Page of ms. Ga: 241v ძეთა ამონისთა ესრეთ თქუა უფალმან: ნუ ძენი არა არიან ისრაილსა შორის, ანუ დამპყრობელი არა არს მათ შორის? რაჲსთჳს დაიპყრა მელხომ გალაადი, და ერი მათი ქალაქთა მათთა შინა მკჳდრ არს?
ამისთჳს აჰა დღ\ენი Page of ed. 1709: 126a მოვლენ, იტყჳს უფალი, და ვასმინო რაბათსა ზედა, ძეთა ამონისთასა შფოთი ბრძოლათაჲ, და იყოს უვალად და წარსაწყმედელად და ბომონნი მათნი ცეცხლისა მიერ დაიწუედ, და დაიპყრას ისრაილმან მთავრობაჲ მისი, თქუა უფალმან.
ღაღადებდ, ესებონ, რამეთუ მოისპო ძალი გაისაჲ Page of ms. Ga: _ . ღალად-ყავთ, ასულო რაბბათისანო, მოირტყთ ძაძები და იპყრობვოდეთ და იტყებდით და რბიოდეთ ზღუდეთა ზედა, რამეთუ მელქომ ტყუებად ვალს, მლდელნი მისნი და მთავარნი მისნი ერთბამად.
რაჲ სიხარული ველთა შორის ენაკიმისთა, განკფდეს ველნი შენნი, ასულო უგლიმობისაო, მოსავობაჲ საუნჯეთა ზედა მისთა, მეტყუელი: ვინ ზედმოვიდეს ჩემ ზედა?
აჰა მე მოვიღო შიში შენ ზედა, თქუა უფალმან ძალთამან, ყოველთაგან გარემოჲს მყოფთა შენთა, და განიწესოს კაცადი პირისა კერძ[ო] თჳსისა, და არა არს, რომელმან შეკრიბოს ტყუექმნილი.
და ამის შემდგომად მოვაქ[ც]იო ტყუეობაჲ ძეთა ამმონისთაჲ, თქუა უფალმან.
Page of ms. Ga: 241r იდუმეასა ამათ იტყჳს უფალი ძალთაჲ: არღა არს მერმე სიბრძნე შორის თემანსა, წარწდმდა განზრახვაჲ გონიერთაგან, წარჴდა სიბრძნე მათი.
დაითრგუნა ადგილი მათი; დააღრმეთ თქუენდად დასაჯდომელად, მკჳდრთა დედანისათა, რამეთუ ძნელნი ქმნნა. მივავლინე მის ზედა ჟამსა შინა, რომელსა ზედ-მივჰხვდე მას.
რამეთუ მესთულენი მოვიდეს შენდა, რომელთა არა დაგიშთინონ შენ მოსაკუფხლველი, ვითარცა მპარავთა ღამესა შინა, დადვან შენ ზედა ჴელი მათი.
რამეთუ მე შთამოვამჴუ ესავი, გამოვაცხადენ დაფარულნი მათნი, დაფარვად ვერ უძლონ; წარწყმდა თესლი მისი ჴელითა ძმისა მისისაჲთა და მეზობლისაჲთა, და არა არს.
მეტყუელი დატევებასა ობლისა შენისასა, რაჲთა ცხოვნდეს, და მე ვაცხოვნო იგი, და ქურივნი შენნი ჩემდამო ესვიდ\ენ Page of ed. 1709: 126b .
რამეთუ ამათ იტყჳს უფალი: აჰა, რომელთა არა იყო შჯულ სუმად სასუმელი, მსუმელთა სუეს; და შენ, უბრალო-ქმნილი, არა უბრალო-იქმნე, რამეთუ მსუმელი სუამს.
რამეთუ თავისა მიმართ ჩემისა ვფუცე, იტყჳს უფალი, ვითარმედ უვალად და საყუედრელად და საწყევარად იყო შორის მისსა, და ყოველნი ქალაქნი მისნი იყვნენ ოჴერ უკუნისამდე.
სასმენელი მესმა უფლისაგან. და მიმთხრობელნი წარმართთა მიმართ მიავლინნა: შეკრბით და მოვედით მისსა, და არ დააცალონ ბრძოლად მის ზედა.
რამეთუ აჰა კნინღა, მიგეც Page of ms. Ga: 241v შენ წარმართთა შორის და ადჳლ საწუნველ კაცთა შორის.
ლაღობამან გულისა შენისამან დაგირწყუნა შენ ესენი, უგლიმობამან გულისა შენისამან მყოფ გქმნა ჴურელებსა კლდეთასა, შეიპყრა ძალი ბორცჳსა მაღლისაჲ, რამეთუ აღამაღლო თუ, ვითარცა არწივმან, ბუდენი, მიერ გარდმოგაგდებენ, თქუა უფალმან.
და იყოს იდუმეაჲ უვალად ყოველი თან[ა]-წარმავალი მის ზედა განჰკრთეს და დაისტჳნოს ყოველსა ზედა წყლულსა მისსა.
ვითარცა დაიქცა სოდომაჲ და გომორრაჲ და მოზღვრენი მათნი, თქუა უფალმან ყოვლისა-მპყრობელმან, არა დაჯდეს მუნ კაცი, და არ დაიმკჳდროს მუნ ძემან კაცისამან.
აჰა ვითარცა ლომი აღმოვიდეს საშუალით იორდანისაჲთ ადგიდ ეთამისა, რამეთუ მსთუად განვდევნნე იგინი მისგან, და ჭაბუკნი დაადგინენით მის ზედა. ვინ არს რჩეულ მისსა მიმართ, მე ვიხილო, რამეთუ ვინ არს, ვითარ მე? და ვინ წინა-აღმიდგეს მე? და ვინ ესრეთ მწყემსი, რომელი დადგეს წინაშე პირსა ჩემსა?
ამისთჳს ისმინეთ განზრახვაჲ უფლისაჲ, რომელი განიზრახა იდუმეასა ზედა, და გულის-სიტყუაჲ მისი, რომელი სიტყუა დამკჳდრებულთა ზედა თემანისათა, არა თუ თან[ა]-აღირაცხნენ მათსა უუნდოესნი ცხოვართანი, არა თუ უვალ იქმ\ნეს Page of ed. 1709: 127a მათ ზედა სავანე მათი.
რამეთუ ჴმისაგან დაცემულებისა მათისა შეირყა ქუეყანაჲ, და ღაღადებაჲ შენი ზღჳსა შორის მეწამულისა ისმა.
აჰა ვითარცა არწივი აღვიდეს და იხილვოს და განყარნეს ფრთენი თჳსნი სიმაგრეთა ზედა მისთა; და იყოს გული ძლიერთა იდუმეაჲსათაჲ მას დღესა შინა, ვითარცა გული დედაკაცისა მლმობიარისაჲ Page of ms. Ga: _ .
დამასკოსა: ჰრცხუენა ემათსა და არაფათსა, რამეთუ სასმენელი ბოროტი ესმაყე; განჰკრთეს ზღჳსა შორის, გულ-მწყრალ იქმნეს, განსუენებად ვერ შეუძლონ.
მოკლებულ იქმნა დამასკოჲ, მიიქცა სივლტოლად და განვარდა, ძრწოლამან შეიპყრა იგი და სალმობამან მოიცვა ვითარცა მშობი.
ვითარ არა დაუტევა ქალაქი ჩემი, დაბაჲ შეიყუარა?
ამისთჳს დაეცნენ ჭაბუკნი შენნი უბანთა შენთა ზედა და ყოველნი კაცნი შენნი მბრძოლნი დაეცნენ მას დღესა შინა, ჰრქუა უფალმან ძალთამან, ღმერთმან ისრაილისამან.
და აღვაგზნა ცეცხლი ზღუდეთა ზედა დამასკისათა, და შეჭამნეს ურაკნი ძისა ადერისნი.
კიდარს, მეფეას ეზოჲსასა, რომელი მოსრა ნაბუქოდონოსორ მეფემან ბაბილონისამან, ესრეთ თქუა უფალმან: აღდეგით და აღვედით კიდარსა ზედა, დაწყლენით ძენი კედემისნი.
კარავნი მათნი და ცხოვარნი მათნი წარიხუნენ, სამოსელნი მათნი და ყოველნი ჭურჭელნი მათნი და აქლემნი მათნი მიიყვანენ თავისა მათისად და მოუწოდეთ მათ ზედა წარწყმედასა გარემოჲს.
ივლტოდეთ ფრიად, განკერთით, დააღრმეთ შთასაჯდომელად მსხდომარეთა ეზოსა შინა, იტყჳს უფალი, რამეთუ, განიზრახა თქუენ ზედა ნაბუქოდონოსორ მეფემან ბაბილონისამან განზრახვაჲ, და ისიტყუა თქუენ ზედა გულის-სიტყუაჲ.
აღდეგით, აღვედით ნათესავსა ზედა კეთილ-მდგომსა და მყუდროსა Page of ed. 1709: 127b და მჯდომარესა განსუენებულად, იტყჳს უფალი, რომელსა არა არიან კარებ, არა ვალანებ, არა მოქლონებ, მარტონი მევანეობენ.
და იყვნენ აქლემნი მათნი სათავისო და სიმრავლე ცხოვართა მათთაჲ წარსაწყმედელ, და განუფიწლნე იგინი ყოველსა ქარსა, განრყუნილ პირნი მათნი, და ყოვლისაგან წიაღ კერძოჲსა მათისა ვყო ძლეულება მათი, თქუა უფალმან.
და იყოს ეზოჲ მათი საყოფელ სირთა და უგზო საუკუნომდე, არ დაემკჳდროს მუნ კაცი, და არ დაჯდეს მუნ ძე მიწის ნაშობისაჲ$.
Page of ms. Ga: 234v სიტყუაჲ, რომელი იქმნა უფლისა მიერ იერემიაჲს მიმართ წინაჲსწარმეტყუელისა ელამისათჳს დასაბამსა მეფობისა სედეკიაჲსსა: მეფისა იუდაჲსსა, და თქუა:
ამათ იტყჳს უფალი ძალთაჲ: აჰა ესერა შევმუსრო მშჳლდი ელამისაჲ, დასაბამი მძლავრობისა მათისაჲ.
და მოვჰხადო ელამსა ზედა ოთხთა ქართა ოთხთაგან მწუერვალთა ცისათა და განვსთესნე იგინი ყოველთა მიმართ ქართა ცისათა, და არა იყოს ნათესავი, რომელი არა მოვიდეს მუნ, განმაგარეებელნი ელამისნი.
და შიშნეულ-ვყვნე იგინი წინაშე მტერთა მათთა, რომელნი ეძიებდეს სულთა მათთასა, და მოვაწიო მათ ზედა რისხვისაებრ გულის-წყრომისა ჩემისა, იტყჳს უფალი, Page of ms. Ga: 235r და ზედმივავლინო უკუანა მათსა მახჳლი ჩემი ვიდრე მოსპოლვამდე მათდა.
და დავდვა ელამს შინა საყდარი ჩემი და წარვწყმიდო მუნით მეფე და დიდ-დიდნი, თქუა უფალმან.
და იყოს, უკუანაჲსკნელთა დღეთა ზე-მოვაქციო ტყუეობაჲ ელამისაჲ, იტყჳს უფალი.
