TITUS
Nemesios of Emessa, De natura hominum
Part No. 14
Previous part

Chapter: 14  
Line: 21 
თავი XIV
Line: 22 
[შორისმდებარისა და გარემოსილისა სიტყჳსა-თჳს]


Paragraph: 1  
Line: 23    ესეცა უკუჱ ერთი მათთაჲ განწვალებაჲ სულიერებრთა ძალთაჲ,
Line: 24    რომელი თანაგანიწვალების რომელთა-მე ნაწილთა-თანა სხეულისათა.

Page: 93  
Line: 1    ხოლო სხუაჲ ვინაჲ-მე არს განწვალებაჲ მებრ სხვჳთა სახითა,
Line: 2    სიტყჳ[ე]რებისა-თჳს სულისა, რომელ არს აწ წოდებული:
Line: 3    შორისმდებარედ სიტყუად და გარემოსილად. არს უკუჱ შორისმდებარეობითი
Line: 4    სიტყუაჲ მიდრეკაჲ სულისაჲ შორის გულისა მიმოსიტყუვასა
Line: 5    ქმნილი, თჳნიერ ვინაჲსა-მე გარეგნით ჴმიანობისა; რომლისა-თდსცა
Line: 6    მრავალგზის, ოდეს რაჲ მდუმარე ვიყვნეთ, სრულად ყოველსა სიტყუასა
Line: 7    თჳს-შორის მიმოდავზრახვიდეთ და სიზმართა-შორის მიმომთქუმელ
Line: 8    ვართ: რათა მის-მიერ უფროჲს ხოლო ყოველნი ვისიტყჳერობთ,
Line: 9    და არა ესრეთ მებრ გარემოსილსა სიტყუვასა-მიერ, რაჲ-ზომ
Line: 10    შორისმდებარეობითისა-გან. რამეთუ შობით-განვე ყრუნი და გინათუ
Line: 11    ვნებისა-გან, გინა სნებისა რაჲსავე უჴმოქმნილნი არაჲთ უდარე
Line: 12    სიტყჳერ არიან. -- არამედ გარემოსილსა სიტყუასა ჴმასა-შორის და
Line: 13    ენათა აქუს მოქმედებაჲ: ხოლო თანაშემწე და ორღანო ჴმისა მრავალნი,
Line: 14    ვითარ საშუალ გუჱრდთა-შორის ფერდნი და მკერდის-თავი
Line: 15    და სასულე და კუალად ჴორჴი და სასაჲ და ამათნი უფროჲს ხოლო
Line: 16    უხონდროესნი და თანააღთხზულნი ძარღუნი და ენაჲ და ყოველნი
Line: 17    მიმდრეკნი ამათ ასოთანი ნასხმანნი ბუნებისა-გან მათდა ორღანო
Line: 18    ქმნილ; ხოლო ენისა მიმორქუმათა-თჳს -- პირისა პირი. რამეთუ ამას-შინა
Line: 19    აღიქმნების, ნაკუთოან იქმნების და ვითარ რაჲ მორფოან იქმნების
Line: 20    მიმორქუმაჲ ენათაჲ, -- ვინაჲ უკუჱ ენასა და ჴორჴსა ძალთ-საცემელისა
Line: 21    უპყრიეს ადგილი, ხოლო ზედასა კერძოსა სასისასა --
Line: 22    ჴმისაჲ; ხოლო კბილნი და რაულადცა აღებაჲ პირისაჲ -- ვითარ რაჲ
Line: 23    ბობღანსა-შორის სამუსიკოსა ძალნი, ეგრეთვე ესე კმამყოფელ და
Line: 24    აღმომავსებელ ადგილსა მათსა თანაშეწევნად უკუჱ და ცხჳრთაცა
Line: 25    კეთილჴმიანობისა-მიმართ, გინათუ ავჴმიანობისა, ვითარ საუწყო არს
Line: 26    მგალობელთა-გან.



Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.