდინჷ
Line: 34    ცირაში ხვამილაფაშიქჷ, მარა ნდემიში მორდილქჷ გური გაუმარგჷ.
Page: 64   Line: 1    დედჷბიქჷ ქჷგეეგჷ, თე ჟირი ბოშეფი ცირაში ოხვამილაფუშა მიიშესჷ
Line: 2    ნი, დაბეჯითებულო ქეეჩუუ გარამეება:

Part: 13  
Line: 3    -- თი ცირაში დიდასია დიდი ძუძუეფი კარიშა გეუძჷნია ობჟინაფუშა
Line: 4    დო მითი ქიმიოტყობანციე დო ქააჯუნუუ ნი თი ძუძუეფციე,
Line: 5    თინა იჸინია ღირსი თი ცირაში ქომონჯობაშია.

Part: 14  
Line: 6    ქჷგეეგონჷ ენა ნი, ხენწჷფეში სქუას აშქურინჷ, მარა ნდემიში
Line: 7    მორდილქჷ დააიმენდჷ. ნდემიში მორდილქჷ მიდეჸუნუ ხენწიფეში სქუა დო
Line: 8    ხოხი-ხოხით ცირაში დიდაში ძუძუეფიში ხოლოსჷ ქჷდაახუნუუ.
Line: 9    ბოშიქჷ ქააჯუნუ ნი, გაალჷ ცირაში დიდაქჷ. ქოძირჷ ჟირი ალმასიჯგურა
Line: 10    ბოშეფი ნი, გუუკვირდჷ. უკული ცირაში დიდაქ უწუუ ხენწჷფეში
Line: 11    სქუასჷ:

Part: 15  
Line: 12    -- სი ვა გათხილეენია ჩქიმი ცირა სქუავა.

Part: 16  
Line: 13    მარა ჟირიხოლო ბოშეფქჷ ძალამი აიმენდესჷ, უმოსო ნდემიში
Line: 14    მორდილქჷ მიიღჷ დუდიშა ცირაში თხილუა. უჩა ნდემქჷ ქჷმორთჷ მუში
Line: 15    დოხორეშა დო გარამოება გეეგჷ ნი, ახიოლჷ ძალამქჷ, მეეწონჷ სინჯაქჷ
Line: 16    დო თქუუ: "ჩქიმი ოსურისქუას ოსქვებური ქომოჯქჷ ქააშუა", მარა
Line: 17    ბოშეფი ძალამი გაათხილჷ ცირაში ხვამილაფაშენი. იჸუუ დიარაქჷ, ნამუქჷ
Line: 18    გეეთუუ ართი მარაში უკული. ხენწჷფეში სქუა-ბოშიქჷ უწუუ ნდემიში
Line: 19    მორდილცჷ:

Part: 17  
Line: 20    -- მეუ დოხორეშა დო ჩქიმი მუმასჷ ქაახარია ჩქიმი გარამოებავა,
Line: 21    დაანწყითჷ დიარავა, დჷმართითჷ სი უკულია დო ართო მიიბშათია.

Part: 18  
Line: 22    ნდემიში მორდილქჷ მიდართჷ დოხორეშა. ცირა დო მუში
Line: 23    ქომონჯი ართი ონჯუასჷ კჷლე მუკოდვალირო გილეეშესჷ ნი, ქჷმაასხაპუ
Line: 24    თუდონი ქეჸანაში ხენწჷფე, ჩე ნდემქჷ, დო ე ბოშისჷ ცირა ეშე
Line: 25    გეიოსქირუუ. ბოშიქჷ დოღურუ, მარა მუ ქიმინჷკო? ენა ქუუწუუ
Line: 26    ცირაში დიდასჷ. ცირაში დიდაქჷ:

Part: 19  
Line: 27    -- მა ვა გიწიავო, თენა თაში ქჷგაღოლენიე!

Part: 20  
Line: 28    ოკო ხათე გეთხოზაფუდესჷკო, მარა ე ბოშისჷ მუთა აქიმინედჷ დო
Line: 29    ოკო უჯინესჷკო ნი ნდემიში მორდილიში მუულასჷ. მაჟირა დღასჷ
Line: 30    ნდემიში მორდილქჷ ქჷმორთჷ დო ამბე გეეგჷ ნი, ეწყინჷ ძალამქჷ, მარა
Line: 31    მუ ქიმინიკო? ოკო გიაჸუნესჷკო ნი, გამაათხოზჷ ნდემიში ნაულერცჷ.
Line: 32    იდჷ გვალა, იდჷ რზენი, იდჷ გვალა, იდჷ რზენი დო ნაულერი
Line: 33    ნდემიში, ნამუთი ობირგულეშა მენწყუნდუ ნი, ქიმიიღჷ ართი ქუაშა.
Line: 34    გამნართინუუ ქუა ნი, ქოძირჷ უქვინჯე რუმე ნთხორილი. ანწი ოკო
Page: 65   Line: 1    ინორთასჷ, მარა მუთუ? დოღობუ გჷძღჷბია, გაკოშაყარუუ ნდემეფი,
Line: 2    ნამუნეფითი თექჷ ოხორანდესჷ ნი, მინი ნებითჷ დო მინი ნძალითჷ.
Line: 3    ვარიაქჷ აკა ნდემცჷთი ვა გააბედინჷ, ფერი შიში ოძირჷ. გაკოშაყარუუ
Line: 4    მუთი თოკეფი ქოძჷდჷ ი ქეჸანასჷ, ართი-მაჟირასჷ ქიმუსქუუ დო ბოლოსჷ
Line: 5    გჷძღჷბია ქჷგმაკვეტელუუ. ქინოდოხოდჷ გჷძღჷბიასი დო დუუჩინჷ
Line: 6    ნდემეფცჷ მუში დორთაშა უყარულესჷკო ნი დო უჯინესჷკო ნი
Line: 7    თოკიში დოვალაფასჷ. ნდემეფქჷ შარა დუუხვამესჷ დო გუუტეესჷ გიმე
Line: 8    ნდემიში მორდილი. გჷძღჷბიაქ იდჷ, იდჷ, იდჷ, იდჷ გიმე დო კჷლაჸოთჷ
Line: 9    თუდონი ქეჸანაშა. ნდემიში მორდილქჷ გჷძღჷბია დოჩუუ. იდჷ,
Line: 10    იდჷ, იდჷ ნი, ართი მინდორცჷ ართი მეღეჯე ქოძირჷ. კითხჷ ამბე
Line: 11    მეღეჯესჷ ნი, იქ უწუუ:

Part: 21  
Line: 12    -- თე ქეჸანაში ხენწჷფექჷ ჟინი ქეჸანაში ცირა ქიხვამილუუა დო
Line: 13    ასე დიარა უღუნია ძალამი, ნამუქჷ ოკო ვე ეთუასიე ართი წანასჷ დო
Line: 14    მისჷთი ოკო ნი, მეურცუ, ჭკუმუნცუ დო შუნცუ.

Part: 22  
Line: 15    მიდართჷ ნდემიში მორდილქჷ დიარაშა, მუკოქუნალი მეღეჯესჷ
Line: 16    გუუთჷრუუ დო ქჷმკიქუნუ. იდჷ, იდჷ დო დიარაშა ქიმერთჷ ნი,
Line: 17    ქოძირჷ ქეჸანაში კოჩი. ე ცირა ქჷმკოხე ხენწჷფეწკჷმა. ე ბოშიქჷ
Line: 18    მიდაჩოჩჷ თუდო-თუდო ჩიჩიეცალო დო თე ხენწჷფეში, ცირაში ოუდო
Line: 19    ძვალიში ხვატუა დააჭყჷ. ფერი ბორჯისჷ ხენწჷფექჷ ქოძირჷ:

Part: 23  
Line: 20    -- მორთი აშო, სარალო! -- უწუუ თე ჩიჩიესჷ ხენწჷფექჷ დო
Line: 21    ქიმეჩჷ ხეს ოჭკუმალი.

Part: 24  
Line: 22    ცირაქ ინაჯინჷ ბოშისჷ ნი, ქიიჩინჷ. შეეხვეწჷ ხენწჷფესჷ:

Part: 25  
Line: 23    -- თაქი ქჷდახუნეევა ჩქიმიწკჷმავა დო ოჭკუმალი ქოფჩათია.

Part: 26  
Line: 24    ხენწჷფექჷ "ჯგირია" თქუუ დო ჩიჩიე ქჷდახუნესჷ ტაბაკისჷ.

Part: 27  
Line: 25    დიისერჷ ნი, ხენწჷფექჷ ცირასჷ:

Part: 28  
Line: 26    -- მოლაზოჯია, -- უწუუ, -- ონჯირუუ ოთახჷშა. ცირაქ უწუუ:

Part: 29  
Line: 27    -- მა დიორდე ვა ბრძღექია ლაჸაფიში ჯინათია დო უკული
Line: 28    გახოლუუქია. -- "ჯგირი", -- თქუუ ხენწჷფექჷ დო მიდართჷ.

Part: 30  
Line: 29    ცირა დო ბოშიქჷ ხვალე ქჷდოსქჷდესჷ. შუმილი კათა მუნეფიში
Line: 30    დუდიშო ილაჸაფუდესჷ დო ენეფი მუნეფიში ამბეესჷ სხუნუნდესჷ,
Line: 31    მუჭო უჯგუ დო მუჭო ვარია. ბოშიქჷ დააჩემუ ცირასჷ:

Part: 31  
Line: 32    -- სი ქეშემიტყვია, სო უდგჷნიევე შური ხენწჷფესჷ.

Part: 32  
Line: 33    -- ჯგირია, -- უწუუ ცირაქჷ დო მიდართჷ.

Part: 33  
Line: 34    იმი სერცჷ ხენწჷფესჷ მოუფერუუ ძალამი დო კითხჷ:

Page: 66  
Part: 34  
Line: 1    -- მა ოკო მიჩქჷდასიე, სქანი შური მიშა გიბარჷნიე.

Part: 35  
Line: 2    -- მუშო გოკონია? -- უწუუ ხენწჷფექჷ.

Part: 36  
Line: 3    ცირაქჷ ვე მეჩჷ დორთა დო ქიმკაახვილჷ: "იშენი დო იშენი
Line: 4    ქომიწიია". ცირაქჷ მიიწყინჷ ძალამი. ხენწჷფექჷ, სოლე გური გამკურთინუკო
Line: 5    ნი, თიშენი დააღორჷ დო უწუუ:

Part: 37  
Line: 6    -- ჩქიმი შური ფინაშა მიბარჷნია.

Part: 38  
Line: 7    ცირაქჷ გური ქუუჩჷ, მარა გარძახჷ ოჭოფუ ფინა დო ლაჸაფი
Line: 8    დუუჭყჷ, ხეშე ვა დეთხინუანდჷ. ხენწჷფექ იფირქჷ: "ვაი! სარალოსჷ
Line: 9    დასურო ქჷნობჸოროფექია". ეცოდჷ ცირაქჷ, ჯოღორცჷ ულაჸაფუდუ ტყურათჷ
Line: 10    ნი, დო "ქიმიოტეევა!" უწუუ. ცირაქჷ ვა ჩეერცხჷ ხენწჷფესჷ:

Part: 39  
Line: 11    -- სია ტყურა დჷმაღორია, ვარა, სქანი შური ინუდგჷ ნი, ფერცჷ
Line: 12    მუჭო ჩევერცხავა მა?

Part: 40  
Line: 13    ცირაქჷ მოწყინდჷ. კჷნი ხენწჰფექჷ უწუუ ცირასჷ:

Part: 41  
Line: 14    -- ჩქიმი შური ობარჷნია თე დო თე ტყას ირემცჷ.
Line: 15    ცირაქჷ ძალამი მიიქეფუ.

Part: 42  
Line: 16    ოჭუმარესჷ ხენწჷფე დო ცირაქჷ დიარაშა მიდართესჷ. ცირაქჷ
Line: 17    ნდემიში მორდილი ქოძირჷ დიარასჷ დო ქეეჩუუ, მუთი ხენწჷფექ
Line: 18    უწუუ ნი. -- "ჯგირია", თქუუ ბოშიქჷ დო მიდართჷ ტყაშა.

Part: 43  
Line: 19    იდჷ, იდჷ, იდჷ ნი, ქოძირჷ ირემი. ქაჸოთჷ ქაშქვილი დო ქასაგანი;
Line: 20    ქჷდაანთხჷ ირემქჷ ნი, გამულასხაპუ ყურდგელქჷ; ქაჸოთჷ ბოშიქჷ ქაშქვილი
Line: 21    დო ქასაგანი ყურდგელცჷ; ქჷდაანთხჷ ყურდგელქჷ ნი, გამულასხაპუ
Line: 22    კოლოფიაქჷ; გამაათხოზჷ კოლოფიასჷ, ოჭოფუ კოლოფია. ბოშიქჷ
Line: 23    გაანჯჷ დო ქჷმლახილუუ ჟირი ბაზეფი. ჟირიხოლოსჷ თოლი
Line: 24    გამწუუჸოთჷ დო მოლეჸუნუ. მოლართჷ ბოშიქჷ ხენწჷფეში დოხორეშა,
Line: 25    გეეგჷ ამბე, ნამდა ხენწჷფესჷ თოლეფც აჭუნია დო ლეხი რენია. მინი̄ლჷ
Line: 26    დოხორეშა დო ხენწჷფეს უწუუ:

Part: 44  
Line: 27    -- სქანი შური მა მიკებუნია ხესჷ.

Part: 45  
Line: 28    ხენწჷფექჷ ქიმეხვადჷ საქჷმესჷ, ეხვეწჷ ბოშისჷ: "ვა პილავა", მარა
Line: 29    ბოშიქჷ დააშქვიდუუ ბაზეფი. ხენწჷფექჷ დოღურუ. ბოში დო ცირაქჷ
Line: 30    გაგჷმიიჸუნესჷ რაშეფი, ქუუსქვეს ურემცჷ, დოხარგეესჷ ხენწჷფეში
Line: 31    საქონელი დო ორქოთჷ, ქიგედოხოდესჷ დო მიდართესჷ.

Part: 46  
Line: 32    იდესჷ, იდესჷ, იდესჷ დო ქიმერთესჷ თი არდგილიშა, სოდეთჷ
Line: 33    ბოშიქჷ გიმართჷ ჟინი ქეჸანაშე. ბოშიქჷ ქოძირჷ გჷძღჷბია, ნამუთჷ
Line: 34    აშო გიმართჷ ნი. დუვალუუ თოკისჷ, ქააჩინებაფუუ მუში მუულა ჟი
Page: 67   Line: 1    ნდემეფცჷ, ნამუნეფი ვა გაბედჷდესჷ თოკიში დუდიშიწკჷმაიანი
Line: 2    ჩარცხასჷ. ქინოდვესჷ საქონელი გჷძღჷბიასჷ დო გუუტეს ეშე; კინი
Line: 3    დიირთჷ გჷძღჷბიაქჷ ნი, ქინოდოხოდჷ ცირაქჷ, მიდართჷ; დიირთჷ კინი
Line: 4    გჷძღჷბიაქჷ, ქინოდოხოდჷ ბოშიქჷ. ჭიჭე ურკჷდჷ ეშულა ნი, თეში
Line: 5    ქიმიოკვათესჷ ნდემეფქჷ თოკი დო ბოშიქჷ მიდართჷ გიმე, მარა ქჷმურაჸუუ
Line: 6    ართი დიხასჷ ქუასჷ ხე დო გაჩენდჷ. ნდემეფქჷ ცირა მიდეჸუნესჷ
Line: 7    დო მონინალეთჷ ქჷდაკჷნესჷ, საქონელი გიირთესჷ. ბოშიქჷ ხოხჷ, ხოხჷ
Line: 8    დო გეშახოხჷ ჟინი ქეჸანაშა. გაკოშაყარუუ არძო ნდემეფი დო არძოსჷ
Line: 9    ჸუჯი ქიმიოკვათჷ, საქონელი მუში დო ცირა მოლეჸუნუ.

Part: 47  
Line: 10    იდჷ, იდჷ დო ქჷმორთჷ ცირაში ჸუდეშა. ცირაში დიდაქჷ ქოძირჷ
Line: 11    სქუა ნი, გეეხარჷ დო ბოშისჷ მუუწონუუ ძალამი. ხენწიფეში სქუა დო
Line: 12    ცირაქჷ გააღურჯოლეს ართიანცჷ, იჸუუ დიდი ხარებაქჷ. ბრელი ხანქჷ
Line: 13    მიდართჷ ნი, ხენწიფეში სქუა, ცირა დო ბოშიქჷ მიდართესჷ ხენწჷფეში
Line: 14    დოხორეშა. იდესჷ, იდესჷ, იდესჷ ნი, ქაშაასერესჷ დო შარასჷ
Line: 15    ქჷდიიბარგეს ართი დიდი ჯაში თუდო. არძოქჷ ქჷდი̄რულეესჷ, მარა
Line: 16    ნდემიში მორდილცჷ ვა ლურდუ. თი დროსჷ ქჷმორთესჷ სუმი ანგილოზეფქჷ,
Line: 17    ქიგმადოხოდესჷ ჯასჷ დო ართიქჷ თქუუ:

Part: 48  
Line: 18    -- მუ გუურჩქინათია თე თუდო გჷთოჯანუნა ნი თე კათასია?

Part: 49  
Line: 19    მაჟირაქჷ თქუუ:

Part: 50  
Line: 20    -- ჭუმანი მახარებელი ქიმუურცუ ხენწჷფეში დოხორეშავე,
Line: 21    ხენწჷფექჷ მააზადასია მუში სქუაშო ართი ორქოში თოფი დო ნოსაშო
Line: 22    აბრეშუმიში კააბა; მუჭო ბოშისჷ თოფი ქიგნაბუმუანიე, თოფიქჷ გოლასია
Line: 23    დო ბოში დოჸვილასია; მუჭო კაბა ცირასჷ ქჷმკაქუნანიე,
Line: 24    დაჩხჷრქჷ ქჷმანტუასია დო ცირაქჷ დიიჭვასია. მასუმაქჷ თქუუ:

Part: 51  
Line: 25    -- თენა მიქჷთი გააცხადასიე, ქუა რგილო გინიირთასია.

Part: 52  
Line: 26    ნდემიში მორდილქჷ მოწყინდჷ ძალამი დო ნარღისჷ ქინაალჷ,
Line: 27    მუჭო მუკატუუკო ნი ცირა დო ბოში. ოჭუმარესჷ გეედჷრთესჷ დო
Line: 28    მიდართესჷ. იდესჷ, იდესჷ დო დოხორეშა მიანჭესჷ ნი, თქვიისჷ:
Line: 29    "მახარებელქჷ ნამუქჷ იჸუასია?"

Part: 53  
Line: 30    ნდემიში მორდილქჷ "მა მიდუურქია" თქუუ დო მიდართჷ.

Part: 54  
Line: 31    ხენწჷფეში ჩილი დო ხენწჷფექჷ გეეხარესჷ. ხენწჷფექ ორქოში
Line: 32    თოფი გაგმიიღჷ, ხენწჷფეში ჩილქჷ კაბა აბრეშუმიში. ბოშიქჷ თქუუ:
Line: 33    "ე საჩუქარი ვა რენია საჭირო, ინეფცჷ ღალა ბრელი უღუნია დო ენა
Line: 34    მონინალე ძღაბი დო ბოშისჷ ქააჩუქითია".

Page: 68  
Part: 55  
Line: 1    ქჷმორთესჷ ცირაქჷ, ბოშიქჷ, იჸუუ ჯუნა დო დიდი ხიარულებაქჷ.
Line: 2    თოფი ქიგნააბუმეესჷ მონინალე ბოშისჷ ნი, გოლჷ თოფიქჷ დო ინა
Line: 3    დოჸვილჷ; კაბა ქჷმკაქუნესჷ მონინალე ძღაბისჷ ნი, ქჷმაანტუუ დაჩხჷრქჷ
Line: 4    ძღაბისჷ დო დიიჭუ. ირი კოჩქჷ გაჩენდჷ დო გუუკვირდჷ. უკული
Line: 5    იჸუუ დიარაქჷ. უკული სქჷდჷდესჷ ბედინერო ხენწჷფე დო მუში
Line: 6    ოჯახი.

Part: 56  
Line: 7    ხენწჷფეში სქუაში ჩილცჷ ბოშიქჷ ქჷდეებადჷ. ართიშა ხენწჷფეში
Line: 8    სქუასჷ ლურდუ. ნდემიში მორდილქჷ ლეკური გელანწყჷ დო
Line: 9    გააჯინედჷ. უნელო ბოშისჷ გააკურცხინჷ დო მიოღვარუუ: "მუშენი პილჷნდი
Line: 10    მა სია?"

Part: 57  
Line: 11    ნდემიში მორდილქჷ უფუჩუ, უხჷნტკჷ, მარა ბოშიქჷ ვა დეეჯერჷ
Line: 12    დო ხენწჷფეს ქუწუუ. არძოქ ეჭვი ქიმეჩჷ ნდემიში მორდილცჷ:
Line: 13    "ცირაშა გური აფუდუა". ნდემიში მორდილქჷ გაკოშაყარუუ არძო დო
Line: 14    თქუუ:

Part: 58  
Line: 15    -- მა ვა მირჩქილეთია და, იშენი თქვანი ღორონცჷ
Line: 16    ქუურჩქილითია!

Part: 59  
Line: 17    ირი კოჩქჷ შურიში ქალი მეჭყვიდჷ. ნდემიში მორდილქჷ დააჭყჷ
Line: 18    ჩიება დო ირიფელი ქიიჩუუ, მუთი ქოღოლამუ ნდო მუთი უქიმინჷ
Line: 19    ხენწჷფეში სქუაშენი. უკული თქუუ:

Part: 60  
Line: 20    -- აგელოზენქჷ თაში თქვიისჷ, თაში თქვიისჷ დო დოჭყეესია,
Line: 21    მიქჷთი თენა გააცხადასიე.

Part: 61  
Line: 22    ათე რაგადი გაათუუ ბოშიქჷ დო ქუა რგილო გინიირთჷ. ხენწჷფეში
Line: 23    სქუაქჷ დოღურუ, მარა მუ ქიმინჷკო? უკული ვა გუჯინუუ ნი,
Line: 24    თეში გეგნაალჷ: "ოკო ქეში̄ბტყვავე, მუ ოსქილიდუანციე ნდემიში
Line: 25    მორდილცჷ".

Part: 62  
Line: 26    იდჷ, იდჷ, იდჷ ნი, ართი ვეს ართი ფაცხა ქოძირჷ, მინიილჷ ფაცხაშა
Line: 27    ნი, დედჷბი ქჷმლახვილუუ. დედჷბიქჷ:

Part: 63  
Line: 28    -- მუნერო მორთი, სქუა, აქია?

Part: 64  
Line: 29    ბოშიქჷ დუდი დო ბოლო შქასჷ მუში ამბე ქიიჩუუ. დედჷბიქჷ:

Part: 65  
Line: 30    -- იში წამალი მა მიჩქჷ ძალამი, მარა ჭე ძვირი ქორენია. ქიიშია
Line: 31    ოში ნდემიში ჸუჯი დო სქანი ქომოლისქუა დოხაშია, იდომუშამო
Line: 32    ქუასჷ ქიგნაახურჩინეევა დო დოსქჷდჷნია.

Part: 66  
Line: 33    ბოშის ახიოლჷ ძალამქჷ დო დოხორეშა ქჷმორთჷ ნი, დოხაშჷ ნდემიში
Line: 34    ჸუჯეფი დო მუში სქუა. ქუასჷ ქიგნაახურჩინუუ ჟი. ნდემიში
Page: 69   Line: 1    მორდილქჷ გეეთელჷ, ხენწჷფეში სქუაში ქომოლისქუაქჷთი გეეთელჷ.
Line: 2    იჸუუ ხარებაქჷ.

Part: 67  
Line: 3    გოღა თექი ვორდი, ამუდღა აშო ქჷმობრთი. სუმი უშქური, სუმი
Line: 4    ბერწუული ღორონთქჷ ნჷმჷ მოგილასესჷ თქვანი ხეში მოწიული.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.