TITUS
Balavariani, Red. B
Part No. 30
Previous part

Chapter: 40   Link to balavara
Page of edition: 88  
Line of edition: 14        40. ხოლო შენ განეკრძალე,
Line of edition: 15     რაჲთა არა გარდაჰჴდე მცნებათა
Line of edition: 16     მისთა და შთაჰვარდე* მთხრებლსა
Line of edition: 17     წარწყმედისასა, და მე ვევედრები
Line of edition: 18     ღმერთსა, სრულმყოფელსა
Line of edition: 19     ყოველთა კეთილთასა, რაჲთა განგაძლიეროს
Line of edition: 20     ყოველსა შინა კუეთებასა
Line of edition: 21     მტერთასა და მოგცეს შენ
Line of edition: 22     სიბრძნე სიმჴნით და მოთმინებაჲ,
Line of edition: 23     რაჲთა მყუდროებით იყვნენ დღენი
Line of edition: 24     შენნი და რაჲთა არა მძლე
Line of edition: 25     გექმნეს მტერი ჩუენი ეშმაკი* და
Line of edition: 26     განჰვარდე* დიდებისაგან ღმრთისა.
Line of edition: 27     ხოლო მე მეშინის, რამეთუ
Line of edition: 28     ძე ხარ მეფისაჲ და შუებით და
Line of edition: 29     ფუფუნებით აღზრდილ, ნუუკუე
Line of edition: 30     სულმოკლე იქმნე და შესცთე გზისაგან
Line of edition: 31     ჭეშმარიტისა და იწყონ შენ
Line of edition: 32     ზედა უფლებად ვნებათა.


Line of edition: 36        მიუგო იოდასაფ* და ჰრქუა:
Line of edition: 37     შენ მხადი ძედ მეფისა* და არა
Line of edition: 38     ვარ ძე მეფისაჲ, არამედ მონაჲ
Page of edition: 89   Line of edition: 1     და ძე მეუფისა უკუდავისაჲ, ხოლო
Line of edition: 2     ღმერთმან განადიდა კეთილი მისი
Line of edition: 3     შენ მიერ ჩემ ზედა*, რამეთუ მიზეზ
Line of edition: 4     მექმენ მეცნიერებასა ღმრთისასა
Line of edition: 5     და დამადგინე გზასა ჭეშმარიტებისასა

Line of edition: 7     და განმარინე საბრჴეთაგან
Line of edition: 8     ეშმაკისათა. და დიდ არს
Line of edition: 9     ჩემ ზედა მისაგებელი შენთა კეთილთაჲ
Line of edition: 10     ჩემდა მომართ, და* ვერ
Line of edition: 11     შემძლებელ ვარ ღირსად მადლისა*
Line of edition: 12     მიცემად, ვითარ-იგი ჯერ-არს
Line of edition: 13     შენდა, არამედ ვესავ ღმერთსა,
Line of edition: 14     რომელმან მიგაგოს ჩემ წილ, რამეთუ
Line of edition: 15     მის თანა არს სისრულე მისაგებელთაჲ.
Line of edition: 16     და მან სრულ-ყოს
Line of edition: 17     საქმე კეთილისაჲ შენ თანა*. და*
Line of edition: 18     უკუეთუ დაადგრე* ჩემ თანა, საშუებელ
Line of edition: 19     ხარ* სულისა ჩემისა, და
Line of edition: 20     უკუეთუ წარხუალ, ნუ განგუაშორნეს
Line of edition: 21     ღმერთმან ნებისაგან მისისა.


Line of edition: 26        და მოიკითხნეს ურთიერთას,
Line of edition: 27     და წარვიდა ბალაჰვარ საყოფელად
Line of edition: 28     თჳსა*.


Next part


This text is part of the TITUS edition of Balavariani, Red. B.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.