TITUS
Basilius Magnus, Hexaemeron
Part No. 9
Previous part

Chapter: 9  
Page: 122  
Line: 27   Page of ms. A: 49V   თქმული წმიდისა ბასილისი *
Line: 28   თავი მეცხრე


Line: 29        ვითარ გამოგიჩნდა თქუენ ტაბლაჲ იგი სიტყუათა დღეულისათაჲ? *
Line: 30     არამედ მე * ჩემი იგი ვამსგავსე პატივის-ცემასა გლახაკისასა,
Line: 31     Page of ms. B: 82V  რომელსა-იგი ჰნებავნ, რაჲთამცა იყო მდიდართაგანი
Line: 32     პატივის-მცემელთაჲ, რომელმან-იგი დააშრვის პურად-მისრული
Page: 123   Line: 1     იგი მოკლებითა საჴმრისაჲთა, და წარმოდგის ტაბლასა ზედა შეურაცხი
Line: 2     იგი საჭმელი უხუებით, ვითარმედ ფრიად * მოსწრაფებამან
Line: 3     მისმან ამხილის ფრიად * სიმკოდვესა * მისსა. ესრეთვე ჩუენი
Line: 4     ესე, დაღაცათუ თქუენ იტყჳთ სხუებრ რასმე, არამედ, ვითარ სახეცა
Line: 5     არს. თქუენ არა * საწუნელება გიჩნს. არამედ * არცაღა ელისე
Line: 6     იყო მეგობართა მათ მისთა წინაშე მედგარ *, პატივის-მცემელ,
Line: 7     დაღაცათუ დაუგო ცათ მხალი ველური*.

Line: 8        გულისჴმა-ყავ შეცვალებაჲ სიტყუათაჲ თჳნიერ თქუმულისა
Line: 9     ჩემისა, არამედ სხჳსაგან თქუმულისა, რომელი-იგი * აღმოვიკითხე.
Line: 10     რომელნი * არა შეიწყნარებენ გულისჴმის-ყოფასა წიგნისასა გონებითა
Line: 11     საზოგადოჲთა და არცა იტყჳან, ვითარმედ; წყალი წყალი
Line: 12     არს, არამედ იტყჳან სხუად ბუნებად, და გამოსთარგმანებენ თევზსა,
Line: 13     ვითარ სახით იგო მათ ჰნებავს; და კუალად გამოსთარგმანებენ
Line: 14     Page of ms. B: 83R  არსებასა ქუეწარმავალთასა და მჴეცთასა მსგავსად განზრახვათა
Line: 15     მათთა, ვითარცა სახედ სიზმრის-ამჴსნელნი ნებისაებრ
Line: 16     თჳსისა. ხოლო მე, რაჟამს მესმის თივაჲ, თივადვე გულისჴმა-ვყავ;
Line: 17     და მცენარე, თევი * და მჴეცი და პირუტყჳ * ვითარცა ითქუა, ეგრეცა
Line: 18     გულისჴმა-ვჰყოფ. და არცაღა მრცხუენის სახარებისა
Line: 19     ჩუენისაჲ*. დაღაცათუ მრავალთა აღწერეს ხატთათჳს *
Line: 20     ქუეყანისათა, ვითარმედ ბურთჳს სახე არს იგი, გინა თუ ფეშხუენის
Line: 21     სახეო, ყოვლით კვრძოვე მრგუალი, ვითარცა მოხუეწილი რაჲმე,
Line: 22     ანუ თუ ღრმა და მრგუალ შორის მისა (და რომელთა-იგი აღწერეს
Line: 23     სოფლისათჳს, ესევითარსა მიიწინეს განზრახვასა. და თითოეული
Line: 24     მათი დაჰჴსნის თქუმულსა მოყუსისა თჳსისასა): არა თუ
Line: 25     ამისთჳს ვჰგონებ, ვითარმცა იყო. საწუნელ თქუმული ესე ჩუენი *
Line: 26     სოფლისათჳს, ვინაჲთ\გან Page of ms. A: 50R   იგი არა თქუა მოსე, მონამან ღმრთისამან,
Line: 27     ხატთათჳს ქუეყანისათა და არცაღა თქუა, ვითარმედ სივრცე
Line: 28     ქუეყანისაჲ არს ათორმეტი ბევრი უტევანთაჲ, Page of ms. B: 83V  და არცა
Line: 29     განზომა, თუ რაჲზომი ჰაერი ეტევის აჩრდილსა ქუეყანისასა ჟამსა
Line: 30     მზისა მოსლვისასა * ქუეშე-კერძო მისსა, და ვითარ-იგი რაჟამს
Line: 31     მიეახლოს მთოვარე აჩრდილსა ქუეყანისასა, მოაკლდის მას. და
Line: 32     არცაღა რავდენ დადუმნა იგი მისგან, რომელი-იგი უჴმარ ჩუენდა
Line: 33     იყო *, არარად * სარგებელ, ა[მის]თჳს ვჰგონებდით *, ვითარმედ სიტყუანი
Page: 124   Line: 1     სულისა წმიდისანი უადვილეს არიან სიბრძნესა მას განცოფებულთასა?
Line: 2     არამედ ვჰმადლობთ მას, რომელმან-იგი არა უცალო
Line: 3     ქმნა გონებაჲ ჩუენი * ამაოჲთა მით *, არამედ განაგო, რაჲთა
Line: 4     აღიწეროს ესე გონებასა ჩუენსა და სინათლესა სულთა ჩუენთასა.
Line: 5     და ვჰგონებ, ვითარმედ ვერ ცნეს ვიეთმე ესე, და გულს-იდგინეს
Line: 6     მათ *, რაჲთამცა შეცვალეს ჴმაჲ წიგნისაჲ გონებითა მათითა *, ესე
Line: 7     იგი არს, ვითარმცა ვინ ყო თავი თჳსი უბრძნეს სიტყუათა სულისა
Line: 8     წმიდისათა და მიზეზითა თარგმანებისაჲთა შემოიღეს თჳსი იგი.
Line: 9     იცნობენ იგინი * უკუე, ვითარცა დაეწერა *.

Line: 10        გამოიღენ ქუეყანამან სული ცხოველი პირუ\ტყუთაჲ Page of ms. A: 84R  
Line: 11     და მჴეცთაჲ და ქუეწარმავალთაჲ. გულისჴმა-ყავ * სიტყუაჲ *
Line: 12     ღმრთისაჲ მორბედი დაბადებულთა შორის, მაშინ [იწყო]
Line: 13     სა ვიდრე აქამომდის აყოფს და მისწუთების * აღსასრულადმდე,
Line: 14     რაჟამს აღესრულოს სოფელი. და ვითარცა იგი ბურთუსა, რაჟამს
Line: 15     უხეთქნის ვინმე ადგილსა ჩამრეცსა, სიმრგულითა მითცა და ადგილისა
Line: 16     შთამრეცობითა * მძაფრიად შთაგორდის იგი შთამართ *.
Line: 17     ვიდრემდის არა * შეემთხჳის მას ადგილი ვაკე. ეგრეთცა ბუნებაჲ *
Line: 18     არათაჲ ბრძანებითა ერთითა აღიძრნეს არსებად, და განრყუნილებად
Line: 19     გამოვიდიან სწორად შემდგომად თესლთა, და იმარხვიედ
Line: 20     მსგავსებასა მათსა, ვიდრემდის * მიიწიის სრულებად; შექმნის ცხენი
Line: 21     ნაცვალად ცხენისა, და ლომი -- ნაცვალად ლომისა, და ორბი -- ნაცვალად
Line: 22     ორბისა, დაჰმარხავნ * ყოველთა ცხოველთა წარმოჩინებითა
Line: 23     მათითა შემდგომითი-შემდგომად ვიდრე აღსრულებადმდე ყოვლისა.
Line: 24     და არაჲ ჟამისაგანი განჰრყუნის Page of ms. A: 84V   თჳს-თჳსებასა ცხოველთასა,
Line: 25     არამედ რბიან იგინი ჟამთა შინა, ვითარცა სახედ, ახალნი
Line: 26     Page of ms. B: 83V  რაჲმე, რეცა თუ აწღა იქმნნეს იგინი.

Line: 27        გამოიღენ ქუეყანამან სული ცხოველი. ესე ბრძანებაჲ
Line: 28     დაშთა ქუეყანასა ზედა და დაუცადებელად * ჰმსახურებს
Line: 29     იგი დამბადებელსა, რომელიმე იქმნების მათგანი შემდგომითი-შემდგომად
Line: 30     და რომელიმე ვიდრე აქამომდის * ქუეყანისაგან ცხონდების.
Line: 31     რამეთუ არა თუ ჭივჭივნი ოდენ * გამოვლენ წჳმისაგან,
Line: 32     და არცა მრავალნი თესლნი ჰაერთა მფრინვალენი, რომელთა ვერ
Line: 33     სახელ-ედების სიწლოჲსა მათისათჳს, არამედ თაგჳცა და მყუარიცა *
Page: 125   Line: 1     მისგანვე * გამოვლენ. და ეგჳპტეს ქუეყანასა თებაიდაჲსასა. რაჟამს
Line: 2     წჳმის ფრიადი წჳმაჲ ჟამსა სიცხისასა, მყის აღივსნიან ყანანი
Line: 3     თაგჳთა ველურითა. და არცაღა გუელ-თევზი გამოვალს გარნა
Line: 4     უყისაგან, რომლისა-იგი არცა კუერცხისაგან, არცა * სხჳსა რაჲს *
Line: 5     მიზეზისაგან არს შემდგომებაჲ მისი, გარნა ქუეყანისაგან არნ არსებაჲ
Line: 6     მისი.

Line: 7        გამოიღენ ქუეყანამან სულნი. პირუტყუნი ქუეყანისაგან
Line: 8     არიან და ქუეყანად * დამართვე მხედველ, კაცი, მცენარე ზეცისაჲ,
Line: 9     და რავდენცა * Page of ms. B: 85R  განყოფაჲ იგი იქმნა შორის ხატისა მის
Line: 10     დაბადებისა შორის ჴორცთა მისთაჲსა * და შორის დაბადებისა პირუტყუთაჲსა *,
Line: 11     ეგრეთვე არს ფრიადი განყოფაჲ ჴელმწიფებისაჲ შორის
Line: 12     სულისა კაცთაჲსა და შორის სულისა ოთხფერჴთაჲსა, და
Line: 13     ვითარ არს ხატო იგი ოთხფერჴთაჲ? თავი იგი მათი დაღმართ დადრეკილ
Line: 14     არს ქუეყანად მიმართ და მხედვარე * მუცლად მიმართ,
Line: 15     და ეძიებს გემოთა ყოვლით კერძოვე. ხოლო შენი თავი ზეცად მიმართ
Line: 16     ამაღლებულ არს, და თუალნი შენნი ზეაღმართ იხედვენ. და
Line: 17     უკუეთუ შენ ოდესმე შეურაცხ ჰყო თავი თჳსი ვნებითა ჴორცთაჲთა
Line: 18     და ჰმსახურო მუცელსა, და რომელი-იგი ქუეშე-კერძო მუცლისა
Line: 19     არს, მიემსგავსე შენ პირუტყუთა უგუნურთა*. არამედ
Line: 20     ზრუნვაჲ იგი, რომელი ჯერ-არს შენდა, რაჲთა ზესკნელსა
Line: 21     ეძიებდე, სადაცა *-იგი ქრისტე არს*, და იყო გონებითა
Line: 22     შენითა ზედა-კერძო ქუეყანისათა. ვითარცა-იგი დაებეჭდა
Line: 23     ხატი დაბადებისა შენისაჲ. ეგრეთვე ყავ ცხორებაჲ შენი. იყავნ
Line: 24     მოქალაქობაჲ შენი ცათა შინა* Page of ms. A: 51R   და სამკჳდრებელი
Line: 25     შენი * იყავნ Page of ms. B: 85V  იერუსალჱმი ზეცისაჲ; და მოქალაქენი შენნი და
Line: 26     ნათესავნი იყვნედ პირმშონი იგი ზეცისანი*.

Line: 27        და არა იყვნეს სულნი იგი პირუტყუთანი მდებარე ქუეყანასა
Line: 28     შინა და მერმე-ღა გამოჩნდეს, არამედ ბრძანებასა * თანა აღდგეს.
Line: 29     და სული პირუტყუთაჲ ერთ * არს, რამეთუ სამკაული იგი მათი
Line: 30     ერთ არს -- პირუტყუებრი. და ყოველსავე ცხოველთაგანსა აქუს თჳსთჳსებაჲ
Line: 31     მრავალფერი. ზროხაჲ არს კეთილად მოთმინე, ვირი -- გჳან;
Line: 32     ცხენი -- მჴურვალე გულის-თქუმისათჳს დედლისა; მგელი -- უჩუეველ;
Page: 126   Line: 1     მელი -- მზაკუვარ; ირემი -- ჩუკენ; ჯინჭველი -- საქმის-მოყუარე,
Line: 2     ძაღლი -- მადლის მცნობელ და სიყუარულის-მოჴსენე. ვითარცა-იგი
Line: 3     დაებადა თითოეული მათი, მყის მი-ხოლო-იღო თჳსებაჲ იგი ბუნებისა
Line: 4     თჳსისაჲ. ლომსა თანა იშვა გულის-წყრომაჲ და მარტოდ ცხორებაჲ
Line: 5     და არა თანაზიარებაჲ მსგავსთა მისთაჲ *. და არს * ვითარცა
Line: 6     ჴელმწიფე მჴეცთა ზედა და * შეურაცხებისა მისთჳს, რომელ არს
Line: 7     ბუნებასა შინა მისსა, არა დაჯერებულ არს იგი მიმსგავსებად
Line: 8     მრავალთა. Page of ms. B: 86R  და არა * შეიწყნარებს იგი გუშინდელსა ჭამულსა *.
Line: 9     დაღაცათუ მიხუდეს იგი ნაჭმევსა თჳსსა. რომელ-იგი ყო მის თანა
Line: 10     ბუნებამან ჭურჭელი ჴმისაჲ, ვიდრემდის მრავალნიცა ცხოველთაგანნი,
Line: 11     რომელნი უმალეს მისა არიან *, მოინადირნის ჴმითა
Line: 12     თჳსითა ოდენ *. ვეფხი სუბუქ და მახჳლ არს შეცვალებასა მისსა *.
Line: 13     რამეთუ შსეზავებულ არს ჴორცთა შინა მისთა სინოტიე სისუბუქისა *
Line: 14     თანა, და მიუდგნ აღძრვათა სულისა თჳსისათა. დათჳ მძიმე
Line: 15     არს ბუნებით და მარტომყოფ * და მზაკუვარ გონებითა. და მსგავს
Line: 16     არს იგი მოსიერსა, და ჴორცნი მისნი მძიმე არიან და განყინებულ
Line: 17     და უძრავ.

Line: 18        უკუეთუ შეუდგეთ თქუმულთა, მრავალი ვიხილოთ პირუტყუთა *
Line: 19     ამათ შინა მოღუაწებაჲ ბუნებითი ცხორებისა მათისათჳს
Line: 20     თჳნიერ სწავლისა; და ესე, ანუ ფრიად განკრძალვისა თქუენისათჳს *
Line: 21     და ცხორებისა ჩუენისათჳს *, ანუ დაშჯისა ჩუენისათჳს, რაჟამს ვიპოვნეთ
Line: 22     უნაკლულევანეს პირუტყუთა. დათჳ, რაჟამს ფიცხლად მოიწყლის,
Line: 23     ჰკურნებნ თავსა თჳსსა Page of ms. A: 51V   მდელოჲთა, რომელსა ჰრქჳან
Line: 24     ფლომნ\ოს Page of ms. B: 86V  (რამეთუ ბუნებაჲ მისი ჴმელ არს), და გამოტენის მით
Line: 25     წყლული იგი თჳსი და განიკურნის. და მელი იკურნებნ ფისითა
Line: 26     ფიჭჳსაჲთა. და კუვი, რაჟამს განძღის ჴორცითა იქედნისაჲთა, ჭამის
Line: 27     ქონდარი ველური და განერის ვნებისაგან წამლისა * მის მაკუდინებელისა.
Line: 28     და გუელთა განიკურნიან სიბრყჳლე * თუალთა თჳსთაჲ,
Line: 29     რაჟამს * ძოვიან * კამაჲ.

Line: 30        და წინაჲსწარ ცნობაჲ ცხოველთაჲ ჰაერთა შეცვალებისათჳს
Line: 31     ვითარ არა უაღრეს * არს გულისჴმის-ყოფასა პირმეტყუელთასა *?
Line: 32     ვინაჲთგან-იგი ცხოვარმან, რაჟამს მოეახლის ზამთარი, ფრიად ჭამის,
Page: 127   Line: 1     რეცა თუ საგზლად მოსალოდებელისა მის მოკლებისა. და
Line: 2     ზროხაჲ, რაჟამს დაწვის ჟამსა ზამთრისასა, დაყოვნის წოლასა
Line: 3     მას *, და რაჟამს აგრძნის ბუნებით ჟამი გაზაფხულისაჲ, ყოველნივე
Line: 4     ველად მიმართ იხედვედ ბოსლით გამო და ჰნებავნ განსლვაჲ გარე.
Line: 5     და გამომეძიებელმან ვინმე იხილა, რამეთუ გრძღაბმან ჴმელისამან *
Line: 6     ორი კარი უყვის ჴურელსა თჳსსა, და რაჟამს მოჰბერის ქარმან
Line: 7     ჩრდილოჲსამან, დაყვის ჩრდილო\ჲთ Page of ms. B: 87R  კერძი იგი ჴურელი,
Line: 8     და რაჟამს სამხრით კერძომან მოჰბერის, დაყვის * სამხრით კერძოჲ
Line: 9     იგი.

Line: 10        და რასა-მე აჩუენებედ ამით კაცთა? არა თუ ღმრთისა მოღუაწებასა
Line: 11     ოდენ, რომელი-იგი არს ყოველთა შორის, არამედ, ვითარმედ
Line: 12     პირუტყუთაცა აქუს გრძნობაჲ მომავალისაჲ, რაჲთა ჩუენცა
Line: 13     არა ხოლო თუ წინამდებარესა ამას მივხედოთ, არამედ იყოს
Line: 14     სწრაფაჲ ჩუენი * ჟამისა მისთჳს მომავალისა. არა ისწრაფოა თავისა
Line: 15     თჳსისათჳს, ჵ კაცო? არა წინაჲსწარ დაიუნჯოა ჟამსა ამას განსუენებაჲ
Line: 16     იგი საუკუნოჲ? მიჰხედე შენ საქმესა ჯინჭვლისასა *, რომელმან-იგი
Line: 17     დაიუნჯის თავისა თჳსისათჳს ზაფხულის საზრდელი
Line: 18     ზამთრისაჲ და დაღათუ * არღა მოწევნულ არნ ზამთარი; და მისთჳსმცა *
Line: 19     დაჲცადაა ჟამი შეკრებისაჲ? არამედ ასწრაფებნ იგი თავსა *
Line: 20     თჳსსა საქმისათჳს * დაუცა\დებელად, Page of ms. A: 52R   ვიდრემდის შეიკრიბის
Line: 21     თავისა თჳსისა * საჴმარი *, რომელი კმა-ეყოფონ საუნჯესა თჳსსა.
Line: 22     და ესე არა უდებებით, არამედ ღონის-ძიებითა სიბრძნისაჲთა,
Line: 23     რაჲთა დაშთეს საჭმელი იგი მისი Page of ms. B: 87V  მრავალ ჟამ. და ესე, რამეთუ
Line: 24     განკუეთის მარცუალი * ორად, რაჲთა არა გამოიღოს ჯეჯლი
Line: 25     და გან-მცა-ერყუნა საჭმელი იგი მისი. და აგრძნის დასოვლებაჲ
Line: 26     იგი მისი და განაჴმის იგი, და არავე * ყოველსა ჟამსა გამოიღის
Line: 27     იგი საჴმობლად, არამედ რაჟამს შეაცნის ჰაერისა სიწმიდე. და არავინ
Line: 28     კაცთაგანმან იხილის ღრუბელთაგან წჳმაჲ, გარდამომდინარე ჟამსა
Line: 29     მას, რომელსა აჴმობნ ჯინჭველი საჭმელსა თჳსსა.

Line: 30        რომელი სიტყუაჲ მისწუთეს? ანუ რომელმან სასმენელმან დაიტიოს?
Line: 31     ანუ რომელო ჟამი კმა-ეყოს. რომელსამცა შინა ვიტყოდეთ *
Line: 32     და ვაუწყებდით საკჳრველებათა შემოქმედისათა?! ვიტყოდით
Line: 33     ჩუენცა წინაწარმეტყუელისა თანა: რამეთუ დიდ არიან საქმენი
Page: 128   Line: 1     შენნი, უფალო,და ყოველივე სიბრძნით ჰქმენ*.
Line: 2     აწ უკუე არა კმა-არს ჩუენდა განმართლებად, ვითარმედ ვერ გჳსწავიეს
Line: 3     წიგნისაგან სარგებელი ჩუენი, ვინაჲთგან გჳცნობიეს სარგებელი
Line: 4     კეთილისაჲ სჯულითა ბუნებისაჲთა თჳნიერ სწავლულებისა.
Line: 5     იცი შენ კეთილის-ყოფაჲ მახლობელისა შენისაჲ? რამეთუ გნებავს
Line: 6     შენ, რაჲთა გეყოს * შენ სხჳსაგან *. იცი შენ სხჳსაგან * ბოროტი?
Line: 7     Page of ms. B: 88R  რამეთუ იგი არს, რომელი-იგი არა გნებავს შენ, რაჲთამცა
Line: 8     გეყო შენ სხჳსაგან *. არა პოვეს * პირუტყუთა სარგებელი მისაგებელისაჲ *
Line: 9     თივათა შესაქმისაგან, და არცა გამოძიებითა ძირთაჲთა *,
Line: 10     არამედ თითოეული * ცხოველთაგანი ბუნებით არს მომგებელ ჴსნისა
Line: 11     თჳსისა და ძრვაჲ ბუნებითი მიუთხრობელი *.

Line: 12        და ჩუენ შორისცა არიან სათნოებანი ბუნებით, რამეთუ
Line: 13     აღძრვაჲ სულისაჲ არა სწავლითა კაცთაჲთა არს, არამედ * ბუნებისაგან,
Line: 14     ვითარცა-იგი სახედ, არა თუ სიტყუაჲ რაჲმე გუასწავებს
Line: 15     სიძულილსა სალმობისასა, არამედ არს * ჩუენ შორის რიდობაჲ
Line: 16     მომაგონებელისაჲ; ეგრეთვო სულსა შინა არს მორიდებაჲ ბოროტისაგან
Line: 17     თჳნიერ სწავლისა. და ბოროტი ყოველი არს შენი სულისაჲ,
Line: 18     და საზღვარი სათნოებისაი არს სოცოც\ხლე Page of ms. A: 52V   სულისაჲ.
Line: 19     კეთილად ვიეთმე განაჩინეს სიცოცხლე, ვითარმედ სიმტკიცე არს
Line: 20     იგი საქმეთა ბუნებითთაჲ *. და უკუეთუ სთქუა ესე სოცოცხლისათჳს
Line: 21     სულისა, არა შესცთე შენ ჯეროვნებისა მისგან *. არამედ
Line: 22     სულსა გული უთქუამს ამისთჳს, რომელი-იგი ბუნებასა შინა მისსა
Line: 23     არს თჳნიერ ს\წავლისა. Page of ms. B: 88V  ამისთჳს სიწმიდე ქებულ არს ყოველთა
Line: 24     წინაშე, და სამართალი შეწყნარებულ, და სიმჴნე საკჳრველ და სიბრძნე
Line: 25     საყუარელ, რომელ-ესე არიან * სულისა სიცოცხლე უფროჲს,
Line: 26     ვიდრე ჴორცთაჲსა.

Line: 27        შვილთა გიყუარდედ მამა-დედანი თჳსნი, და მამა-დედანი
Line: 28     ნუ განურისხდებით * შვილთა თჳსთა **.
Line: 29     ნუუკუე ბუნებაჲ არა ამასვე * იტყჳსა? და * პავლე, არა თუ ახალსა
Line: 30     რასმე იტყჳს, არამედ განამტკიცებს საკრველთა ბუნებისათა. ძუსა
Page: 129   Line: 1     ლომსა უყუარან ლეკუნი თჳსნი; მგელი ჰბრძავნ შვილთა * თჳსთათჳს,
Line: 2     რაჲ თქუას კაცმან, რაჟამს ურჩ ექმნეს * მცნებასა და შეურაცხ-ყოს
Line: 3     ბუნებაჲ, რაჟამს ძე შეურაცხ-ჰყოფდეს სიბერესა მამისა თჳსისასა,
Line: 4     ანუ თუ მამაჲ მეორითა ქორწინებითაა დაივიწყბდეს პირველთა
Line: 5     მათ შვილთა თჳსთა? რავდენ * დიდ არს სიყუარული პირუტყუთაჲ
Line: 6     მშობელთაჲ შვილთა მიმართ თჳსთა * და შვილთაჲ მშობელთა მიმართ,
Line: 7     რამეთუ ღმერთმან დამბადებელმან Page of ms. B: 89R  დაკლებაჲ * იგი მეტყუელებისაჲ
Line: 8     მათგან შესძინა და ნუგეშინის-სცა ფრიად გრძნობითა *
Line: 9     მათითა. ვინაჲ სიმრავლესა შინა საცხოვართასა, რაჟამს განვარდიოს
Line: 10     ტაგირი კოლტისა მისგან, იცნის ჴმაჲ დედისა თჳსისაჲ
Line: 11     და * მივიდის მისა და ეძიებნ გამომადინებელთა სძისათა? და უკუეთუ
Line: 12     მკოდვად * პოვის ძუძუჲ დედისა თჳსისაჲ, კმა ეყვის იგი, და
Line: 13     დაუტევის სხუანი ძუძუნი სავსენი კარაქითა. და ეგრეთვე დედამან
Line: 14     მანჳ ტარიგისამან მრაბალთა ტარიგთა შორის იცნის ჴმაჲ მისი.
Line: 15     ფერი მათ ყოველთაჲ * ერთ არს და სულნელებაჲ ერთ მსგავსად
Line: 16     ყნოსისა ჩუენისა, არამედ აქუს მათ გრძნობაჲ უმახჳლესი * გრძნობისა
Line: 17     ჩუენისაჲ, რომლითა იცნის თოთოეულმან მათგანმან თჳსი იგი
Line: 18     თჳსება *.

Line: 19        ძაღლსა * ჯერეთ არღა ამოსრულ * არიედ კბილნი მისნი და
Line: 20     პირითა უნებნ, რაჲთამცა შურ-იგი მავნებელთა მისთაგან. Page of ms. A: 53R  
Line: 21     რქანი ჴბოჲსანი არღა აღმოსრულ არიედ და იცინ სადა-იგი აღმოსლვად
Line: 22     არს საჭურველი თჳსი *. Page of ms. B: 89V  და ესე მოჲსწავებს, ვითარმედ
Line: 23     ყოველნივე გონებანი უსწავლელ არიან და არარაჲ არს არსთა
Line: 24     შორის უნდო და არცა განუსაზღვრებელ, არამედ ყოველთავე მოაქუს
Line: 25     სასწაული სიბრძნისა შემოქმედისაჲ. და აჩუენებედ თავთა
Line: 26     შინა თჳსთა, ვითარმედ დაბადებულ არიან იგინი განმზადებულად
Line: 27     მცველად ჴსნისა მისისა *.

Line: 28        ძაღლი უსიტყუელ არს, არამედ აქუს მას გრძნობაჲ, რომელი,
Line: 29     შეეტყუების ძალსა სიტყჳსასა. რამეთუ რომელსა-იგი ვერ ჰპოებენ *
Line: 30     ბრძენნი ქუეყანისანი ძნიად, ფრიად მოცალებითა თჳსითა,
Line: 31     ვიტყჳ შეთხზ ულებითა * განზრახვისა * მათისაჲთა *, ამას აჩუენებნ *
Line: 32     ძაღლი განსწავლული ბუნებისაგან თჳსისა, რამეთუ ეძიებნ
Page: 130   Line: 1     იგი კუალსა ნადირისასა და, რაჟამს პოვის კუალი მისი ფრიად
Line: 2     ზღლარკნით *, მოისუნის ადგილი იგი, და რეცა თუ ზრახავნ ჴმითა
Line: 3     განზრახვისაჲთა *, რომელსა-იგი ჰყეფნ *, და აუწყის, ვითარმედ:
Line: 4     აქაჲთ წარსრულ არს ნადირი იგი, გინა იქით, გინა თუ აქაჲთ კერძო,
Line: 5     გინა თუ არცა იქით და არცა აქაჲთ *. აწ უკუე არაჲთ სამე ჰმატან
Line: 6     ძაღლთა *! Page of ms. B: 90R  და მერმე ვითარმცა თქუა, ვითარმედ სხუაჲცა
Line: 7     რომელიმე კერძოჲ გამოვიძიოთ, და ესრეთ განქარვებითა ნატყუართა *
Line: 8     მათ კუალთაჲთა * პოვის ჭეშმარიტი, რაჲსა * უკუე * უმეტესსა
Line: 9     და უფროჲს ამისსა იქმან *, რომელნი-იგი სხენან მარილოვნად
Line: 10     და წერენ მიწასა ზედა და შეურაცხ ჰყოფენ ორთა მათ წინამდებარეთა
Line: 11     სიტყუათა და მესამესა * სიტყუასა შინა ჰპოებენ *
Line: 12     სამართალსა?

Line: 13        ხოლო კეთილის-მოჴსენებაჲ ცხოველისაჲ მის *. ვითარ არა
Line: 14     არცხუენს უმადლოთა მათ კეთილის-მყოფელთა მათ * თჳსთა მიმიმართ?
Line: 15     და მრავალნი ძაღლნი იჴსენებიან, ვითარმედ მოწყდეს *
Line: 16     იგინი უდაბნოსა ზედა მოკლულთა უფალთა თჳსთა ზედა *. და
Line: 17     კუალად მრავალნი ძაღლთაგანნი * მჴურვალედ შეხლდომისა მათისათჳს
Line: 18     იქმნნეს მომასწავებელ კაცის-მკლველთა მათ და მისცნეს
Line: 19     ავაზაკნი იგი დასასჯელად *. რაჲმე თქუან რომელთა-იგი არა უყუარს
Line: 20     დამბადებელი ღმერთი * და არცა მზრდელი, იგი უფალი
Line: 21     თჳსი *, არამედ მოიგებენ იგინი მეგობრად მათ, Page of ms. A: 53V   რომელნი ზრახვენ
Line: 22     ღმრთისათჳს უმსჯავროდ *, და ეზიარებიან * იგინი ტაბლათა
Line: 23     მათთა და თჳთ ჭამასაცა შინა თავს-ი\დებედ Page of ms. B: 90V  გმობასა მომცემელისა
Line: 24     თჳსისა ზედა.

Line: 25        არამედ მოვიდეთ კუალად * ხილვასა დაბადებულთასა. ყოველი,
Line: 26     რომელი ფრიად * მოინადირების ცხოველთაგანი, ფრიადცა
Line: 27     იშვების. ამისთჳს ყურდგელნი მრავლად მშობელ არიან და თხანი
Line: 28     ველურნი და არნნი შობენ * ტყუბთა, რაჲთა არა წარწყმდეს ნათესავი
Line: 29     იგი მათი ჴორცის-მჭამელთა მათ მიერ. ხოლო სხუათა
Page: 131   Line: 1     განმრყუნელნი იგი მცირედ მშობელ არიან. რამეთუ ერთსა ლომსა
Line: 2     ძნიად უვინ * ძუვი დედად *, რამეთუ სიფიცხლითა ფრცხილთა * მისთაჲთა
Line: 3     განაპის საშოჲ და ეგრეთ გამოვიდის, ვითარ-იგი იტყჳან.
Line: 4     და ეგრეთვე ასპიტი შესჭამს * გუერდთა დედისა თჳსისათა * და ეგრეთ
Line: 5     გამოვალს და მიაგის დედასა * მისაგებელი ღირსი მისი. არარაჲ
Line: 6     არს არსთაგანი უღუაწად * და განუგებელად *. რომელი მას
Line: 7     შეეტყუების.

Line: 8        და * უკუეთუ გამოიწულილო შენ ასოთა შინა ცხოველთაჲსა,
Line: 9     ჰპოვო *. რამეთუ დამბადებელსა არა\რაჲ Page of ms. B: 91R  დაუკლებიეს და არცა
Line: 10     შეუმატებიეს საჴმარსა მას *. მოსცნა ჴორცის-მჭამელთა მათ ცხოველთა
Line: 11     კბილნი მახჳლნი, რამეთუ საჴმარ იყვნეს მათდა * ეგევითარნი
Line: 12     საჭმლისა მისთჳს. და რომელთა-იგი საჭმელად აქუ[ა]ნ *
Line: 13     კბილსი უსუსურნი, უქმნა მათ მრავალი * ჭურჭელი * სამალავად
Line: 14     საჭმლისა. და რავდენ პირველითგანვე ვერ დააწულილის საზრდელი
Line: 15     თჳსი, მისცა მას ღმერთმან, რაჲთა კუალად აღმოიღოს, რომელი-იგი
Line: 16     შთაუნთქამნ, ვიდრემდის * დალბეს იგი აღმოცოხნითა მით
Line: 17     და იქმნეს საზრდელი საჴმარ. ამისთჳს არა ცუდად იქმნა ცხოველთათჳს,
Line: 18     რომელთა აქუს სტომაქებ და იჴუანჩებ და ქუსეტებ,
Line: 19     ყოველივე აღმასრულებელად საჴმრისა თჳსისა. ყელი აქლემისაჲ
Line: 20     გრძელ არს *, რაჲთა ჩასწუთებოდის ფერჴთა თჳსთა ძოვნად თივისა
Line: 21     მცენარისა *. ყელი დათჳსაჲ მოკლე და შთასუმულ შორის
Line: 22     მჴართა მისთა, და ლომისაჲ და ავაზისაჲ ეგრეთვე და ყოველი,
Line: 23     რომელი მსგავსი მათი არს, Page of ms. A: 54R   რამეთუ არა ძოვენ იგინი ქუეყანასა
Line: 24     ზედა, არამედ კმა იყოფენ იგინი * ნადირთა
Line: 25     ცხოველთაგან.

Line: 26        რად * საჴმარ არს პილოჲსა ნიჩური იგი *? რამეთუ ცხოველი
Line: 27     ესე დიდ არს და მაღალ შორის მჴეცთა * ქუეყანისათა და განსაკრთობელ *
Line: 28     სახილველად, და ამისთჳს უნდა * სიდიდე ჴორცთაჲ.
Line: 29     რამეთუ * უკუეთუმცა მიცემულ იყო მისა სიგრძოჲ * ყელისაჲ
Line: 30     მსგავსად ფერჴთა მისთა, ვერმცა ვიდრემე შესაძლებელ იყო დამჭირვაჲ
Line: 31     მისი * და მი-მცა-დრკებოდა იგი ქუეყანად მიმართ
Page: 132   Line: 1     სიმძიმითა თჳსითა *. არამედ თავი მისი დამოჰკიდავს მცირედთაზურგის-ძუალთა,
Line: 2     და ნიჩურნი იგი მისნი * არიან აღმასრულებელ
Line: 3     საჴმარებისა ყელისა მისისა. და მით მიოღებს საჭმელსა თჳსა და
Line: 4     სასუმელსა. და ფერჴნი მისნი არიან ვითარცა სუეტნი თჳნიერ
Line: 5     გარდასაჴსნელთა *, და იტჳრთვენ სიმძიმესა მას მისსა. და უკუეთუმცა
Line: 6     იყვნეს ფერჴნი იგი მისნი ლბილ და ნედლ, ჰბრკოლდებოდამცა *
Line: 7     იგი მარადის და ვერმცა თავს-იდებდეს Page of ms. B: 92R  სიმძიმესა,
Line: 8     არამედ არა აქუს * მას, გარნა მცირე ბრჭალი. ხოლო მუჴლნი არა
Line: 9     ასხენ, რამეთუ ვერ იტჳრთვიდეს სიზრქესა ჴორცთა მისთასა, რამეთუ
Line: 10     მუჴლი მრგუალ არს და მსხლეტარე და დაჴსნილ და მძრწოლარე *.
Line: 11     ამისთჳს საჴმარ იყო მისა ნიჩური იგი გრძელი საზომად
Line: 12     ფერჴთა. არა ხედავა *, რამეთუ არიან იგინი ბრძოლასა შინა ვითარცა
Line: 13     კოშკნი მშუმინვიერნი * წინაშე პირსა ბანაკისასა, ანუ ვითარცა
Line: 14     ბორცუნი ჴორციელნი, საშინელ არს * ზედა-მისლვაჲ იგი
Line: 15     მათი, და განაბნიიან * ბანაკი იგი მტერთაჲ? და უკუეთუმცა
Line: 16     ფერჴნი იგი არა შეეტყუებოდეს ჴორცთა მისთა, არამცა ცხონდა
Line: 17     ცხოველი იგი, გარნა მცირედ ოდენ. არამედ იტყჳან, ვითარმედ
Line: 18     ოცდაათ წელ ცხოვნდებიან * იგინი და * უფროჲსცა ამისა *. ამისთჳს
Line: 19     ფერჴნი იგი მისნი არიან მყარ და უმუჴლო. და ნიჩური
Line: 20     იგი მისი, ვითარცა ვთქუ, ქუეჲთ აღმართ მოჲწევს მისა საჭმელსა;
Line: 21     და ნიჩური იგი არს, ვითარცა სახედ, გუელი, ლბილ ბუნებით. Page of ms. B: 92V 
Line: 22     აწ უკუე თქუმული იგი ჭეშმარიტ არს, რომელსა იტყჳს: არარაჲ
Line: 23     იპოვების დაბადებულთა შინა ნა\მეტაობაჲ Page of ms. A: 54V   გინა ნაკლულევანებაჲ.
Line: 24     და ცხოველი ესე, რომელი ესრეთ დიდ არს, მოგუცა ჩუენ
Line: 25     ღმერთმან, ვიდრემდის განისწავლის იგი და გულისჴმა-ყვის და
Line: 26     იგუემის, ხოლო მან თავს-იდვის და გუასწავებს ჩუენ ჭეშმარიტად,
Line: 27     ვითარმედ ყოველივე დაუმორჩილებიეს ქუეშე ფერჴთა ჩუენთა, რამეთუ
Line: 28     შეგუქმნნა ჩუენ ხატად თჳსად * დამბადებელმან.

Line: 29        და არა დიდთა ცხოველთაგან ოდენ ჯერ-არს ჩუენდა, რაჲთამცა
Line: 30     დაგჳკჳრდა სიბრძნისათჳს დამბადებელისა, არამედ მცირეთაგანცა
Line: 31     შევიკრიბოთ საკჳრველებაჲ არა უმცირეს * პირველთასა
Line: 32     მას, ვითარცა რაჲ *-იგი არა დიდთა მათ მთათაჲ ოდენ გჳკჳრს,
Line: 33     რომელთანი იგი მწუერვალნი მახლობელობითა ღრუბელთაჲთა მარადის
Line: 34     ჰმარხვენ ზამთარსა, არამედ ჴევროვანთაცა ღრმათა, რომელნი
Page: 133   Line: 1     არიან უქარო და ტფილ. ეგრეთვე დაბადებასა შინა ცხოველთასა
Line: 2     არა მიკჳრს სიდიდე პი\ლოჲსაჲ Page of ms. B: 93R  ოდენ, არამედ თჳთ *
Line: 3     თაგჳსაგანცა, რომელი არს სასინელ პილოჲსა, და სიმწულილისაგანცა *
Line: 4     ღრიაკალთა ისრისა, ვითარ-იგი გამოაღრუვა * შემოქმედმან *
Line: 5     ვითარცა სტჳრი, რაჲთა მუნით დასთხევდეს გესლსა თჳსსა კბენილთა
Line: 6     მათ ზედა მისგან.

Line: 7        და ნუ ვინ აბრალებნ ამისთჳს დამბადებელსა, ვითარმედ შექმნნა *
Line: 8     ცხოველნი მაკუდინებელნი და განმრყუნელნი და მბრძოლნი
Line: 9     ცხორებისა ჩუენისანი. და უკუეთუ არა აბრალებ * მასწავლელსაცა,
Line: 10     რომელმან-იგი განსწავლის და განაგის * დაუტევნელობაჲ ყრმათაჲ
Line: 11     და გუემითა განწმიდნის არაღირსნი იგი. მჴეცნი არიან გამოსაცდელად
Line: 12     სარწმუნოებისა, უკუეთუ გაქუნდეს შენ სარწმუნოებაჲ უფლისა
Line: 13     მიმართ, ასპიტსა და იქედნესა * ზედა ხჳდოდი, და
Line: 14     დასთრგუნო შენ ლომი და ვეშაპი*. და გაქუნდეს * ჴელმწიფებაჲ
Line: 15     სარწმუნოებით, რაჲთა დასთრგუნვიდე გუელთა და
Line: 16     ღრიაკალთა. არა ხედავა პავლეს, რაჟამს-იგი მიიღებდა შეშასა,
Line: 17     დაეკი\და Page of ms. B: 93V  მას იქედნე, ვითარ-იგი ვერარაჲ ავნო მას, რამეთუ
Line: 18     წმიდაჲ იგი სავსე იყო სარწმუნოებითა?* და უკუეთუ ურწმუნოჲ
Line: 19     ხარ, გეშინოდენ ურწმუნოებისა მისთჳს * უფროჲს მჴეცისა, რომელმან-იგი
Line: 20     გყო შენ მონადირებულ * ყოვლისაგან განრყუნილებისა.

Line: 21        Page of ms. A: 55R   არამედ ვაგრძნობ, ვითარმედ ითხოვების ჩემგან ადრითგან,
Line: 22     რაჲთამცა ვიტყოდე * დაბადებისათჳს კაცისა და რეცა თუ
Line: 23     მესმის, რამეთუ გულნი მსმენელთანი აბრალებენ და ყივიან *, ვითარმედ,
Line: 24     რომელი-იგი ჩუენი არს, გჳსწავიეს მისთჳს *, რაჲ ბუნებაჲ *
Line: 25     არს, ხოლო თავნი თჳსნი არა ვიცნით *. და ჯერ-არს ჩუენდა თქუმად
Line: 26     და განგდებად ჩუენგან შიში, რომელ არს ჩუენ შორის. ჭეშმარიტად
Line: 27     შეჰგავს. რაჲთა უძნელე იყოს ყოვლისა ცნობაჲ თავისა
Line: 28     თჳსისაჲ. რამეთუ არა თუ თუალი ოდენ ხედავს * ყოველსა გარეშესა
Line: 29     და მას ვერ ჰხედავს, არამედ თჳთ გონებაჲცა ჩუენი ჰხედავს
Line: 30     ცოდვასა სხჳსასა და * თჳთ გჳან არს * ცნობად ნაკლულევანებათათჳს *
Line: 31     თავისა თჳსისათა. ამისთჳს აწცა თქუმული სწრა\ფით Page of ms. B: 94R 
Line: 32     მიიწია სხჳსა ზედა და თჳთ გჳან არს და სავსე სიცონილითა გამოძიებისათჳს
Page: 134   Line: 1     თავისა თჳსისა, და არა ცით, არცა * ქუეყანით
Line: 2     ოდენ, არამედ ჩუენითაცა დაბადებულობითა *, რაჟამს ვინმე გამოწულილვით
Line: 3     გულისჴმა-ყოს თავი თჳსი, ვითარცა იტყჳს წინაწარმეტყუელი:
Line: 4     საკჳრველ იქმნა ცნობაჲ შენი ჩუენგან **,
Line: 5     ესე იგი არს, რომელ * გამოვიკულიეთ * თავი თჳსი, ვისწავე სიმრავლე
Line: 6     სიბრძნისა შენისაჲ.

Line: 7        და თქუა ღმერთმან: ვქმნეთ კაცი*. სადა არს აწ *
Line: 8     ჰურიაჲ, რომელი-იგი უარ-ჰყოფდა * პირველ ჭეშმარიტებისა მეორისა
Line: 9     მისთჳს პირისა, რომელი-იგი ჩნდა, ვითარცა სახედ, სარკუმელთაგან
Line: 10     ნათლისათა სიტყჳთა საღმრთოჲთა და არღა * გამოჩინებულ
Line: 11     იყო *, არამედ იტყოდა ჰურიაჲ იგი, ვითარმედ თჳთ ღმერთი ეტყოდა
Line: 12     თავსა თჳსსა? და მან თქუა და მან ყო. თქუა: იყავნ ნათელი,
Line: 13     და იყო ნათელი. მაშინცა წინავე იდვა მხილებაჲ სიტყჳსა
Line: 14     მათისაჲ. რომელმან მჭედელმან, ანუ რომელმან ხურომან, ანუ
Line: 15     რომელმან მეჴამლემან, ზინ Page of ms. B: 94V  რაჲ იგი მარტოჲ ჭურჭერთა ზედა
Line: 16     ჴელთ-საქმარისათა, და არავინ სხუაჲ იქმნ მის თანა, და ეტყოდამცა
Line: 17     იგი თავსა თჳსსა: ვქმნეთ დანაკი, ანუ აღვაგოთ საჴნველი,
Line: 18     ანუ შევკერნეთ მოგუნი? და არა უფროჲს აღასრულოს საჴმარი იგი
Line: 19     უსიტყუელად და სულის-ღებით *? ესე სიტყუანი არიან ცუდნი,
Line: 20     ვინაჲთგან მთავარი და ჴელმწიფე Page of ms. A: 55V   ბრძანებით ასწრაფებდეს
Line: 21     თავსა თჳსსა, არამედ რომელთა-იგი არა სცონოდა * ცილის-წამებად
Line: 22     ღმრთისა, რაჲ-მე არა თქუან, ვინაჲთგან ჰქონან მათ ენანი
Line: 23     განშიშულებულნი ტყუვილისათჳს? არამედ ჴმაჲ ესე წინამდებარე
Line: 24     დაუყოფს მათ * პირთა მათთა. და თქუა ღმერთმან: ვქმნეთ
Line: 25     კაცი. მითხარ-ღა შენ, ერთი პირი არსა აქა? რამეთუ არა დაიწერა,
Line: 26     ვითარმედ `იყავნ კაცი'. არამედ `ვქმნეთ კაცი'. რაჟამსიგი
Line: 27     არა იყო მოსწავლე, იყო სიტყუაჲ იგი ღშრთეებისათჳს დაფარულ
Line: 28     სიღრმესა შინა. და რაჟამს იქმნა სასოებაჲ არსებისა კაცისაჲ,
Line: 29     განცხადნა Page of ms. B: 95R  სარწმუნოებაჲ და განბრწყინდა ზრახვაჲ ჭეშმარიტი.
Line: 30     ვქმნეთ კაცი. არა გესმისა, მბრძოლო ქრისტესო, რამეთუ
Line: 31     იტყჳს იგი მის თანავე დამბადებელსა, რომელმან მის
Line: 32     თანა დაჰბადნა საუკუნენი, რომელსა-იგი უტჳრთავს
Line: 33     ყოველი ძლიერებითა სიტყჳსა მისისაჲთა*?

Page: 135  

Line: 1        არამედ არა შეიწყნარებს სიტყუათა სარწმუნოებისათა ყუდროებით,
Line: 2     რაჲთა * ვითარცა კაცის-მოძულე მჴეცი, რაჟამს შეეყენოს
Line: 3     მახესა, იბრდღუენნ მახეთა მათ ზედა და აჩუენებნ * სიბოროტესა
Line: 4     ბუნებისა თჳსისასა, ხოლო განრინებად ვერ შემძლებელ არნ; ესრეთცა
Line: 5     მტერნი ჭეშმარიტებისანი, ნათესავი ჰურიათაჲ, რაჟამს შეიწრდიან,
Line: 6     თქჳან, ვითარმედ; მრავალ არიან პირნი, რომელთა მიმართ
Line: 7     მიიწია სიტყუაჲ ღმრთისაჲ. და რომელი-იგი თქუა, ვქმნეთ კაცი,
Line: 8     ანგელოზთა მიმართ თქუაო. ესე ჰურიაებრი გამოსახვაჲ არს, ესე
Line: 9     ზრახვანი არიან ამაოებისა მათისანი *! ერთსა არა შეიწყნარებენ და
Line: 10     ბევრთა შემოიხუმენ, უვარ-ჰყოფენ ძესა და აჩემებენ პატივსა ზრახვისა
Line: 11     Page of ms. B: 95V  უფლისასა მონათა; და რომელნი ჩუენ თანა მონა არიან,
Line: 12     ჰყოფენ მათ უფალ დაბადებისა ჩუენისა. კაცი, რაჟამს სრულ იქმნის,
Line: 13     მიიწიის პატივსა ანგელოზთასა. რომელი დაბადებული შემძლებელ
Line: 14     არს მიწდომად * დამბადებელისა?

Line: 15        იხილე შემდგომი სიტყჳსაჲ *! ვქმნეთ კაცი ხატად ჩუენდაო.
Line: 16     რასა იტყჳს ამისთჳს? ნუუკუე ხატი ღმრთისაჲ და ანგელოზთაჲ
Line: 17     ერთ არსა? არამედ ხატი მამისაჲ და ძისაჲ ერთ არს
Line: 18     თჳნიერ ყოვლისა ცილობისა, საცნაური, რომლითა-იგი შეჰგავს
Line: 19     ღმრთეებასა, არა თუ ხატითა ჴორციელითა, Page of ms. A: 56R   არამედ თჳსებითა
Line: 20     ღმრთეებისაჲთა. ისმინე შენცა, რომელი-ეგე ხარ ახლის-მეტყუელთაგანი,
Line: 21     რომელი განადიდებ ჰურიაებასა ხატითა ქრისტეანობისაჲთა.
Line: 22     ვის იტყჳს * მსგავს ჩუენდაო? ვის სხუასა, გარნა მას,
Line: 23     რომელი-იგი არს ბრწყინვალებაჲ დიდებისაჲ და
Line: 24     ხატი გუამისა მისისაჲ*; რომელი-იგი არს ხატი უხილავისა
Line: 25     ღმრთისაჲ*. არამედ * იტყჳს სამე უკუე *, "ვქმნეთ
Line: 26     კაცი ხატად ჩუენდაო", ხატსა მას თჳსსა ცხოველსა, რომელმან-იგი
Line: 27     თქუა: მე და მამაჲ ერთ ვართ*; Page of ms. B: 96R  და: რომელმან
Line: 28     მიხილა მე, იხილა მამაჲ ჩემი **. სადა ხატი ერთ არსო *,
Line: 29     მუნ არა * არს ცვალებაჲ *.

Line: 30        და ქმნა ღმერთმან კაცი*. და არა თქუა: `და *
Line: 31     ქმნესო', მოჰრიდებს აქა სიტყუაჲ სიმრავლესა პირთასა. და ამით
Line: 32     განსწავლის * ჰურიათა, და მეორითა დაჰჴსნის წარმართობასა *, და
Page: 136   Line: 1     ამით დაიწერა წარმართთა ზედა *, მიევედრა * ერთობასა, რაჲთა
Line: 2     გულისჴმა-ჰყო ძე მამისა თანა და განერე წარწყმედისაგან მრავალ
Line: 3     ღმრთეებისა *.

Line: 4        ხატად ღმრთისა შექმნა *. შემოიღო კუალად პირი შემწე და
Line: 5     არა თქუა: ხატად მისა, არამედ ხატად ღმრთისა. და კუალად
Line: 6     ვთქუათ მომავალსა მას. ვითარ-იგი არს კაცი ხატად ღმრთისა და
Line: 7     ვითარ იქმნის მსგავს მისა. ხოლო აწ ითქუმის, უკუეთუ ხატი ერთი
Line: 8     არს, ვინაჲ მიიწიე შენ უღმრთოებასა ამას, ვერ დასათმობელსა,
Line: 9     ვითარმცა სთქუ, ვითარმედ ძე არა მსგავს არს მამისაჲ? ჵ უმადლოებაჲ
Line: 10     მსგავსებასა! რომელსა ღირს იქშენ, არა მისცემ * კეთილისმყოფელსა
Line: 11     მას! და ჰგონებ, ვითარმედ რომელი-იგი მადლი მოცემულ
Line: 12     არს შენდა, დადგრ\ომილ Page of ms. B: 96V  არს იგი შენ თანა და არა აღიარებ,
Line: 13     ვითარმედ ძესა ბუნებით აქუს მსგავსებაჲ მამისაჲ!

Line: 14        არამედ მიმწუხრი გჳბრძანებს, რაჲთა დავდუმნეთ, ვინაჲთგან
Line: 15     მზე წარუვლინებიეს მას დასავალით კერძო! და აქა დავაყენოთ სიტყუაჲ
Line: 16     ჩუენი * და კმა-ვყოთ თქუმული ესე *. რამეთუ შევახეთ თქუმულსა
Line: 17     ამას, რაჲთა * აღვადგინო * შური თქუენი, ხოლო სრული
Line: 18     გამოძიებაჲ ამისთჳს * ხვალე გარდავიჴადოთ შეწევნითა სულისა
Line: 19     წმიდისაჲთა.

Line: 20        წარვედით თქუენ სიხარულით ეკლესიად, ქრისტეს მოყუარენო *!
Line: 21     და შეამკვენით მარილოვანნი იგი ტაბლა\ნი Page of ms. A: 56V   თქუენნი ჴსენებითა
Line: 22     მით * თქუმულთაჲთა ნაცვალად ყოვლისა საჭმლისა ნაყოფიერისა
Line: 23     და სანოვაგეთა მრავალთა. ჰრცხუენოდენ არიანოზთა *,
Line: 24     მართლუკუნ იქეცინ ჰურიაჲ, და მხიარულ იყავნ მორწმუნე სიტყჳსგებითა
Line: 25     ჭეშმარიტითა. და ადიდენ * უფალი, რომლისაჲ არს დიდებაჲ
Line: 26     და ძლიერებაჲ საუკუნეთა მიმართ საუკუნეთაჲსა; ამენ.

Line: 27        დიდება ღმერთსა სრულმყოფელსა ყოვლისა კეთილისასა. *


Next part


This text is part of the TITUS edition of Basilius Magnus, Hexaemeron.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.