TITUS
John Moschus, Leimonarion
Part No. 115
Previous part

Chapter: A24  
Page of edition: 109  
Line of edition: 3        24. აბბა სჳმეონ ალოვანელი არამცირედსა ჟამსა იყო ჩემ
Line of edition: 4     თანა და მითხრობდა მე საკჳრველებათა მრავალთა ღმრთისათა, და
Line of edition: 5     პირველი _ წმიდისა ზაქარიაჲსთჳს, რომელი იყო პატრიაქი იერუსალემისაჲ,
Line of edition: 6     ვითარმედ: რაჟამს იყო ტყუეობაჲ იგი საშინელი სპარსთაგან
Line of edition: 7     უღმრთოთა ქალაქსა წმიდასა ქრისტეს ღმრთისა ჩუენისასა,
Line of edition: 8     და წარიღეს ძელი იგი წმიდისა ჯუარისაჲ განმაცხოველებელი,
Line of edition: 9     და ნებითა თჳსითა პატიოსანი ესე კაცი წარვიდა, რამეთუ აღირჩია
Line of edition: 10     სიკუდილი, ვიდრე ცხორებაჲ, ვინაჲთგან წარიღეს ძელი იგი
Line of edition: 11     თაყუანის-საცემელი. და ესე წარვიდა ძელსა მას თანა წმიდასა
Line of edition: 12     ხუასრო მეფისა მის სპარსთაჲსა. და დიდსა პატივსა უყოფდეს თჳთ
Line of edition: 13     მეფე და მთავარნი მისნი მოწყალებითა ღმრთისაჲთა, რომელი-იგი
Line of edition: 14     ყოველსა ჟამსა პატივ-სცემს და ადიდებს მათ, რომელნი ჭეშმარიტად
Line of edition: 15     პატივ-სცემენ მას, ვ{ითარც}ა თქუა სიტყუამან Ms. page: 713r  საღმრთომან:
Line of edition: 16     ვადიდნე მადიდებელნი ჩემნი. რამეთუ იპოვა დედაკაცი ვინმე
Line of edition: 17     ცოლთა შორის ხუასროჲსთა, რომლისა მიერ პატივცემულ იქმნა
Line of edition: 18     ძელი იგი წმიდისა ჯუარისაჲ. და კაცი ესე წმიდაჲ პირველ მოჴსენებული,
Line of edition: 19     რამეთუ იყო იგი სახელით ქრისტეანე, ხოლო იყო იგი
Line of edition: 20     წვალებისაგან ნისტორის უღმრთოჲსა და მოძულებულისა ღმრთისა
Line of edition: 21     მიერ, და ევედრა მეფესა და მიიღო ძელი იგი წმიდისა ჯუარისაჲ
Line of edition: 22     ეგრეთვე დაბეჭდული პატრიაქისაგან და სხუანი წარტყუენულთაგანნი,
Line of edition: 23     რომელთაჲ ინება მან. პალატად თჳსა წარიყვანა და
Line of edition: 24     მისცა მათ ადგილი კეთილი და დაყუდებული. და დიდსა პატივსა
Line of edition: 25     უყოფდა და ძღუენსა მიუძღუანებდა მათ და საკუმეველთა სულნელთა
Line of edition: 26     და სანთელსა ფრიადსა, და ყოველსა საჴმარსა უხუებით
Line of edition: 27     მისცემდა მათ.
Line of edition: 28        და შემდგომად რაოდენისამე ჟამისა კაცთა ვიეთმე ჰურიათა
Line of edition: 29     აქუნდა კადნიერებაჲ წინაშეე მეფისა, და ეშმაკისა მიერ, კეთილისმოძულისა,
Line of edition: 30     აღიშურვეს მათ პატივისა მისთჳს, რომელსა უყოფდეს
Line of edition: 31     ყოველნი, და შეასმინეს იგი და თქუეს, ვითარმედ ისიძავს. და
Line of edition: 32     ქალსა ვისმე საწყალობელსა, რომელსა-იგი მათ ჟამთა ოდენ ეშვა,
Line of edition: 33     აღუთქუეს ფასი და დააჯერეს, რაჲთა წმიდაჲ იგი შეასმინოს. ხოლო
Line of edition: 34     მეფემან მოუწოდა წმიდასა მას და მისცა იგი განსაკითხავად
Line of edition: 35     მსაჯულთა. და აღდგეს ჰურიანი იგი, წინააღმდგომნი ღმრთისანი
Page of edition: 110   Line of edition: 1     Ms. page: 732r  ქალითურთ, ჴმობდეს და დაამტკიცებდეს, ვითარმედ ყრმაჲ
Line of edition: 2     იგი, რომელი აქუნდა, მისი არს. და იყო ყრმაჲ იგი ვითარ ათხუთმეტისა
Line of edition: 3     დღისაჲ. ხოლო ქალი იგი ფ{რია}დ ჴმობდა მრავალ ჟამ. ხოლო
Line of edition: 4     წმიდაჲ იგი დგა განშორებულად მსაჯულთაგან და მიყრდნობილ
Line of edition: 5     იყო არგანსა თჳსსა და მრავალ ჟამ დუმნა. ხოლო მსაჯულნი იგი
Line of edition: 6     ეტყოდეს, რაჲთა მიუგოს მათ სიტყუაჲ. მაშინ მოითხოვა ყრმაჲ
Line of edition: 7     იგი და მიიქუა ჴელთა თჳსთა ზედა და ჰკითხა წინაშე ყოველთაჲსა.
Line of edition: 8     და დასწერა ჯუარი პირსა მისსა და ჰრქუა მას: სახელითა უფლისა
Line of edition: 9     ჩუენისა იესუ ქრისტესითა, თქუ, ყრმაო, ჭეშმარიტად, მე ვარ
Line of edition: 10     მამაჲ შენი? და მოუგო ვ{ითარც}ა სრულმან კაცმან და თქუა: ნუ იყოფინ!
Line of edition: 11     და ესმა ესე ყოველთა, რომელნი იყვნეს მუნ. და შეიპყრნა იგინი
Line of edition: 12     განკჳრვებამან საკჳრველებისა მისთჳს, რომელი იქმნა ღმრთისა
Line of edition: 13     მიერ. ხოლო ესმა რაჲ ესე მეფესა მსაჯულთაგან, უფროჲს-ღა შესძინა
Line of edition: 14     პატივის-ცემად მისა და ეპყრა იგი ვ{ითარც}ა წინაწარმეტყუელი.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.