TITUS Texts: Sinai Polycephalion

TITUS
Sinai Polycephalion
Part No. 27

Previous part

Text: 27
Page of edition: 152
Line of edition: 1   [თქუმული წმიდისა მელეტი ეპისკოპოსისაჲ

Line of edition: 2   მკუდრეთით აღდგომისათჳს უფლისა ჩუენისა იესუ ქრისტჱსა

Line of edition: 3        ნათელ-იღე, ნათელ-იღე, იერუსალემ, რამეთუ მოწევნულ არს ნათელი
Line of edition: 4     შენი და დიდებაჲ]¹^*. . . . . . . . . . . . . . . . . . . . . .
Line of edition: 5     . . . . . . . . . . . . . . . . . . . . . . . . . . . . . .
Line of edition: 6     . . . . . . . . . . . . . . . . . . .. . . . . . . . . . . .
Line of edition: 7     . . . . . . . . . . . . <მივავლინ>\ენით Page of ms.: 145r დაცვად კრძალულებით სამარისა,
Line of edition: 8     ვითარცა სარწმუნონი მიავლინენით; არა ეგების, ვითარმცა განვაცრუვენით
Line of edition: 9     იგინი.
Line of edition: 10        და აწ რაჲთა არა მივიდენ და მიუთხრან ყოველი ესე პილატეს, და
Line of edition: 11     რაჲთა არა მიეს(მ)ეს ესე ყოველასა მას ერსა, მოვედით და დავშურეთ, რაჲთა
Line of edition: 12     დავადუმნეთ კაცნი ესე; მივსცეთ ქრთამი დიდძალი, რაჲთა არა მივიდენ და
Line of edition: 13     უთხრან პილატეს. ვითარღა თუალნი შევადგნეთ პილატეს? და მიუთხრან
Line of edition: 14     ერსაცა, რაჲ მიუგოთ ერსა მას? მოვედით და დავფაროთ სირცხჳლი იგი
Line of edition: 15     ჩუენი ჭურჭლითა და განვერნეთ ზრუნვისაგან დიდძალითა ქრთამითა.
Line of edition: 16        და თუ უწყით, თუ განითქუას დღეს აღდგომაჲ იგი მისი მოწაფეთა მათგან,
Line of edition: 17     არამედ ჯერ-არს, რაჲთა მცველნი იგი მოვიქცინეთ ჩუენდა ოქროჲთა,
Line of edition: 18     ნუუკუე მოვიდენ მოწამენი იგი ჩუენნი და მოსაჯულ მექმნენ ჩუენ და განმამართლებელნი
Line of edition: 19     იგი ჩუენნი დამშჯელ ჩუენდა იპოვნენ.
Line of edition: 20        მაშინ მღდელთ-მოძღუართა მათ შეუწოდეს მცველთა მათ და ჰრქუეს:
Line of edition: 21     თქუენ ქადაგ მაგის საქმისა ნუ იქმნებით და მახარებელად აღდგომისა მისისა
Line of edition: 22     ნუ აღსდგებით. რაჲ სარგებელ იყოს თქუენდა, უკუეთუ შეაწუხოთ ყოველი
Line of edition: 23     ნათესავი? ანუ რაჲ საჴმარ იყოს თქუენდა, თუ აღსძრათ ყოველი ერი?
Line of edition: 24     სახარებელ თქუენ მაგისთჳს არავინ გცეს, რამეთუ მწუხარებითა აღავსნეთ
Line of edition: 25     ყურნი მსმენელთანი, Page of ms.: 145v ხოლო ჩუენ, ვითარცა მეცნიერთა ვაგოთ პატივისყოფად
Line of edition: 26     თქუენდა: მარჯუენითა დიდითა კურთხევითა აღგავსნეთ თქუენ,
Line of edition: 27     გარნა მას ხოლო, რომელ რაჲ-იგი იხილეთ და გესმა, ნუ უთხრობთ.
Line of edition: 28        მიუგეს მცველთა მათ და ჰრქუეს: და ღათუ თქუენ წინაშე ვერ მაცილობედ
Line of edition: 29     ვიქმნეთ სიტყუათა მაგათ რომელ იტყჳთ, ხოლო და-ვერ-ვმალოთ,
Line of edition: 30     რაჲ-იგი გუესმა, და არცა დავფაროთ ძრვაჲ იგი, რომელ იყო ღამე ყოველ:
Page of edition: 153   Line of edition: 1     რამეთუ საქმჱ იგი რომელ იქმნა, არა ნაცილ არს. აწ თქუენისა განსუენებისათჳს
Line of edition: 2     ვითარ ნაცილი ვთქუათ, ვითარმედ ძილსა დავეპყრენით, და ძილი
Line of edition: 3     საუკუნოჲ დაგუაძინოს ჩუენ? და თუ გულისხმა-ყოს, თუ წარუპარავს მკუდარი
Line of edition: 4     იგი, მის მკუდრისა წილ ჩუენნი თავნი მისცნეს სამარესა პილატე. ვერ
Line of edition: 5     ვთქუათ ეგრე.
Line of edition: 6        მიუგეს მღდელთ-მოძღუართა მათ და ჰრქუეს: თქუენ ჭურჭელი ესე,
Line of edition: 7     რომელსა მიგცემთ, მიიღეთ კურთხეულად და ჩუენ კეთილითა სიტყჳთა განგჳსუენეთ,
Line of edition: 8     ვითარმედ არავის გამოუცხადოთ. ხოლო მი-თუ-ესმეს პილატეს,
Line of edition: 9     ნუ ზრუნავთ¹^*, ჩუენ ვარწმუნოთ და დავამშჳდოთ გულის-წყრომაჲ მისი.
Line of edition: 10     უკუეთუ შემოგჳდგეთ და ნაცილ-ჰყოთ, რაჲ-იგი იხილეთ თუალითა თქუენითა,
Line of edition: 11     და ჩუენითა წამებითა ნაცილ იყოს, უკუეთუ ვინმე იტყოდის აღდგომასა
Line of edition: 12     ქრისტჱსსა. ხოლო ძილსა შინა დაპყრობისათჳს ჩუენ ვარწმუნ\ოთ Page of ms.: 146r მსაჯულსა
Line of edition: 13     მას და ვჰრქუათ: ერთიერთისასა ჰგონებდეს მღჳძარებასა და მიეძინა
Line of edition: 14     ყოველთავე, რამეთუ ღამე ყოველ უძილ იყვნეს; მსთუად განთიადსა მას ცისკარს
Line of edition: 15     ოდენ უზრუნველ იყვნეს, ვითარმედ: აწ დაგჳცავს მკუდარი ესე, და
Line of edition: 16     უდებ იქმნნეს მპარავთა მათთჳს.
Line of edition: 17        ხოლო ერისაგანნი იგი ანგაჰრნი და ნაყროვანნი ძჳრის მკრებელნი
Line of edition: 18     და მომხუეჭელნი, წყეულნი და მოსისხლენი, ანგაჰრებითა და ნაყროვანებითა
Line of edition: 19     დაემორჩილნეს განცრუვებად ჭეშმარიტისა მის საქმისა, რომელი იხილეს, და
Line of edition: 20     წარწყმიდეს არარაჲთა დიდი იგი მადლი, რომელ შეემთხჳა მათ, და წარსავალითა
Line of edition: 21     ჭურჭლითა განჴდეს ცხოვრებისაგან, რომელ არა წარსავალ იყო.
Line of edition: 22        უკუეთუმცა ჰრწმენა ხილვაჲ ანგელოზისაჲ მის და აღდგომაჲ იგი უფლისაჲ,
Line of edition: 23     საღუაწი ჴორცთა მათთაჲმცა არა აკლდა და სასყიდელი მახარებელთაჲმცა
Line of edition: 24     მიეღო. ხოლო მათ ჭურჭლისა მისთჳს ნაცილ-ყვეს ძრვაჲ იგი, რომელ
Line of edition: 25     იხილეს, და ხილვაჲ ანგელოზისაჲ მის, რომელ ეჩუენა.
Line of edition: 26        და ღათუ მცველთა მათ ჭურჭლისა მისთჳს განთქუეს ჰამბავი შორის
Line of edition: 27     ჰურიათა მათ, ვითარმედ მოწაფეთა მისთა წარიპარეს, ხოლო მარიამ²^*, რამეთუ
Line of edition: 28     მასვე ჟამსა მუნვე მეორედ მივიდა მოწაფეთა Page of ms.: 146v მათ თანა და ჰრქუა:
Line of edition: 29     არა ხოლო თუ აღდგა, რომელი-იგი მცველთა მათცა მიუთხრეს მღდელთ-მოძღუართა
Line of edition: 30     მათ, არამედ აღ-ცა-დგა და აღ-ცა-მაღლებად არს.
Line of edition: 31        და ვიდრე-იგი იტყოდაღა, მოვიდეს და მოიწინეს³^* მოყუასნი მისნი, რომელთა
Line of edition: 32     შემთხვეულ იყო უფალი. და უთხრობდეს მოწაფეთა მათ, ვითარმედ:
Line of edition: 33     ნანდჳლვე აღდგა უფალი და ჩუენ ვიხილეთ. და ვიდრე იგინი იტყოდესღა
Line of edition: 34     ამას, მოიწინეს³^* კლეოპაეთნი და ახარეს მოწაფეთა მათ, ვითარმედ: ვიხილეთ
Line of edition: 35     უფალი და გამოგჳთარგმანა⁴^* ჩუენ ყოველთა წიგნთაგან აღდგომისა მისისათჳს,
Line of edition: 36     ვიდრე-იგი მივიდოდეთ ევმაუზდ ქალაქად.
Line of edition: 37        და ვიდრე-იგი იხარებდეს, მიიღეს სახარებაჲ ათერთმეტთაგანცა, ვითარმედ:
Line of edition: 38     ნანდჳლვე აღდგა უფალი და ეჩუენა პეტრეს⁽¹⁾^*, და ვითარ-იგი უთხრობდეს
Line of edition: 39     კლეოპაეთნი ყოველსა მას, რასაცა ეტყოდა მგზავრ, და აჰა უფალი
Page of edition: 154   Line of edition: 1     თჳთ გამოეცხადა მოციქულთა და ჰრქუა: მშჳდობაჲ თქუენ თანა!⁽¹⁾^* და რამეთუ
Line of edition: 2     კართა ჴშულთა შევიდა და მოწაფენი იგი შესულებულ იყვნეს შიშისათჳს
Line of edition: 3     ჰურიათაჲსა, ჰგონებდეს, ვითარმედ საუცარ რაჲმე ეჩუენა.
Line of edition: 4        ხოლო მან გულისხმა-ყვნა ზრახვანი მათნი და ჰრქუა: რაჲსა ეგოდენ
Line of edition: 5     შეძრწუნებულ ხართ ჰურიათა მათგან? ანუ ჩემთჳს რაჲსა პირად-პირადნი
Line of edition: 6     ზრახვანი მოვლენან გულთა თქუენთა და ორგულებთ? Page of ms.: 147r და უჩუენნა მათ
Line of edition: 7     ჴორცნი იგი და წყლული იგი სამშჭუალთაჲ მათ და გუერდთაჲ. ხოლო იგინი
Line of edition: 8     ორგულებდესღა.
Line of edition: 9        მაშინღა გამოეცხადა და ყოვლადვე მათ და მოითხოვა პური და ჭამა წინაშე
Line of edition: 10     მათსა და იწყო მერმე სწავლად მათა და ჰრქუა, ვითარმედ: სულნი საძიებელ
Line of edition: 11     არიან. ვითარ-ეგე მე თქუენ გამომცადეთ და მიხილეთ და არცა
Line of edition: 12     ჴორციელებისა შედგეს, ვითარცა ჴორცთა მათ თანა დამორჩილებულ არს
Line of edition: 13     მსგავსად თქუენთა მაგათ ჴორცთა.
Line of edition: 14        და ვითარცა გულისხმა-უყო ყოველივე საქმითურთ, იწყო მიერითგან
Line of edition: 15     სწავლად სიტყჳთა ყოველივე, რაჲ წერილ არს მისთჳს წიგნთა შინა წმიდათა.
Line of edition: 16     ვითარცა იხილნეს წყლულნი იგი ჴორცთა მისთანი და გულისხმა-ყვნეს
Line of edition: 17     ძლიერებანი იგი სიტყუათანი მით ყოვლითა, რომელი იხილეს თუალითა,
Line of edition: 18     განეხუნეს გონებანი მათნი და გულისხმა-ყვნეს იგავნი წიგნთანი.
Line of edition: 19        ამას დღესა, რომელსა აღდგა მხოლოდ შობილ ძჱ ღმრთისაჲ, მოჰფინა
Line of edition: 20     სული წმიდაჲ მოწაფეთა თჳსთა ზედა, და ჰრწმენა მისი მოციქულთა მათ.
Line of edition: 21     რამეთუ აღდგომაჲ იგი რომელ იქადაგა ანგელოზთაგან და უნდა, რაჲთამცა
Line of edition: 22     ნაცილ-ყვეს მცველთა მათ, გარდამოჴდა სული წმიდაჲ და დაემკჳდრა მოწაფეთა
Line of edition: 23     თანა, რაჲთა მიმოდადვან ძლიერებითა და სასწაულებითა შორის წარმართთა
Line of edition: 24     აღდგომისათჳს, რომელ აცილობდეს ჰურიანი იგი, და მისა, რომელი-იგი
Line of edition: 25     მოვიდა Page of ms.: 147v ჯუარ ცუმად და აჩუენა სიყუარული ჩუენ ზედა.
Line of edition: 26        და შთაჴდა ჯოჯოხეთა მრავლისა მის წყალობისათჳს, რომელ აქუნდა
Line of edition: 27     ჩუენდა მომართ. და განცხოველდა და აღდგა და გამოწერა სახჱ აღდგომისა
Line of edition: 28     ჩუენისაჲ მის თანა მღჳძარეთაგან უკუდავთა და ყოველთაგან, რომელნი წარჴდეს
Line of edition: 29     და წარსლვად არიან, და მათგან, რომელნი დაშთომად არიან ცხოველნი
Line of edition: 30     მოსლვასა მას მისსა¹^* და მამისასა, რომელმან მოავლინა იგი, და წმიდასა სულსა
Line of edition: 31     დიდებაჲ და პატივი აწ და მარადის და უკუნითი უკუნისამდე. ამენ.

Next part

This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.