TITUS
Nemesios of Emessa, De natura hominum
Part No. 13
Previous part

Chapter: 13  
Line: 9 
თავი XIII
Line: 10 
მომჴსენებლობისა-თჳს


Paragraph: 1  
Line: 11    რამეთუ მომჴსენებლობაჲ არს ჴსენებისა და აღჴსენებისა საუნჯე.
Line: 12    არს უკუჱ მომჴსესებლობაჲ, ვითარცა ორიგენი იტყჳს,* ოცნებაჲ
Line: 13     ვინაჲ-მე, ნაშთენი რომლისა-განე გრძნობისა, მოქმედებით
Line: 14    ქმნილისა და აღჩენილისაჲ, ხოლო, ვითარ პლატონ იტყჳს,** მაცხოარებაჲ
Line: 15    გრძნობისა და გონებისაჲ. რამეთუ სული გრძნობადთა
Line: 16    ვინაჲ-მე გრძნობის-საცავთა-მიერ მიითუალავს და იქმნების თნება,
Line: 17    ხოლო გონიერთა -- გონებისა-მიერ და იქმნების გაგონ [ე]ბა. რაჟამს
Line: 18    უკუჱ სახეთა, რომელნი მიითნნა და რომელნი მიიგონებნა, თჳს-შორის
Line: 19    დამტევებელ იყოს, აღჴსენება ეწოდების. ხოლო ჰგავს უკუჱ
Line: 20    აწ აქა პლატონის-მიერ თქუმად არათუ თჳთ საკუთრებითისა გაგონებისა,
Line: 21    [არამედ მიმოგონებისა]. რამეთუ გრძნობანი აღიჴსნებიან მებრ
Line: 22    თჳსად, ხოლო გონიერნი -- შემთხუჱვით, ვინაჲთგან და მიმოგონებითთა
Line: 23    აღჴსენებაჲ პირველ წარმოდგომილთა ოც[ნ]ებათა-გან მიექმნების;

Page: 90  
Line: 1    არამედ საკუთრებით გონიერისა, ვითარ იგი ვისწავეთ გინათუ
Line: 2    ვისმინეთ, მომჴსენე ვართ; ხოლო არსებისა მისისა მოჴსენებაჲ არა
Line: 3    მაქუს ჩუენ, -- რამეთუ არათუ პირველ ქმნულისა ოც[ნ]ებისა-გან გონიერთაჲ
Line: 4    იქმნების მითუალვაჲ, არამედ სასწავლო[ჲ]სა-გან და გინა
Line: 5    ბუნებითთა ჰაზრთა-გან. ხოლო აღმჴსენებლობად ვიტყჳთ, რომელ
Line: 6    რაჲსავე პირველ მეუწყე ანუ მესმე ქმნილ ვიყვენით, გინათუ სხ[უ]ჱბრ
Line: 7    რაულადცა უწყებულ იყოს, არამედ პირველსა შესაბამი აქუს გარდასრულისა
Line: 8    ჟამისა-მიმართ, -- რომლისა-თჳსცა იუწყებოდედ, რომელ
Line: 9    აღსაჴსენებელ არს ქმნილი და ხრწნილ[ი] და ჟამსა-თანა აგებული;
Line: 10    და არს უკუჱ გარდასრულთა აღჴსენებაჲ, რომელი არა ვიდრე-მე
Line: 11    გარდასრულთა-გან იქმნების, არამედ ოდესვე მყოფთა-გან.
Line: 12    ხოლო აღჴსენებად ითქუმის, რაჟამს დავიწყებაჲ საშუალ ექმნეს
Line: 13    ჴსენებასა; რამეთუ აღჴსენებაჲ არს განჴრწნილისა ჴსენებისა კუალად-გებაჲ
Line: 14    და წარმოჩინებაჲ. ხოლო იქმნების ხრწნაჲ რომლისავე დავიწყებისა-გან;
Line: 15    დავიწყებაჲ უკუჱ არს ჴსენებისა განგდებაჲ, არამედ --
Line: 16    ოდეს-მე სამარადისოდ, ხოლო ოდეს-მე -- რაჲზომვე რომლისად არს
Line: 17    აღჴსენებაჲ. ხოლო არს სხუაჲცა აღჴსენებაჲ, რომლისაცა არა არს
Line: 18    დავიწყებაჲ გრძნობისა და გაგონებისა-გან, არამედ ბუნებითთა ზრახვათა
Line: 19    და გონიერებრივთა-გან. ხოლო ბუნებითად ზრახვად ვიტყვით,
Line: 20    რომელნი უმოძღუროდ ყოველთად მიქმნულ არიან, ვითარ რაჲ --
Line: 21    ყოფაჲ ღმრთისაჲ. ამას უკუჱ პლატონ იტყოდა, ვითარმედ აღკსენება
Line: 22    არსო გუარ თა. ხოლო თუ რა არიან გუარნი, შემდგომადთა-შორის
Line: 23    ვისიტყჳთ.*
Line: 24    ვინაჲ უკუჱ ოც[ნ[ებითი მისცემს მიმოგონებითსა აღჩენილსა,
Line: 25    ხოლო მიმოგონებითი -- მიმოსიტყუვითსა; არამედ, მიიღოს რაჲ

Page: 91  
Line: 1    [მიმო]სიტყუვითმან და მიმოსაჯოს, წარავლენს მომჴსენებლობისად.
Line: 2    ხოლო ამისდაცა ორღანო უკანაჲთ-კერძი მუცელი ტჳნისაჲ, რომელსა
Line: 3    ნათხემვად და ტჳნის-მიერად უწოდენ, და მის-შორისი მფშჳნვიერებითი
Line: 4    სული.
Paragraph: 2  
Line: 5       ვინაჲთგან უკუჱ საგრძნობელთა დასაწყისად და ძირად წინაჲთ-კერძოთა
Line: 6    მუცელთა ვიტყჳთ ტჳნისათა, ხოლო სიტყჳერებისა-თჳს --
Line: 7    საშუალსა, არამედ მომჴსენებლობისა-თჳს -- უუკანაჲ-კერძოსა, -- საჭირო
Line: 8    არს ჩუჱნებად, ვითარმედ ესრესახე არს ესე, რათა არა ვეთნნეთ
Line: 9    უტყუად მრწმუნებელნი. რომელნი ამას იტყოდინ, კმასაყოფელი აღმოსაჩენელად
Line: 10    თჳთ მათ ნაწილთა მოქმედებისა-გან მიღებად. რამეთუ
Line: 11    უკუჱთუ წინათა-კერძოთა მუცელთა ტჳნისათა რაჲთავე სახითა ევნოს,
Line: 12    საგრძნობელნი უკუჱ დაიცლებიან, ხოლო გონიერებითი მერმეცა
Line: 13    ჰგიესვე დაცვულად, არამედ თუ რად-მე საშუალსა ოდენ მუცელსა
Line: 14    ტჳნისასა ევნოს, გაგონებაჲ მხოლოდ აცთუნებს, ხოლო გრძნობის-საცავნი
Line: 15    ჰგიან მცველად ბუნებითთა გრძნობათა; ხოლო თუ რად-მე
Line: 16    წინაჲთთა და საშუალთა მუცელთა ევნოს, ერთბამად გულის-სიტყუაჲ
Line: 17    და გრძნობაჲ უწყმდების და განიკუჱთების; არამედ თუ რად-მე უკანათამან
Line: 18    კერძომან ივნოს, მარტოდ მომჴსენებლობაჲ წყმდების, ხოლო
Line: 19    გრძნობასა და გაგონებასა არა-სადა ევნების. (უწყებულ იყავნ,
Line: 20    რომელ არა არს აწ ჩუენდა დახუდომით მიდრეკისა-თჳს სიტყუაჲ).*
Line: 21    ხოლო თუ რად-მე წინათა-თანა საშუალმან და უკანამან ივნოს რაჲ,
Line: 22    გრძნობაჲ და გულის-სიტყუაჲ და მომჴსენებლობაჲ ერთბამად განიხრწნებიან,
Line: 23    -- რომლისა-თჳსცა ყოველივე ცხოველობაჲ წყმდების. იქმნების
Line: 24    უკუჱ საცნაურ და სხუათა მრავალთა ვნებათა და შემთხუჱვათა-გან,
Line: 25    უფროჲს ხოლო და ნავღლეანთა-გან. რამეთუ განავღლიანებულთა
Line: 26    რომელთა-მე გრძნობაჲ მერმეცა და ეგისვე, არამედ გაგონებასა
Line: 27    მხოლოდ ევნის. ესევითარსა აღსწერს ღალინოს განავღლიანებულსა,
Line: 28    ვითარმედ: მატყლის-მოქმედი ვინ-მე მახლობელ მისა მის-მიერ

Page: 92  
Line: 1    მიერ საქმედ განწესებულ იყო; და აღდგა უკუჱ და მიიხუნა ჭურჭელნი
Line: 2    ჭიქისანი და სარკუმელთა მიჰმართა და ჰკითხვიდა თჳთეულსა
Line: 3    მდგ[ო]მარეთასა და სახელ სდებდა თჳთეულსა ჭურჭელთა[სა], თუ
Line: 4    უნდა მათ, რათა შთაუგდოს მათ; ხოლო მუნ მდგომარეთა მიუგეს,
Line: 5    ვითარმედ გუთნდაო. პირველ შთაუბნია თჳთეული ჭურჭელთაჲ და
Line: 6    მერმეცა ჰკითხვიდა მუნ მდგომარეთა, თუ რად-მე და მატყლის-მოქმედი
Line: 7    გინდა, რათა იგიცა შთამოგიგდოო? ხოლო მათ განცხრომად
Line: 8    ჰგონეს სიტყუაჲ იგი, ამისთჳს ჰრქუეს მას -- გვინდაო; აღი[ღ]ო
Line: 9    და შთაუტევა ზეით ქუჱ მატყლის-მოქმედი იგი. ესრეთ უკუჱ საგრძნობელნი
Line: 10    მრთლად ჰქონდეს, რამეთუ უწყოდა, როძელ ესე ჭურჭელნი
Line: 11    არიან და ესე მატყლის-მოქმედი, ხოლო ჰვნებოდა გაგონებასა.
Line: 12    ხოლო სხუანი ცარიელთა-მიერ წარმოჲდგენენ ოცებასა და იჭუნეულობენ
Line: 13    ხედვად, რომელთა არა ხედვიდენ, ხოლო სხუანი ცნობიერობენ
Line: 14    უკლებად: ესე უკუჱ ყოველივე წინათ-კერძოთა მხოლოდ მუცელთა
Line: 15    ტჳნისათა ივნეს, არამედ საშუალი ეგო უვნებელად. რამეთუ
Line: 16    თჳთეულთა ნაწილთა ვნებათა მემთხუჱვისა-გან მოქმედებისა მათისა
Line: 17    სიმარჯუჱ დაიყენების; რამეთუ მითცა ასოჲთა ვნებულ იქმნების ცხოველი,
Line: 18    რომლითა ნუჱულ იყოს მოქმედებად ვნებული იგი ასოჲ, --
Line: 19    ვითარ რაჲ და ფერჴისა მევნენი სლვისა-გან დავიცილებით, რამეთუ
Line: 20    ამისი მოქმედებაჲ ფერჴისა-მიერ არს.


Next part


This text is part of the TITUS edition of Nemesios of Emessa, De natura hominum.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.