TITUS
Megrelian Texts ed. Qipshidze
Part No. 13
Previous part

Text: XI  
XI


Part: 1   Link to qipshg
Line: 8    ართი ძალამი ღარიბი კოჩიში სქუა ომბოლი ქოჸოფე. მიდართჷ
Line: 9    სამოჯამაგიროშა. ართი ჭკჳერი კოჩქ ქაახვადჷ დო კითხჷ:

Part: 2   Link to qipshg
Line: 10    -- სო მეურქჷ ჯგირი ბოშია?

Part: 3   Link to qipshg
Line: 11    -- მა მევურქჷ სამოჯამაგიროშა.

Part: 4   Link to qipshg
Line: 12    -- ქოდომიდჷრთი სუმი წანა მოწანაში ვადათ, სუმი სიტყვას
Line: 13    ქჷდგოგურუანქჷ.

Part: 5   Link to qipshg
Line: 14    ქჷდოდირთჷ ბოშიქ. ართი წანაქ მიკიილჷ ნი, ჭკვიერი კოჩქ
Line: 15    ბოშის ქუწუუ: "მუთი ოზეში გალე ქოძირეე, ოზეშა გამნააჸოთია".
Line: 16    მაჟირა წანაქ მიკიილჷ ნი, ბოშის უწუუ: "ძალამი წადილო ვა რთხუასჷ
Line: 17    და, ეში მუთუნს ნჷმჷ ოთხი̄ნქ კოს". მასუმა წანას ჭკვერი კოჩქ
Line: 18    ბოშის უწუუ "ოსურსჷ სანამუსოს ნუ უწიინქ". ე ბოშიქ მოლართჷ
Line: 19    ჸუდეშა დო ქიდიიხორჷ. ოზე გეშაღობუ. მუსითი ქოძირჷნსჷ ნი, ოზეშა
Line: 20    მინჷმაარღვანსჷ. ართი ორდოს მეურს ოზეში გალენი, ჭითა გვერი
Line: 21    ქოძირჷ დო ოზეშა გამნააჸოთჷ. ქემერთჷ ოზეშა ართი მარუაში უკული,
Line: 22    ქოძირჷ, თე გვერი სიდეთ გიოჸოთჷ ნი, თექი ხვითოეფი ქუუსქუდჷ
Line: 23    ბრელი. ბოშიქ ქჷმერთჷ; ქოძირჷ ნი, ახიოლუ, ხვითოეფი გეეკორობჷ,
Line: 24    კართეეშა ქიგლეეწკარჷ, ჸუდეშა მოლეეღჷ; ე გვერითი გეიჸონჷ,
Line: 25    ჸუდეშა გამეეჸონჷ, ოგვაჯეს ქჷდინაახუნუუ. თექი ირი დღას სქჷნდჷ
Line: 26    ხვითოს. ე კოჩქ თეში გეედინდარჷ, ძალამი: ოდა-სარაია ქიგიიდგჷ,
Line: 27    ჩილითი ქიითხუუ. ჩირქ კითხჷ თე ქომონს:

Part: 6   Link to qipshg
Line: 28    -- ძალამი ღარიბი რდი ნი, მუქჷ გაგაკეთჷ თაში?

Part: 7   Link to qipshg
Line: 29    -- ღორონთქ გამაკეთჷ.

Part: 8   Link to qipshg
Line: 30    მუში სანამუსო ვა უწუუ, თეშენი ნამუდა ჭკვერი კოჩიშე უღუდუ
Line: 31    ნარაგადჷ დო თიქჷ ქოგააშინჷ. მარა მოსვანჯა ვე მეჩჷ ჩირქჷ დო
Page: 26   Line: 1    ქაარაგადუ ქომონს ათე გვერიში ამბეე. მიდეეჸონჷ დო ქააძირჷ ხვითოში
Line: 2    მასქუალი გვერი. გვერქ ხვითოში სქუალა ქიმიოტუუ. ართი კოჩი
Line: 3    ოვერდჷ შხვა კოსჷ დო ურაგადჷ: "ხამი ქომოთხიია". ეუკინჷ ე ბოშიქჷ
Line: 4    დო მუში ხამი ქაათხუ. ე კოჩქ გეგჷწუუღჷ, მიდეეღჷ ხამი. თრუმე ათენა
Line: 5    მახინჯი ჸოფე. მინიილუ ართი ოჯახიში ოხირჷშა. თექი იხირდჷ
Line: 6    მეკო-მოკონს, თეში გააკურცხინჷ ლურენჯი კოს, თე ხამი ქორას ქიმიოგჷ,
Line: 7    დოჸვილჷ დო ხამი თექი ქორას ქიმითიიტუუ. მაჟირა დღას ქოძირეს
Line: 8    ღურელი დო ხამითი. ხამიშენი იჸუუ კითხირქ:"მიში რე თე ხამი?"

Part: 9   Link to qipshg
Line: 9    მიკიილჷ ღურელიში ჯიმაქჷ დო თქუუ: "ენა თე დო თე კოჩიში
Line: 10    რენია, დო თის უჸვილუუ ჩქიმი ჯიმა!"

Part: 10   Link to qipshg
Line: 11    ქჷმორთესჷ დო უწიის თე კოს:

Part: 11   Link to qipshg
Line: 12    -- თე ხამი სქანი რენიავო?

Part: 12   Link to qipshg
Line: 13    -- ე ხამი ჩქიმი რენია.

Part: 13   Link to qipshg
Line: 14    ღურელიში ჯიმაქ უწუუ:

Part: 14   Link to qipshg
Line: 15    -- ჩქიმი ჯიმა დოჸვილესჷ დო ათე ხამი თიში ქორას ბძირით.

Part: 15   Link to qipshg
Line: 16    ბოშიქ დეეფირქჷ ძალამი: "მუთი ქომიწუუ ჭკვერი კოჩქ,
Line: 17    გეემირთჷ ირიფელქ, მარა ჩქიმი სუნელობაშე ქობხვადუ მა თენა."
Line: 18    გუურაჸეს ხე დო ოჭოფეს ხამიში მინჯე. მუთი ქუუღუდუ ნი, ვარა
Line: 19    ფარა, ვარა მუთი ოჯახის ქააპალუდუ ნი, დაახარჯჷ თი გაჭირებაშე,
Line: 20    კინი ქოდოსქიდჷ ღარიბო. უკული მიიგონჷ სუმი სიტყვა ჭკვერი
Line: 21    კოჩიშე ნარაგადჷ-დანაგურეფი: თი სიტყვეფქ ვა შუანახინჷ ნი, თით წააგჷ
Line: 22    ირიფელი.



Next part


This text is part of the TITUS edition of Megrelian Texts ed. Qipshidze.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.