TITUS
Megrelian Texts ed. Qipshidze
Part No. 22
Previous part

Text type: ZZ  
მეგრული დიალექტი, ზუგდიდურ-სამურზაყანოული თქმა

ზღაპრები



Text: XX  
XX



Part: 1   Link to qipshg
Line: 1    ართი ხენწიფე ქოჸოფე. ე ხენწიფექ თეში დიირჩინჷ, სქუა ვა
Line: 2    ჸუნდჷ ნი. ძალამი ორჩინუეს ქააშუუ მუში ჩირს ართი ქომოლისქუაქჷ.
Line: 3    სახელი ქიგიოდვეს თი ბოშის "სანარტია", ნამჷქჷთი მიირდჷ დო
Line: 4    ძალამი ჯგირი დო ჭკჳერი ბოშიქ ქიიჸუუ, ათაში ნამუდა ქიჸანაში
Line: 5    შურდგმილეფი სო მუ ორდესჷ ნი, ირიფელს ქიმეხვადჷდჷ; მარა დიდას ვა
Line: 6    ურჩქილედჷ. ათეშენი გააჯოგჷ მუში დიდასჷ დო უწუუ თე ხენწიფეში
Line: 7    ჩირქ მუში ქომონცჷ:

Part: 2   Link to qipshg
Line: 8    -- რახანჷ თე ბოშის დიდაში მუთა წანსჷნი, მიდეეჸონი დო დიდი
Line: 9    ტობა-ზღუას გიოჸოთი.

Part: 3   Link to qipshg
Line: 10    მუმაქ ძალამი შიიწუხუ, მარა ჩილიში ნარაგადჷქჷ ვა გააცუდინჷ. თე
Line: 11    დიდა დო მუმაში სხუნუას ქიმეხვადჷ ათე ბოშიქჷ, მარა ვა დეეურჩჷ
Line: 12    დიდა დო მუმაში გინოჭყვიდილი საქმეს. უკული მუმაქ უწუუ:

Part: 4   Link to qipshg
Line: 13    -- მიდავრთათჷ დო ქალაქი ქიიბძირუათია.

Part: 5   Link to qipshg
Line: 14    ათეწკჷმა ე ბოშიქ მუმას უწუუ:

Part: 6   Link to qipshg
Line: 15    -- ბაბა, ჭიჭე ფარა ქომუჩია.

Part: 7   Link to qipshg
Line: 16    მუმაქ ფარა ქიმეჩჷ დო მიდართეს ქალაქიში ოძირაფუშა.
Line: 17    ქიმერთესჷ თექი ნი, ი ბოშიქ თე ფარათჷ ქიიჸიდჷ: ართი არგუნი, ხამეფი,
Line: 18    ლეში დო ძაფი, საკვეცი დო ობედი. ეურეშე მუკიირთესჷ დო ათე
Line: 19    ზღუაში ხოლოშა ქჷმორთესჷ ნი, ათე ბოშიქ ართი დიდი ჭყონიში
Line: 20    ჯათი მოსოფუ დო ხუჯიშა ქიკილეედუ. მუჟანსჷთი ზღუაში პიჯიშა
Line: 21    ქჷმორთესჷ ნი, სქუაში წოხოლე მუმაქჷ ქინააჯინჷ ზღუასჷ დო სქუას
Line: 22    უწუუ:

Part: 8   Link to qipshg
Line: 23    -- მორთი, აბა, მუჭომი დიდი ჩხომი გოძირეევე.

Part: 9   Link to qipshg
Line: 24    სქუაქ ქიმერთჷ გინააჯინუუშა ნი, მუმაქ გეგჷნააჸოთჷ, ჯა
Line: 25    მეუღუდუ ნი, თეში ათე დიდი ზღუასჷ დო ჩხონქ გეჸირტჷ; მუკიირთჷ
Line: 26    დო მუმაქ მუში ჸუდეშა ქჷმორთჷ. ზღუას ათე ბოშიქ ჩხომიშ ქვარას
Line: 27    დინახალე დაჩხირი ოკაარზჷ; ათე ჩხომს ქვილითი გამკოკვათჷ, დოჭუ
Line: 28    დო ოჭკომჷ. ათე ჩხომიში ქვილითით ეჩიდოვითი წანას ჩხომიშ
Line: 29    ქვარას ქოსქიდჷდჷ; უკული, მუჟანსჷთი დიშქაქ, საკვეცი დო ობედიქ
Line: 30    დალიებაშა ქიმიოჭირინუუ ნი, ოკაარზჷ ძალამი დიდი დაჩხირი. ათე
Page: 48   Line: 1    ჩხომქ გოფურუ ნი, წყარიშე გეშასხაპუ დო სქირჷს ქიგიანთხჷ. ათე
Line: 2    ბოშიქჷ თქუუ: "გუუკვათჷნქჷ ქორას ათე ჩხომსჷ დო ქობძირჷნქჷ
Line: 3    დინახალე წყარს, კჷნიგელაავჭაანქ, სქირჷს ქორე ნდა, გვალას გობკვათჷ
Line: 4    დო გიშეებლენქია". ჭიჭე გოკვათჷ დო ქოძირჷ, მუჭო მინდორს
Line: 5    გინოძე ნი; გვალო გოკვათჷ დო გიშეელჷ ჩხომიში ქვარაშე დო
Line: 6    მინდორს დაჩხირი ეკაარზჷ დო გამკოკვათჷ თი ჩხონსჷ ხორცი, დოჭუ
Line: 7    დო ოჭკომუ.

Part: 10   Link to qipshg
Line: 8    ათე დროს ართი მაფაში სქუა ჩილიში ოთხუუშა მიიშჷ დო
Line: 9    ქაახვადჷ ათე ჩხომიშ ქორაშე გიშაართჷ ნი თი ხენწიფეში სქუას. თი
Line: 10    ჩილიში ოთხუუშა მიიშჷ ნი, მაფაში სქუაქ, კოჩი ქემუუჩქუ თე ბოშისჷ დო
Line: 11    მუუჩინჷ: "შარა ქჷმოთხიია", ათეშენი ნამუდა შარაპიც გილახედჷ დო
Line: 12    შხვა არდგილით ვე მიშაართედჷ ცხენამი კოსჷ ნი; მარა ექ ვარია
Line: 13    მეუჩინჷ. ათე დროს კინი თი მაფაში სქუაქ მალართჷ დო ქჷმორთჷ ათე
Line: 14    მაჟირა მაფაში სქუაშა დო კითხჷ: "მინ ორექია?"დო ექ უწუუ
Line: 15    ხენწიფეში სახელი, ნამუ ხენწიფეში სქუათი რდჷ ნი. ათე ჟანს დააპეეჯჷ თიქჷ
Line: 16    სანარტია: "ჩილიში ოთხუუშა მეურქჷ დო მიდჷმაჸუნია".

Part: 11   Link to qipshg
Line: 17    სანარტიაქ ოჸია უწუუ დო ქოთი მიდააჸუნჷ, სოიშახჷთი ოკორდჷ
Line: 18    ნი. მუჟანსჷთი თინენქ ექი ქიმერთესჷ ნი, კოჩი ქიმუუჩქვეს მეენძელსჷ
Line: 19    დო მეუჩინეს, ნამუდა მუში ოსურისქუა ათე მაფაში სქუას ჩილო
Line: 20    ქიმეჩასჷ ნი. მეენძელქ დუუჯერჷ დო მანგიორი სიტყვა მუუჩინჷ:

Part: 12   Link to qipshg
Line: 21    ჟირი საქვარქჷ ქააქიმინჷ ნდა, მუთი ოკო ნი, თის ეუთეენქჷ, მარა
Line: 22    ათე საქვარეფი ძალამი მონკა დო საფირქო ოქიმინალეფი რენია: ართი
Line: 23    დიდი ლოდი ტყვიას ქააჸოთანსჷ ათე მაფაში ოსურისქუა თეიშახჷ,
Line: 24    სოიშახჷთი თოფიში ტყვიას მიართე ნი, ათეზჷმასჷ დო საქომონჯოქ
Line: 25    თეურეშე ოკო მალააჸოთასჷ დო სოდეეთი ათე ცირა რე ნი, თექი
Line: 26    ოკო ქიგიოჸოთასი".

Part: 13   Link to qipshg
Line: 27    მითი თი ცირაში საქომონჯო კოჩი რდჷ ნი, ექ მეუჩინჷ:

Part: 14   Link to qipshg
Line: 28    -- მა ქიიფქჷნქია.

Part: 15   Link to qipshg
Line: 29    მიდართჷ სოდეეთი თი ცირაქ ოწურუუ ნი დო თექი გაჩენდჷ.
Line: 30    აურეშე ქააჸოთჷ ცირაქ თი ტყვია დო სო-დეეთი ბოში გერდჷ ნი, თექი
Line: 31    ქჷდააჸოთჷ, მარა ი სასინჯო მაფაში სქუას, ნამუდა ქუუჸოთამუდუკო
Line: 32    ნი, ვე იაჭოფუ დო ვარჷთი დიხაშა მააჩილითუ. ათე ჟანს მუში
Line: 33    მაჸალექ, მაჟირა მაფაში სქუაქ, სანარტიაქ, გეეჭოფუ თე ტყვია დო
Page: 49   Line: 1    ქააჸოთჷ ათე ბოშიში მანგიორო დო ქოთჷ თი ცირაში უმოსი შორს
Line: 2    ქჷდააჸოთჷ ტყვია.

Part: 16   Link to qipshg
Line: 3    ენა რაღან ქოქიმინესჷ ნი, აწი მაჟირა საქვარი ოკო ქოქიმინასჷ ნი.
Line: 4    მიდეეჸონეს სასინჯოშ მანგიორო სანარტია ართი დიდი ტები
Line: 5    არდგილიშა, სოდეთი ართი დიდი ჯიხა ორდჷ ნი დო დინახალე "ოჩოკოჩი"
Line: 6    დინორდჷ ნი. თი ჯიხაში კარი გუუნჯესჷ დო გემჷნააშქვესჷ დო კინი
Line: 7    კარი მოუკილეესჷ დო თქვიისჷ: "ათე ოჩოკოჩი დო-ჸვილჷნსია ე
Line: 8    ბოშის".

Part: 17   Link to qipshg
Line: 9    თიმჷ სერსჷ თექი ქჷდოსქჷდჷ დო ნუ-ჟანსჷთი მოსვანჯა მიინდომუ
Line: 10    ნი, თიმუწკალა ქიმერთჷ ათე ოჩოკოჩქჷ დო ჸვილუა მუუკორინუუ;
Line: 11    მარა სანარტია რაღან ჯგირი შელებუანი რდჷ ნი, ქემეთხჷ ხე,
Line: 12    გამჷნაართინუუ დო ქჷდა-არაგუუ დიხასჷ დო მუზჷმათი შეულებუდჷ ნი,
Line: 13    თიზჷმა ქიგიაშქუ დო მუჟანსჷთი ძალამი გოლახჷ ნი, უკული უწუუ:
Line: 14    "მოლართი დო კარს ქიგედირთი მათხილაროვა".

Part: 18   Link to qipshg
Line: 15    ექჷ ქოთი მიდართჷ დო ქიგედირთჷ გოთანაშახჷ დო გოთანდჷ ნი,
Line: 16    მაფაქ, ოსურიშ მუმაქ, მუში ვეზირი მიდააჩქუ დო უწუუ:
Line: 17    "ქიშიიტყვია, მუ ქიმინესიე მაფაში სქუა დო ოჩოკოჩქჷ".

Part: 19   Link to qipshg
Line: 18    ვეზირქ კარიშა ქიმერთჷ ნი, დინახალეშე გჷმააძახჷ ოჩოკოჩქჷ:
Line: 19    "პატონს ლურსუ დო ვა გააკურცხინუა, ვარა გობლახჷნსია".

Part: 20   Link to qipshg
Line: 20    ვეზირქ ოჩოკოც მუთა უწუ. მიკიირთჷ დო მააშინჷ, ოჩოკოჩქ
Line: 21    მუთი უწუუ ნი. მაფაქ გეეკვირუ დო დუდო მოლართჷ ჯიხაშა დო
Line: 22    ოჩოკოს უწუუ:

Part: 21   Link to qipshg
Line: 23    -- კარი გომინჯია.

Part: 22   Link to qipshg
Line: 24    მარა ოჩოკოჩქ უწუუ:

Part: 23   Link to qipshg
Line: 25    -- პატონი დოპილჷნსია.

Part: 24   Link to qipshg
Line: 26    ათე დროს გოკურცხუ სანარტიაქჷ დო უწუუ ოჩოკოც:

Part: 25   Link to qipshg
Line: 27    -- კარი გოუნჯია.

Part: 26   Link to qipshg
Line: 28    იქჷ ხათეე კარი გუუნჯჷ დო გამუნააშქუ მაფა. უკული მალართესჷ
Line: 29    მაფა დო სანარტიაქ. მაფას მუში ოსურისქუაშა ათეწკჷმა გურგინი
Line: 30    ოკორდჷ ქიგუუდგუკო ნი, მარა სანარტიაქ მიდატყობუ დო მუში
Line: 31    მაჸალე მაფაში სქუას ქჷმკააქუნუ მუში მიკოქვენჯი დო მუში მანგიორო
Line: 32    მიდააჩქუ მაფაშა. მუჭოთი ქჷმერთჷ ნი, ხათეე გირგინი ქიგეუდგესჷ
Line: 33    თი ცირაშა. უკული სანარტია გილეეშჷ თიწკჷმა, მუჭოთი მაჸალე ნი,
Line: 34    თეში დო ვა უჩქჷდეს სანარტიაქ მუთი ქიმინჷ ნი, ვარა თის ვე
Page: 50   Line: 1    მეჩანდესჷ თი ცირას. მარა სოლე-გიდა რდჷ ნი, ქუუგინაფუდუ ათე მაფაში
Line: 2    მუარხეს, ნამჷდა სანარტიაქ ქიმინჷ თი ოქიმინალი საქვარეფი, ვარა ე
Line: 3    ცირაში ქომონც მუთუნი ვა აქი-მიმინედჷ ნი. ართი ოინჯუას მააშინჷ ათე
Line: 4    ცირას თი მუარხექჷ, სანარტიაქ მუჭო მააღორჷ ნი დო შხვა კოჩიშა
Line: 5    გურგინი გიოდგმაფუუ ნი. ათე ცირას გურქ ქუმუურთჷ დო თიმუ
Line: 6    სერს, მუჟანსჷთი სანარტიაქ ქჷდიინჯირჷ დაალურაფალო ნი, ქიმერთჷ
Line: 7    თიშა დო ართი კუჩხი ბირგულიწკჷმა მეკვათჷ. მარა სანარტია ათე
Line: 8    ჭყოლუათ ვა ღურე ნდო მიდაართჷ თეურეშე შხვა ქიჸანაშა დო ექი
Line: 9    დეემაჸალჷ ართი ხეხომულა კოცჷ. ექი წორო რდესჷ ჭიჭე ხანსჷ
Line: 10    თიში ჸუდეს, უკული მელახჷ, საშუულოთ ართი ჸუდე გეიოგესჷ დო
Line: 11    თექი ქოდოდირთესჷ, დო ართი ოსურისქუა ქიმიიჸონჷ სანარტიაქჷ
Line: 12    დო ძიძეეთ ქჷდეეკინჷ. თექი დო მუში მაჸალექ ართი დღას
Line: 13    ოტყალჷშა მიდართესჷ დო თიმუ სერს ტყას ქოდოსქჷდესჷ. თინეფიში
Line: 14    ჸუდეს ხვალეე ათე ცირა რდჷ, ნამუთი ძიძეეთ ქჷდეეკინჷ. ათეწკჷმა
Line: 15    ქჷმორთჷ ართი დემქჷ დო ათე ცირაში ძუძუ გეწუუ დო მიდართჷ.
Line: 16    მუჟანსჷთი სანარტიაქჷ დო მუში მაჸალექ ქჷმორთესჷ ნი, ცირაქ
Line: 17    ამბეე დაახვამილუუ. სანარტიაქ მუში მაჸალე დო ცირა ჸუდეს ქჷდიიტუუ
Line: 18    დო დუუჩინჷ ნამჷდა "დემქჷ ქჷმორთასჷ და, ომიჭოფი დო
Line: 19    ქჷდჷმოხვამილეევა".

Part: 27   Link to qipshg
Line: 20    დემქჷ ქოთი ქჷმორთჷ, მარა ათე კოს დემიში ჭოფუაქჷ ვა
Line: 21    გააბედინჷ დო დემქჷ კჷნი მუში არდგილიშა მიდართჷ. სანარტიაქ, მუჭოთი
Line: 22    ქჷმორთჷ ნი, კითხჷ მუში მაჸალესჷ დო ძიძეეს:

Part: 28   Link to qipshg
Line: 23    -- მუ ქიმინითია?

Part: 29   Link to qipshg
Line: 24    ინეფქ უწიისჷ:

Part: 30   Link to qipshg
Line: 25    -- ქჷმორთჷ დემქჷ, მარა ვა მაჭოფესჷ დო კჷნი ვიშო
Line: 26    მიდართუა.

Part: 31   Link to qipshg
Line: 27    მაჟირა დღას სანარტიაქ ჸუდეს ქი-მი-იცადჷ დო თი მუში მაჸალე
Line: 28    ოტყალიშა მიდააჩქუ. დემქ თიმუ სე-რსჷთი ქჷმორთჷ, მარა სანარტიაქ,
Line: 29    მუჭოთი ქოძირჷ ნი, კარს ქუდოხვადჷ დო მუნუულა დროს ხე ქიმეთხჷ,
Line: 30    ქემეეძღირკჷ დო ქჷდაარაგუ; მუში ძიძეს თოკი ქჷმააღალაფუ დო
Line: 31    ძალამი მანგარო დოკირჷ. უკული გელეენწყჷ ლეკური დო ლუკა-ლუკათ
Line: 32    კვათუა მუუნდომჷ, მარა დემქჷ შეეხვეწჷ:

Part: 32   Link to qipshg
Line: 33    -- ნჷ დოპილჷნქჷ დო ირი ჭუაშე დჷგოსქილიდუანქია.

Part: 33   Link to qipshg
Line: 34    სანარტიაქ დემს გუუგონჷ მუში ხვეწა დო უწუუ:
Page: 51   Line: 1    -- ათე კვათილი კუჩხის მომირდჷნქჷ და, გიგაშქვანქია დო ვარჷ
Line: 2    და, იშენი დორჸვილჷნქია.

Part: 34   Link to qipshg
Line: 3    დემქჷ პიჯალა ქიმეჩჷ დაასქილიდუუკო ნი, დო მიდეეჸონჷ ართი
Line: 4    დიდი წყარიშა დო უწუუ:

Part: 35   Link to qipshg
Line: 5    -- ათაქი კუჩხი ქიდჷნააჩანეე დო დოგისქიდინია.

Part: 36   Link to qipshg
Line: 6    მარა სანარტიაქ ხვალე დემიში რაგადის ვა დუუჯერჷ დო
Line: 7    ქჷმააღალაფუუ ართი ხომულა ბიგა დო დემს უწუუ:

Part: 37   Link to qipshg
Line: 8    -- თე ბიგა ქიდჷნააჩანე დო გეელადირჷ დო ფურცელი
Line: 9    გაგჷმიიღჷ და, თიწკჷმა მათი ქიდჷნუვოჩანუანქია კუჩ-ხისჷ დო ვარჷ და --
Line: 10    ვარია.

Part: 38   Link to qipshg
Line: 11    მუ საკურელიე, ბიგა ქიდჷნააჩანესჷ წყარსჷ, მარა კინი ხომულათ
Line: 12    გეშეეღესჷ. ათე დროს სანარტიას გურქჷ ქუმუურთჷ დო ჸვილუა
Line: 13    მუუნდომუ, მარა დემქჷ კინი შეეხვეწჷ დო: "შხვა წყარი რე
Line: 14    მასქილადაფარია" -- უწუუ.

Part: 39   Link to qipshg
Line: 15    მიდეეჸონჷ მაჟირა წყარიშა დო თექი მუჭოთი სანარტიაქ კუჩხი
Line: 16    ქიდინოდგჷ ნი, ხათეე დუუსქიდჷ დო მაჟირა კუჩხიში მაჯგირათ
Line: 17    გუურთჷ. უკული დემი ვა ჸვილჷ, თელო გუუტუუ. თიწკჷმა მუში მაჸალე,
Line: 18    ხეხომულა კოჩი, დემს დაასქილიდაფუუ დო ათე მუში ძიძეეშა
Line: 19    გურგინი ქიგეუდგჷ ათე მუში ნამაჸალე კოცჷ. თინეფი ჸუდეს ქჷდიიტუუ
Line: 20    დო მუქჷ, სანარტიაქ, კჷნი მუში მუმაში ჸუდეშა მიდართჷ. ექი
Line: 21    ქიმერთჷ, მარა თინა მითინქ ვე ეჩინჷ დო მაჟირა დღას მუში მუმაში
Line: 22    ცხენს ნოხირო ქიგედოხოდჷ დო მალართჷ, სოდეთი მუქჷ მაფაში
Line: 23    სქუას ჩილი ეკუუხუნუუ ნი, თექი.

Part: 40   Link to qipshg
Line: 24    შარას მუურსჷ ნი, ართი მეღეჯე ქოძირჷ. ხოლოშა ქიმერთჷ ნი,
Line: 25    ქიიჩინჷ, მუჭო მუში წოხოლიანი მაჸალე მაფაში სქუა-ბოში ორდჷ ნი;
Line: 26    დო ამბეეფი კითხჷ ნი, მეღეჯე ბოშიქ უწუუ:

Part: 41   Link to qipshg
Line: 27    -- სი მუჭოთი მიდართი ნი, ხათეე ღეჯეფს ჭყეშო
Line: 28    ქიმემიჸუნეესჷ.

Part: 42   Link to qipshg
Line: 29    სანარტიაქ გელეეღჷ მუში ლეკური, ქიმეჩჷ დო უწუუ:

Part: 43   Link to qipshg
Line: 30    -- სუმიში მეტი თე ღეჯეფი არძო დააზღოდეე დო თი სუმი
Line: 31    ღეჯი დოჭყოლი დო ჸუდეშა ქჷმორაჸია; მა თექი ქჷდორხვადჷქჷ დო
Line: 32    სი მითი გჷგაჭყორუუ ნი, თის მა გობლახჷნქია.

Part: 44   Link to qipshg
Line: 33    თი მეღეჯექ, მუჭოთი სანარტიაქ დუუჩინჷ ნი, თეში ქოქიმინჷ
Line: 34    დო ოინჯუას სუმი ღეჯი მაფაში ოზეშა ქიმერაჸჷ. სანარტიაქ
Page: 52   Line: 1    წოხოლე ქიმერთჷ მაფაში ჸუდეშა, მარა ვა უჩქჷდესჷ, თინა სანარტია
Line: 2    ქორდჷ ნი. ი ბოშიქ ღეჯეფი ქიმერაჸჷ ნი, მუში ჩირქჷ თის ლახუა
Line: 3    მუუნდომუ:

Part: 45   Link to qipshg
Line: 4    -- ღეჯეფი მუშე მიოჸოთია?

Part: 46   Link to qipshg
Line: 5    ათეწკჷმა სანარტიაქ ქიმერთჷ ეთი ოსურიშა დო გააჭყორჷ დო
Line: 6    უწუუ:

Part: 47   Link to qipshg
Line: 7    -- სი ჯგირი ოსური ქორდიკო ნი,სქანი ქომონს ღეჯენს
Line: 8    ვარჷთი ოთხილაფუანდია.

Part: 48   Link to qipshg
Line: 9    თიმუწკჷმა ქიშიიტყვესჷ, თე კოჩი სანარტია რდჷ ნი. ძალამქ
Line: 10    გუუკვირდესჷ: "ბირგულიწკჷმა კუჩხი მეკვათილი აფუდჷ დო მანგიორი
Line: 11    კუჩხი მუქჷ მეჩუა?!"

Part: 49   Link to qipshg
Line: 12    სანარტიაქ თი ოსურიში ქომონჯი, მეღეჯეთ დრჷ ნი, ჩირს
Line: 13    ქჷმააჸონაფუ დო მუში ხეთ ძალამი გააბონაფუუ დო სადიდკოჩო
Line: 14    მოკოქუნალით გაგჷმაანწყუაფუ დო ქჷმკააქუნაფუუ დო მუჟანსჷთი მუში
Line: 15    ჸუდეშა მიიშჷ ნი, დუუჩინჷ სანარტიაქ თი ოსურსჷ დო მუში
Line: 16    დიდა დო მუმას:"მუჭოთი აშქიდირუაფუ მაფაში სქუასჷ ნი, თეში
Line: 17    ვა ალინითჷ და, მა ხათეე ქუმუურქჷ დო უბადო საქვარს
Line: 18    რღოლანთია".

Part: 50   Link to qipshg
Line: 19    არძოს ართო გაგჷმეეთხუ დო მუში ჸუდეშა მიდართჷ.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.