TITUS
John Moschus, Leimonarion
Part No. 112
Previous part

Chapter: A21  
Page of edition: 105  
Line of edition: 30        21. და ჭეშმარიტად, დასარწმუნებლად და დასამტკიცებელად
Line of edition: 31     ამის პირველისა თავისა არა გუცონის მოთხრობად საკჳრველებისა
Line of edition: 32     მის, რომელი-იგი შეწევნითა ღმრთისაჲთა იყო წმიდისა თევდორეს
Line of edition: 33     მიერ, რომელი-იგი იყო შეყენებულ, რომელსა ეწოდა სოკეონელი.
Line of edition: 34     წარმოვიღოთ შორის ესე, რომელი ჭეშმარიტად წმიდაჲ არს,
Line of edition: 35     და რომელი-იგი სიყრმითგან თჳსით იქმნა მონაჲ ღმრთისაჲ საკუთარი.
Line of edition: 36     და ამას ოდესმე ესმა მრავალთაგან, არა ხოლო მღდელთაგან,
Page of edition: 106   Line of edition: 1     არამედ ერისა კაცთაცა უშიშად თქუმაჲ: კურთხეულ Ms. page: 725r  არს
Line of edition: 2     უფალი. და მრავალ გზის ევედრებინ და ასწავებნ ამისთჳს. და ვერ
Line of edition: 3     შეუძლო დარწმუნებად ნათესავსა კაცთასა, რომელნი ძნიად დაიჯერებენ.
Line of edition: 4     და დღესა ერთსა ესმა ერისა კაცისა ვისგანმე, იტყოდა
Line of edition: 5     რაჲ ამას სიტყუასა: კურთხეულ არს უფალი არარაჲსათჳს. მას
Line of edition: 6     ჟამსა ფრიად შეწუხნა იგი სიბრმესა ზედა და უგუნურებასა კაცთასა
Line of edition: 7     და ჰრქუა მსახურსა თჳსსა: წარვედ და მოუწოდე ყოველთა,
Line of edition: 8     რომელნი არიან აქა, და მომართუ მე ჭიქაჲ, სავსე წყლითა. და
Line of edition: 9     ვ{ითარც}ა ყო ესე და შეკრბეს ყოველნი, მაშინ მიიღო წმიდამან ჭიქაჲ
Line of edition: 10     იგი და თქუა: გნებავსა, რაჲთა უწყოდით, თუ რაჲ ძალი აქუს
Line of edition: 11     სიტყუასა მაგას? და მუნთქუესვე დასწერა ჯუარი ჭიქასა მას სახელითა
Line of edition: 12     მამისაჲთა და ძისაჲთა და სულისა წმიდისაჲთა. და აღაგდო
Line of edition: 13     წყალი ზე ჰაერსა და თქუა: კურთხეულ არს უფალი, დადეგ მანდა.
Line of edition: 14     და დაადგრა წყალი იგი ზე ჰაერსა და ეკიდა მყოვარ ჟამ წინაშე
Line of edition: 15     ყოველთა. და ყოველი იგი ერი ჴმობდა კირიელეისონსა, ვიდრემდის
Line of edition: 16     თქუა მან იგივე სიტყუაჲ: კურთხეულ არს უფალი, შთამოვედ!
Line of edition: 17     და შთამოვიდა. მაშინ-ღაა გულისხმა-ყვეს ძალი სიტყჳსაჲ მის საღმრთოჲსაჲ
Line of edition: 18     და ყოველნი დასცჳვეს მუჴლთ-მოდრეკით წინაშე მისა
Line of edition: 19     და ითხოვეს შენდობაჲ და ლოცვაჲ, რაჲთა მოიქცენ მიერითგან
Line of edition: 20     და დაიმარხონ სიტყუაჲ იგი.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.