TITUS
John Moschus, Leimonarion
Part No. 114
Previous part

Chapter: A23  
Page of edition: 107  
Line of edition: 1        23. კაცი ვინმე ვაჭარი დიამიტელი, სახელით სტეფანე, მოვიდა
Line of edition: 2     ჩემდა და მითხრა ესევითარი რაჲმე, ვითარმედ, _ ქალაქსა
Line of edition: 3     შინა სოზოსისასა ყრმანი მრავალნი ქრისტეანენი და ჰურიათან[ი]
Line of edition: 4     ჰმწყსიდეს საცხოვართა მათთა, და იმღერდეს ვ{ითარც}ა ჩუეულებაჲ არს
Line of edition: 5     ყრმათა ქრისტეანეთაჲ. და ყვნეს მათგანნი, რომელნიმე ხუცად,
Line of edition: 6     რომელნიმე დიაკონად და რომელნიმე მოწესედ ეკლესიისად, და
Line of edition: 7     იქმოდეს რეცა თუ სახესა წმიდისა Ms. page: 727r  ჟამისწირვისასა მიგუვებით.
Line of edition: 8        ხოლო ყრმაჲ ერთი ჰურიათაგანი მიუდგნ მათ და არა ჰნებავნ
Line of edition: 9     განშორებაჲ მათგან. ხოლო ყრმათა მათ ქრისტეანეთა განაძიან
Line of edition: 10     იგი და არა უტევებედ მათ თანა ვ{ითარც}ა ჰურიასა. ხოლო იგი
Line of edition: 11     მისდევნ მათ კ{უალა}დ და ეძიებნ, რაჲთა არა განეშოროს მათგან. და
Line of edition: 12     ჰრქუეს მას: უკუეთუ გნებავს ჩუენ თანა ყოფის, მოვედ, რაჲთა
Line of edition: 13     მოგნათლოთ შენ. ხოლო მან შეიწყნარა ესე სიხარულით. და რომელნი
Line of edition: 14     იყვნეს ნათესავთა მისთაგანნი, აყენებდეს მას ყოფად ამას.
Line of edition: 15     ხოლო უკუანაჲსკნელ მიიყვანეს და დაადგინეს ყრმაჲ იგი კიდესა
Line of edition: 16     ზღჳსასა, და აღასრულეს მის ზედა წესი ნათლის-ღებისაჲ, ვითარცა
Line of edition: 17     ასწავა მათ ღმერთმან, და ნათელ-სცეს ზღუასა მას შინა სახელითა
Line of edition: 18     მამისაჲთა და ძისაჲ და სულისა წმიდისაჲთა. და
Line of edition: 19     ერთმან მან ყრმათაგანმან მიიქუა იგი ნათლითა. და ესე საკჳრველი
Line of edition: 20     იქმნა ნებითა ღმრთისაჲთა. ხოლო ყრმასა მას მიერითგან
Line of edition: 21     არღარა უნდა, რაჲთამცა მივიდა მშობელთა თჳსთა თანა, არამედ
Line of edition: 22     ყრმათა თანა ქრისტეანეთა დაადგრის, და მივიდა მათ თანა
Line of edition: 23     წმიდასა ეკლესიასა ლოცვად.
Line of edition: 24        და ესე საქმე იქმნა განცხადებულად ყოველთა შორის. და
Line of edition: 25     ეძიებდეს მშობელნი ყრმისანი, რაჲთა წარიყვანესმცა იგი. ხოლო
Line of edition: 26     ყრმასა მას არა უნდა მისლვად მათ თანა, და არცა ქრისტიანენი
Line of edition: 27     მისცემდეს. ხოლო უკუანაჲსკნელ მივიდეს მსაჯულისა, და ბრძანა,
Line of edition: 28     რაჲთა მიეცეს ყრმაჲ იგი მშობელთა თჳსთა. Ms. page: 728r  ხოლო მათ წარიყვანეს
Line of edition: 29     მძლავრ სახედ თჳსა თჳნიერ ნებისა თჳსისა. მრავალი ღონე
Line of edition: 30     ყვეს და ვერ შეუძლეს დაყენებად მისა, რამეთუ ოდესმე სციან
Line of edition: 31     მას და ოდესმე ჰლიქნიდიან და ოდესმე დაპადიმრიან. და ამას
Line of edition: 32     ყოველსა თანა ვერ შეუძლეს დაყენებაჲ მისი.
Line of edition: 33        მაშინ განცჳფრდა მამაჲ მისი და განიზრახა ზრახვაჲ ჰურიაებრი
Line of edition: 34     და მივიდა მესაჴუმილესა თანა აბანოჲსასა. და მისცა დრაჰკანი
Line of edition: 35     ერთი და ჰრქუა მას: ღმრთისათჳს, მაგრიად და კეთილად განაჴურვე
Line of edition: 36     საჴუმილი ეგე და მწუხრი, ოდეს გინდეს დაჴშვად, მაუწყე
Line of edition: 37     მე, რამეთუ მნებავს რაჲმე შეწუვად მას შინა, და შექმენ თიჴაჲ,
Page of edition: 108   Line of edition: 1     რამეთუ მინებს პირი საჴუმილისაჲ დაყოფის. ხოლო მან აღუთქუა
Line of edition: 2     ესე ყოფად და ყო ეგრე, ვ{ითარც}ა ჰრქუა მას.
Line of edition: 3        და იყო ჟამი მწუხრისაჲ, და აუწყა მას. ხოლო კაცმან მან
Line of edition: 4     შეიტკბო ძე თჳსი, რომელი იქმნა ქრისტიანე, რამეთუ სხუანიცა
Line of edition: 5     შვილნი ესხნეს. და არწმუნა, რაჲთა მიიყვანოს აბანოდ და დაბანოს.
Line of edition: 6     და ვ{ითარც}ა წარვიდეს, პოვეს საჴუმილი იგი განჴურვებული მაგრიად.
Line of edition: 7     და ევედრა მესაჴუმილესა, რაჲთა წარვიდეს. და ვითარ იხილა,
Line of edition: 8     რამეთუ არავინ არს მუნ, შეკრა ყრმაჲ იგი თჳსი და შეაგდო მას
Line of edition: 9     შინა, და დაუგოზა პირი მისი კეთილად და დაჯდა ჟამ ერთ. და
Line of edition: 10     მერმე აღდგა და წარვიდა. და ხვალისა დღე Ms. page: 729r  აღდგა და მივიდა
Line of edition: 11     მესაჴუმილე იგი. და განაღო პირი საჴუმილისაჲ, და პოვა ყრმაჲ
Line of edition: 12     იგი, ვითარცა საყდარსა ზედა მჯდომარე; რამეთუ მეყსეულად,
Line of edition: 13     რაჟამს შთააგდო ყრმაჲ იგი, დანელდა საჴუმილი იგი, ვ{ითარც}ა იყო სამთა
Line of edition: 14     ყრმათა წმიდათა ზედა ძალითა ძლიერისა ღმრთისაჲთა, ჴმა-ყო
Line of edition: 15     და გამოიყვანა ყრმაჲ იგი და მიიყვანა ეკლესიად.
Line of edition: 16        და შეკრბეს ყოველნი ქრისტეანენი და მივიდეს მსაჯულისა
Line of edition: 17     და უთხრეს, რაჲ-იგი იყო. ხოლო იგი განკჳრდა ამას ზედა და
Line of edition: 18     ადიდა ღმერთი, მიავლინა და მოუწოდა მამასა მის ყრმისასა და
Line of edition: 19     წარჩინებულთა ჰურიათა. ხოლო იგი საწყალობელი არა დაიფარა,
Line of edition: 20     არამედ ჰგონებდა, ვითარმედ არარაჲ იპოვოს ყოლადვე ყრმისაჲ,
Line of edition: 21     მის, რამეთუ უწყოდა, ვითარმედ უფროჲს ზომისა განჴურვებულ
Line of edition: 22     იყო საჴუმილი იგი. და შემდგომად მისა აღიარა, რამეთუ ვერ ეგებოდა
Line of edition: 23     მისგან დაფარვაჲ მას ჟამსა, რამეთუ საქმე იგი განცხადებულ
Line of edition: 24     იყო ნებითა ღმრთისაჲთა და თქუა, ვითარმედ: გრძნებითა
Line of edition: 25     ქრისტეანეთაჲთა არა დაიწუვა ყრმაჲ ესე.
Line of edition: 26        და ვითარცა ესმა ესე მსაჯულსა მას, აჰა ესე არს, რომელმან-იგი
Line of edition: 27     მაშინ აღაგზნა და აწცა მანვე აღაგზნეს, და შენცა ყავ
Line of edition: 28     გრძნებაჲ, რომელი გნებავს, და შევედ შენ და ორნი ძენი შენნი
Line of edition: 29     საჴუმილსა მას, და უკუეთუ განერნეთ, დავირწმუნოთ, ვითარმედ
Line of edition: 30     იგიცა გრძნებითა განერა. ხოლო სხუანი იგი ჰურიანი ევედრებოდეს
Line of edition: 31     ფრიად ამისთჳს და აღუთქუეს ქრთამად ოქროჲ დიდძალი
Line of edition: 32     და Ms. page: 730r  ვერ შეუძლეს დარწმუნებად, არამედ განაჴურვეს საჴუმილი
Line of edition: 33     იგი ფრიად და შეაგდეს იგი და ძენი მისნი მას შინა. და არცაღა
Line of edition: 34     თუ ძუალი მათი იპოვა ყოლადვე.
Line of edition: 35        მაშინ სირცხჳლეულ იქმნნეს, რომელნი-იგი ჭეშმარიტად ჰურიანი
Line of edition: 36     იყვნეს. ხოლო ქრისტეანეთა წარიყვანეს ყრმაჲ იგი უშიშად
Line of edition: 37     და კმა-ყვეს ნათლის-ღებაჲ იგი ყრმათაჲ საკჳრველისა მისთჳს საკჳრველებათაჲსა,
Line of edition: 38     არამედ სცხეს მას წმიდაჲ მირონი და შეჰმოსეს
Page of edition: 109   Line of edition: 1     მას სამოსელი სპეტაკი და მიიყვანეს მათ თანა ეკლესიასა ღ{მრ}თისასა
Line of edition: 2     და ადიდებდეს ღმერთსა.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.